اللي تلبس قصير او شورت لما تطلع تعااااالي بسرعه

[مس دلال]

واااااااااااااااااي بعدين لحد تحرش فيها قالوا لييييييييه !
مساكين الرجال والله مالهم ذنب

والقصير منتشر بقوه
عشى الله يهديهم

 

[رحيق الجنه]

،


اول شي الله يهدي الجميع


ثآآني شي شكــو ترى النآس بـ الكويت طبقآآت يعني فيه اهل غصب البوشيه وفيه اهل غصب النقآآب وفيه اهل غصب العبآآيه وفيه اهل غصب الحجآآب وعآدي حجآب ولبس ضيج وليقنز وغيره !

وفيه أهل عآآدي عندهُم ضيج وقصير وغيره !!


انتي لأن مجتمعج جذي تستنكرين هـ الشي بس غيرج عآدي


وحــده معآنآ بـ الدوآآم تلبس قصير حــده واذا قعــدت الفخــوذ كلهآ برآ ابوهآ الي يوصلهآ الدوآآم مرت اخوهآآ مثل طقتهآآآ ليش اخوهآ مآ استنكر من اختــه او زوجته قبل لآيآخذهآآ ؟

ووحــده ثآنيه معآنآ تلس قصيــــر وضيـــج ومره لآبسه شورت حـده حــده قصير والصدر كله طآآلع وهي متزوجـــه وعندهآآ بنت وزوجهآ عآآدي عنده


يعني النآآس طبقآآآت واذا بتنصحيــن وحـــدهـْ رآح تستنكر نصيحتج لأن اهلهآآ عآآدي وفري :/


ومششششكورهـْ ع الموضوع

بس مو معناته الي تسوية صح حتي لو استنكرته !!!

بالعكس غلط وما يرضي الله سبحانة وتعالي

بس شنو تسوين قال تعالي : (وَمَا أَكْثَرُ النَّاسِ وَلَوْ حَرَصْتَ بِمُؤْمِنِينَ) [يوسف 103]

بس في النهاية كل وحدة فيها ذرة خير حتي لو استنكرت

واذا ما عملت بالنصيحة فأكيد بتسمعها وبتقبلها

 

[عادي من قلبي أشيلك]

يعطيج العافيه عالموضووووع
بصراحه موضوع شيييي


بالنسبه للبس هالايام كلش غلط بغلط لا السفور ساتره نفسها ولا المنقبه مو الكل البعض

بالنسبه لي انا احترم الناس ع حسب لبسهم يعني مرااات تجي وحده سفور لابسه لبس راهي
وتجي وحده ثانيه منقبه والمكياج من الى والعباة مخصره

والعكس تجي سفور مخصر اللبس وقصير وكلامهم مااايع
ومنقبه محتشمه ومافي احلى من لبسها


اما بالنسبه للي يلبسون قصير وشورتات اذا طلعوو الشرهه ع اهلهم يعني هي طالعه لابسه جي شنو خلت لزوجها والحفلات

الله يستر عليهم

ويبعدهم عن زوووووجي هههههههههه

 

[يالبى روحك]

رد : اللي تلبس قصير او شورت لما تطلع تعااااالي بسرعه

هالشيء حرام ليش للحين تتجادلون فيه ؟؟

اذا الرجال راضي على خواته والا زوجته تلبس قصير قدام الناس فهذا ديووث

والديوث = هو الذي لا يغار على محارمه

والرسول عليه الصلاة والسلام قال لا يدخل الجنة ديوث

يعني هالموضوع مفروغ منه وعارفين وش حكمه ؟

انا استغرب من البنات اللي يقولون ان اهلهم معودينهم على هاللبس


طيب اذا اهلج ما يدرون انه حرام .. معقوله انتي بعد ما تدرين ؟؟


وعلى فكره ترا كل وحده فينا


مثل ما ولدت من بطن امها لحالها


راح تمووت لحالها


وبتدخل القبر لحالهاا


وبتتحاسب لحالهاا


دامج عرفتي الحق وين .. يا اختي انجي بنفسج وبلاش هالمماطلات كلهاا

والله ثم والله مرح ينفع هاللبس بالقبر وبتتمنين اذا شفتي العذاب اللي يتوعدج انج تردين للدنيا وما تفكرين مجرد تفكير بهاللبس




بالاخير اقول الله يهدي الجميع ان شاء الله


واسفه ع الطواله

 

[بنت ابويksa]

up up

 

[كويتيه وافتخر]

رد : اللي تلبس قصير او شورت لما تطلع تعااااالي بسرعه

اللي معترضين عالنصيحه

ياناس من رأى منكرا فليصلحه بيده
ان لم يستطع فبلسانه
فان لم يستطع فقلبه وذلك اضعف الايمان

والبنت كتبت موضوع عام نصيحه لوجه الله ماقالت بنات عايلة الفلان والفلان

علشان تقولون كيفهم خليهم

لا والله مو كيفهم كيف الشيطان اللي بروسهم
والا ديننا امر بالستر
وامرنا بالامر بالمعروف والنهي عن المنكر

الله يجزاج الجنه اختي صاحبة الموضوع ويعطيج عقد نيتج

 

[نـــــوف]

الســــــــــــــلآم عليكم ورحمة الله وبركــــآته :nbvppw:

اي والله صدقتي بكل اللي قلتيه

شي يحرر والله على البنت حرام يطالعون لها الناس بهالنظره

بس والله فيه بنات وهم لابسين عبي يخزونها خز استغفر الله يا ربي

بس عاد غير لما يكون لبسها قصير يعني استري على روحج لا تاخذين ذنوب الغير

الله يكفينا الشر

مشكووورة اختي على الطرح

:nbvppw:

 

[randomy]

مشكوورة حبيبتي

بس الموضوع مايحتاج مناقشة

هذا حلال وحرام

واللي خايف ربه يعرف اشيلبس

وحدة مطلعه عورتها يعني مفصخة بالكويتي الله يعينها على عذاب جهنم

والله يستر عالجميع

 

[Miss McDonald]

الله يعطيج العآفيه ..،
بس الملآبس مآ عمرهآ كانت دليل للشخص ..،~
يآمآ بنآت منقبآت بس مآ تخلي آحد إلآ وتخززه ..!
ويآمآ بنآت قصير وفوق الركبهـ بسس محتررررمهـ نفسسهآ ومحترمهـ غيررهآآ ..،

حريتهم وكيفهم ..،

تقبلي مروري ..، ~

 

[آلمترٍفه ِِِ~]

كلن حرر بـ كيفه


وفي نآس عندهم عآدي وفي نآس لآ

ع آلآقل هذي مو محجبه آلبلآ من آلمتحجبة ومتفسخه

 

[FoFwa]

رد : اللي تلبس قصير او شورت لما تطلع تعااااالي بسرعه

حبيبتي مالج شغل فيهم ولا تعورين قلبج

مو انتي اللي تبين اتحاسبين باجر اهيا

الي تبي تتعذب وانا ابي اعلق على كلاام

اختي ( بدويه وايد )

اوكي الناس طبقاات بس البنت المحترمه

واللي تخاف الناس تتكلم عنها او الريايل

يشوفونها ما تلبس جي حتى لو كانت اهيا

منو وبنت منوو ربنه واحد مماتي

وكلنا راح نتحاسب ومثل ماقلتلج اختي

مالج شغل فيهم وكل وحده ادرا بعمرها

وسلامتكم =)

 

[Turquoiseya]

الله يهدي الكل ان شالله

 

[شانييل]

صحيح كل كلامج صح
الله يهدي الجميع ويهدينا يارب العالمين

 

[MoonDiamond]

يا اختي يابعد جبدي انتي ليش معوره قلبج وشايلة هم بتصلحين الكون مثلا؟ اكيد لا محد فينا يقدر ايصلح الكون

انا معاج وكلامج كلا صح بس هاذي شغله الوحده تحس فيها من نفسها تلبس قصير اطلع فخوذها اطلع ازنودها

اطلع كراعينها كيييييييفها حره مالنا حق على بنات خلق الله صج الستر زين بس هم بالنهايه كل وحده كيفها

والناس احرار حبيبتي انا مثلا مع ان لبسي عادي وسطي و مومتحجبه اطفارتني النقاب ايقمت قلبي والعبات ماطيح على جسمي الا بالعزا شلون يعني مومحترمه؟؟؟؟

وشكلي انا واللي مثلي استر من وايد متحجبات ومتنقبات اللهم يكافي تشوفينها مترصرصه بهالعباة حتى الشيسمونه ايبين

وحاطتلج كحلت نفرتيتي ولابسه النقاب يعني اشكرا غازلوني اشوف محد ايييب طاريهم

مع احترامي لج ولرايج اختي اقول دعو الخلق للخالق وكل انسان رقيب على نفسه

تحياتي

يا قلبي والله صاجه
انا كان معاي بالجامعه شكثر بنات مو متحجبات ولبسهم محترم حيييييييييل
وفي بنات يتهورون ويلبسون شي مو شي وكنا نلفت نظرهم ويغيرون ستايلهم اذا مو حزتها بعدها بفتره
والصاحب ساحب
ما تحجبوا بس تغير لبسهم مع انهم متعودين على هاللبس وعادي بعوايلهم وفي وحده تحجبت وامها مو متحجبه

وهذيل رفايجي اللي اموووت فيهم
وعلى فكره انا منقبه وعباة راس ودسوس

يا قلبي اذا شفتي شي بمجتمعج موزين ويعارض الدين والا العادات والتقاليد
لازم تتكلمين
ماكو شي الكل بكيفه وعلى راحته
عاد الا التفصخ اللهم يا كافي
شورت عاد شورت!!!!! قلت الهدوم!!!!! :gr4uu:

 

[انصاريه قمره]

عيزناا واحنا نحجي خل يولوووووووون مليناا يحترقون بنار جهنم

 

[ام شيخوه]

رد : اللي تلبس قصير او شورت لما تطلع تعااااالي بسرعه

الله يجزاج خير اختي المشكلة اللي تجاهر بالمعصية وتقول انا مو متحجبة يعني مستانسة بعمرج الحمد لله والشكر

 

[أسيرة_أحزاني]

الله يهديهم

 

[هدولى]

الله يهديهم .

 

[~Princess~]

كل واحده قامت تحلل وتحرم بدون ما تشوف نفسها استغفر الله

يعني تبون تفهموني انكم كلكم مو قاعدين ترتكبون المعاصي؟ مو قاعدين تتبرجون ولا تتعطرون؟؟؟

لحظه لحظه... يعني اللي لابسه عبايه ونقاب، وحاطه هرم تحت الحجاب، كعبها يجكجك وكلحتها واصله ليه مخها وعطرها تشمينه من عشر امتار،،،، هذي احسن من اللي لابسه قصير على ابو محتشمه؟؟ ترى هذا الشي رب العالمين يحدده مو انا ولا انتو

ما ادافع عن اللي تلبس قصير. بس هذي حريه شخصيه واللي مو عاجبه هالشي خل يروح يهاجر السعوديه.. الكويت للكل مو حق فئه واحده

واذا بنتكلم عن الحلال والحرام.. ترى المكاج - العبايه المخصره - الكرستال - الهرم اللي يحطونه تحت الحجاب - العطور - صوت الكعب - كلها حرام ، مو بس اللبس القصير

 

[سمبتيك]

صج هالشي يلوع الجبد ويفشل بس محد له حق يتكلم عن بنات الناس جذي
شكو اللي تدعي عليها واللي تخز بنظره غلط شعليكم انتو اذا اهلم راضين
بالنصيحه والكلمه الطيبه تكسبين الناس مو بالنقد مثل رد بعض الخوات
وارجو انج تتقبلين كلامي برحابه من دون زعل