المصخرة الي صايرة بالعروس/؛

[VET-Nour]

السلام عليكم


بدش بالموضوع ع طول


شغله قاعديين يسوونها الحين

وانتشر فيديوات شكثر !

العروس الي ترقص مع ماجد المهندس و زوجها راضي ؟؟؟
المعرس والعروس الي يرقصون رقصة البطريق/: !!!!!


شفتو الفيديوات؟؟

شلون زوجها راضي ترقص عند *مغني* و يمسك ايدها؟؟؟ماكو غيرة على زوجته لهالدرجه؟؟
وواااضضضح حيييل انه *مخرفنها* ;p

و معرس وعروس يرقصون *رقصة البطريق* كويتييين ... مو الاجانب
من متى العروس ترقص جذي ويمسك ايدها غريب؟؟؟

جد مسخرة


اوكي عليهم بالعافيه والله يهنيهم مع بعض بسس !!!

جد وضعهم مو طبيعي .. يستانسون مع بعض بس مو جذي جدام الناس

مدري من قايلهم انهم قاعدين بارب قوت تالنت و لازم يعرضون مواهبهم/::


وقفووو هالسالفة عيب .. اخر شيء نصير نفس *الفيديو الي يرقصون 12 دقيقة هندي و شرقي و اجنبي وخبال واجد الله لا يبلانا*


يعني فشلة عروس ومفيش حيا ترقص بهالشكل ! و معرس هيبة وبشت و اخر شيء يناقزون اثنينهم/:



و حلاته الوحده تحس انه رجلها فيه رجوله مو يترقص جدام الناس/؛ بس باقي يلبس لبس رقاصة يهز و يقحص بالصاله/:

الي مفكرين يسوننها .. تخيلو تمشون بالسوق و يقولون * اوووه هاذي الي رقص زوجها ورقصها جدام الكويت كلها بعرسهم *

فشلة صح؟؟

ويدش ديوانية ويقولون هاه شلون رقص زوجتك؟

هم فشلة صح؟؟


فكرووو قبل تسوون شغله

مو تمسخرون نفسكم

لانه بهالشيء هال*ازواج* مسخرو نفسهم جدام الناس وصارو جنهم *ارقوز* عشان يضحكون الناس عليهم





سوري هالمرة موضوعي حيل جد بس ماعندي وقت و بس كنت بقول شغله مو حلوه و بنبهكم منها ؛)

والله يوفقكم كلكم ان شا الله

 

[MRS.coupe]

حددده صاير الوضع مسخرة
ما جنه احنا عرب و مسلمين
مافي غارية لا على بناتهم ولا على اعراضهم

 

[حصة2010]

هذاا دخيل على المجتمع الكويتى نقص فى الدين

 

[غـلآوي ّ ~]

إيه وصلوني كلهٌم خصوصآ آللي ترقص مع ماجد المهندس المصور رجال و تصوير و دنيآ ماحسسهآآ عروس شلون ترقص ، الله يعينهٌم و يستر عليهٌم

 

[هدوووشه]

الله يهديهم بعض الناس مع الفرحة تنسى نفسها

 

[غآب نورك ~]

هههههههههههههههههههههههه اتخيلت انه ريلي رقص معااااي والله بياكلون ويهي العالم ........

بصراحه صادقه ماعاد فيه حيااا ولا غاريه ابددد

عموماا الانفتااااح دخل علينا بشكل سريع ومفاجأ وغسل مخخوخ العالم اللي هاابين يقلدون الغرب

والله يستر عليناااااا

 

[oshi_q88]

ولا بعععد العرس صصآر خلييطي رجال وحريم
الحممدلله آحنآ بدون تكوون العرووس حييييييييل مستحيه ونادر يدخل الرجال

 

[حقوقية 2011]

انا معاج بفيديو ماجد المهندس و اتوقع البنيه سفور
و حتى لو كانت سفور المفروض تتغطى و ما تمسك ايده و ترقص جدامه !!! عييييييب
و الفيديو الثاني مالت رقصة البطريق
عادي ما فيها شي يمكن ماخذين بعض عن حب عشان جذي فالينها بس ودي اعرف شلون انتشر !!! مو معقولة الريال او المرة تقول صورونا و احنا نرقص هالرقصة و نشروه !!
و فيديو ماجد المهندس مبين التصوير خشاشي

 

[سمآآ]

أنـ♡ـا أقول ياشين السرج علي البقر



موحلوة كلش هالشغلات بعروس الكويت


حلات العروس يدزونها حريم وماتكشف. إلا علي زوجها بس



اما علي. رجال غريب والله هذا الحرام بعينه



مشكورة أختي علي طرحج الممميز

وجعله شاهد لك لا عليك


من رأء منكر فليغير اما بلسانة او بعينة او بقلبه

 

[Amwajq8]

كلامج صحيح وعدل بس صراحه ماحسيتهم كويتين
خصوصا الفيديو الي مع راغب علامه وعروس ومعرس يرقصون على اغاني راغب صج صج مسخره

 

[ضــمــاد]

انا معاچ ، وأنا ضد هالشي ،،، بس حبيت أبين شي


( العرچ دساس )


اعرف وحده يدتها ام أبوها مصريه ، ويوم صار عرس هالبنت ارقصت شوي

مع أنها كويتيه وزوجها كويتي ومن عايله معروفه ، وفوق هذا ارقصت ( ف أهني اقولچ العرچ دساس )

اتشوفين البنت فيها عرچ من هالدول العربيه اللي العروس لازم ترقص في عرسها

 

[$قطوه$]

خل يرقصون بغرفه النوم شنو المانع هههه

 

[الأوركيد~]

الله يهديهم و يهدينا

 

[sokat]

كل هذا بسبت اللي يدخلون تلفوناتهم .. مجتمعكم فري خلاص انتوا ومعازيمكم تنيازون مو شرط الناس تشوف وتنفضحون

 

[أدعج غنج]

والله موضوعج في محله .قمة المصخره ..بذمتكم اللي عرسهم جذي ..لا غاريه!! ولا دين !!ولا حياء !!
وين تبينه يتبارك وتحل عليهم البركه والسعادة ....
خلوا عرسكم وبدايتكم بما يرضي الله على شان السعادة والتوفيج يكون حليف هالزواج ...
الرجل وهو صج رجل مايرضى لمرته هالمصخرره هالدور هو يرقصها بعد!!
روحو غرفتكم رقصوا لي الفجر مافيها شي

الله يصلح الجميع ولا يبلانا يا رب
​

 

[&موناليزا&]

الله المستعااااااااااااان



نتشرف باضافتكم على الانستغرام (أكاونت ممتع ومفيد ونصائح جمالية وصحية )
@monalezaa__ku​

 

[دلولتك]

في اشياء وايد مصخره صايره عيب والله وين قاعدين احنا
لهدرجه صارت هالاشياء عاديه عندنا
وفي فيديو انتشر بعد العروس اللي ترقص على اغنيه انجليزيه وتبي تقط المسكه
الله يستر علينا بسس

 

[Dr.rooz]

اي حده الوضع صاير مصخره !
والله لو انا رجال و زوجتي ترقص عند ماجد و ربي م تبقى على ذمتي و لا البطريق حده حده مصخروا نفسهم !

 

[Dr.rooz]

الله يستر علينا و عليهم بس

 

[مدّهره !]

الله يهديهم الحيااء نعمممممه .’,