اللي قدمو للهيئه العامة للصناعة

[Stay alive]

نصيحه من اخت ؛
كملي اجراءاتج واذا انقبلتي انتي وحظج تخيري بين وضيفتج وبين الهيئه ترى ماتتعوض آنا موحاصلي:eh_s(11): فابي الخير حق غيري وموفقه

كنت أقول نفسج بس شلون بطلع من دوامي عشان اقدم الاختبار ماقدر استئذان لانه الاحمدي وايد بعيد ماراح يكفيني 3 ساعات

ولا اقدر عالاجازات توني مباشره ماعندي رصيد

وفرضا قبلوني ونجحت بالامتحان شلون بنتقل من وزاره لي وزاره يقولون صعب !!

فـ شكلها راحت علي وان شاء الله ربي يعوضني بوظيفتي وتكون احسن منها

وتسلمين ياقلبي والله يكتبلج الخير وين ماكنتي

 

[xxxx7]

كنت أقول نفسج بس شلون بطلع من دوامي عشان اقدم الاختبار ماقدر استئذان لانه الاحمدي وايد بعيد ماراح يكفيني 3 ساعات

ولا اقدر عالاجازات توني مباشره ماعندي رصيد

وفرضا قبلوني ونجحت بالامتحان شلون بنتقل من وزاره لي وزاره يقولون صعب !!

فـ شكلها راحت علي وان شاء الله ربي يعوضني بوظيفتي وتكون احسن منها

وتسلمين ياقلبي والله يكتبلج الخير وين ماكنتي

حاولي تاخذين طبيه او استأذني من مسئولج ولا زرقي وردي ومجد يدري عنج دوام الحكومه بطيييييييييييييييخ كل الناس جذي روحي جربي مو خسرانه اذا ماتبين اللله يهنيج بمكانج

 

[[المهندسة]]

اختي هيئه الصناعة مو وزاره اللي اعرفه يعتبر هيئة بروحها خاص

 

[مهناز]

بنات اذا اهي خاص يعني الدوام فيها مو مضمون بأي وقت يفنشونا ونطيح على صخر ؟؟

 

[روحي تحب]

كنت أقول نفسج بس شلون بطلع من دوامي عشان اقدم الاختبار ماقدر استئذان لانه الاحمدي وايد بعيد ماراح يكفيني 3 ساعات

ولا اقدر عالاجازات توني مباشره ماعندي رصيد

وفرضا قبلوني ونجحت بالامتحان شلون بنتقل من وزاره لي وزاره يقولون صعب !!

فـ شكلها راحت علي وان شاء الله ربي يعوضني بوظيفتي وتكون احسن منها

وتسلمين ياقلبي والله يكتبلج الخير وين ماكنتي

صح كلام الاختx7
لأ يحياتي اهي هيئه قوانينها قوانين ديوان الخدمه بس وتقدرين بعد ما تنقبلين تقمين استقالتج شوفي مصلحتج لان وحده كتبت نفس طريقتج بالمنتدى طلعت من الصحه وراحت الهيئه يارب يوفقج موالكل يحصل له وشوفي الامتيازات آنا هم اشتغل بوزاره واذا صارلي بسوي نفسج

 

[Stay alive]

بس بنات انا حاليا بالهيئه العامه للزراعه والثروه السمكيه يعني اظن ماراح تفرق وايد هيئة الصناعه عنها ؟؟

والموظفات شويه والمسئول عارفهم وحده وحده وانا حاليا تحت التدريب لمدة سنه فـ العين علي صعب اروح منيه ولا مناك

لو هالامتحان مجدم اسبوع جان قدمته بس شعقبه تحدد ويا بداية مباشرتي للشغل

وتسلمون حبايبي على النصايح الطيبه وعسى ربي يوفقكم ويعطيكم على قد نياتكم

 

[Stay alive]

ومادري شنو تشوفون الاحسن الهيئه العامه للزراعه ولا الهيئه العامه للصناعه ؟؟

بالعربي تسوى علي ولا لا

 

[روحي تحب]

حياتي صريحه انتي قارني بينهم آنا ماعندي فكره عن الثروه السمكيه بس بقولج مواصفات الهيئه العامه والله تسوى دوامهم من 8 الى 2 مافي وبعض الادارات يطلعون 12 مافي مراجعين مكانهم وايد راقي وهادئ وفيه بالنسبه لتخصص الاعلام اعتقد يقولون اداره يديده مثل العلاقات العامه كادرهم 300 وبونصهم قوي بس مااذكره بضبط اسالج شوفي واستخيري وعادي كلنا توضفنا ومن اولها استاذنا تصير ظروف للواحد عادي حاولي بس لاتطوفين الاختبار ويكون عندج وقت تقارنين:bbbiu: وتقررين لومومرغوبه ماشفتي طق عصي عليها والتوظيف بالواسطه وموفقه فكري عدل

 

[[المهندسة]]

حبيبتي اذا مرتاحه بشغلج خلج وشدعوة الحين بيقبلون بالصناعه اللي سمعته لازم واسطات فلاتتاملين وايد انه اذا قدمتي عالامتحان راح تنقبلين

لان وايد ردوهم ولاتزهبين الدوه قبل الفلعه انا احس ان حتى لو قدمتي ماراح ياخذون وبتقعدين على شغلج بس انشالله اللي فيه خيره لج يصير

وبالنهاية كل شي رزق من الله بس حطي ببالج ان وظيفتج اهي الاهم الحين لانها اهي المضمونه ماتشوفينا بالصناعه ناطرين من متى وانشالله
بس هالنطره تكون لها فايده يارب ونتوظف فيها مثل اللي مثلي سنتين من غير شغل

 

[مسك الغلا]

حبايبي الله يوفقكم و يكتب لكم اللي فيه الخير

 

[مهناز]

صح كلام الاختx7
لأ يحياتي اهي هيئه قوانينها قوانين ديوان الخدمه بس وتقدرين بعد ما تنقبلين تقمين استقالتج شوفي مصلحتج لان وحده كتبت نفس طريقتج بالمنتدى طلعت من الصحه وراحت الهيئه يارب يوفقج موالكل يحصل له وشوفي الامتيازات آنا هم اشتغل بوزاره واذا صارلي بسوي نفسج

اقول حبيبتي اللي تشتغل مثلا ً الحين بوزاره و قبلوها مثلاً الهيئة العامه للصناعه اول شي تقدم استقالتها زين وبعدين لازم تسوي فحص طبي مره ثانيه حق الصناعه ؟؟

 

[Stay alive]

تسلموووون خواتي على وقفتكم معاي والله يووفقكم كلكم ياااااااارب

انا بفكر واشوف ويمكن اقدمه اذا قدرت
لانه حتى دوامي مو مبين لي الحين اذا مرتاحتله او لا

بستخير واشوف

بس هم سؤالي نفس مهناز هل بعد تقديم الاستقاله فيه فحص طبي وجذي ؟؟

 

[q8palooma]

uupp

 

[q8palooma]

upppp

 

[روحي تحب]

شوفي حبوبه آنا ماعندي فكره عن التفاصيل بس ما اعتقد و:ssssso:. مااعرف احط الرابط اللي يخليج تقدرين تشوفين مشاركة العظوه إلي تقول عن وحده داومت بالهيئه تالي قدمت استقالتها بوزارة الصحه تقدر تفيدج آنا شفتها لاني ادور بالمواضيع القديمه كل شئ يخص الهيئه واللي عرفته وايد بنات موظفات بالوزارات مقدمين يعني الشغله عاديه وبعد في عضوات يداومون بالهيئه مايقصرون حبوبات لو طرشتي رساله لها عالخاص تقدر تساعدج وتسالج الحمد لله بنات المنتدى وايد حبوبات وكل وحده تحاول تساعد الثانيه باللي تقدر عليه .
ابيييييييييه قرقت وايد سامحوني وآنا طبعا لوحاصلي جان قدمت صارلي سنتين انطر بس اصدموني من شروطهم مايبون اللي شهادتهم قبل 2004 فناطره الله يفرجها وحابه اساعد اي احد علشان الله يسخرلي احد يساعدني يوم اللي احتاج احد من بعده سبحانه وتعالي وموفقين يارب:yaaaaaarb:

 

[Stay alive]

تسلمين ياقلبي والله يوفقج يارب ويعطيج على قد نيتج الطيبه ويرزقج بالوظيفه السنعه اللي تعوضج عن طول هالنطره وترتاحين فيها ياااارب

وانا بعد بشوف البنات اللي موظفات هناك وبسأل أكثر

 

[روحي تحب]

مشكوره حياتي وموفقه ولاتنسين موعد اختبارج

 

[كـ غلا ــلي]

انا ما دقوا علي للحين في احد مثل حالتي ولا لا

 

[[المهندسة]]

صريحة ومهناز ليش ماتبون تسون الفحص الطبي مره ثانيه؟؟

انا بسافر وخايفه ينادون حق المقابله وانا مسافره (( راح ارد نهاية الاسبوع الياي الله يستر

 

[q8ia_cutaa]

انا بعد لوووووول مادقوا بس الي سمعته ان كل تخصص يدقون عليهم بروح

جنة الهندسة نادوهم !!

والمحاسبة لووول ماحد درا عنهم ؟