اللي عندها اي استشارة قانونية تدخل وانشالله بتلاقي حل

[بنت الأصايل]

صباح الخير حبيبتي بنت الأصايل
أنا قاعدة أدور على محامية شاطرة بس أول شي أبي إستشارة قانونية لأكون على نور
أنا عندي 5 أطفال و أنا كويتية و زوجي كويتي
شنو الحقوق اللي يعطيها القانون للزوجة في حال تقصير الزوج بالمصروف
يعني أنا أريد أن أحصل على حقوقي و حقوق أولادي القانونية
و شكرا على هالموضوع الجميل
_shh_:_shh_:

اختي الفاضلة القانون يعطيج الحق انج تطلبين نفقة زوجية ونفقة اولاد وبأمر من المحكمة يلتزم الزوج في تسديد هذه المبالغ
ولك الحق ايضا بخادمة وسائق وسيارة مع اجرة مسكن كونك حاضنة للابناء وتبقى لك الحضانة للبنات الى الزواج وحضانة الولد الى البلوغ

وهذه كل حقوقك الشرعية بالاضافة الى نصيبك في سكن الحكومة

 

[بنت الأصايل]

السلام عليكم اختي مطلقه وعندها عيال يصير يطلع لها بيت مع عيالها ولاتنطر ليما يطلع بيت طليقها وتسكن فيه

طليقها مومتزوج ومسجون شنو الاجراءات اللي تسويها وكانو مقدمين على بيت في عريفجان قبل الطلاق

راجعي الاسكان شوفي وين وصل دوركم

وهي لها حق في السكن في المنزل اللي في عريفجان وممكن ان تقدم هي طلب للاسكان تطلب فيه كونها مطلقة ان يوفرون لها سكن

 

[بنت الأصايل]

مشكووووووووووووووووووره وااااااااااااااايد وااااااااااااااايد على مساعدتج لنا يا محاميتنا الغاليه ..

 

[blue-12]

اختي بغيت اسألج اللي عندها تسجيل عن واحد يسب الشيخ صباح وودته للمخفر شنو ممكن يصير بالشخص اللي بالتسجيل قاعد يسب الشيخ صباح...؟؟؟ الله يخليج ردي بأقرب وقت لأني حدي مستعيلة​

​

 

[بنت الأصايل]

اختي بغيت اسألج اللي عندها تسجيل عن واحد يسب الشيخ صباح وودته للمخفر شنو ممكن يصير بالشخص اللي بالتسجيل قاعد يسب الشيخ صباح...؟؟؟ الله يخليج ردي بأقرب وقت لأني حدي مستعيلة​

​

يعني المخفر سجلو شكوى او لا

واذا تم تسجيل شكوى راح يعرض للنيابة العامة

 

[Crazy women]

الحياة لحضة

اذا تبين محامي شاطر ومعروف وذكي راسليني في الخاص

 

[عاشقة السفر]

حبيبتي عندي لج سؤال ..

واحد من جماعتنا يشتغل في القطاع الخاص .. فسؤالي اهوا هل هناك مايحمي المواطن الكويتي في القطاع الخاص من الفصل او إنهاء خدماته من غير اي وجه حق ؟ او نقول أنهوا خدماته لأنهم ماعادوا بحاجه له .. فهل القانون يحمي هذا الموظف الكويتي أو لأ ؟ او هل هناك قانون رادع لهذا الشي ؟ وشنو يقدر يسوي المواطن بعد الفصل ؟

 

[بنت الأصايل]

حبيبتي عندي لج سؤال ..

واحد من جماعتنا يشتغل في القطاع الخاص .. فسؤالي اهوا هل هناك مايحمي المواطن الكويتي في القطاع الخاص من الفصل او إنهاء خدماته من غير اي وجه حق ؟ او نقول أنهوا خدماته لأنهم ماعادوا بحاجه له .. فهل القانون يحمي هذا الموظف الكويتي أو لأ ؟ او هل هناك قانون رادع لهذا الشي ؟ وشنو يقدر يسوي المواطن بعد الفصل ؟

اختي الفاضلة صدر الان قانون العمل الجديد يحاسب فيه صاحب العمل اذا انهى مدة عقد العمل قبل الاوان

فيحق للعامل اللجوء للمحكمة وفقا للقانون الجديد والمطالبة بباقي المدة عن العقد

 

[رهــــام]

......

 

[رهــــام]

الله يجزاج خير على هالمعلومات ويوفقج ياااااارب
بسالج حبيبتي عن رفيجتي سعوديه وطليقها كويتي وعندها بنت واهيا طبعا مقيمه مع البنت بالسعوديه والبنت صغيره
يعني الحضانه لها ولالازم تكون موجوده بالكويت يعني اذا كانت البنت برا الكويت مع الام تسقط الحضانه عنها
وبعد ماتتزوج تنتقل الحضانه لامها ولالا
اهيا خايفه ان ياخذ بنتها لانها مو بالكويت واذا رفض يدفع نفقه تقدر ترفع عليه قضيه وهي بنتها معها بالسعوديه ولا تسقط حضناتها لان مو موجوده بالكويت ومالها اي حق بالنفقه
الله يجزاج خير ردي علي بطمنها وايد تحاتي

 

[بنت الأصايل]

الله يجزاج خير على هالمعلومات ويوفقج ياااااارب
بسالج حبيبتي عن رفيجتي سعوديه وطليقها كويتي وعندها بنت واهيا طبعا مقيمه مع البنت بالسعوديه والبنت صغيره
يعني الحضانه لها ولالازم تكون موجوده بالكويت يعني اذا كانت البنت برا الكويت مع الام تسقط الحضانه عنها
وبعد ماتتزوج تنتقل الحضانه لامها ولالا
اهيا خايفه ان ياخذ بنتها لانها مو بالكويت واذا رفض يدفع نفقه تقدر ترفع عليه قضيه وهي بنتها معها بالسعوديه ولا تسقط حضناتها لان مو موجوده بالكويت ومالها اي حق بالنفقه
الله يجزاج خير ردي علي بطمنها وايد تحاتي

اختي الكريمه بالنسبة لحضانة الام هي حق لها ولكن بشرط ان تكون في نفس البلد والدها ( الكويت )
اما كونها اخذت بنتها وانتقلت الى السعودية للعيش معها فأنصحها بأن لا تطالب بنفقتها وذلك لأن ممكن للاب ان يرفع دعوى ويطلب اسقاط حضانتها لأنها غير مقيمة بنفس ابلد

اما بالنسبة لأنتقال الحضانة للجده فهذا صحيح بشرط ان تكون في نفس ابلد الكويت

وايضا تم الرد على الخااااااص

 

[عاشقة السفر]

اختي الفاضلة صدر الان قانون العمل الجديد يحاسب فيه صاحب العمل اذا انهى مدة عقد العمل قبل الاوان

فيحق للعامل اللجوء للمحكمة وفقا للقانون الجديد والمطالبة بباقي المدة عن العقد

عزيزتي مشكورة على ردج ..

ولكن في عقد العمل لم تذكر المده فشلون بهالطريقة ؟

 

[بدرالكويت]

السلام عليك يعطيج العافيه اختي
انا مشكلتي اني اسنسرق حسابي من البنك اللي ينزل فيه معاشي بطريقه غامضة وانا خارج البلاد
ماعندي فيزا ولا استعمل كي نت وبطاقة البنك كانت معاي واللي سارقني محاول ثلاث محاولات يسحب مبالغ كبيره بس مالقى شي بحسابي
وسرق اللي موجود بالنك وانا شاكه ان السرقه من اللي بالنك نفسه لاني لما وصلت القضيه للنيابه وحطوا الصور للسارقه كانت ثلاث صور مختلفه ووحده منهم لي تقريبا شبهي يعني واضح فيه تلاعب بالصور فشلون اثبت حقي واسترجعه الحين انا غيرت البنك
بس شلون ارجع حقي

ويعطيج العافيه

 

[¸•°AL7LWA°•¸]

السلام عليكم انا سمعت وااايد عن عمليات النصب اللى الشباب ينصبون فيها على البنات يعشمونهم بالزواج ويطلبون منهم فلووووووووس وااخر شى يتهربون من سالفة الزواج - اللى بعرفه شنو الاجراء اللى تسوونه مع هالشباب ؟ ومشكوره اختى على هالموضوع المفيد الله يجزاج كل خير

 

[بنت الأصايل]

عزيزتي مشكورة على ردج ..

ولكن في عقد العمل لم تذكر المده فشلون بهالطريقة ؟

اختي الكريمه في هذه الحالة يحاسب صاحب العمل على الفصل التعسفي اذا كان بدون مبرر ولازم تثبتين ان قرار الفصل جاء بدون سبب قانوني

 

[بنت الأصايل]

السلام عليك يعطيج العافيه اختي
انا مشكلتي اني اسنسرق حسابي من البنك اللي ينزل فيه معاشي بطريقه غامضة وانا خارج البلاد
ماعندي فيزا ولا استعمل كي نت وبطاقة البنك كانت معاي واللي سارقني محاول ثلاث محاولات يسحب مبالغ كبيره بس مالقى شي بحسابي
وسرق اللي موجود بالنك وانا شاكه ان السرقه من اللي بالنك نفسه لاني لما وصلت القضيه للنيابه وحطوا الصور للسارقه كانت ثلاث صور مختلفه ووحده منهم لي تقريبا شبهي يعني واضح فيه تلاعب بالصور فشلون اثبت حقي واسترجعه الحين انا غيرت البنك
بس شلون ارجع حقي

ويعطيج العافيه

روحي كملي في الشكوى اللي في النيابة وطلبي من النيابة التحقيق مع البنك في هذا الامر لأن هذه القضايا كثيرة وانتشرت بشكل موطبيعي في الكويت وموبس انتي بروحج وايد حالات والبنك هو المسؤوول ان يكشف عن هوية السارق
ويستطيع رجال المباحث متابعة هذا السارق بطرقهم الخاصة ومباحث مخفر شرق لديهم العديد من هذه القضايا الشبيهه

 

[بنت الأصايل]

السلام عليكم انا سمعت وااايد عن عمليات النصب اللى الشباب ينصبون فيها على البنات يعشمونهم بالزواج ويطلبون منهم فلووووووووس وااخر شى يتهربون من سالفة الزواج - اللى بعرفه شنو الاجراء اللى تسوونه مع هالشباب ؟ ومشكوره اختى على هالموضوع المفيد الله يجزاج كل خير

اللي حصل لها مشكلة نفس الموضوع تقدم شكوى ننصب واحتيال بالمخفر وبعدين التحقيق بياخذ مجراه وسيلقى الجاني جزاه

 

[lovely jojo]

السلام عليكم حابة استشيرج بمشكلة رفيجتي...
اهي مختلفة مع زوجها وقاعدة عند اهلها صارلها سنة وكان الاتفاق بينهم انه يطلق بهدوء بس علقها طول هالفترة
وما اتصل عليها ولا صرف عليها ولا على بنتها ولا حتى معاش للخدامة كل هالفترة ولا طلب يشوف بنته واخر شي راح رفع
عليها دعوى بيت الطاعة ورؤية للطفلة ..
ولما وصلت الدعوى لرفيجتي راحت وكلت محامي ورفعت عليه طلاق للضرر واهي فعلا منضرة منه وجابت شهود ولكن بدعوى الرؤية حكم القاضي انه ياخذ البنت من الساعة 9 الى 4 العصر واهي عمرها سنة ورفيجتي ما عجبها الحكم واستانفت
سؤال ممكن القاضي يقلل الساعات؟
وبالنسبة للنفقات اهي اتطالب فيها بأثر رجعي من سنة بس يحق لها اتطالب بس لها بأثر رجعي ولا حتى للبنت والخادمة؟
سوري طولت عليج والله يعطيج العافية...:hjy5jewf:

 

[~~ أنا واختي ~~]

السلام عليكم


حبيبتي انا بغيت رقم حق محامي شاطر بالاحوال الشخصيه ياريت تفيديني ..

 

[ريومةالمزيونة]

اختي بنت الاصايل طرشت لج عالخاص..بس مارديتي؟؟الله يجزاكي كل خير يارب جيكي الخاص