اللي ريلها اتزوج عليها لاتزعليييين @@@@@@

[شادن33]

السلام عليكم
اليوم موضوعي عن اللي متزوج عليها ريلها
من واقع الحياه اللي اشوفه ومن بعض الحالات اللي عايشتها في عصري خخخخ ديناصور

انا اشوف المره اللي تزوج عليها ريلها لازم اتصير قويه وتحاول تتكيف مع الوضع الحالي
بكامل قواها العقليه والجسميه

يمكن انا ماجربت هالاحساس والله لايراويني
بس يمكن اذا مريت بهالمصيبه وانا اسميها مصيبه لانها تزلزل كيان الاسره باكملها
الام اتكون مشرده التفكير تفكيرها منصب على الريل شنو سوا وشنو عطى المره اليديده ووين طلعوا
وما لها خلق البيت واليهال وانا مالومها الله يلوم اللي يلومها
بس انزين خلااااص الريال اتزوج وخلاص
ليش اتدمرين اعصابج وصحتج صح اول الصدمه تكونين مهزوزه من كل النواحي
بس لازم تستجمعين قواج وتلملمين قشج خخخخ اقصد تلملمين جراحج
وتعيشين حياتج هذا اذا كنت قويه الاراده مايهمج ريال راح ولا ياه المهم عادل بينكم ومااييبلج مشاكلها عندج
انا اشوف اللي اتسوي جذي صج صج مره قويه وحديديه ولازم اتصير جذي

موتودرين بيتج وعيالج والبيت كله مشاكل والصحه زفت وكلشي مخربط ليش اهو اللي شراله هالعله
واهو مسؤؤؤل عنها
ويكون قادر عل المسوليه واذا لاء ذيج الحزه في كلام ثاني

يمكن اتشوفون كلامي مثالي وبتقولون انت ما تزوج عليج ريلج انطمي واسكتي
بس يمكن انا راح اسوي جذي اذا فكر الطرزان مالي يسوي هالحركه خخخخ
قولوا فال الله ولا فالج خخخخ

يعني خلاصه الكلام اقول حق هالفئه
ترا انتي مو ناقصه عشان اتزوج عليج ريلج
ولاعوبه
بس الله ابتلاج بلاء واذا كنتي مؤمنه احتسبي الاجر عند الله
وعيشي حياتج وافرحي ولاتخلين هذا ياثر علي بيتج وعيالج وتصير الحسره من كل صوبن وحدب
هذي وجهه نظري ادري بتكفخ خخخخ

انتو قولوا وجهه نظركم
ودمممممممتم سالميييين

 

[شادن33]

شوي شوي علي لا تهاوشوني خخخخ
مجرد وجهة نظر

 

[Tom ♥ Jerry]

.


لوووووووول

وجهه نظر نتقبل جميع وجهات النظر
شوفي اهوة مستحيل وحده ما تزعل خصوصا اول الايام
و من الصدمه زين ما يصير فيها شي لووول ..

بس المره الذكيه تفكر ليش تزوج علي ؟!
اغلب الحريم خلاص اذا ريلها تزوج عليها تتطلق ..
و هذا غلط اكيد خصوصا اذا كان عندها عيال راح يتشتتون

اعرف وايد حريم عقب ما رياييلهم تزوجوآ عليهم عاشو في سعاده
عقب ما كانو متضايقين و محكورين و و و آلخ

انا انا لا سمح الله يعني لو ريلي يتزوج علي بعيد الشر هههه
راح ازعل اكيد شهر شهرين 3 مليون سنه كامله
بس خلاص ماردي حق بيتي و بنتي .. اتفق معاه مثل ما انته خذيت حريتك و تزوجت
تعطيني حريتي و ترا الي مصبرني بهالبيت بنتي بس ..
اييي اعيش وياه بس حق بنتي عشان ما تضيع !
اطلع و استانس و اهوة خل تنفعه ست الحسن و الدلال


شكرا :$

 

[om MaRyooM]

لوووول اهم شي ردج الثاني
جنه تدرين ان في احد بيتهاوش خخخ



مادري يا شادن انا اقول الكلام سهل والتطبيق في واقعنا صعب .. بل يكاد ان يكون مستحيلا <<<اتعب ع اللغة الصعبة

وان كان علي لاسمح الله اكيد بزعل وبموت من القهر .. بس عندي اعيش بكرامتي كمطلقة افضل من اني اعيش كمرة يشاركها بزوجها مرة ثانية

 

[black rose BH]

تف تف الشر برا وبعيد ياحبيبتشششششي

يمه ههههههه ماني لا استطيع ريلي يذهب الى زوجتن اخرة فربما اموت من البشوات :|

^ لوووول

تسلمين حياتي ع الموضوع الجميل والله يصبر الا متزوجين عليهم

والله لا اييب اليوم الا يتزوجون علينااا
​

 

[كوكب العرب]

بسم الله الرحمن الرحيم
واسعد الله اوقاتكم بالمسرات والسعاده
ومساكم عسل جميعا
تف ولا مو تف ههههههههههههههههههههه غصب اه حصل والي كان كان وش نسوي ربك هو الوهاب والمعين يوما لك ويوم عليك اه اه اه ياقلبي
رسالة مضمونها الم وعتاب مضروفها اسود وحروفها سود

 

[منال $]

يااااااااااااويلي الله لايقولها
والله موتو على ايدي هو وياها

 

[شادن33]

هههههههههههه
توقعت هالردووود
يبا قلنا لو لو. ههههههه

 

[مطلقه جريحه]

حاسه بكوكب العرب

 

[ماني من الناس]

انتي منزله الموضوع وايدج على قلبج


صراحه الوحده اللي يتزوج عليها زوجها يبيلها قلب حديدي وخصوصا اذا كانت


















تحبه من قلب

 

[queen77]

لا والله عسى الله يهدي كل زوج لمرته ويصلح حاله لها وبس سئلوني انا نفسيتي كلش مو زينه والسبه زوجي وتهديده تخيلوا خواتي من اول ما تزوجته وانا نفسيتي تعبت من كلامه ونيته على زوجه ثانيه وانا كل يوم نفسيتي تسوء و

 

[مولاي الفرج]

تزوج ولا ماتزوج

انا ادري ان العين زايغه والله كريم ههههههههههه

 

[RO0O7Y KUWAITYA]

مولاي الفرج. .... خخخخخخخخخخخخخخخخخخخخخخخخ اي والله العين زايغه والله كريم

الله لايجيب هذاك اليوم

والله شدون احس صعبه حتا التعليق

بس قولي اميييين انتي وانا وكل الي ردوووا ((( عسا رياجيلنا مالهم من الحريم بهالدنيا الا احنا وعسا ربي يهديهم ويباعد بينهم وبين الحرام ويطفي عيونهم يامولاي الفرج. ))))))

الله يعين بس

 

[للصبر أخر]

اذا بتعرفين هالموضوع شكثر صعب وكلامج قابل للتطببيق او لأ..جربي زوجج يتغشمر معاج بس بهالموضوع غشمره موصج..
وشوفي شيصير فيج؟؟!!

الله لا يحط احد يهالموقف والله بلاء عظيم وفتنه كبيره تزلزل النفس وما تقدر الوحده تصير مو مهتمه اشلون ما تهتم وهذا ريلها وحياتها دخلت عليها وحده وشاركتها باقرب انسان عندها واحلى علاقه بينها وبينه؟والله الزوجه الثانيه غصه والم بالنفس طول العمر

انه افضل اني اعيش بكرامتي مطلقه ولا بظل ريال وحرب نفسيه وغيره وتعب نفسي الحمدلله انه واليهال عايشين فيه وبلياه اربيهم بنفس قويه وراحه نفسيه احسن من ما يشوفون امهم تعبانه نفسيا وابوهم يوم عندهم ويوم مايدرون وين يروح ولا عارفين شسالفه ومنو هذي اللي غيرت نظام حياتهم فجأه؟

 

[للصبر أخر]

وعلى فكره الزوجه الأولى بالبدايه عالأقل صعب تكون اعصابها حديد بتكون بقمه ضعفها ومهزوزه وتعبانه اللي بتكون قويه واعصابها حديد وقلبها حجر متحجر الزوجه اليديده لأن ماتتجرأ وتقرر تكون زوجه ثانيه وتدخل بين مره وريلها الا اللي حاسبتها صح وقويه وما ينداس لها على طرف ومرتبه كل امورها بعكس الأولى اللي مسكينه تفاجأت وانحطت بوضع زلزل حياتها وكيانها انفرض عليها مو بإختيارها!! عشان جذي افضل اعيش حياتي بهدوء ما اقدر على هالعيشه والحرب وحياة الذل ولا اتقبل وحده تقتحم خصوصية اسرتي ولا عمري بصفى لها خلها اهي نزوه بيفرح فيها مثل اليهال لما يفرح بشي يديد ويمل منها ومرده الريال حق بيته واعياله..المره الأولى للريال غير ويكفيني اني تمتعت باحلى احساس اني اكون الأولى بحياته اول مره عاشرها وعرفها وتزوجها وفرحته وكل شي!!

 

[وضح النقآ]

هههههههه شأدن يسلمو ع الموضوع يمكن ان يكون صح وانا تعجبني المره الحديديه يعني مو تصير خبله تطلق ﻻ المره مالها اﻻ رجلها وعيالها
بالطقاق مايشوف شر يتزوج ثلاث اربع بس ااقعد ع جبده ومهما كان المره ضعيفه من غير رجال فتضعف اول اﻻيام بعدين تردله والرجل حلل اربعه


وبعدين توقعوا الغير متوقع من ابو سروال وفانيله خخخخ
أنا والله رجلي دوم هاذي سالفته اضحك اقول عادي ماتشوف شر وانا بعد صغيره واشوف طريقي ينجن يموت
طبعا خاف بس صج بس كلام ادري ﻻني احبه

وانتوا إذا رياجيلكم قالوا جذي عادي ﻻتعصبون وياخذ الموضوع بجديه ويحطه براسه. خليج ريلاكس وحسسيه اخر همج هو

 

[قمورة الكويت]

اقل اقل شي احررررقهم
نفس ما سوت اللي حرقت خيمة عرس زوجها هههههههههههههه تذكرونها

هذا اقل شي اسويه من حرتي


الله لا يقوووله ان شالله ما نشوف هاليوم

 

[قمورة الكويت]

وضح النقا
هم انا اذا جاب هالطاري اقوله جذي هههههههه صج ينجن ويقول خلاااص صكي هالموضوع

 

[سكرة هانم]

شادن موضوعج عالجرح صارلي فتره افكر فيه

الله لا يقوله الله لا يقوله شر بره وبعيد لو حصل لاي انسانه خصوصا اللي عندها عيال
شنو احسن خيار تظل معاه وتطلب حريتها وتمارس حياتها نص عزوبيه ! وهل اهو راح يوافق يخليها تروح وترد وعزايم وسفرات واذا بتكمل دراستها او تتوظف بخليها على كيفها ؟؟ والا فوق شينه قوات عينه هم يتزوج ويحكرها ويصك عليها

انزين في حال انها تطلقت تتحمل كلمه مطلقه ومايتبعها من سوالف ..وحش الحريم وقرقتهم وكل من يبدي رايه!! اهلها بخلونها تروح وترد وتطلع وتسافر ! بخلونها تسكن بروحها والا معاهم !! عيالها على ابو انها مطلقه كل من بربي وبزف من صوب


الحالتين صعبه صعبه صعععععععبه والله يكون بعونهم ..للحين مالقيت جواب انطر اراء البنات*

 

[بخـــارى]

شادن بقول نكته بخصوص هالموضوع

واحد يقول لزوجته اليوم اصدر قرار من الحكومه ان الي مايتزوج ثانيه بيعدمونه وش رايج؟؟

قالت : ضيق القبر ولاضيقة الصدر وانت راعي صلاة وصوم وان شاءالله انك من اهل الجنه خل يعدمونك
هههههههههههههههههه

صايره انكت بعد