اللي عندها اي استشارة قانونية تدخل وانشالله بتلاقي حل

[ملح و سكر]

السلام عليكم اشلونج بنت الاصايل ...اذا تكرمت حابه اعرف شنو شروط دعوى بيت الطاعه وشنو قانونها لان رفيجتى رافع عليها دعوى بيت الطاعه ....افيدينا يزاج الله الف خير........وانشالله يكون فى منزلة حسناتج

 

[ektifeet]

مشكوره اختى بنت الاصايل على مجهوودج الواضح

صديقتى تسال عن حقها فى بيتها اهى متزوجه من 92وكانت غير كويتيه وزوجها اشترا بيت حكومى وبعد مااشترا البيت تجنست وفى مشاكل مع زوجها تقولج لو تطلقت لاسمح الله لها حق بالبيت وشنو حقوقها الثانيه وعيالها يكونون معاها والا مع ابوهم لان زوجها يهددها كل ماصارت مشكله فتبى ترتاح والف شكر يالغاليه:eh_s(8):​

 

[NeG6a]

يعطييج العافيه على الموضوووع ,, بس بغيت اسالج سؤال ..


شلووون اعرف انه الريااال متزوج على مرته وحده ثانيه ؟ اقدر اعرف ؟

 

[مميزة خلقة]

حبيبتي انا اخذ نفقه من زوجي من سنة 2003 واهي 220 دينار الجهال كبرو وزادت مصاريفهم والنفقه هي هي عاااد افكر اني ازيدها انا سمعت انه ارفع دعوى من جديد وجلسات ولازم حضور طليقي صح هالكلام ولا لا

 

[بنت الأصايل]

انا مشتكية على شركة كنت اشتغل عندهم ومو راضين يعطوني رواتبي المتأخرة ولا مستحقاتي

رحت الشؤون وما قدروا يحلونها لأن الطرف الثاني كتب مذكرة وقال ما لها شي عندي

الحين تحولت محكمة وراح اراجع المحكمة بعد كم يوم ، عندي كشف حساب من البنك يفيد بتأخر صرف الرواتب شهربشهر وورق يثبت ضياع جواز سفري من الشركة

بصراحة ما قدرت اوكل محامي لأانه بياكل نص فلوسي ، هل لازم اسوي مذكرة ولا عادي اقدر اجمع الورق اللي يثبت حقي واروح اعطيه للقاضي وخلاص ؟

علما بأن اصل المشكلة اني طلعت يدون استقالة تطبيقا للمادة 57 انه يحق للعامل ان يترك العمل بدون اعلان مع استحقاقه المكافأة في الاحوال التاية : أ- إذا لم يلزم صاحب العمل ببنود العقد وأحكام هذا القانون

وهو كان يحجز على جوازي وما كان يعطيني راتبي كل شهر كان يتأخر وايد علي وما خذيت راتب بدل اجازة السنة اللي طافت

عزيزتي اولا اذا بتحمين حقوقج لازم تفهمين قانون العمل صح اذا كان صاحب العمل مايعطيج راتبج ويتاخر عليج كان المفروض تشتكين الشؤوون قبل لاتنقطعين عن العمل وتكتبين كتاب عندك في المكتب او مقر العمل توضحين لهم شنو اللي انتي تبينه بالضبط

وبعد ماتتوجهين للشؤون توظحين لهم وجهة نظرك وتبينين سبب انقطاعك عن العمل اما بخصوص جواز السفر لازم ترفعين دعوى بالمحكمة تسلمي جواز سفر

وبعدين يحكم لك القاضي بالتسليم

 

[بنت الأصايل]

معقوله..؟؟

وايد قالو لنا ان طليقته مو متزوجه يكون لها حق السكن !!!

اختي يكون لها حق السكن اذا كان مطلع بيت من الاسكان وحاط اسمها فيه بهالحالة يكون لها حق السكن فقط

 

[بنت الأصايل]

السلام عليكم اشلونج بنت الاصايل ...اذا تكرمت حابه اعرف شنو شروط دعوى بيت الطاعه وشنو قانونها لان رفيجتى رافع عليها دعوى بيت الطاعه ....افيدينا يزاج الله الف خير........وانشالله يكون فى منزلة حسناتج

بالنبة لدعوى الطاعه اذا قدرت الزوجة تثبت ان الزوج غير امين عليها سواء على نفسها او مالها فالمحكمة ماتحكم له بالطاعه لأن من شروط دعوى الطاعه ان يوفر الزوج لزوجته سكن خاص ومستقل وان يكون امين عليها فإذا تخلف شرط من الشروط فإن دعوى الطاعه ترفض

 

[بنت الأصايل]

مشكوره اختى بنت الاصايل على مجهوودج الواضح

صديقتى تسال عن حقها فى بيتها اهى متزوجه من 92وكانت غير كويتيه وزوجها اشترا بيت حكومى وبعد مااشترا البيت تجنست وفى مشاكل مع زوجها تقولج لو تطلقت لاسمح الله لها حق بالبيت وشنو حقوقها الثانيه وعيالها يكونون معاها والا مع ابوهم لان زوجها يهددها كل ماصارت مشكله فتبى ترتاح والف شكر يالغاليه:eh_s(8):​

بالنسبة لحقها بالبيت اذا الوثيقة باسمها واسم زوجها صدرت فلها نص البيت اما بالنسبة لأولادها فلها حق الحضانة الاولاد ورعايتهم

 

[بنت الأصايل]

يعطييج العافيه على الموضوووع ,, بس بغيت اسالج سؤال ..


شلووون اعرف انه الريااال متزوج على مرته وحده ثانيه ؟ اقدر اعرف ؟

تروحين محكمة الرقعي قسم الزواج وتستعلمين عن زوجج

 

[بنت الأصايل]

حبيبتي انا اخذ نفقه من زوجي من سنة 2003 واهي 220 دينار الجهال كبرو وزادت مصاريفهم والنفقه هي هي عاااد افكر اني ازيدها انا سمعت انه ارفع دعوى من جديد وجلسات ولازم حضور طليقي صح هالكلام ولا لا

لازم ترفعين دعوى جديدة تطلبين زيادة ممكن توكلين محامي يحضر بالنيابة عنج ويعرف شلون يقنع المحكمة بزيادة النفقة

وموشرط حضور طليقج ولكن يعلن بالجلسة

 

[puppet]

مشكورة على الرد ، بس انا قريت القانون كله من اوله لأخره

ما في شي بالقانون يقول اشتكي عليهم بس لازم قبل لا ااطلع .. القانون بس يوضح اني لازم اطالب خلال سنة والا فلوسي بتروح علي ..

بعدين شلون تبيني اشتكي عليهم وهم ارجع اشتغل بشركتهم ؟ متى صارت ؟؟

بالنسبة حق الجواز هذا راح خلاص وانا طلعت بداله .. انا بس ابي اطالب بتعويض على اللي صار

انا سؤالي ، هل لازم اسوي مذكرة ولا بس اقدم اوراقي ..؟؟ لا تخرعيني

 

[بنت الأصايل]

مشكورة على الرد ، بس انا قريت القانون كله من اوله لأخره

ما في شي بالقانون يقول اشتكي عليهم بس لازم قبل لا ااطلع .. القانون بس يوضح اني لازم اطالب خلال سنة والا فلوسي بتروح علي ..

بعدين شلون تبيني اشتكي عليهم وهم ارجع اشتغل بشركتهم ؟ متى صارت ؟؟

بالنسبة حق الجواز هذا راح خلاص وانا طلعت بداله .. انا بس ابي اطالب بتعويض على اللي صار

انا سؤالي ، هل لازم اسوي مذكرة ولا بس اقدم اوراقي ..؟؟ لا تخرعيني

لازم تقدمين مذكرة تشرحين فيها حجم الضرر الواقع عليج طول الفترة اللي فاتت وتبينين للمحكمة ان بهذه الفترة اللي ماصرفولج فيها معاشاتج وحرموج من جوازج اضطريتي انج تتسلفين وتداينين من الناس وعشان تحكم المحكمة لج بالتعويض لازم تذكرين لهم هالكلام

 

[ليه الجفا]

قوة بنات اخباركم مشكورين على هذا الوضوع

عندي سؤال لرفيجتي .. صار بينهم زعل اهي وزوجها والحين اهي تبي الطلاق منه ؟؟ بس بينهم ياهل ؟؟ شنو تسووي اذا ماتبي زوجها !!! وشنو حقها والي عليها وعليه ؟؟

مشكورين

 

[بنت الأصايل]

قوة بنات اخباركم مشكورين على هذا الوضوع

عندي سؤال لرفيجتي .. صار بينهم زعل اهي وزوجها والحين اهي تبي الطلاق منه ؟؟ بس بينهم ياهل ؟؟ شنو تسووي اذا ماتبي زوجها !!! وشنو حقها والي عليها وعليه ؟؟

مشكورين

اختي بالنسبة لصديقتك اساليها عقد الزواج ينتمي للمذهب السني ام الجعرفي عشان اعرف اجاوب على سؤالك

 

[puppet]

مشكورة على النصيحة الثمينة

باجر جلستي ان شا الله بسويها اليوم .. ما قصرتي

 

[بنت الأصايل]

مشكورة على النصيحة الثمينة

باجر جلستي ان شا الله بسويها اليوم .. ما قصرتي

العفو اختي العزيزة

ربي يسهل امرج

 

[puppet]

انا رحت اليوم الجلسة وطلع المندوب مو مستدل على عنوان المدعى عليه وانا حددت موعد معاه عشان ادليه المكان

انا بصراحة كتبت المذكرة بروحي عادي ولا لازم اروح محامي ويكتبلي ياها

؟؟ ابي نصيحتج ..

وهل مذكرتي اسمها مذكرة بدفاع من ( اللي هي انا ) ضد الشركة ؟ هل هذي العبارة صحيحة ؟

 

[emankuwaiti]

اختي اذا الوحده طاحت على موظفين يحشون فيها حش حش و ماعندها أحد يشهد معاها. شتسوي وشنو الاجراءات اللي فيها تقدر تاخذ حقها منهم؟؟

هل تقدر تشتكي بالمخفر و تسوي قضية عليهم ؟

 

[بنت الأصايل]

انا رحت اليوم الجلسة وطلع المندوب مو مستدل على عنوان المدعى عليه وانا حددت موعد معاه عشان ادليه المكان

انا بصراحة كتبت المذكرة بروحي عادي ولا لازم اروح محامي ويكتبلي ياها

؟؟ ابي نصيحتج ..

وهل مذكرتي اسمها مذكرة بدفاع من ( اللي هي انا ) ضد الشركة ؟ هل هذي العبارة صحيحة ؟

هو الافضل انك تروحين لمحامي عشان يحسب لك رصيد الاجازات ومستحقاتج وباقي الطلبات

اي صح العبارة صحيحة ( مذكرة بدفاع من )

 

[بنت الأصايل]

اختي اذا الوحده طاحت على موظفين يحشون فيها حش حش و ماعندها أحد يشهد معاها. شتسوي وشنو الاجراءات اللي فيها تقدر تاخذ حقها منهم؟؟

هل تقدر تشتكي بالمخفر و تسوي قضية عليهم ؟

قدمي شكوى بالمخفر بس من الافضل يكون معاج شهود