اللي تكلم متزوج ؟ مناقشة

[al-musk]

والله هالأيام الرياييل المتزوجين هم الي مستخفين ومو صاينين شي

 

[رفيف الخير]

الاسباب مستحيل نقدر نحصرها بموضوع واحد يعني فيه الي تبي الي يصرف عليها ومنهم بعد الي تدور فرصة للزواج
يعني الي تدخل اهيه واختها بيت صاحبتها وتقوم الاخت وترسم على الرجال ويطلق زوجته الي تفوقها جمال واصل ومكانه اجتماعية وهي بالاربعين توها نفاس وعندها ولدين ويتزوج اخت صاحبتها بعد شهر من طلاق ام عياله
ولا المصلح الاجتماعي المتطوع في جمعيه اصلاح ذات البين وقوم بيوت كانت بتنهدم تدخل له بنت ابليس وتفر مخه ويطلق ام عياله ويتبعها وهو مغمض
والاسباب تتعدد والرجال الي تقدر عليه حرمه مو لازم ملاقي تقصير من زوجته بس في الاساس عنده استعداد للعلاقات المتعدده بالحلال او بالحرام وعشان تستفيدون خواتي سوو بحث بقوقل عن قصة باربي لناعمة الهاشمي بتشوفون العجب *

 

[عتيبيه ذوق]

يكون فيها نقص و تبي تمدح نفسها عنده وهو يذم بزوجته علشان تحس انها كامله وجذي ,, وهي مريضه وهو أمرض منها ,,, ف الله يهديهم ويبعدهم عنا ...

 

[نونه المنكوشه]

انا احط اللوووووووم الاول ع الريال يعني ماتوقع طقته ع ايده وله اسحبته من رقبته وقالتله غصب غصب اكلمك لااااااااا اكيد اهوه معطيها المجال وفاتح الباب ويمكن مفلم عليها وقايل انه مطلق او انه مايحب زوجته وفي مشاكل ويمكن بالصج يكون مرتاح مع زوجته ويحبها بس يقص عليها يعني لاطلعون الريال مسيكين ومغلوب ع امره واهيا قصت عليه وعليه خنت حيلي واااااي بنات اصحوااا الريال اللي مايبي يخربط يسد الباب من عرجه لواتيله ملكة جمال ماراح يعطيها ويه لانه يخاف الله اول شي وثاني شي يحب مرته ومايبي يخون انا بنظري مافي ريال ينقص عليه بالعكس اهوه يقص ع ديره بس مساكين الحريم يجذبون جذبه ويصدقونها علشان ترتاح البلااااا من الريال يقدر يسفل بامن يابتها ويوقفها عند حدها اذا تمادة بس المصيبه اذا اهوه اللي يرقم ويتحرش وجدام زوجته الويه البرئ والبنت اهيا اللي ماذيته وقصة عليه اذا اهيا بنت ابليس اهوه الشيطان العود

 

[ضــمــاد]

موضوعج عالجرح ​

بقولج عن 4 بنات ​

الاولى : وحده ( مربربه / متروسه / مليانه ) قصيره شوي , عاديه جدا ً​

البنت كانت تعرف واحد .. هالواحد هذا بعد ماعلقها فيه قالها انه متزوج ..​

وسبب اللي خلاه مايقول انه متزوج .. عشان مايبي البنت تتركه ..​

ومن قال لها انه متزوج صار كل مايضايق من زوجته​

يفضفض عند البنت وكل مره يذم بالزوجه​

( ماتعرف تلبس فالبيت , كل ويك اند نايمه عند اهلها , ماتعرف تسولف ,​

يحس انه الحياة معاها ممله , مزعجه من تشوفني تبتدي طلبات )​

الثانيـه : كانت تحب واحد من 6 سنين وخلا اخته تطق صحبه مع حبيبته ,كان يموت فيها ,​

وكل مايبي يتقدم لها أهلها يرفضونه اللي صار لما شاف انه ماكو فايده بأهلها , تزوج ,​

وحتى واهو متزوج يدق عليها واهي ماترد , خصوصا انها من تزوج​

حست انها ولا شي .. عصة ربها عالفاضي .. فسبحان الله زواجه رغم انه حيل كسر البنت​

لكن بنفس الوقت كان خير على البنت ..​

البنت التزمة وتقربة اكثر لربها عشان جذي كل مايدق عليها ماترد ..​

فصار يدق من ارقام ثانيه .. ومره من المرات ردت على رقم غريب ..​

تقولي ضماد رديت لاني مقدمه على وظيفه وقلت يمكن متصلين علي ..​

لكن طلع اهو فقال لها انه مشتاق وولهان , وكان معصب لانها ماترد لما البنت​

قالت له .. انت تزوجة والله يهنيك لاتتصل .. فقال ليش تهون عليج العشره انتي حبيبتي​

( فلان ولد عمي متزوج وعياله شكبرهم وحبيبته متزوجه وام عيال ,​

وللحين بين فتره والثانيه يكلمون بعض أهي تشكي له من زوجها واهو يساعدها بمشاكلها ..​

والعكس ليش ما نصير مثلهم )​

لكن البنت رفضة فصار بالشهر يتصل مره او مرتين لكنها حاقرته​

الثالثه : كانت تكلم .. ​

بدو بالمسنجر وبعدين واتساب وبعدين بين فتره وفتره يتصل ..​

تقول الولد كانت سوالفه عن سفراته ومغامراته من وحده لوحده​

ولما تزوج بليلة عرسه .. وزوجته الظاهر كانت بالغرفه تلبس وتضبط نفسها​

تخيلوا أتصل عليها .. تقول أستغربة لما شفت رقمه وماردت خافة الزوجه اهي المتصله ..​

وماحبة تسوي له مشاكل من اول ليله​

وسبحان الله .. شوي شوي بدأ يقلل اتصالات ومسجات لما قطع مره وحده ..​

تقول قبل لا يقطع كان يطرش لها عالواتساب​

يقول لها : اذا عندج مسجات حب دزيلي بطرش للمدام .. فكانت تطرش له ..​

وانقطعة العلاقه بينهم .. وبما انه خال رفيجتها .. تقول​

عرفة انه ( ألتزم ) سبحان مغير الاحوال من راعي بنات ورقص قبل الزواج ولما تزوج​

الله هداه والتزم وفوق هذا عرفة انه زوجته​

دايما تشغل القران في الشقه .. تقول مره قبل لا يتركون بعض كان متصل عليها لما ردت​

ولاتسمع سورة البقره ..​

الرابعه : البنت عندها خوووف من انها ماتتزوج .. وكانت متعقده من جسمها طويله حيل و سمينه​

عرفة واحد متزوج ..​

( عاد وحده من البنات تقول اهل زوجته يصيرون جيران خالتها .. تحلف تقول زوجته قمــر​

جمالها مو طبيعي ومهتمه بنفسها ورشاقتها )​

المهم البنت اللي تعرفة على المتزوج الميزه اللي فيها ( لسانها )​

خذت الريال بلسانها واتفق انه يطلق الزوجه لكن بناته راح يكونون معاه ..​

لما عرفة زوجته .. مادري شلون وصلت​

حق ام البنت وفضحتها عند امها وقالت لها عن سوات بنتها ..​

فلما الام واجهة بنتها وطقتها طق اليهد ..​

وقالت لو انه اخر ريال بالدنيا يحرم علي اوافق عليه​

وان وافق ابوج عليه .. فأنا اللي بتطلق من ابوج .. وبالنهايه ماخذته ..​

والبنت تخرجة وياها نصيبها والحين عيالها 2​

فـ لما أتأمل هالـ 4 نماذج .. ألاحظ أن الزوج لما يخون سواء​

( مكالمات / مواعد / المسنجر / الواتساب / تويتر والمواقع الاجتماعيه )​

مو دايم سبب الخيانه الزوجه ..​

ولا دايما بسبب البنت اللي يكلمها .. احيانا الحب يعمي البنت فتتصرف بسذاجه​

وبالنهايه تنكسر ..​

هالـ 4 بنات 3 منهم​

أبو كل وحده فيهم ملتزم وكل فرض بالمسيد/ المسجد ..​

وأمهاتهم ملتزمات وحده منهم بدار القران ..​

والثانيه امها تحضر دروس وندوات دينيه وتلبس بوشيه​

وبنفس الوقت يحترمون بناتهم ومعطينهم الثقه ..​

وحده منهم أقولها تخيلي ابوج طاح عليج !​

تقولي ضماد اللي لا ييب / لايجيب هاليوم​

اتوقع ينجلط صدمته فيني راح تكون كبيره كبيره حيل..​

( طبعا ً كلامي عن امهم وابوهم مايبرر لهم غلطتهم )​

لكن اقول جذي لاني ملاحظه​

اغلب المتزوجات يقولون يقولون عن هالبنات​

( بنات شوارع , مو متربيات , بنات ابليس )​

تقول الدكتوره ناعمه الهاشمي :​

الريال غالبا ً سواء كان متزوج او غير متزوج لما ( يحـــــــــب )​

يحب بنت ناس​

اللي ماتسلم نفسها له , اما اللي تواعد وتركب معاه السياره وتروح معاه شقق وتخربط هذي مايحبها​

( هذي تكرمون وآسفه عالكلمه هذي بالنسبه له مرحاض يقضي حاجته ويسحب السيفون ) وينساها​

ولا يحترمها .. يعني أستحاله يحب بنات المراقص وبنات الشقق وبنات الليل​

فالمشكله وين ؟ المشكله بالريال نفسه

أبيكم تحفظون هالعباره .. وتصمونها صممممم




الزوج لما تكون له علاقه مع حبيبه



وهالعلاقه تستمر لسنوات ..



الســـــــــــــر هو :




انه هالحبيبه ( غــــامضه ) وغموضها يخلي الريال



يتعلق فيها ويحس انه فيها شي يديد للحين ما اكتشفه




بعكس الزوجه اللي تكون كتاب مفتوح للزوج




واللي تقوله تفاصيل يومها




وللعلم تقول ناعمه الهاشمي .. العشيقات وايد



لكن مو كلهم يملكون هالسر ( الغموض )



عشان جذي بعضهم لما الريال يتزوج



في بداية الزواج الزوجه تكون غامضه



للحين الزوج ماعرفها عدل مايدري فـ يبتدي يستكشف زوجته




بالمقابل الحبيبه عارفها .. فيقطعها بالتدريج



لانه عنده زوجه غامضه للحين ماعرفها وقاعد يستمتع بمعرفتها



ادري الموضوع يرفع الضغط ويبط الجبد


لكن نصيحه لكل متزوجه



غالبا ً الحبيبه او البنت اللي يكلمها االزوج


يكون عندها ممسك على الزوجه


فتحرص انها تسد حاجة الزوج



بالمقابل الزوجه ماتدري انه زوجها المحترم


يخون .. فتتعامل معاه بعفويه بعكس الثانيه تحسب حساب لتصرفاتها وتعرف شنو يبي وشنو يحب



أتمنى ولا وحده فيكم جربة طعم الخيانه


وعساكم ماتذوقونه



لكن لازم الزوجه تكون حريصه


تدخل دورات , تقرا كتب تسوي كل اللي تقدر


عليه عشان تحافظ على زوجها واستقرار بيتها


حتى لو زوجها ملتزم ومو راعي سوالف


أرضاء الزوج مو سهل خصوصا بهالزمن



عشان جذي( من ماتت وزوجها راضي عنها دخلت الجنه )


المكافئه من الله كبيره وعظيمه جنه عرضها السماوات والأرض


عشان جذي لازم لازم لازم الوحده تكون عادله


وماتخلي وقتها كله لليهال



انقهر انقهر انقهر واموت من القهر لما


أشوف وحده متزوجه ريال متزوج وماخذها بالسر ..


انقهر لما اشوفها تدخل دورات وتقرا



اقول بقلبي .. اكيد هذي تتعلم وتلحس عقل الريال


والأولى ماتدري شطبخه ويمكن ان دخل زوجها البيت


يشوفها تصرخ على لعيال



او نايمه لانها على قعدتها من الصبح


او يمكن يدخل ويشم ريحتها ريحة طباخ



واااااي قلبي يعورني :eh_s(11)::eh_s(16)::eh_s(14):​

 

[ناتشوو]

بس ياضماد
صاحبة الموضوع
سألت عن البنت ليش تكلم متزوج
وعلشان جذي جاوبنا
من وجهة نظر البنت
واكيد الموضوع كبير
وردج مميز يستاهل يكون موضوع بروحه
وشغلة ثانية
لازم نكون منصفين
الحياة الاسرية تظلم الزوجة مرات
خاصة اذا الزوج اتكالي او شايل ايده من المسؤولية
مضطرة تطلب الزوجة منه طلبات
خاصة اذا دايما برة البيت
فمضطرة تطلب منه
قبل لا يقب
يصلح ولا يدق ع نجار
ولا ولا ولا من مسؤوليات البيت والعيال
ودام عايش معاها لابد
يوم يلقاها مو كاشخة ولا مو بأحسن حالاتها
ومسؤوليات العيال تاخذ من جهد وطاقة وصحة وشباب الزوجة
فعلشان جذي جد جد
الله يعين الزوجة خاصة اللي زوجها مايساعد ولا يقدر
هي مو اقل جمال و لا فطنه ولا كشخة وسنع
من الصاحبة
بس المسؤوليات ماخذتها
بتقولين لازم تفضي نفسها
اقول
ماتقدر للاسف
اذا هي الوحيدة المسؤولة عن البيت
الزوج مايدري عنهم
فتحط مقارنة
بيتي وعيالي ولا الزوج
بتقول اكيد عيالي اولى
وصج مثل ماقلتي
اجرها عظيم
وبالاضافه الى الحديث الشريف اللي ذكرتيه
اذكركم بان جهاد المرأة في بيتها
تخيلو كأننا قاعدين نجاهد في سبيل الله
واحنا نقوم بشؤون بيتنا وعيالنا وازواجنا

والامثلة اللي ذكرتيها مو دليل ان البنات انحبو
ممكن تعود الفة ارتياح ماهو حب
مجرد انغماس الشباب بحياتهم الجديدة
او استمرار البنات بالصد نسوهم

 

[روعة خيال]

اشكره وحده من المغازلجيات راده بالموضوع

استغفرالله وقاحه

 

[om Firas]

حسبي الله عليهم

 

[latkt7as]

حسبي الله ونعم الوكيل على هالاشكال

 

[i'm so happy]

انا مادررري ليش بنات الحين عيونهم مركبه بس على المتزوج المتهني .... ليش ليش عيب حرام والله

ولا موضه الحين متزوجه تكلم متزوج يازعم يقولون همومهم لبعض شالكلام الفاضي هاي اللي اشوفه زمنااااااا

وايد تغير وصار يخوف

 

[Ro00os]

والله من ردات المتزوج والا بعض البنات مقصه يقولها عز وبي وتصدقه نفس الشي المتزوجه ولاشنو العذر لانجكو ألراحه لعنبوا داركم دام مؤ مرتاحين لبعض ليش تغضبون ربكم عليكم وتنطردون من رحمته

 

[ناتشوو]

ليش نقول اكيد قايل لها مو متزوج
يعني الغلطة الوحيدة انه متزوج
اذا عزوبي عادي حلال

 

[روعة خيال]

لا مو حلال بس المتزوج خبره في اللي بالي بالج اكثر من العزابي

قطيييييعه

 

[nadra]

مادري شقوول بس اعتقد ماله داعي تكلملها متزوج شتبتستفيد؟ وبعدين عيييب وحرااام اولا واخرا بس وين الي يفهم !

الله يهدي الكل ان شاءالله

 

[PuPa^^SWeeT]

بنات السؤال واضح


اللي اتكلم متزوج لييش


مو نعطي عذر تدري ولا ما تدري ولا زوجته مو حاسة فييه


الريال خلصنا منه في ستين داهية


الحيين البنية


ليش البنية اتعمد اذا شافت ريال وياه مرته اتعمد اتلزق ولا اتدور حوالينهم



ليش البنية لما اتشوف ريال و مرته بمطعم اتعمد تقعد قبال الريال و ماتشوفها مرته



ليش البنية من اتدق الزوجة اتقووولها انا مرته خلييه هذا ريلي

اتقووله والله ريلج اللي يلزق يحبني و لايعة جبده من منج





امثلة وااايد موجودة


اللف و الدوران اهني مايفيد


انتحجى عن البنية اللي اتهدم بيت الزوجيين




مو عن البنية اللي كلمت واحد و ماتدري انه متزوج



انتكلم عن اللي اترصد المتزوج و اتدور ارقاامه و اتدق علييه



واتعمد تطلع بويه الريال و المرة

 

[امـ خــزامـى]

ضماد

ارفع قبعتي احتراما لك ولعقليتك الراقيه


سجليني من معجباتك ومتابعينك

 

[برنسس كاتي]

ما ادري شهل حقد على البنات !!
اذا وحده ريلها يلعب ترى الغلط الأكبر عليه هوووووو !!
واااايد بناات ما بيرضون يكلمون متزوج حتى لو هي عادي عندها تكلم شباب
بس هو حتى لو خطب او ملج عادي عنده يبي يكلم البنات ويعطيهم وييه وكثير من الأوقات ما يقول لهم انه متزوج -_-
الغلط على الرياييل

 

[soft.eye]

اللوم ع البنت لما تتعرف ع واحد متزوج ومغازلجي وتكمل معاه من غير ماتنهي العلاقه بسبب زواجه وهمن ع الي مايخاف الله ويخون زوجته يعني حرام بنت الناس تتزوجها وتخونها وتجرحها

 

[ناتشوو]

كلمة الحق ليش تفسر
انها حقد ع البنات ؟؟

جاوبي ع سؤال صاحبة الموضوع
ليش تستمر معاه وهي تدري انه متزوج؟
لا تقولين ماتدري
لا
اللي تكون تدري


لما نقول بنات شوارع
مااقصد اسب اهلهم
اكيد كثيرات بنات اصل وفصل وبيوت ملتزمة
بس تحديدا اخلاقهم
اخلاق شوارع وابليسية بعد

يمكن احنا تعودنا ع التبرير لبعض
ماتعودنا نقول ايه انت غلطانه
وارد واقول
الموضوع مو شخصي
بس هذا مايخليني اقول
انها مو غلطانه

 

[خالتي قموش]

ابي اعرف ليش تدافعون عن البنت وتحطون لها مبررات
يعني هو غصبها تكلمه؟
شافها خفيفه كلمها
لانه مستحيل يكلم وحده محترمه خايفه ربها




وفي شي ثاني
تقولون انه يروح يكلم بنات لان البنت ما تصيرله كونان مثل زوجته

شي طبيعي البنت ما تصير كونان
لان مو زوجها
مجرد علاقه و غيره الف
يعني يتلحق على منو ولا منو

لو زوجها صارت المفتش وحيد
بس عشان مو زوجها مو هامها شي
فلا تعطون مبررات للبنت انها تكلم متزوج



تدرون وين المصيبه
اذا البنت تعرف الزوجه و مسولفه معاها
يعني هني الكارثه
نيتها خراب بيت
والريال خروف
جبيله مخمه لابسه عبايه يلحقها