اللي زوجها شغله يتطلب الإختلاط او زوجها دكتور تدش..بس اذا انتي شكاكه بليز ما تدشين

[دنيا أبوها]

موضوووووع حيل حلووووو ، لي عودة بإذن الله بس نصيحة دايما ادعي : اللهم اسكب على قلبي سكينة أتجاهل بها كل شيء يزعجني ، اللهم إني أستودعك زوجي و أستودعك قلبه و عقله و فرجه و بدنه و حبه و صحته ، اللهم احفظه لي ، و احفظه من فتنة النساء و رد كيدهن في نحورهن .....*

 

[sharshora80]

هذي المشكله كانت مشكلة حياتي الازليه
هههههههههه
وما افتكيت منها لحد الحين شوفي انا ما انبش من وراه بس ياربي يعني اذا يوم ما داوم الكل يدق ويسال ويطرش مسج عسا ما شر
يعني مو وحده معينه علشان اشك فيه لاء مجموعه حريم ورياييل
فعلشان جذي قمت اطوف بس بعض المرات ما اقدر واعصب واقوله قولهم لما اكون بالبيت لا تدقون بحكم ان شغلهم ودوامهم الصبح يعني كلش مو مال تدق بليل او العصر وتستفسر عن شئ صار الصبح
عاد هو قام يخلي كله سايلنت علشان يفتك
الحمد لله والشكر على الاقل حالنا احسن من غيرنا

 

[احلى من القمر]

لا عاااااااااااااااااادي انا واثقه بريلي واعرفه زين وهذا شغله وملزوم فيه يعني شنو البيق دييل لو اتصلت فيه مره تسأله احنا كنا بدوله اجنبيه واه عالشقار وعالجمال وماعمري حسيت ريلي معجب او متغير انا ابخص فيه

 

[MissChoco]

انا وريلي دوامنه خلط

من ناحيتي اي احد يطلب رقمي ما اعطيه دايما اقولهم عطني رقمك وادق من المكتب
حتن مديري ساعات بيكلمني يطرشلي السكرتير الي عنده وبتلفون السكرتير اكلمه،، حاولو فيني اعطيهم رقمي بس بكل بساطه قتلهم ريلي مايرضى
وانا دوامي في تلفون فماله داعي ياخذون رقمي
وشي ثاني لمن اطلع من الدوام خلاص تنقطع العلاقه بيني وبينهم لي ثاني يوم دوام
مثلا اطلع من الدوام وادق علي وحده من البنات يبون شغله لو شنو ارد عليهم مو لعانه بس مابي اعور راسي خلاص وقت الدوام خلص! ماله داعي عوار راس لانه دوامي غثيث اذا دقو يفرون راسي وانا برتاح





بالنسبه حق ريلي دوامه خلط و مو اي خلط،، اغلبهم اذا مو كلهم رايحين فيها على مستوا استغفرالله كله يقولي نظام تنانير نص الفخذ وضيجه وزقاير وبواريك وتجميل وتفخ ولبس مرصرص وفوق هذا جم وحده مسويتلي حبيبه مع مديرها بس واااااثقه اني احلا منهم كلهم ودايما اقوله كلهم تجميل وجياكر وانا مو تجميل واحلا منهم هههههههه اهم شي الثقه،، لا بس عشان يعرف انهم جياكر
وحذرت ريلي مايكلمهم بالموبايل ولا يعطيهم رقمه واذا يبون شي يدقون على اي واحد معاه بالدوام عشان يقوله،، لانه البنات مو هينين
وانا دايما اقوله انا واثقه فيك بس مو واثقه مع الي معاك


واجذب عليج اذا قتلج ماغار لا والله اغار وابينله اني اغار



ومايبط جبدي الا لمن ياخذ مني بخور ويحطه بمكتبه ويسالونه من ويلك هالبخور واهوا مسكين يسالني
يقولي تصدقين البنات اليوم يسالون عن البخور انا اتليعن اقوله قولهم زوجتي ماتذكر من وين هههههههههههه اهوا يقولي جذي عشان بيونسني انه ذوقي حلو واعليه بس ما اخليهمممم

 

[أإلع ـشق دلع ـهـأإ]

.









بس يَ بناااات هذا مااايمنع انج تااخذون حذركم ..

الشيطاان موجوود ..

والحريم بالزمن هذا يخووفوون ..

والله الرجال لو كاان محترم تجي بنت تخربه

انا يوم كنت بالميدااني وشفت انه الحريم اهي اللي تبدي بالسوالف مع الرياجيل !!

مو كلهم البعض علشاان ماايقبوون علي البنات خخخ

فاحسن شي الرجال دواامه بالحرس ولا الجيش كااااااك







.

 

[أعرفك نفسي]

اي نعم تييله اتصالات .. وانا اموت من الغيره عليه .. وهذا مو شك غيره
بس بوضحلج سالفة ، ترا لو اتصلوا فيه مو زميلاته اللي يتصلون المفروض
سسترات او سكرتيرات ونادرا جدا تكون زميلته

وبالنهاية الوحده فينا تحس وتعرف تفرق بين اتصال الشغل والاتصال الشخصي*

 

[M!Ss Un!VerSe]

اي نعم تييله اتصالات .. وانا اموت من الغيره عليه .. وهذا مو شك غيره
بس بوضحلج سالفة ، ترا لو اتصلوا فيه مو زميلاته اللي يتصلون المفروض
سسترات او سكرتيرات ونادرا جدا تكون زميلته

وبالنهاية الوحده فينا تحس وتعرف تفرق بين اتصال الشغل والاتصال الشخصي*

معاها

في بنات يتلزقون حتى بالمتزوج

وحتى لو اهي متزوجه

استغفرالله الفساد منتشر

اشكثر سمعت قصص بسبب هالاختلاط

وايد بنات خذوا رياييل من حريمهم تتمسكن لمن تتمكن

وبعضهم من فضاوتها تدق تسولف وتطرش مسجات معايده

ومسجات مالها داعي هالشي صار مع رفيجتي

*

 

[بيتي بوب بس كويتيه]

باول زواجي كنت أزعل
ومع السنين والعشره وعرفت اهوا شنو صرت عادي
صج انه في بنات بعضهم نيتهم مو شريفه هذي على طول قوليله عفيه بسلم عليها وما اعتقد بتدق موه ثانيه

 

[ام التوحدي]

انا زوجي طبيب ورئيس قسم وتجيله اتصالات من طبيبات وممرضات ومريضات وزوجات مرضى واحيانا لاجاه اتصال يطلع يكلم غرفة ثانيه اذا فيه فوضى

وانا مااهتز ولا افكر بالوضوع اصلا هذوله ماغار منهم اعرف انهم مايتصلون الا للضروري وعشان المرضى الله يشفيهم وكلهم زميلات ولان حتى اطباء يتصلون عليه

ثانيا عارفه زوجي زين زين انسان جدي جدا ثانيا يقدس عمله ومستحيل يفكر هالتفكير
ثالثا مرض ولدي صغر الدنيا كثير بعيوننا وعيوني انا بالذات ماعدت اهتم بشي

 

[ورقات]

يالله علي الاختلاط عندكم

الله يصبركم 00 الحمد الله ماعندنا في السعوديه

اختلاط ولا كان رحت فيها هههههه

 

[reallady]

قعدي معاه بهدوء حبيبتي وقوليله
يا ابو فلان الصراحة وايد اغار لما يكلمونك بنات حتى لو حق شغل تخيل لو انا يتصلون فيني رياييل شنو شعورك ياريت تراعي مشاعري انا ما ارضى يكلمونك بنات مهما كان...

 

[ببي جونسون]

اهوا يطلع معهم عندهم الوضع طبيعي فرند بحكم انهم اجاانب ماقدر ابطل حلجي باهاسالفه

 

[احلا المزايين]

شوفي حبيبتي احنا بنحط موضوع الثقة على جنب
برايي ماكو رجل يستحق الثقة
وانا ماادعوا للشك لانه مافي رجل يستحق نوثق فيه او حتا نشك فيه
عادي واذا شغله مختلط
اهو انسان كبير وناضج مايحتاج نصائح واتوجيهات
عارف شيسوي
ف ليش اتشيلين هم
بالعكس خليج ريلاكس وعيشي حياتج معاه من احسن مايكون
والتطنيش طبعا حل لكل المشاكل

 

[احلا المزايين]

.









بس يَ بناااات هذا مااايمنع انج تااخذون حذركم ..

الشيطاان موجوود ..

والحريم بالزمن هذا يخووفوون ..

والله الرجال لو كاان محترم تجي بنت تخربه

انا يوم كنت بالميدااني وشفت انه الحريم اهي اللي تبدي بالسوالف مع الرياجيل !!

مو كلهم البعض علشاان ماايقبوون علي البنات خخخ

فاحسن شي الرجال دواامه بالحرس ولا الجيش كااااااك



حبيبتي ليش الشقا
يعني اللي بالجيش والحرس منزهين مثلا
ياقلبي اذا ماسلمتي من المغازل باالدوام
ماتسلمين من البرامج الوصخة اللي سهلت هالشي
يعني المغازل والبنات صاروا بكل مكان
الوحدة شتخلي شتقول
والرجال مايمنعه من الحرام
لاحذر الزوجة ولا تطنيشها
مايمنعه غير ربي سبحانه اللي يهدي من يشاء
فالحل لهالمشكله الدعاء ثم الدعاء
وانه الوحدة اتهيء نفسها للاسوء عشان اذا انصدمت تكون الصدمة اخف

 

[سماء الاحساء]

موضوع جميل يستحق النقاش. أختي ورقات منو قال بالسعوديه مافي اختلاط بالعكس فيه شغل المستشفى والقطاع الخاص و و و مالا آخره

 

[amami al-kuwai]

ضحكتني العق دلعها

بس انا مع كلام اللي قبلي البرامج سهلت الموضوع وهو قاعد يمج بس الله الهادي

الحمدلله زوجي دوامه مو مختلط بس ساعات يتعامل مع الحريم بحكم انه بالطوارئ

بس الوضع عادي لا اتصالات ولا بطيخ

بس هم في بنات ابليس منتشرات والله يعينكم

 

[amami al-kuwai]

وعلى فكرة الاختلاط مو حرام الخلوة اللي حرام

والدلائل كثيرة من حياة الرسول عليه الصلاة والسلام والصحابه