الملجه وين فيه؟؟؟

[كويتية أصيله]

صديقتي فاجأتني بالموضوع ......

تقول انه ملجتها بتصير عندهم بالديوانيه

استغربت ....مو العاده الملجه عند أهل الزوج؟؟؟؟

ما أدري هذا سلك كويتيين ولا لأ؟؟؟؟

بنات إللي تعرف عن هالموضوع شي تفيدني.....

بتقولون لي وأنتي شدخلج ؟؟؟؟؟؟


الصراحه أحنا حاطين عينا على أختها الصغيره حق أخوي إللي يدرس لي الحين بالجامعه....... وبشوف ليش أهم عندهم غير عنا؟؟؟؟

 

[قطوة@@]

بالنسبه للحضر الملجه تكون في بيت البنت او بصاله او فندق ..و الله ما اعرف عن طبايع البدو

 

[Make A Wish]

الملجه عاده في بيت اهل العروس المفروض

 

[MiSsY HottY]

الملجة تكون عند البنت مو البنت اللي راح يروحونلها ويخطبونها مو الريال

 

[نـعـومـه]

لااااااا

الحضر

ملجه الرياييل لما يملجون بيت الريال وحفله الحريم بيت المرا

واللي يسوي الملجه بيت المرا يمكن ظروف*

 

[اخت خالتهم]

مـادري عـادي ماشوف فيهـا شي غلط
انا ملجتي كـانت ببيت اهل ريلـي
و اختـي قبل جم سنـه ملجتهـا كـانت في بيتنـا
حسب اتفـاق الرياييـل
المهم الحفلـه وين تكـون .. مو المـلاج وين يملـج

 

[كويتية أصيله]

بالنسبه للحضر الملجه تكون في بيت البنت او بصاله او فندق ..و الله ما اعرف عن طبايع البدو

إحنا ترى حضر مو بدو بس الملجه تكووون في بيت المعرس مو العروس

 

[كويتية أصيله]

لااااااا

الحضر

ملجه الرياييل لما يملجون بيت الريال وحفله الحريم بيت المرا

واللي يسوي الملجه بيت المرا يمكن ظروف*

:rerrerek:

 

[كويتية أصيله]

الملجة تكون عند البنت مو البنت اللي راح يروحونلها ويخطبونها مو الريال

إي صح الخطبه في بيت أهلها .........بس الملجه في بيت أهل الريل

 

[حناينq8]

حبيبتي يكون اتفاق بين الاهل على مكان الملجه
العاده في بيت البنت - والرياييل يملجون في بيت الولد

ومرات اهل الولد يقولون خلوها عندنا يكونون اهم حابين ينظمون الحفله

 

[♥ SWeeRa ♥]

احنا نصنا حضر ونصبنا بدوو


اللي اعرفه الملجه ببيت اهل البنت .
يعني وقت الملجه

وحفله الملجة ببيت العرووووس




اما ببيت اهل الريال مادري ..
يمكن هم متفقين على جذي

 

[مرمر]

احنا حضر والملجة ببيت الريال واذا في حفلة يسونها ببيته

بس العرس علي العروس

 

[نيو سيدنى]

"سبحان الله وبحمده سبحان الله العظيم"

 

[كويتية أصيله]

Up up up

 

[أحبج يمه]

أحنا حضر وحفلة الملجة تكوون ببيت العرووس

 

[يآلبى ضحكتي:$$]

..آنآ حضريه آلملجه على آلريآل وآلعرس على آلبنت =)

​

 

[يآلبى ضحكتي:$$]

احنا حضر والملجة ببيت الريال واذا في حفلة يسونها ببيته

بس العرس علي العروس

صح نفسنآ =)

 

[Arwatiii]

احنا حضر والملجة ببيت الريال واذا في حفلة يسونها ببيته

بس العرس علي العروس

نفس كلام الاخت هذا الي احنا نسويه

 

[++صدفة++]

إحنا الملجة تصير ببيت أهل البنت ... مو حلو أهل البنت يروحون بيت الريال عشان يملج على بنتهم

 

[Blonde B]

انا ملجتي في بيتنا يعني ببيت العروس
لانهم يايون يخطبوني والملجه تكون عندنا
يعني احنا حضر جذيه