اللي تكلم متزوج ؟ مناقشة

[baby lotion]

الغلط عالاثنين

بس المغازلجيه ماعليها شرهه (مغازلجيه )


يروح واحد ايي خمسين واحد

 

[نـــوفـــا]

صاحبة الموضوع
نزلت موضوع محدد عن البنت اللي تغازل لها متزوج
وتحليل هالشي
مو معنى هذا ان اللي ترد ع الموضوع
زوجها من هالنوع اللي يماشي بنات الشوارع
هالكلام للي تقول ازواجكم وازواجكم هم السبب
ودام تكلمتو
بقول لا
الدور الاكبر تتحمله البنت المغازلجية
ولوفيها خير جان حفظت اهلها
مو شغالة الصدر الحنون لكل واحد مو مرتاح مع مرته
يعني متوقعين الردود
الله يحفظ المغازلجيات
ع عيننا وراسنا مثلا ؟؟
الله يهدي بناتنا وعيالنا
ولا يسلط علينا احد بذنوبنا

بردتي قلبي :rerrerek:....





اولا القران ذكر الزانيات ثم الزانيين...



ليش ..؟! وجد الاعجاز العلمي في القران ..




ان الفتنة تبدأ من المرأة .. مستحيل يبدأ من الرجل سمعتو .......





مافي رجال بيغازل مطوعة .:eh_s(8):...



ولا يبي يغازل الي حاشمة روحها وبيتها وصاينة اهلها وسمعتها ...





يدور الي تكب كيلو مكياج بشارع :ggdw:





او الي تميع صوتها بالمحلات او باالمستشفيات ..






.ــــــ



بعدين أذكر اي بنت تكلم رجل على زوجته راح الله يبيلها بزوج يكلم غيرها .. وها القصص


شفتها قدام عينيي:eh_s(2):...



والاهم من ذالك ان مهما سوت بنت الحرام مع الزوج مستحيل يبديها في الحياة على زوجته وبيته ..



ترا الرجل نص مخه عقل مو كلها عاطفة مثل المرأة يعني يفكر بمصلحته اكثر...



شوفو بعض الاخوات الي تبكي وتقول حبيبها تملك وتركها على ابو ان الدنيا والظروف .. :eh_s(10):




والي قال ما اقدر اتزوجج اهلي مايسمحون بس احبك .. وكلها خريطي :krkrkr:




يعني الدعوة تسالي ...


على العموم في كل الاحوال الواحد يرجع الى الله ويتوب لان هذا من هتك حرمات الله في الخلوات



:eh_s(17)::eh_s(17)::eh_s(17):

 

[خالتي قموش]

نوفا اول مره اتفق معاج براي

الريال لو لاقي الل جدامه ثقيله و محترمه يبعد عنها
بس اللي جدامه خفيفه ورقله
مثل العلج تروح حلاوته و ينقط بقرب درام زباله
وهذه البنت الل تكلم نفس الشي
حتى هو بيني و بين نفسه يحتقرها


ومرات يكلمها بلحمام تكرمون
ولما يخلص يسحب السيفون و يطلع

يعني مكانها بلظلام
لان محد يتشرف يرتبط بوحده كلمتها من ورا اهلها و بلخش

 

[نـــوفـــا]

ضمــــــــــــــــــــــــــــــــــــــاد احترم المقولة الي حطيتها .. واشكرج..وجهدج مقدر .

بس انا اخالفج كثير بحكم اني (( اخصائية اجتماعية )) وها السوالف مرت علي




على العموم حبيبتي ....





انتي الي ذكرتيها كانت نماذج والنماذج يعني عينة / مو كل المشكلة ..




لكن ابي اذكر لج نماذج مرتبطة في البنت .....




قبل كم سنة ""في وحدة من المنتديات كان نقاش الموضوع نفس هذا تماما ..


والنقاش كان شبابي .. واغلب الاعضاء الي



كانو يتناقشون في هذه القضية (( محترمين واهل دين )) واحسبهم والله حسيبهم ..من تواقيعهم


ومن ردودهم .. ومتزوجين .




:eh_s(17):

كان الاغلب يشتكي من تصرفات بعض البنات في المولات ... ومن المطاردة والتلزق ..


وبعض الكلمات التغنج فيها ...وغيرها حتى بعض مو ظفات البنوك الي تشتغل في خدمة العملاء ..



المهم اغلبهم كان يتشكي من التفنن في المكياج ولبس والعطور ماقالو زوجتي مهملة ولا واحد ذم


زوجته في الموضوع ..



كانو اغلبهم يشتكون من نفس البنات ..وهذيلا رجال الشهوة في دمهم بسرعة ينفتنون ..



هنا شنو نقول ( الزوجة مقصرة .. ) لا طبعا ..لاتلقون اللوم على زوجة .... امسكو العصا من الوسط ...



والله الذي لا إله الاهو في بنات .. لاتحلل ولاتحرم ولا تتقي الله في شي ابدا ..



يعني اخر همها انها تسئل عن حالة الزوجة المسكينة ...عن اسرة بيت ..حياة زوجية ..


مشاعر انسانة ثانية ..:eh_s(14):
ـ ـ ـ ـ




ثم في قاعدة لازم تعرفها كل متزوجة ...:eh_s(17):






الحب والرومانسية عند المرأة شي وقتي مالم تتحكم فيه .



ليش وقتي ؟؟!


... لأن بعدها تفرغ مسئلة الحب والعاطفة في الأبناء .. وتفضل الزوج يكون بجانبها لكن غير مستعدة ان

تعطيه 24 ساعة كلام حب وحنان وعناية ..



فاهذا الي تلاحظونها في مجالسنا وفي واقعنا نلقى الام تسئل عن حال ابنها عن مرضه عن لبسه



عن مشترياته....ولاتطري الزوج الا في حالة وحدة 0 المادة / الفراش / يوديها ويجيبها ..انتهى


لان فرغت جميع مشاعرها للأبناء .. فايصير عندها تبلد ..




فا الزوج طاقة الحب عنده ماتنتهي بالعكس كل مايكبر يطلب احد يحبه ويعطيه ذاته وقيمته وعناية خاصة

ويصير اقرب لمغازلجية . لانه لقى المفقود.



الأمر الثاني في شي اسمه بنات ( الطفل / البالغ /الاب .) شرحها دكتور طارق الحبيب على اليوتيوب


شوفوها ..وهذا الي دايم نقع فيها مع ازواجنا من اخطاء...وتكون المغازلجية عارفة تستخدم هذا الاسلوب ..



وفي ايضا المريخ والزهرة ... ولازم نعرفها ونقراه ..



وهناك اسباب دينية واسباب اجتماعية ونفسية .. سوا من الزوج او البنت نفسها الي تكلمه









كل الي قلتها من معلومات وخرجت عن دائرة الموضوع :eh_s(4):



.. عشان اوضح لضماد ولبقية العضوات ..




المغازلجية ماتفلت من فعلتها ... ولاتكون الزوجة تحت دائرة الإتهام ...







او بشكل اوضح النظرة الشرقية


دائم تركز على جانب واحد ..

.

واخيرا .


لا يبرر على اي بنت تكلم رجل متزوج او عزابي

بحجة الفراغ او العاطفة او الحب الأعمى او الكلام الفاضي الي دائم نبرر فيها اخطاءنا ..




الحرام طريقه واحد والي =يسلكه هو منه سواء بنت عائلة ولا بنت شارع ...


​

​

​

​

 

[نـــوفـــا]

نوفا اول مره اتفق معاج براي

:eh_s(1): اول مرة .. ليش متى تخالفنا اصلن ..


ترا انا ما اقرا نكات كثير :eh_s(22): ..



اعرف وحدة اسمها خالتي قماشة ..مادري هو انتي او لا ..

 

[DO7AWE]

انا عندي سؤال غيرررر
المتزوجه اللي تكلم شنو تبي؟؟؟؟؟؟؟؟

 

[مملوحة_الوصايف]

انا اشوف ان الريال اهو البادي يعني اهو الي كلمها او وايد بنات ماعندهم مشكله ماتفرق معاها متزوج او لا لان بكون تسليه او مضيعه للوقت بالنسبه لها ويمكن تستفيد منه بشي وانا اعرف وايد وايد بنات يكلمون متزوجين وعادي مو هامتهم زوجته لان بالنهايه تدري ماكو لا زواج ولا شي بس مجرد ان اهو معاها وكلمها ومستانسه معاه واذا اهي حابته وايد عادي تعطيه وتسوي معاه علاقه بالفراش

 

[مرتبة]

من وحهت نظري البسيطه
سبب الريسي هو قلة الوازع الديني والخوف من الله سواء من البنت او الزوج

بالاضافه للفراغ والتقليد
والافلام ابيض واسود

 

[CALM]

هذا قلة حيا وادب من البنت نفسها


سواء متزوج ولا اعزب علاقه مبينه بالحرام

 

[نونه المنكوشه]

انا تعرفت ع وحده ابمنتدا ثاني ومن ضمن الحجي قالتلي انه مدمنة علاقات بس مع متزوجين اتقول اتموت ع المتزوج بصراحه قالتلي بلاوي وليش يجذبها المتزوج انا كشيت وخفت منها وعطيتها بلوك بس انا لين الحين متعقده من كلامها بس اهيا اكدتلي وجهة نظري بكلمه قالتها انه مره حاولت بواحد لين ماتت وماعطاها ويه ولينوصلت فيه غير خطه بصراحه ريال انا احب الرجل بكل معني الكلمه لاتقولولي اغرته وووووووو كلام مؤخوذ خيره الريال اهوه اللي يفتح المجال وله يسده انزين ليش قبل من ايام الرسول عليه الصلاة والسلام لما وحده يت وتحرشت بواحد ماعرف اساميهم ناسيه بس راودته عن نفسها قالها اني اخاف الله واهوه عازب جان قال والله اهيا اغرتي وانا عندي شهوه وماقدر تري بنات سوري بس شهوة المرااا اكثر واقوي من الريال بس كا مارحتا زنينا ولارحنا غازلنا وقلت والله ماتزوجت عادي بلعب لاااا دايم حاطه الله بين عيوني مع انه كل شي موجود وبين ايدي ولكن الله عطانا عقل والريال موبهيمه عنده عقل يميز الصح من الغلط ليش دايم اتبررون فعل الريال ابي مره وحده تنصفون الحق المفروض المرا اكثر وحده اتحس وتنصف المرا بس انا اللي اشوفه لاااااا المرااااا اكثر من دافع عن الريال وتبرر افعاله اوكي ليش الله ماشال عقاب الريال وليش قال بالقران انه العقاب متساوي يعني اهوه مسؤل عن تصرفه لاتقولون اهوه ريال ماتحكم بشهوته يسلام تري كل انسان في شهوه يعني موعقل اللي اتقولونه بصراحه انا احط كل شي ع الريال انا مره تناقشة مع واحد بتويتر عن هالموضوع وقال نفس كلامي انه الريال اهوه بيده انه يفتح المجال وله لا وتري المراا اضعف من الريال لانها عاطفيه يعني فرصتها للخيانه اكثر واكبر ومع هذا ماتخون لييييييش لانها اتفكر ولانها اكييد اتخاف الله فهالشي منعها انا ادري شطيت عن الموضوع بس رداااا ع بعض الردود اللي كله يحطون العيب ع المراااا والبنت اللي اتكلم سوا متزوج وله لا هذي حسابها عند ربها واللي خانت ربها شي طبيعي يتكون بلااا اخلاق وسلامتها ام حسن

 

[كويتية بروما]

بنات الموضوع مو عن البنت اللي قص عليها المتزوج وقالها مطلق ولا زوجتي مو زينه ولا عقب ما حبته صارحها
واهي تستاهل اللي يصير فيها محد قالها تسوي علاقه ما تدري حرررررام

الموضوع عن البنت اللي تعرف ومتاكده من الريال اللي جدامها متزوج وتكلمه
بداومها بمطعم وتتحرش فيه وزوجته معاه
اللي بمجمع ومبين اللي معاه زوجته وتطقه بجتفها تعال الحقني
استغفرالله
ما اقدر اطلع مع زوجي مجمع من هالبنات قليلات الادب المومتربيات
لبس ضيج وشاف
كيلو مكياج حق عرسه ما احطه
لبس استقبال والشعر بف حق مجمع
نظرات اعجاب
وحده تقرم شفايفها
ووحده تضحك ضحكه سافله بصوت مرتفع

والله الاجانب اللي لادين ولا مدهب يحشمون نفسهم اكثر من بعض البنات


اللهم لا تؤاخدنا على ما فعل السفهاء منا

 

[عذبـة الاطبآع]

ههههههههه مسكينه اللي تحط اللوم ع البنت واهي تلغي

دور الرجل بهالشيء لانه واضحه السالفه حبايبي

عبالكم بالبدايه الرجال المتزوج يقول انه متزوج ؟

مو اغبيــه لهدرجه هم عارفين البنت شنو تبي

فـ بالبدايه يلفون ويدورون ع البنت

فـ العيب من الرجل اللي خآن مرته مو من البنت

 

[انا المظلومه]

حسبي يالله وهونعم الوكيل لااااااااااااااااااتعليق

 

[أستثنـآئيهـ]

خلصوا الرياجيل الظآهر ؟
رجال متزوج شتبين فيه عسآج للعمآ ..

عديمة أخلاق هآذي

 

[ناتشوو]

البنات ليش يلفون ويدورون؟
ليش
وحدة تكون مدركة انه متزوج وتستمر بالعلاقة
لا تجاوبين ع سؤال اساسا مو هو الموضوع اللي نتكلم فيه




نونة
تكلمتي
عن مواضيع كثيرة كثيرة
بس الاهم
سؤال الموضوع نفسه
ماجاوبتيه

اكيد الصالح صالح رجال كان ولامرة
وانا اصلا كلش مو من النوع
اللي اقول الرجال كلهم خونة وكلهم مايخافون الله
بس الموضوع يتكلم عن البنات
انت قلتي عن البنت اللي تلاحق المتزوجين
وخليتي كل اللي تعرفت عليهم
والوحيد اللي حقرها
طلع هو القاعدة اللي امنت فيها!
بالنسبة لسالفة شهوة المرة اكثر
هذي عبارة مشهورة بس الاغلبية فاهمتها غلط
بس الاكيد ان انحراف الرجل اهون من المرة
مو بس سالفة تقاليد ومجتمع
لا
طارق الحبيب قال
الرجل يخون بشهوته فقط
يعني ممكن يكون يحب زوجته فعلا
ويخون
لكن المرة تخون بكل مافيها

 

[أستثنـآئيهـ]

ههههههههه مسكينه اللي تحط اللوم ع البنت واهي تلغي

دور الرجل بهالشيء لانه واضحه السالفه حبايبي

عبالكم بالبدايه الرجال المتزوج يقول انه متزوج ؟

مو اغبيــه لهدرجه هم عارفين البنت شنو تبي

فـ بالبدايه يلفون ويدورون ع البنت

فـ العيب من الرجل اللي خآن مرته مو من البنت

لآ وانتي الصآجه اللحين بزمنا البنت تركض ورا الرجال وترزز جدامه
مو هو يركض وراها
عشان جذيه قاطين اللوم علي البنت

 

[PuPa^^SWeeT]

ليش اللف و الدوران



ترا الريال معرووووف انه يخووون


ولا جان ماحط له ربنا اربع حريم يتزوجهم




خنكوون صرييحييين عاد




بعض العادات و التقاليد ياييية من اطباع الشعب و من اطباع الرجل و اطباع المرة




المرة اهي اللي تبدي بالقبوووول



اهي اللي تبدي بالموافقة من نظرة ولا من ضحكة ولا ابتسامة



ولا اي شي يدل



حتى الاجانب نفسهم يقولووون نسبة الاغتصاب زايدة عندهم لانه البنية تعطي انطباع بموافقة من لبسها و حركتها و ميوعتها وبالاخير لما يقوم بحركته اتقووم اتقووله لا


عيل لبسج وين رااح و مكياجج و دلعج حق شنو و



نفس الشي اهنيي


اللي تكشخ و تلبس و اتعطر و مكياجها كيلو و لبسها شفاااف و ضيج و حالتها حالة يبين ليش


بتكشخ للسوق بالله ولا شنو ... ولا للجمعية اللي رايحتلها ؟؟؟؟








المرة اهي اللي تبي تبدي مو شرط اتقوله تعال


اهي نظرة بس اتكفي


والريال يفهم



و يقدر


ويعرف انها سنعة ولا لا




ولا ماتلاقين الحيين اغلب الرياييل يمنعون حريمهم من طلعات صديقاتهم

 

[نونه المنكوشه]

البنات ليش يلفون ويدورون؟
ليش
وحدة تكون مدركة انه متزوج وتستمر بالعلاقة
لا تجاوبين ع سؤال اساسا مو هو الموضوع اللي نتكلم فيه




نونة
تكلمتي
عن مواضيع كثيرة كثيرة
بس الاهم
سؤال الموضوع نفسه
ماجاوبتيه

اكيد الصالح صالح رجال كان ولامرة
وانا اصلا كلش مو من النوع
اللي اقول الرجال كلهم خونة وكلهم مايخافون الله
بس الموضوع يتكلم عن البنات
انت قلتي عن البنت اللي تلاحق المتزوجين
وخليتي كل اللي تعرفت عليهم
والوحيد اللي حقرها
طلع هو القاعدة اللي امنت فيها!
بالنسبة لسالفة شهوة المرة اكثر
هذي عبارة مشهورة بس الاغلبية فاهمتها غلط
بس الاكيد ان انحراف الرجل اهون من المرة
مو بس سالفة تقاليد ومجتمع
لا
طارق الحبيب قال
الرجل يخون بشهوته فقط
يعني ممكن يكون يحب زوجته فعلا
ويخون
لكن المرة تخون بكل مافيها

حبي انا فاهمه قصدج ولكن انا لي وجهة نظر عموما انا مروا علي نوعية هالبنات اللي تدري انه متزوج وهم مستمره شنو تبريرها انه المتزوج يفهم البنيه اكثر ودفيع ماديته احسن من العزوبي وانه يخاف ع سمعته ونفسه فاكيد بيكون حريص ع سمعتها وماراح يهددها بيوم من الايام وتبين الصراحه اللي اكثرهم اتفقوا ع هالشي انه فاهم اكثر بالفراش وانا اقول حق كل بنت اتعرف متزوج وتبي اتخرب بيت غيرها حسبي يالله ونعم الوكيل فيها وفي كل انسان مايخاف الله

 

[PuPa^^SWeeT]

^^^^


وهذا دلييل على وساخة البنية بعد



انها اتقووول يعرف بالفراش اكثر




و يكوون هذا الهدف

واتخرب بيت بحجة انه يعرف اكثر



مشكوووورة نونة على اضافتج اللي اتاكد على انها اتكون انسانة معدوومة الاخلاق

 

[خالتي قموش]

ومو بس بلمولات
حتى التواصل الاجتماعي
طايحتله اضافات للشباب
وشفت بعيني
اخوي ورا امي الاضافات
يقول كل يوم داشه علي وحده تبي اضيفها
وهو متزوج
هم يقطون ارواحهم الحين على الشباب
ومبين من توبكها و الصوره شنو هي بلضبط
فلا تحطون اللوم ع الريال
خو الريال ما يلقاها في مسجد و يتعرف عليها
و ماا يتعرف تحت تهديد السلاح
الرجل معروف خاين من قديم الازل
بس المره بزياده وخصوصا الحين
والمصيبه لما تكون تعرف الزوجه و قاعده معاها

وانا تعرضت لهلشي