اللي عندها مرض بطانة الرحم الهاجره تدخل ضروري

[Katkoota85]

السلام عليكم مرحبا بنات
انا عضوه يديده بينكم وياريت ماتخجلوني
انا صارلي 3 سنوات متزوجه وماالله كتبلي احمل . بديت رحلت العلاج بعد سنه وشوي اول دكتور رحتله قالي كلشي تمام وزوجي الحمدالله سليم بس مشكلتي البويضات بعد ماتنضج تصير جيس وماتنفجر وقررلي اسوي انابيب ماارتحتله وغيرت الدكتور.
الثاني قالي مافيج شي *مجرد ابرة تفجير وتنحل المشكله وفعلاً اخذت اربع شهور كلوميد وعقب اربع مرات تلقيح صناعي وسويت اشعة الصبغه كله تمام بس ماحملت.
قررت اسوي حقن مجهري وقبل لا ابلش رحت للدكتوره رائده الفضلي و اكتشفت ان عندي بطانة الرحم المهاجره وبمرحله متقدمه . عطتني ابر تنزل البطانه وسويت حقن مجهري بس مانجح.
بنات منو نفس حالتي فيها بطانة الرحم المهاجره وحملت وشنو سوت ياريت اللي عندها معلومه تفيدني ولكم دعوه بظهر الغيب:yaaaaaarb:

 

[Katkoota85]

ربي لا تذرني فرداً وانت خير الراحمين

 

[عسل حدي]

مادري حبيبتي ربي يشافيج ويرزقج
بس بغيت اسألج دورتج منتضمه ولا معفوسه

 

[رووح ابووها]

شنو بطانة الرحم الهاجره

الله يرزقنا يارب

 

[عسل حدي]

اب اب اب

 

[Katkoota85]

مادري حبيبتي ربي يشافيج ويرزقج
بس بغيت اسألج دورتج منتضمه ولا معفوسه

حبيبتي اجمعييين يارب الله يرزقنا ومايحرمنا
انا الحمدالله دورتي منتظمه

 

[عسل حدي]

غريبه لانه بطانه الرحم المهاجره تعفس الدوره شهر تنزل وعشره لا تأكدي حبوبه لايلعبون فيج الدكاتره

 

[Katkoota85]

شنو بطانة الرحم الهاجره

الله يرزقنا يارب

ان شاء الله ربي يرزقج وكل محرومه..
حبيبتي بطانة الرحم الهاجره اهيا خلايا بطانة الرحم تنتقل وتتكون بالمبايض او برا الرحم او بقنوات فالوب . وهالخلايا تستجيب لنفس الهرمونات اللي تأثر ببطانة الرحم الداخليه . يعني بنص الشهر تزيد وتصير سميكه وبوقت الدوره تهبط وتنزل . بس لانها مو نفس اللي داخل الرحم تلقالها مخرج وتنزل ، فتتجمع وتكون اجياس دم يسمونها اكياس الشكولاته لانها تصير كور لونها ادعم بسبب الدم المتجمع . وللأسف 40٪ من حالات تاخر الحمل عند الحريم بسبة هالمرض ..
الله يشفينا منه ويرزقنا الذريه الصالحه

 

[عسل حدي]

ربي لا تذرني فردا وانت خير الوارثين

 

[Katkoota85]

عسل حدي ماادري والله انا الدكتوره بدون منظار شخصت حالتي .. شافت كور صغار بالسونار وقالت احتمال عندج بطانة الرحم المهاجره . خل اعطيج ابر تنزلها واذا صغروا الكور معناته فيج . وبوقت عملية السحب شفطت جياس دم وايد ..

 

[Katkoota85]

انا الرحم عندي ماكان فيه شي بعد عملية الحقن المجهري سويت سونار وتقول الدكتوره احتمال الرحم صار فيه التصاقات !!!
استغفرالله احس عشان عالجت اختبصت ولا قبل مافيني شي .. الله كريم

 

[عسل حدي]

حبوبه ماتوقع فيج هالشي
تشخيص بدون فحص هالدكاتره صايرين ماديين ولاعبين فينا

 

[Katkoota85]

انا الحين باخذ ابره ترفع الدوره ثلاث شهور علشان تنشف هالخلايا لان هرمونات الدوره تنشطها وعقب ان شاءالله بسوي منظار اشوف شنو في ..
عسوله ياريت يكون مافي شي والله اتمنى بس دام بعملية الحقن المجهري سحبت جياس دم من المبايض معناته فعلاً موجود عندي الاندومتريوزيس اللي اهوا بطانة الرحم الهاجره او يسمونه الانتباذ الرحمي

 

[Katkoota85]

ومشكوورين اللي ردوا وعسل حدي مشكوره حبيبتي والله يفرح قلبج بالذريه الصالحه انتي وكل محرومه يارب

 

[Katkoota85]

Up
Up
Up

 

[Katkoota85]

رووح ابوها وعسل حدي انتوا شنو مشكلتكم ؟ وشكثر صارلكم متزوجين؟
ان شاء الله ماتدور هالسنه الا وانتوا حمل بتوم يارب

 

[شيخه_البيض]

مرحبا
فوزيه القطان قالتلي ان فيني البطانه المهاجره وقالتلي بوقف الدوره 3شهور بعدين نبتدي علاج

بس ماصار حمل

وعقب فراره ع الدكاتره تبين ان جدار الرحم رقيق ومع العلاج الحمدلله صار طبيعي

وكل شي طبيعي فيني في ريلي بس مو قاعد يصير حمل

الحمدلله ع كل حال

وانا كانت دورتي منظمه

والله يكتبلج اللي فيه الخير

 

[Katkoota85]

شيخة البيض الله يشفيج يارب ويترس حضنج عيال بقدرة القادر القدير .. الله يشفيج من كل شي يمنع حملج ويفرحج بالضنا عاجل غير اجل يالله يارب
بغيت اسألج شلون اكتشفت ان جدار الرحم رقيق ؟؟ شنو التحاليل اللي سويتيها ؟؟ وانتي سويتي حقن مجهري انا اللي اعرفه ان اهوا الحل الوحيد علمياً بس ماكو شي بعيد على ارداة الرحمن كن فيكن

 

[وحي القوافي]

يا ساتر انزين شنو اعراض هالمرض
انا فيني تكيس وضعف تبويض وهم ما حملت
وسويت سونار خارجي مو داخلي وشفت كور صغار سود بالمبايض قالولي تكيس
الله يرزقج ويرزقنا حياتي وانا ناوية اكثر استغفر بهالاشهر المباركة وان شاءالله ربي يرزقنا اجمعين قبل العيد

 

[عسل حدي]

ربي لا تذرني فردا وانت خير الوارثين