اللي عندها اي استشارة قانونية تدخل وانشالله بتلاقي حل

[الاميـرة]

مششششششششششششششششششششششششششششششششششششششكورة حبيبتي

 

[N.springflawer]

السلام عليكم
اختي عندي استفسار اذا المطلقة تزوجت من اخر وعندها عيال يقدر طليقها ياخذهم منها وهو ما تزوج علما ان امها موجوده

 

[ليان العامريه]

رد : اللي عندها اي استشارة قانونية تدخل وانشالله بتلاقي حل

صباح أو مساء الخير ,,,,أنا تطلقت من زوجي بحكم قضائي طلقة ثالثه ,,,والحين قسم بالله جاءتني ظروف لو ارد خدامه عند طليقي ولا اميره عند اخوي لي كل يوم طق فيني وفي عيالي ,,,تكفون ساعدوني والله تعبت من نفسي ...

 

[بنت الأصايل]

السلام عليكم
اختي عندي استفسار اذا المطلقة تزوجت من اخر وعندها عيال يقدر طليقها ياخذهم منها وهو ما تزوج علما ان امها موجوده

بالنسبة اذا تزوجت الحاضنة تسقط عنها الحضانة

ويحقك لوالدتك ان تطلب الحضانة لها

 

[بنت الأصايل]

رد: رد : اللي عندها اي استشارة قانونية تدخل وانشالله بتلاقي حل

صباح أو مساء الخير ,,,,أنا تطلقت من زوجي بحكم قضائي طلقة ثالثه ,,,والحين قسم بالله جاءتني ظروف لو ارد خدامه عند طليقي ولا اميره عند اخوي لي كل يوم طق فيني وفي عيالي ,,,تكفون ساعدوني والله تعبت من نفسي ...

خلاص اختي انتهى تم الطلاق 3 مرات

مايصير ترجعين له

 

[قماشه]

رد : اللي عندها اي استشارة قانونية تدخل وانشالله بتلاقي حل

اختي بنت الاصايل
بسالك اذا الطليق ما يشتغل وعنده عيال ولا في نفقة
مافي طريقه تعرفينها تقدر تسويه المطلقه علشان عيالها
يعني معتمدة على معاشها بس واهوا اصلا مو مكفيها
ما يصير نص الشهر الا خلص
راحت الشؤون وقالولها اذا معاشج تحت 450 نعطيج
اهيا معاشها اكثر بس مسكينه مو مكفيهها ولا عياله شتسوي
والعيال قاعدين يكبرون ومصاريفهم تزيد
ومشكورة اختي

 

[q8_goga]

بنت الاصايل عندي استفسار
اذا بسوي وكالة حق شخص...شلون؟ وين اروح ..ويقدر المحامي يسويها عني؟؟ او يروح معاي

 

[lily 5]

يعطيج العافية على هذه الخدمة الي أكيد كل واحد يحتاجه بهالزمن اللي القوي فيه ياكل الضعيف .
أنا وكيلة مدرسة ابتدائية تعرضت للسب ولتهديد والاهانة من ولي أمر ورفع على قضية مع انه هو اللي سبني وعندي شهود ز انحكم ضدى 50 دينار غرامة ويطالب بالحق المدني 10000 دينار وكل هذا لم يعلمني أحد لييين طاح الفاس بالراس . وماعندي إمكانية أحط محامي ... شأسوي . حسبي الله ونعم الوكيل

 

[بنت الأصايل]

رد: رد : اللي عندها اي استشارة قانونية تدخل وانشالله بتلاقي حل

اختي بنت الاصايل
بسالك اذا الطليق ما يشتغل وعنده عيال ولا في نفقة
مافي طريقه تعرفينها تقدر تسويه المطلقه علشان عيالها
يعني معتمدة على معاشها بس واهوا اصلا مو مكفيها
ما يصير نص الشهر الا خلص
راحت الشؤون وقالولها اذا معاشج تحت 450 نعطيج
اهيا معاشها اكثر بس مسكينه مو مكفيهها ولا عياله شتسوي
والعيال قاعدين يكبرون ومصاريفهم تزيد
ومشكورة اختي

ترفعين عليه دعوى والمحكمة راح تحكم لج بالنفقة حتى لو هو مايشتغل
يصدر عليه حكم بالنففقة وهو يتحمل النتايج

 

[بنت الأصايل]

بنت الاصايل عندي استفسار
اذا بسوي وكالة حق شخص...شلون؟ وين اروح ..ويقدر المحامي يسويها عني؟؟ او يروح معاي

تسوينها في ادارة التوثيقات بوزارة العدل

وممكن يسويها لج المحامي اذا معطيته حق توكيل الغير

 

[بنت الأصايل]

يعطيج العافية على هذه الخدمة الي أكيد كل واحد يحتاجه بهالزمن اللي القوي فيه ياكل الضعيف .
أنا وكيلة مدرسة ابتدائية تعرضت للسب ولتهديد والاهانة من ولي أمر ورفع على قضية مع انه هو اللي سبني وعندي شهود ز انحكم ضدى 50 دينار غرامة ويطالب بالحق المدني 10000 دينار وكل هذا لم يعلمني أحد لييين طاح الفاس بالراس . وماعندي إمكانية أحط محامي ... شأسوي . حسبي الله ونعم الوكيل

عزيزتي اذا الحكم غيابي تروحين تسوين معارضة وتعاد المحاكمة من اول وجديد وروحي للقاضي اشرحي له شنو القصة وشنو صار

 

[أم أسرار]

حبيت استفسر من شي انا طالبه الطلاق من زوجي و طالبه نفقه وحضانه بس سبب الطلاق انه بخيل و راعي خرابيط و بنات والدليل مسجات تلفوناته هل يقدر المحامي يطلع مسجاته من شركة فيفا تدل على خيانته مع غيري من البنات يقدر المحامي يطلعهم من شركة فيفا و تكون دليل في القضيه في المحكمه اجو الرد على بسرعه

 

[بنت الأصايل]

حبيت استفسر من شي انا طالبه الطلاق من زوجي و طالبه نفقه وحضانه بس سبب الطلاق انه بخيل و راعي خرابيط و بنات والدليل مسجات تلفوناته هل يقدر المحامي يطلع مسجاته من شركة فيفا تدل على خيانته مع غيري من البنات يقدر المحامي يطلعهم من شركة فيفا و تكون دليل في القضيه في المحكمه اجو الرد على بسرعه

هلا والله اختي الكريمه
الرسايل محد يقراها ولا احد يقدر يطلعها ولكن اا تبين الطلاق منه ممكن تطلقين من سوء العشرة والبخل وعدم الانفاق

 

[ام الخييير]

رد : اللي عندها اي استشارة قانونية تدخل وانشالله بتلاقي حل

يعطيج العافية على مجهودج الطيب وماتقصير

انا تطلقت وعندي 3 عيال وتزوجت الحمد لله مره ثانية الحين عيالي عند امي عايشين لمة درا طليقي اني تزوجت راح رفع قضية ( امه رافعة القضية على امي ) انها تطالب بحضانت العيال شرايج ؟

ومشكورة وماتقصرين

 

[بنت الأصايل]

رد: رد : اللي عندها اي استشارة قانونية تدخل وانشالله بتلاقي حل

يعطيج العافية على مجهودج الطيب وماتقصير

انا تطلقت وعندي 3 عيال وتزوجت الحمد لله مره ثانية الحين عيالي عند امي عايشين لمة درا طليقي اني تزوجت راح رفع قضية ( امه رافعة القضية على امي ) انها تطالب بحضانت العيال شرايج ؟

ومشكورة وماتقصرين

اهم شي امك خذت العيال بحكم محكمة ولا انتي عطيتيها العيال ؟؟
عشان اذا امك ماعندها حكم محكمة بحضانة العيال لازم ترفع دعوى بحضانة العيال وتاخذهم بموجب حكم في هذه الحالة ماتقدر ام الزوج تاخذهم

 

[سمسمة كويتية]

حبيبتي اذا كويتية عدت 25 و تبي تتزوج واحد من جنسيه عربيه واهلها مو راضيين و سافرت و تزوجته بره ببلده و حملت و ردت الكويت يقدرون يطلقونها منه ؟

 

[بنت الأصايل]

حبيبتي اذا كويتية عدت 25 و تبي تتزوج واحد من جنسيه عربيه واهلها مو راضيين و سافرت و تزوجته بره ببلده و حملت و ردت الكويت يقدرون يطلقونها منه ؟

في هذه الحالة تعتبر هي تزوجت بدون اذن الولي بالتالي يعتبر عقد زواجها باطل الا اذا وافق وليها على هذا الزواج فيعتبر صحيح

 

[ام الخييير]

رد : اللي عندها اي استشارة قانونية تدخل وانشالله بتلاقي حل

مشكورة اختي وايد

امي احطت محامي عشان القضية والحكم شهر 9 بس انتي اشرايج هل لها الحق ام ابوهم ولا يدتهم ام امهم بحق الحضانة
والل يكتب مافيه الخير والصالح لهم يارب ادعولي والله كريم

 

[F6o0o0oM]

سلام عليكم
يعطيج الف الف الف عافية يا بنت الاصايل على هل موضوع
وهم يعطي رفيجتج المحامية العافية وشكريها نيابتا عني ...

استشارتي هي انني اسكن في بيت ورثة وامي غير كويتية ووالدي متوفا
هل لوالدتي غير الكويتية نصيب من هذا المنزل ؟؟

والدي متوفى ولم يقدم طلب للجنسية لوالدتي الغير كويتية واخي قدم الطلب هل بامكاني اذا اصبح
سنى قانوني ان الغي طلب التجنيس والدتي غير كويتة ؟؟

والدي ترك ورث فهل لوالدتي نصيب من الورث ؟!

وهل يمكنني منعها من استلام الورث ؟!

هل يمكنني ان اسفر والدتي اذا تجاوزت العمر القانوني ؟؟

انا حاليا عمري 20 سنة والدتي تاخذ راتب الذي ياتي لي من شون القصر ..تاخذة ولا تصرف على
هل يحق لي اخذ المال منها ووضعها في حسابي لاصرف على نفسي؟!

امي تهدد بانها سوف تمزف جنسيتي الكويتية وتقول بان بعد التمزيق لا يوجد لكي جنسية ولا يمكن ان اخذ جنسية جديدة
فهل كلامها صحيح؟! وهل يمكنني بمطالبة بطاقتي وجواز و جنسيتى وغيرها من اثباتات منها ؟!


اتمنى تردين على وانا اسفة على كثرة الاسالة لاكن الله يعلم بمصيبتى

 

[بنت الأصايل]

رد: رد : اللي عندها اي استشارة قانونية تدخل وانشالله بتلاقي حل

مشكورة اختي وايد

امي احطت محامي عشان القضية والحكم شهر 9 بس انتي اشرايج هل لها الحق ام ابوهم ولا يدتهم ام امهم بحق الحضانة
والل يكتب مافيه الخير والصالح لهم يارب ادعولي والله كريم

على حسب اختي الكريمه يعني منو اللي تكون حنونه عليها اكثر وترعاها اكثر وتباشرها بكل شي