اللي سوو عملية لحمية او جيوب انفية

[خبزه]

السلام عليكم


اشلونكم خواتي عساكم بخير

حبيت استفيد من اللي سوو العملية تكفون فيدوني محيرتني اسئلة وااااجد

_ هل يتغير شكل الخشم بعد العمليه ؟

_تحسين ان التنفس تغير ؟
_ يقولون ممكن ترجع اللحمية مره اخرى صج هالحجي ؟

_ عند اي دكتور سويتوها وتحسون انه فااااااااااااااااااااهم وسواها عدل ؟

تكفون ردوووووووووو علي لاني محتاره واللي ترد بدعيلها من كل قلبي بنات

 

[بشه المنفشه]

هلا حبيبتي

انا سويتها وانا ياهل بالابتدائي

بس لأ ما اتغير شكل الخشم لأن اللحمية داااااخل مدعوسة مالها علاقة بشكل الخشم
النفس أكيد يتغير عيل ليش يسوونها ؟؟؟؟ اهي حق النفس لأنها تسد مجرى الهوا وتسبب الشخير وغيره من أمراض ضيق التنفس
سمعت إنها ترجع بس الدكتور قالي إن هالشي نادر .. غالباً ما يشيلونها مرة بالعمر وخلاص
أي دكتور مادري والله .. بس ترى سهلة العملية ما تستاهل الخوف والمحاتاة كلها جم دقيقة إلا إنتي خالصة

 

[مريوما الحلوه]

انا مسويتها لما كنت 15 سنه ورفيحتي توها مسويتها ترى حدها سهله جنج رايحه تسوين ضرس

الخشم لا ما يتغير طبعا ومارجعتلي اللحميه

عند اي دكتور انا صفوري شخباري رفيجتي سوتها ب دار شفا وسلامتج

 

[خبزه]

مشكوووووووووووورين خواتي بشه المنفشه ومريوما الحلوه


زين بنات عرفنا ان اللحميه ماتغير شكل الخشم نجي حق الجيوب الانفيه لان انا عندي التهاب باللحمية والجيوب الانفيه واحس خشمي وااااااارم والكل ملاحظ هالشي يعني اللي كان عندها جيوب انفيه وتورم خشمها هل عقب ماسوت الجيوب رد خشمها طبيعي لاني اخاف عقب العملية يورم زياااااااااااده تكفون بنات ردوووووووو علي

 

[بشه المنفشه]

خبزه انا بعد عندي التهاب الجيوب وصج الويه ينتفخ منها لأن الجيوب اتيمع سوائل داخلها لكن مجرد ما يروح الاحتقان يفشون

ومالها علاقة باللحمية


هذا شي وهذا شي


اللحمية ورا الخشم لكن الجيوب تحت الخدود واليبهه

وكاني أعاني من الغبار الحين وتوني مقطرة بخشمي آآآتشوووو

 

[كلي تفاؤل]

الدكتور عبدالله العلي ممتاز ...

 

[خبزه]

مشكوووووووووووووره اخت بشه بس مافكرتي تسوين عملية الجيوب الانفية ؟


ومشكوووووووووره اخت جهراويه بس وين مكان الدكتور عبدالله العلي وهل اللي امدحوه واجد يعني انتي شفتي ناس مسوين عنده ومرتاحين ؟

 

[سـعـاد]

انا من سنتين مسوية عملية الجيوب

عند الدكتور سامح بطيبة كلينك هذا رقمه 6981468

دقي عليه واستفسري

الدكتور هذا عجيب ..

شكل الخشم يتم نفسه

اما بالنسبة للشم .. بصراحة تضحكين علي لما اقولج ..

بعد العملية صرت احط كينكس بخشمي .. لان كمية الهوا تدش خشمي أكثر من ما أنا متعودة .. تالي صرت اتنفس عادي

وشفت اللحمية انصدمت .. تدرين انها طوالية طول صبع ايدج !!!!! كانوا حاطينها لي في علبة شفافة

والحمدلله الحين انا بخير وعافية واشم عادي واتنفس عادي

 

[ام جراح 2]

اخت سعاد ممكن تقولين لنا جم كلفت العملية

 

[كلي تفاؤل]

عبدالله العلي صراحة انا اعتبره غني عن التعريف اصلا زين تلقين موعد هالفترة عنده ....

انسان راكد ويفهمج شنو تحتاجين بالضبط ...كل اهلنا سوو عنده عمليات ما بين لحمية ولوز وسوائل بالاذن ....يسوي عملياته بالهادي ...

وانا سويت عنده لوز بنتي كان عمرها سنتين ونص والحمد لله تعافت ...


هذا رقمهم اسألي اذا تقدرين تحجزين عنده والا زحمه ...وهم عنده الدكتور عماد بعد ممتاز ...راح يسوي عملية ولدي لحميه وسوائل الخميس الجاي ...((ادعوا لنا ))

5644660

وماتشوفين شر

 

[خبزه]

مشكوووووووووووووووووووووووووورين يا بنات ما قصرتو كلكم

بس بغيت اسأل احد سمع عن الدكتور محمد عبدالظاهر اللي بمستشفى هادي ؟؟؟؟؟؟؟؟؟؟؟؟؟؟

 

[سـعـاد]

اخت سعاد ممكن تقولين لنا جم كلفت العملية

كلفت 350 .. لاني من سكان المنطقة وعندنا صندوق في الجمعية فيسوون لنا خصم

 

[سـعـاد]

مشكوووووووووووووووووووووووووورين يا بنات ما قصرتو كلكم

بس بغيت اسأل احد سمع عن الدكتور محمد عبدالظاهر اللي بمستشفى هادي ؟؟؟؟؟؟؟؟؟؟؟؟؟؟

هذا كنت اراجع عنده قبل ما اسوي عمليتي بطيبة كلينك .. كلامه مريح .. حتى انه نصحني اسوي عملية تجميل بخشمي لوووول قال بنستقبل دكتور امريكي إذا حابة تاخذين موعد ..

على فكرة انا كنت رايحة للدكتور محمد عبدالظاهر لان وحدة مدحته لي .. وقالت انه زين .. بس أجلت عمليتي لظروف .. والله كتب اسويها عند الدكتور سامح بطيبة كلينك

 

[ام جراح 2]

سعاد تسلمين يا قلبي ما قصرتي والله انا ابي لولدي عمرة 4 سنين وما ينطق الاحرف عدل والسبة هاللحمية

 

[خبزه]

مشكووووووووووووووووورين يا بنات ما قصرتو بس انا خوااااااااااااااااااااااااااااااااافه ابي دكتور ممتاااااااااااااااااااااااز رشحولي دكاتره زينين تكفون بنات

 

[أم حيدر]

انا سويتها حق وليدي قبل 3 شهور وعمره سنة ونص حزتها عند دكتور محمد دماطي يشتغل بعيادة ويسوي عملياته بالهادي ممتاااااااااااااااازومسوي حق بنت اخوي بعد دقي عالهادي يعطونج رقمه والتكلفة تقريبا 350

وااااايد ارتح حبيبي لما سويناله عمليه وحتى الاثر اللي كان تحت عيونه راح توكلي على الله

 

[سـعـاد]

سعاد تسلمين يا قلبي ما قصرتي والله انا ابي لولدي عمرة 4 سنين وما ينطق الاحرف عدل والسبة هاللحمية

الله يسلمج لا ما يشوف شر

شوفي .. انا ولد اختي كان بـ 2 ابتدائي ما ادري جم عمره .. لاحظت اختي انه يطول على صوت التلفزيون بزيادة .. صارت تناديه متعمده بصوت واطي الولد ما يسمع .. خافت .. ودته لطيبة كلينك .. واذكر عند سند الفضالة .. وقالت له شنو ملاحظة على ولدها بعد النتاييج اكتشفوا ان فيه لحمية .. وانها تأثر على السمع .. لأنها تحبس الماي ما أدري شنو .. الحين توني دقيت عليها سالتها قالت لي سويتها بطيبة كلينك عند سند الفضالة .. بـ 350 .. وطلع اليوم الثاني ..

وإن شاء الله أكون فدتج ​