اللي تكلم متزوج ؟ مناقشة

[دلوعجيه]

مرحبا بنووتات .. بسالكم شنو تستفيد البنت لما تكلم واحد متزوج ؟؟ شنو تبي منه مثلا ؟؟؟!! اللي كانت له علاقه معاه قبل الزواج ؟؟ واللي توهاتعرفه وقال انه متزوج لييييش تكلمه ؟؟؟؟؟

 

[ناتشوو]

انت يعني متوقعه
ان اللي تكلم
مو متزوج تدور وراه زواج ؟
طبعا لا
لان التعارف عشوائي غالبا
مو مهم اي اصل اي فصل اي قبيله شنو حالته الاجتماعية او المادية
وتلقينها تكلم اكثر من واحد
بنفس الوقت
فهي ماتبي استقرار او زواج
مجرد لعب بنظرها
وهالكلام ينطبق ع الجنسين
وفي بعد احتمال
انها تدور متزوج علشان
تخرب علاقته بزوجها وتستمتع
بهالشي
حتى لو مايتزوجها
يعني
مجرد نفس مريضة

 

[رنيم الروح]

اضيف على كلام اختي ناتشوانه بعض البنات يحطون عينهم على المتزوج لانه عنده خبره في بعض الاشياء وبنفس الوقت تستغل هالزوج مادياً وتبين له انه اهي الافضل من زوجته

 

[حلآوهـ حلوهـ]

البنات مرات يبون المتزوج لخبرته فالحياه الزوجيه وبنظرهم انه راح يدلعهم ويتغزل فيهم
بحكم ان عنده زوجه وعارف هالامور ومجربنها .. عكس اللي مب متزوج ومرات بس يبون يخربون
علاقه الزوجين ببعضض قطييعه ومايكون عندهم شي يخسروونه .. وبنظرها ان اذا قدرت تسرق المتزوج
من زوجته ان هي انثويه وعنييفه بالحب وقوييه ,, !!
ومرات العلاقه تكون عشوائيه وبدون سابق اختيار بس تعارف وعن طريق الصدفه =)

 

[Arwa AL-O]

حسبي الله ونعم الوكيل عليهم
الله يكافينا شرهم هذيلا لا ذمه ولا ضمير
الله يبعدهم عناااا يارب
​

 

[مناير ...!]

يمكن اكون ماتدري انه متزوج واهو قاص عليها ومعيشها احلام ورديه
لااتطهرون رياجيلكم يابنات ساس الخيانه منهم لو اهم مادورو البنات ماقربو صوبهم

 

[فرزاشيهـ]

مناير صح و بعض بنات الحرام هي تحذف روحها عل رجال .،

الله يبعدنا عن بنات و عيال الحرام .،

 

[احلا المزايين]

واحب ازيد اللي اتكلم متزوج والا غير متزوج متعددة العلاقات اقصد
فيها ميزة اتخلي كل واحد اتعرف عليه يموت فيها
واهي انها ماهمها اللي جدامها شنو متزوج اعزب صاحب علاقات
هدفها الاساسي اتمتعه وتستمتع معاه
بكل مقابلة
اتهمها نفسها
يعني فيها انانية يحبها اكثر الرجال
اتحب نفسها واتدور متعتها
مومثل بعض خواتنا المتزوجات
صايرة كونان علا زوجها وبس اتراقب تحركاتخ واتفتش تلفونه
واتحاسبه
وحاطته همها الوحيد بالحياة جنه الكره الارضية مافيها الا هالزوج
في ام في ابو
في صديقات
في ابناء
بس اهي لغت كل هاذا وبس اتدور ورا هالزوج

 

[ميـريام]

قولي المتزوج ليش يخون زوجته؟؟
ترى البنت ماتلحق الريال اهو اللي يلحقها يعني البلا والعيب من ازواجكم

 

[ميـريام]

بعدين المتزوج لي بغى يغازل مايبقى عيب مايطلعه في زوجته عشان جذي البنات يستمرون معاه
لو اهوا يقول للبنات انه مرتاح مع زوجته هقوتكم بتستمر معاه؟؟ مستحيل

البلا في ازواجكم

 

[ديانا سبنسر]

مهما طار الطير ولف مرده لبيته وعشه

 

[ناتشوو]

صاحبة الموضوع
نزلت موضوع محدد عن البنت اللي تغازل لها متزوج
وتحليل هالشي
مو معنى هذا ان اللي ترد ع الموضوع
زوجها من هالنوع اللي يماشي بنات الشوارع
هالكلام للي تقول ازواجكم وازواجكم هم السبب
ودام تكلمتو
بقول لا
الدور الاكبر تتحمله البنت المغازلجية
ولوفيها خير جان حفظت اهلها
مو شغالة الصدر الحنون لكل واحد مو مرتاح مع مرته
يعني متوقعين الردود
الله يحفظ المغازلجيات
ع عيننا وراسنا مثلا ؟؟
الله يهدي بناتنا وعيالنا
ولا يسلط علينا احد بذنوبنا

 

[DEEMA]

8
8
8
ايوالله صاجه هههههههههههههههههههههههههه

حسبي الله ونعم الوكيل فيهم بنات ابليس

 

[كويتية بروما]

مريضه نفسيا
او تدور دعم مادي ومعنوي
الله يحفظنا منهم

 

[ألماس من داماس]

والله ماألوم الرجل لكن ألوم الشيطانه اللي خلصوا الرجال مابغى الا المتزوجين!!
بغض النظر عن حرمة المغازل!

امراءه قادره على افساد 1000 رجل
لكن 1000 رجل غير قادرين على افساد امراءه واحدهّ
يعني المراءه تمسك عمرها تقدر على نفسه لكن الرجل كثيرررررر مايقدر
حسبي الله عليهن والله يشغلهن باانفسهن <<<<طموشه بس انقهررر ع الخيانات

 

[#laloo]

فيه بنات يكلمونه على اساس فاهم الحياة عدل والبعض تجوف المتزوج حنون ويقدر البنت من جذي يجذبها اكبر او ممكن ان انا قدرت عليه
يعني اثبات لنفسها انها محط اعجاب له وقدرت تاخذه من مرته
والغلط بعد من الريال انت متزوج شتبي بالعلاقات الخايسه الي ماوراها الا خراب بيتك
مرد البنت بتزوج غيرك بس انت تعود ان مرتك ماتكفيك
وفيه ريايل اهو يركض ورا البنت واذا ماعطته ويه راح لغيرها
البنت السنعه ماتلف وتدور وتبني علاقات
ماوراها الا سمعه مب عدله تنطر نصيبها احسن لها والله يهديهم

 

[Perfume]

البعض تكون بينهم علاقة من قبل ما يتزوج
وبعد ما يتزوج تحن وترجع تكلمه او العكس
وممكن تكون ماتدري واهوا خاش عنها انه متزوج
وممكن تدري بس معشمها بالزواج وانه مو مرتاح مع زوجته ومن هالحجي الفاظي

يمكن تحس بانتصار انها افضل من زوجته وانه يفضلها عليها

 

[Patcholli]

لان تدري انه خروف ..!!

اي خروف لان كلشي متوفرله بس هم يركظ ورا الحرام

فعشان جذي تدور المتزوج لان تدري ماركظ وراها الا بتستغله عدل سواء ماديا او بطريقه اخرى

 

[You FOR Me Only]

فيها عقده نفسيه ومو صاحيه اكيد

 

[Loloki]

في بنات تحب تخرب علاقات زوجيه او تنصحه سسوي مع مرته سليمه تصكهم وان شاءالله لي تزوجو ريايلهم يسون مثل ماسوت

الدنياااااااااااااااا دواااااااااااااااااره كمللل تدييين تدان


شن. سويتي قبل لا تتزوجين كلمتي متزوج خربتي بيته مردهت وحده تيي وتخرب بيج وتكلم زوجج واهي انتي سنو راح تسوين يا حلوه

وحسبي الله ونعم الوكيل على البنات الي يكلمون متزوجين فيني حره عليهم لان مايخافون الله