اللي ريلها اتزوج عليها لاتزعليييين @@@@@@

[رق رق]

لا حوله ولا قوه الا بالله
شدوووون شدووووون ليش ليش يااا شدون

 

[سبحان الله]

نسمع ونسلم الله لاااايحطنا بهالموقف
*

 

[كريستال]

الله لايكتبها علي ولا على حد

الموضوع جاب لي صداع نصفي وشوي وببجي

حسبي الله على الريايل اللي يسون جذي في حريمهم وحسبي الله على البنات اللي ياخذون واحد متزوج وعنده اعيال ويحرقون قلب مرته الله لايوفقهم اميييييين عسى حوبتها ماتعداهم وايد انفعلت بس صج شي يقهر الله لايوفقهم يارب

 

[ѕну gιяℓ]

الرجل ليس له اي ضمان للمراءه واللي ساكت هو اللي بيتزوج لكن اللي يقول بيتزوج ماراح عمره بيتزوج
والله يخليلكم ازواجكم ويسلمووووو

 

[Miss trfa]

يمااااااا الشر برا وبعيد
الله لا يقوله 

مااا اتخيل ابدا اني اقدر اتحمل

اعصابي تتلف بمجرد التفكير
عندي اتركه واعيش بعيده وخليها تنفعه ال...... <<< عصبت

ولا اني اشوفه واتحسر انه كان مع وحده غيري

شدوون شهالموضوع عورتي قلبي :'(

 

[صاعقة بيوتي]

شادن بقول نكته بخصوص هالموضوع

واحد يقول لزوجته اليوم اصدر قرار من الحكومه ان الي مايتزوج ثانيه بيعدمونه وش رايج؟؟

قالت : ضيق القبر ولاضيقة الصدر وانت راعي صلاة وصوم وان شاءالله انك من اهل الجنه خل يعدمونك

هههههههههههههههههه

صايره انكت بعد

:eh_s(15)::eh_s(15)::eh_s(15)::eh_s(15)::eh_s(15):

 

[الجوهرا]

شدون موضوعج هالمره يضيق الخلق
قولوا هالدعاء اللهم لاتجعل له حظا"في النساء مع غيري يارب العالمين
الله لايحطنا بهالموقف يارب

 

[الزورق222]

كل سوالفكم مصدرهاا غيره اهدى شوي وفكرى دقايق وراح تهدين وتختفى غيرتج لاتخلين احد يلعب باعصابج لااهل ولاصديقات ولا اخوات اعتبرى الموضوع ولاشى صج مثل ماقالت وحدة من العضوات اذا كان الزوج يضحك بهالموضوع ترتفع الغيره بمعدل عالى جداا اشلون لو حقيقة ..
تزوج وحدة او اربع كل السالفة واستقرار الاسر بيد الزوج هو من يهدأ زوجته ويخمد نار الغيره ..
الله يعينكم يااحريم ترى انا مو متزوجة ادعولى بواحد يكره كل الحريم الا انا هههههههههه حلوة الجملة طلعت منى ..تذكرت انغام الا انا ..

 

[*آسوومه*]

المووضووووع متشعب و طويل
بس و الله ان طرتوا ولا وقعتوا
المره تظل طول عمرها مره
و الغيره تشب بقلببببببببها
اذا امي احين الله يحفظها
صار لها متزوجه ابوي 20 سنه (( الله يخليهم لبعض ))
من يلمح ان بيتزوج <<< عشان ايننها
تقول له عطني ورقتي اول عقب تزوج
لان ما تهوووون ما تهون صج ان الوحده يتزوج عليها ريلها
ببساطه لان تحس فضل غيرها و غيرها صار يشاركها فيه !
يعطي غيرها مثل ما يعطيها
ينام ف حضن غيرها
ياكل من يد غيرها
اذا احنا نغار لما ازواجنا يهتمون وايد بربعهم ف شلون لو ياب حرمه ثانيه ؟؟؟؟؟؟؟
و غير هالاحساس
تحس انها شي جداً رخيص !
لان فيه لها بديل !!!
ان هي زعلت عليه
طقع لها << سوري ع الكلمه >> و راح عند مرته الثانيه !
يعني ما تحس بقيمتها الحقيقه كـ انثى مؤثره بحياته
و للانسان قلب واحد يعني الريال له قلب واحد
مُستحيل يحب زوجتينه او زوجاته بنفس المستوى
اكيد بيفضل وحده من ناحيه المشاعر
و كل يوم ف بيت وحده
يعني الريال ما تحسينه مستقر
مره عند هذي و مره عند هذي
هاي غير العيال الي بيحسون ان ابوهم
مجرد " ضيف " و بيتهم " فندق " له
و بتصير علاقتهم جداً رسميه !!
عندنا جاره ما شاء الله يايبه 7 صبيان و بنتين
و هالانسانه ما شاء الله عليها راعيه بيت و طباخه
يعني بيرفكت على ما يقولون
تقريبا صار لها متزوجه 23 سنه
و ريلها من فتره تزوج عليها !!
و احين طول يومه منقع عند مرته اليديده و هاذي مخليها !
يعني عقب هالعشره يخليها
يعني حقاااااره بشكل محد يتصووووره
احين جارتنا كارهته كره العمى ولا تبي تشوووفه من كثر ما هي محترق قلبها
افنت عمرها عليه و ما قصرت يابت له العيال و قامت فيه فالاخير يجازيها ب مره على راسها !!!
و ابوي الله يحفظه قال لي كلام ما راح انساه لان سئلته ( شلون قبل الحريم يرضون بالشرايج ) !
قال : احين الحرمه من يفكر الريال يتزوج عليها اول شي تقوله
" ورقتي " .. " طلقني " !!!!!!!!!!
لان فهالزمن الريال هو الي محتاج المره
لكن المره تتخرج و تاخذ شهادتها و تشتغل و تصرف على نفسها
و قبل يعني على ايام الاولين الريال النوخذه او الشيخ او كبير القريه
يعني الغني منهم تلاقين عنده بالثلاث و الاربع حريم ليش ؟
لان قبل فقر ! ما عندهم فلوس ياكلون و الريال قبل لما يكون عنده بنات
يحسهم هم لان منو بيأكلهم منو الي بيلبسهم !
ف ازرعوا ف مخ المره ان " مالها الا بيت ريلها "
سواء تزوج عليها ولا لا
يعني مجبوره تضحي !
و تصبر و تسكت
اما احين لا !
نادر ما تلاقين وحده ( تحــــــــــــب ) زوجها و ترضى ان يتزوج عليها
حتـى لو هي ( عقــيم ) تتطلق و عقب يتزوج غيرها
لان صعبه صعبه صعبه
يعني لو تحب زوجها و كل شي اوكي عندهم عيال و هي قايمه فيه
و يتزوج عليها تلاقينها لا اراديا مشاعرها تنقلب صووبه !
تكره تنكد عيشته و بصراحه ما تنلام
لان تحسه ما يحبها !
و العقيم بيحترق قلبها !!
نفس سالفه مسلسل شويه امل
بثينه الريسي متزوجه و ما تجيب عيال
عقب اختارت رفيجتها تكون شريجتها فالاخير شوفوا شنو صار !
بالنسبه لي انا ما ايد التعدد كلللللش تعدد ( البطره قصدي )
الي يتزوج بدون سبب حتى لو الشرع حلل له
لان بهالشي بيدمر اسرته و الله ما يرضى بهالشي
و الله يوم حلل التعدد حلله لاسباب و حط شروط
و من اهمها ( العدل )
اذا الريال صعب يعدل بين عياله شلون بيعدل بين حريمه ؟
و الظلم و الله مب هين
الظلم ظلمات
و دعوه المظلوم ما بينها و بين الله حاجز
و بالنسبه لي حاله وحده اسمح فيها بالتعدد !!
اذا الزوجه عقيم ولا لها امل بالعلاج
ممكن زوجها يتزوج بس على شرط
1- تكون تدري انه بيتزوج
2- يعطيها الحريه اما ف انها تبقى معاه و ترضى بالشريجه او انها تنفصل عنه

و كان الله غفوراً رحيمــا ..
ســـــــلآآم

 

[توته الحـــلوة]

الله لايجيب هذا اليوم
بس بصراحه صعبه علا كل زوجه ودمار شامل للعائله
وبالنسبه لي الله لايقوله مع ان هذي سالفته الموفظله
ودايم اقوله
عطني ورقتي
دربك خضر
من باعنا بعناه لو كان غالي
بيتي لي وعيالي عندي ربي يحفظهم
وحكومتي معاي
ماتشوف شر.
علا قوله الاولين
شقاك علا جيبك وعلا ?????????????
افهموها عااااااااد
ولا اعيش انطر صدقه منك
ماحب يشوفني ظعيفه وعايشه عشانه
هذا راي
وسلامتكم &#55356;&#57146;&#55356;&#57146;&#55356;&#57146;&#55356;&#57146;&#55356;&#57146;&#55356;&#57146;&#55356;&#57146;&#55356;&#57146;&#55356;&#57146;

 

[كوكب العرب]

خلاص هدو بنات معليكم مو متزوجين هههههههههههههههههههه وضح النقاء رهيبه من جد كرستال الصداع النصفي ليلة الدخله هههههههههههههه الزورق انتي حكيمه وثقيله جدا انا سويت مثلك بس نار يحبيبي نار هههههههههههه مهما يكون

 

[ليدي23]

هههههههه الله يعين يبا ريايل مالهم امان

اقول خل يتزوج يبا بيتحمل كل شيء حتى اليهال اهو المسؤل بكل شيء هههههااي

بس الحمدالله انا توني عرسي ماباقي شيء الله يعين ان شاء الله مابقصر معاه

 

[((shoOoshoOo))]

التفكير يوقف حزتها

بس الاكيد راح اكرهه ومومجبوره اعيش مع واحد نص قلبه معاي وانا قلبي كله له !

 

[توني انتبهت]

الله يهداج اش هالموضوع يااشادن

انا بس مجرد تفكير بس تفكير
ابجي والله مااااقدر صرررراحه

وع قولة عسانا مانشوفها حيين والا ميتين

دخولها بس يدمر بيت كامل واسره كانت مستقره


الحين الفجر

اسال الله العظيم رب العرش العظيم ان لايريني انا
وخواتي وكل وحده اعرفها وانتم الزوجه الثانيه

وان شاءالله مايشوفون غيرنا طول م احنا عايشين ويبعدهم عن الحرام
ويسعدونا اكثر واكثر
والله يهديهم ااااااااامين

مشكوووره ع الموضوع اللي عور قلبي والله

 

[كويتية تكفي مية]

الله لايقوله ولا يكتبه حتى لعدوتي لانه جد شي مؤلم ماتمناه لاحد

بس ان سواها انا بطلق منه وباخذ نصيبي بالبيت وبتزوج واسكن ريلي ابيته واخليه يشوفه داش طالع لا ويوم له الديوانيه ويوم لريلي خل يتحمل يعيش مع شريج وشرط انا اخذ الدور اللي تحت ابيه يدخل ويشوفه قاعد ومتكي وانا عنده هههه واسافر واحذف عيالي عليه بقعد شهرين عسل بدال الشهر

بس وين احصل لي ريل يديد اكيد الخطابات يطلعون لي

امبيه اتزوج لبناني ههههههههه تيله جلطه والله ويغنجني الصبح واييب لي ريوق واهو يموت لبناني وساكن ابيته
شرايكم بنات

 

[شادن33]

لوووووول
ادري
رفعت
ضغطكم
ومزيد
من
الردود خخخخ

 

[كوكب العرب]

بسم الله الرحمن الرحيم
واسعد الله اوقاتكم بالمسرات والسعاده
شااااااااااادن جزاك الله خيرا يانتي بتنذبحين من بعض البنوتات ههههههههه
عموما هونوها وتهون معليش الوحده بتزعل وبتمل وبيضيق خلقها بس معليش الحق معهم الشرع حلل اربع واذا هو مقتدر وبيعدل اوكيه خليهم يفكون العنوسه وانتي بعد اخذي حقك كامل معليش فكرو بعقل وبنظره شرعيه بس مو يعرس وهو لسع عريس يعني بعد عشر سنوات زواج او خمسة عشر سنه اوكيه
ياخت دنيا اسعد سعيد الله يسعد ايامك وحياتك يازين ويحلاة الثوب رقعته منه وفيه صدقيني هذول الي تقولين بنتزوجهم مايبون الى مصلحتهم والجنسيه والمعاش فقط لاغير بس اسلوبهم وكلامهم عسل لاكن النيه نية شيطان وروحي شوفي المحاكم وبلاويهم لا دين وايمان ولا شهامه ولا رجوله ولا غيره ياخذ الي يبي ويرميها رمية الكلاب صدقيني واحد من الي تقولين قال لها في المحكمه انا نظفتك يازباله وماكنتي بتحلمي فيا بعد ماصكها ديون وقروض وماجاته الجنسيه رماها وبهذلها واسالي عنهم وتعرفين يازين رياجيل الخليج وياحلاتهم شهامه ورجوله وعزه ودين واخلاق مو كلهم بس اغلبهم واذا هو اخطى ابوه او اخوه او خاله يعدله هذا رائي الشخصي تقبلي مروري

 

[شادن33]

كوكب ألعرب أشفيييج خخخخ أنا ماقلتلهم زوجوا رياييلكم
أنا قاع أواسي الزوجه الأولى وأشد من أزرها

 

[حبيبي مالكني]

الله يسخر لي ريلي

 

[كوكب العرب]

خخخخخخخخخخخخخخخخ شااااااااااااااادن انتي اصلا عليك حمله بالفيس بوك وتويتر بس انتبهي على حالك واشتري سياره مضاده لرصاص