المجلس الوطني للثقافه والفنون والاداب

[meen_ana]

لون مجلس الامه مقدمه على شي مو تخصصج يعني بواسطه ولا شنو

 

[derwaza]

up

عيزت وانا ارفع بالموضوع

 

[derwaza]

هلا والله دروازه آنا دبلوم سياحه ومناسبات..
يعني بالمكان المناسب لووووول.

صج ترى وااايد بدعوا طولوووووو وآنا محتاره بالمكان رفيجتي تشتغل هناك تقول المتحف حلو شغلهم بس المدير مالهم مو شي وتقول رفيجتها تشتغل بالمجلس المبنى الرئيسي نفسه..

مادري محتااااااااااره آنا قدمت أوراقي وناطره يتصلون حق المقابله عاد مادري رفيجتي تقول يمكن اسبوعين بالكثير 3 اسابيع آنا صارلي 3 أسابيع من موديه أ؟وراقي وليلحيين ماكو شي.. واليوم اتصلت عليهم محد يرد البداله ماترد..

أنتي من أي دفعه اللي مرشحينج اللي توه ولا متى ؟؟ آنا على شهر 4 طلع قبولي بس مارحت على طول قدمت..


وآنا عندي كتاب حق البلديه موافقييين علي بس ماراجعتهم وناطره المجلس الوطنيي يتصلون وهم مقدمه على مجلس الأمه واتصلوا حق الأمتحان والمقابله بس ليلحيين ماأتصلوا إذ يبوني أو لا.

عاد معاشاتهم حلوه بس غَيرت رايي على الوظيفه لأن مفتش خدمات عامه وآنا مو تخصصي ولا مؤهلي. عاد غذا أتصلوا بفكر بس قاعده أقول يمكن مايبوني عشان جذي ماني مفكره أبي المجلس الوطني لن تخصصي ومكاني ويبوني..


لووووووووووووووووووووووووووووول سوووري سوووووري قرقت وااااايد وقلت قصة حياتي..

وتقبلي مروووري.

انشالله يتصلون فيج حبيبتي
انا ناطره لي هالاسبوع
اذا ما دقوا بروح لهم

 

[المكسيكيه]

فووووووووق

 

[قدساويه!!]

اب اب اب

 

[شقردية ذهبية]

لون مجلس الامه مقدمه على شي مو تخصصج يعني بواسطه ولا شنو

أختي مين أنا آنا مقدمه على المجلس أنه ممكن يحطوني علاقات عامه بس وصاب حظي عادي خذوني وأتصلوا علي بس أنه الوظيفه مفتش خدمات عامه هذا مو من ظمن تخصصي وبس عادي لن محد مقدم على هالوظيفه غيري بس أنه إذا أقبلوني ممكن آنا ارفضهم لأن مابي هالوظييييييييفه مع أنه معاشهم روعه والبونص حلوبس هم مو من ظمن اللي كنت حاطته أبالي عاد بس خلاص هونت.. والله يكتبلي اللي فيه الخير في أي وظييييييييفه.




ودروازه أذا رحتي عفيه سأليهم متى بتبلشون إتضالات لأن ملينا وحنا ننطر وعفيا قوليلي لأن شكله بس آنا وياج اللي بالمنتدى قابلينا وماكو بنات بالمنتدى يشتغلون هناااك ولا شنو ؟؟

شالحظ!!!!!!!!!!!

 

[MISS.D&G]

شقردية شلون طريقة التقديم حق مجلس الامة خل اقدم
شسوي بعد ماكو مكان ما قدمت عليه ..

 

[شقردية ذهبية]

هلا والله مس د&جي شوفي آنا قدمت وقت الإعلان هو خالص من زماان منزليين الإعلان ..

أنتي شنو تخصصج وجم نسبتج؟؟

لأن يقولون شديدييين حق هالشيا وحاطيين شروط تعجيزيه حق التقدييم بس الحمد لله عديتهم على خير بس طلعت الوظيفه مو شي مو مناسبتلي ..

ومن شروطهم انج مو من زمان متخرجه أقل شي 2007 و لازم نسبتج جيدجدا وفوق ولازم عمرج مو أكثر من 30 وهالسوالف يعني حددده تعجيزيه أول ما النسبه التقديييييييييير..

 

[MISS.D&G]

وي انا خريجة 2006 و المعدل يفشل 2.36 لوووووول
و تخصصي اداب تاريخ و جغرافيا .. يعني احفظ ماي ويهي و ما اقدم احسن لوووووول !!

 

[tolay]

شقرديه وصاحبه الموضوع

انتو حطيتوه من رغباتكم ؟؟؟ ولا قبلوكم جذي ؟؟

ووين مكانه اي منطقه ؟.

اي والله اللي تعرف عنه شي تقولنا

 

[MISS.D&G]

فوووووووووق

 

[Laymo0ona]

انا اعرف وحده كانت تشتغل هناك بس من زمان الحين تقاعدت صارلها 5 سنين ,, كانت تشتغل بالمتحف اللي عالبحر اللي فيه القبة ,, مره رحتلها مكانها حده كئيب بس مادري عن المعاشات اتوقع نفس باجي الوزارات عادية,, طبعا هذا الحجي من 5 سنين تقريبا الحين مادري اذا تغيروا او لأ

 

[derwaza]

مشكوووووره حبيبتي على المعلومه
واللي عندها اي معلومات ثانيه تتفضل

 

[derwaza]

up up up

 

[شقردية ذهبية]

لووووول تولاي آنا ما قدمت على المكان هم الديوان مرشحيني وبالأساس أهم يبون تخصصنا لأن وااايد مناشب حق المكان بس بدعوووووووووو ليلحيين ماكو شي يديد بصيرلنا شهر ونص وليلحيين ما اتصلوا حق المقابله..

دروازه أخيتي شصار عليج أتصلوا ولا لأ؟؟

آنا كل يوم أتصل محد يرد مع العلم آنا ماخذته من رفيجتي اللي تشتغل بالمتحف تابع المجلس وتقول ماتعرف الإداره بالضبط.. ها رحتيلهم وسألتي؟؟

مادري ليش أحساس أنهم دقوا عليج حق المقابله ولاهيه شكلج..

إذا ماتبين تردين بالموضوع عاادي أشتقبل عالخاص عشان نتواصل اكثر..
وتقبلي مرووووري.

 

[عنيّد]

صباح الخير

ها بنات بعد مرور خمس اشهر ، صارت عندكم فكره عن رواتبهم ؟

يالله فيدونا مابي اروح واتوهق

 

[Media]

انا موظفة بالمجلس الوطني للثقافة والفنون والاداب

مكانه واايد حلو

وبالنسبة للرواتب عادية مثل رواتب اي جهه حكومية

وما عندنا كادر بس ناخذ مكافآت على اللجان الي يحطوننا فيها حق المهرجانات

وبالنسبة للادارات

راح احاول اعددها لكم

اولا : ادارة الشؤؤن الادارية

ثانيا : ادارة الشؤون المالية

ثالثا : ادارة الثقافة والفنون

رابعا : ادارة الفنون التشطيلية

خامسا : ادارة البحوث والدراسات

سادسا : ادارة النشر والتوزيع

سابعا : أدارة الاتصال والاعلام

ثامنا : ادارة مكتب الامين العام

وهالادارات كلها الي فوق موجودة بالمبنى الرئيسي للمجلس بمنطقة الصوابر مقابل وزارة الداخلية

ونكمل

تاسعا : مراقبة ثقافة الطفل

عاشرا : مكتبة عبد العزيز حسين

حادي عشر : ادارة الموسيقى والتراث الشعبي

والادارات الثلاث موجودين بمركز عبد العزيز حسين الثقافي في منطقة مشرف بجانب مستوصف مشرف

ونكمل

ثاني عشر : ادارة المسرح ولها عدة اماكن منها : مسرح الدسمه + مسرح الشامية + مسرح التحرير بكيفان

ثالث عشر : أدارة معارض الكتب ومكانها بمنطقه الشعب

رابع عشر : مراقبة التراث العربي ( بس مادري باي منطقة بالضبط سوري يعني :eh_s(7)

خامس عشر : مكتبة الكويت الوطنية ومبناها الحالي القديم موجود في شرق في وسط السوق مقابل مطعم العقل

ولها مبنى حاليا قيد البناء على البحر

سادس عشر : ادارة الاثار والمتاحف ولها اكثر من مقر منها متحف الكويت الوطني بجانب مجلس الامة

ومقرهم الثاني متحف شهداء القرين في منطقة القرين ومتحق التراث البحري مقابل سوق شرق


وهذه الادارات الي موجوده بالمجلس والله يوفق المقبولين فيه ترى وااايد الشغل فيه حلو يعني مو روتيني​

 

[عنيّد]

Media ،، يزاج الله خير حبوبه على هالمعلومات ، احس هالايام الواحد يموت عشان يحصل معلومه ، لانه البعض يخاف من العين والبعض الثاني مايبي احد نفسه ! الله يكفينا
طيب ماعليج امر بثقل عليج بطلبي ، بغيت اعرف شنو وظيفة المهندس المعماري عندكم ؟ وين يحذفونه ؟
واذا تقدرين تعرفين جم راتبه يكون احسن واحسن ، لانه وحده من البنات ماقصرت وقالتلي عن الراتب ، بس صراحه ماني مقتنعه فيه لانه اقل من باقي الوزارات !!! بالذات ان نزل كادر المهندسين هالسنه ، فبغيت اتاكد

ومشكوره مقدما