انا قاريه هالمعلومة من قبل
واحنا بيتنا فيه خدم واتوقع مافيه بيت بالكويت مافيه خدم الحين حتى الوافدين يجونا يخربون بديرتهم يعتمدون على نفسهم
بس رايي الشخصي انه الخدم عند الحاجه اذا البيت كبير او فيه جهال بس معاريس شنو يبون بالخدامه غير انها تصير عاله عليهم .. وحده من اهلنا اول ماتزوجت جابت شغالة ومالله رزقها بعيال لها سنتين الحين وهي عند حموله الكل يقول شنو تبي بالشغالة اذا اكلها مع حمولتها يعني ماتطبخ لها وشنو عندهم من شغل لها هي وزوجها يعني شنو تبدل لهم وتسبحهم مثلا :eh_s(22):
انا اقول حلو الوحده تعتمد على نفسها وتدير بيتها ومهما يكون الخدم صح لهم ايجابيات بس لهم سلبيات اكثر ومالهم أمان والله لو اقدر جان امنع الشغالات من بيتنا احسها مو ضرورة ومشاكلهم والله شكثر يكسرون ويخربون ومهما يكون ولاءهم مو للبيت يبيلهم احد على راسهم ولو بنجي للشرع النبي عليه الصلاة والسلام كان يخيط ثوبه ويخصف نعله ولو يبي يحط خدم له مو صعبة
عموما الخدم شي حديث علينا مع الطفرة اللي صارت ولو لا سمح الله يصير شي باقتصادنا ولا يطيح سعر البترول لاي سبب كان هالاسيوين اللي حاطينهم خدم عندنا يشتغلون ليل نهار ماراح نحصلهم بنضطر نعتمد على نفسنا
انا ماقول اني ضد الخدم بس اقول للحاجه وبحدود المعقول ومايكون اعتماد كلي عليهم الخدامه تنظف وتربي وتطبخ وتغسل وفيه بيوت عدد الخدم فيها اكثر من عدد افراد الأسرة جذي شلون بيربون عيالهم ويعلمونهم يعتمدون على نفسهم .. واعرف حريم تقول انا لو شنو ماقدر استغني عن الشغالة ولما سافرت اوروبا بدون شغالة اعتمدت على نفسها فترة طويلة مو سبوع ولا سبوعين طيب شنو يفرق يعني اذا سافرنا نقدر نعتمد على نفسنا وكل شي نسوي وبديرتنا وببيوتنا مانسوي ولا شي نجيب ناس من ديار ثانية يخدمونا ؟ ياليتنا بس ناخذ من الغرب قدوة بهالشغلات مو بس التفصخ والموضة
