المطلقة اللي تزوجت مرة ثانية واللي تزوجت مطلق حياكم ......

[حلمي وامالي]

مشكورين

 

[امـ خــزامـى]

الموضوع حساس وصعب شوي

لابد من المقارنات بس المفروض ماتتمادين فيها وتتناسينها
عشان الشي لازاد عن حده ينقلب ضده
والسنين بتنسيكم ان شاءالله


الله يوفقكم ويسخرلكم ويهنيكم

 

[حلمي وامالي]

.......................

 

[سعادة قلبي وياه]

انا كذلك كنت مطلقه وتزوجت اعزب وحياتي ربي لك الحمد والشكر ولا احــلى اشكر ربي على هالنعمة اللي انعمها علي
فعلا المظلومة الله يعوضها خـــيـر

 

[.. روحي تحبه ..]

انا كذلك كنت مطلقه وتزوجت اعزب وحياتي ربي لك الحمد والشكر ولا احــلى اشكر ربي على هالنعمة اللي انعمها علي
فعلا المظلومة الله يعوضها خـــيـر

..

ماشاءالله تبارك الرحمن ..

ربي يوفقج ويزيدج من خيره ..

أنا مطلقة وخطبني أعزب بس ترددت كثيييييير ..

أحس صعبة آخذ واحد ماتزوج من قبل مع إنه الكل كان يشجعني بس المشكلة فيني

مابي أحسن بنقص جدامه والكل لامني أصلا بس الحمدلله خيييرة من ربي ..

وبالنسبة للموضوع أنا لي الحين ما تزوجت بس مستصعبة المسألة مع إنه فترة زواجي كانت قصيرة جداا ..

صحيح أتمنى أتزوج وأعيش حياتي من جديد ،،بس يبقى فيه شي بداخلنا صعب تفسيره

الله يرزقنا أزواج صالحة وذرية صالحة ويكتب لنا الخير والحياة الحلوة وينسينا إلي عشناه يااااارب ..

..

 

[حبيبي مالكني]

المقارنة مرفوضة من الطرفين
عشان يرتاحون بعلاقتهم اليديدة
لا يقارنون

 

[كيوت للابد]

انا متزوجه مطلق وعنده ولد انا كنت دايما اساله عنها فضوول يقول انتي عكسها بكل شي والحمدلله على كل حال كافي طريقتج معاه وطريقته معاج رح يبين اذا يفكر بغيرج

 

[حلمي وامالي]

مشكورين

 

[black rose BH]

بنات
انا منفصله من ملجه
صارلي سنه والحين عمري ٢١
ويوني اثنين يس ماوافقت
خواتي خايفه اني اتزوج و ارد انفصل ومايصير عندي فرصه
كل خايفه من هالشي
اييكم هالاحساس ؟

 

[haya20]

بنات
انا منفصله من ملجه
صارلي سنه والحين عمري 21
ويوني اثنين يس ماوافقت
خواتي خايفه اني اتزوج و ارد انفصل ومايصير عندي فرصه
كل خايفه من هالشي
اييكم هالاحساس ؟

انا احس جذي مع ان يخطبوني عزاب وماعليهم قاصر بس تعقدت حيل صار عمري 23 وللحيني خايفه

 

[بحر الرمال]

انا ماخذه مطلق اهو زين مقارنه بالاول بس مقارنه باللي اشوف الرياييل الثانين يسونه حق حريمهم احسه عادي يمشي حاله و في امور موعاجبتني فيه
نصيحه عن تجربه اللي تاخذ مطلق لااااازم تكون حذره لان مافي مره مني والطريج تتطلق من ريلها فاذا الوحده ياها مطلق لاتنخدع ترا لو فيه خير ماعافه الطير و طبعا لكل قاعده استثناء ما اعمم عالكل بس ادعو للحذر

 

[أم عموره]

الله يوفقكم جميعا ويعوض الجميع باالافضل يارب

 

[أم عموره]

زوجي كل شوي يهددني بالطلاق مليت بس المشكلة عندي ولد عمره 3 سنوات ونص وبنتي حاليا 10 شهور يقول تكبر شوي ويطلق

 

[أم عموره]

يابنات انا متزوجة من 6 سنوات تقريبا زوجي طيب لكن المشكلة ماني قادرة أحبه كزوج أو حبيب أحبه كصديق أو أخ صبرت قلت مع الأيام لما شفت طيبته وتضحياته عشاني حبيته بس الحين تغير غصب عني يمكن بسبب العلاقة والله موضوع العلاقة بس لأنه واجب مااكون مستمتعة معاه هو لبسه واحد دايماً فنيلة وسروال في البيت أقصد ولو خرج ثوب نفس اللون ونفس التفصيل حاولت اقول له يغير مو راضي اهذا غير الكرش الكبيرة مو مهتم بمظهره وانا اش اسوي قلبي يحترق كل يوم كيف زوجي كذا حاولت بالتلميح والتصربح بس بدون فايدة المهم طنشت هذا الموضوع وطبيعي حكون مو مبسوطة وأحيانا غصب عني أتعصب وانا أجمل منه هو يحب موضوع العلاقة وانا بالقوة اقدر أكمل معاه حياتي معاه تعب جدا الي خلاني أوافق عليه أنه متدين وخلوق ومتعلم بس هذا والله مافي مميزات لا مال ولا نسب ولا جمال هو عادي جدا وانا مو غرور بس وضع أهلي أفضل والله انا مو شايفة نفسي بس اوصف لكم يعني اني مااهتميت بهذه المواضيع كان أكبر هدف عندي أن أتزوج واحد متفاهم وأكمل دراستي انا طموحة الحمدلله بس طبعا الزواج مو بس دراسة فيه مسؤوليات وحب افتقد هذا الحب امي الله يحفظها ويسعدها ويهديها كان نفسها أتزوج وحبيت اسعدها والله ماوفقت على زوجي إلا إرضاء لله ولوالدي ومتاكدة أن ربي حيعوضني كيف ومتى هذا مااعرفه بس عندي يقين داخلي وحسن ظن بالله الكريم .

 

[أم عموره]

الله يكتب للجميع كل خير وسعادة

 

[أم عموره]

والله انا مابغى الطلاق بس لو حصل منه هو اكيد يكون في حزن بس في نفس الوقت مو مرا لأن كان هذا وضعي معاه وهو الفترة الأخيرة صار سيء معايا ويلعن اول ماكان كذا هو بسبب موضوع العلاقة بس اش أسوي هوا مايجذبني غصب عني لاتقولوا حاولي والله ي بنات لما يوم الشوفة أعجبني كان شكله حلو حتى امي قالت وبعدين كأنه مو هو لما رحت ملكت شفته انقبض صدري وأهلي لو كلمتهم مستحيل يبطلوا والله الغلط من امي الله يسامحها كانت محسستني اني كبرت ولازم أتزوج مع اني لما تزوجت كان عمري 23 فوافقت مع اني كنت مو مقتنعة مرا والحمدلله على كل حال

 

[اختكم نونا]

والله انا مابغى الطلاق بس لو حصل منه هو اكيد يكون في حزن بس في نفس الوقت مو مرا لأن كان هذا وضعي معاه وهو الفترة الأخيرة صار سيء معايا ويلعن اول ماكان كذا هو بسبب موضوع العلاقة بس اش أسوي هوا مايجذبني غصب عني لاتقولوا حاولي والله ي بنات لما يوم الشوفة أعجبني كان شكله حلو حتى امي قالت وبعدين كأنه مو هو لما رحت ملكت شفته انقبض صدري وأهلي لو كلمتهم مستحيل يبطلوا والله الغلط من امي الله يسامحها كانت محسستني اني كبرت ولازم أتزوج مع اني لما تزوجت كان عمري 23 فوافقت مع اني كنت مو مقتنعة مرا والحمدلله على كل حال

والله كلامج خلاني ارد عليج

الحياه الزوجيه بايدج تخلينها جنتج وبايدج تخلينها نارج

لازم تعرفين انه هذا زوجج وشنو مكانه الزوج وشنو جزاج اذا صبرتي عليه واذا بتطلبين الطلاق لازم سبب قوي يخليج ماتكملين حياتج وياه اذا تبين ترتاحين بحياتج دايما حطي حياتج باطار بروح لا تقارنين باحد واذا شفتي وحده عندها شي احسن منج قولي حق نفسج الله كاتبلها هالشي عليها بالعافيه والله يرزقنا
وترا زوجج مايسب ويلعن الا شايف منج قصور لا تتوقعين انه بيعذرج لانه الغايه بالزواج يستر نفسه وانتي قاعده تمنعينه من العلاقه

اذا صلح الفراش صلح كل شي بحياتج محد ينكر انه هالشي رقم واحد بالنسبه للرجل لا تقولين انا اطبخ واربي عيالي اهم شي بنظره هالشي بعدين ينظر لباجي الاشياء
حبي روحج كانثى كشخي والبسي احلا لبس تبين انوثتج واغراءات وراح يرتاح وياج وتشوفين الفرق بالتعامل انتي ابدي عشان يكمل وياج

ودايما ادعي يا رب سخر لي زوجي دايما

 

[لولو نبيل على]

ما رايكم بموقع هذا المحامى
ظ…ظƒطھط¨ ظ…ط­ط§ظ…ط§ط© ط¨ط§ظ„ط±ظٹط§ط¶ – ظٹط¶ظ… ظ…ظƒطھط¨ طھط±ظƒظٹ ظ…ط­ظ…ط¯ ط§ظ„طھظ…ظٹظ…ظٹ ط£ظپط¶ظ„ ظ†ط®ط¨ط© ظ…ظ† ظ…ط­ط§ظ…ظٹظٹظ† ط§ظ„ط±ظٹط§ط¶