اللي تعرف بانواع القطاوة تيي تقولي شنو نوع قطوتي؟

[catloverq8]

مثل ما قالت كات لوفر >> انتي ام رضا صح؟؟
النقاء ماله شغل تكون شانشيلا ولا لأ..
القطوه الشيرازيه مواصفاتها الوجه يكون دائري تقريبا يعني مو اللي يجي قلب وتكون كف اليد عريضه والاقدام الخلفيه فيها شوية قصر والقطوه اساسا ما تكون طويله وشكلها كأنها بطبوطه(بس هذا مو بكل القطاوه) واذن القطوه الشيرازيه ماتكون مثلث حاد .. طرف الاذن يكون شوي مو حاد يعني مو مثل الانقورا او قطو الشوارع..
الخشم يكون صغير وممكن يكون محدد بالاسود ..
العيون تكون دائريه مو مسحوبه مثل الانقورا..

مادري اذا نسيت شي ولا لأ بس هذي مواصفات الشيرازيه وتتواجد بكل الدرجات بيكي وهاف بيكي ومون..
وغير هذا مو كل قطوه لها شعر طويل صارت شيرازيه..

تبارك الرحمن أستاذة و الله
توقعك صح بس إنتي ،،،،، ؟؟؟؟؟؟
يسعدني تكتبين لي على الخاص أو الإيميل أكيد تعرفينه !
على راسي ها الذكاء و النباهة
بس خليني أضيف نقطتين
1- البيكي فيس تكون فارسية Pesian و لها مواصفاتها و مهي شيرازية ( حسب فهم منطقتنا )
2- ربعنا بالمنطقة العربية و الخليجية يسمون كل قطوة شعرها طويل شيرازي و هذا أكيد غلط
اللي شعرها طويل اسمها long hair و يندرج تحت ها المسمى أنواع كثيرة منها الفارسي و الهيمالايا و الراغدول و البيرمان و الأنغورا و التركش و الستيفاني و البوب تيل و السيبيريان و أنواع كثيرة ثانية

 

[catloverq8]

عيونهـا مكحله وشكلها قريب من الموون فيس ..

انا اتوقع مكس مون وشانشيلا ..

لان صبت الجسم والوجه مسحووب نفس المون ومكحله شانشيلا ..

تبارك الرحمن
بدوية و الله إني ودي أتعرف عليك من قلب يا بنتي لأنك تبارك الرحمن مع سكارف فوشي و سويت كيك و سباركل متخصصات بالقطط و لا أنسى إعفيني و باين من ردودكم و شرحكم الكامل لمواصفات القطة
برافو و الله تعجبوني و فوق راسي

أما بنيتنا أم الوردة فأتمنى تسمع لغة الطبيعة حولها و تتعلم جمال اللفظ و روعة الإحساس
أتمنى يا بنتي تطلعين من جمود و برود الطوف الإسمنتية و تعيشين مع الطبيعة و مع المخلوقات اللي أبدعها رب العالمين و حط فيها بعض آيات إبداعه و إعجازه فيما خلق تبارك و تعالى و له الحمد و الشكر و إحنا علينا نتأمل هذا الإعجاز و نحمد الله ليل نهار

 

[ملاك زوجي]

وييييع شكلها خايس ..

مادري شلوون تحبون هالسوالف قطاوة وجلاب يكرم القارئ

وصخ ولوعه وامراض

الله يهديكم

<<< ادري يتنطون بوجهي وتعصبون عاااااااااااااااااادي طنش تعش

امبيه في اسلوب ارقى من جذي انزين ماتحبين القطاوه ماله داعي تغلطين وعارفه روحج غلطانه يعني

للاسف ماعندج ذرةاحترام حتى اي والله دلع على الفاضي يعني انا الي كلي انوثه واخاف

تدلعي يبا بس مو على روسنا :eh_s(14)::eh_s(14)::eh_s(14):

واااااي فديت القطاوه والقطوه مشاء الله تينن وويهها كيووووووووت حلاتها

 

[sweet cake]

ام رضا انا ماتعرفيني بس موجوده بالمنتدى الثاني وطبعا كل الكويت يعرفونج بس عرفت انج انتي من النك وبالمنتدى الثاني قريت انج ام رضا..

اشكرك على اسلوبج الراقي وصح كلامج عندنا كل قطوه لونق هير سموها شيرازيه والمحلات يقصون على الناس بهالسالفه


اما الاخت اللي دخلت وتكلمت عن القطاوه فما يحتاج اقول لها شي لأن البنات ردو وغير هذا هذي بس كانت مضيعه طريقها بالمنتدى شوي ودخلت هني بالغلط..
عادي بنوتات طوفوها

 

[سويتي الحلوه]

ماشاء الله القطوه تينن


والله ودي يكون عندي قطوه
بس للاسف امي رافضه




تتهنون بقطاوتكم

والاخت الي تقول ويع

ماكان له داعي يكون هذا ردج
اذا الموضوع عاجبج ردي واذا مو عاجبك
سكتي


والبنات ماقصروا برد عليج
يسلمون والله

 

[The.Cancerian]

وييييع شكلها خايس ..

مادري شلوون تحبون هالسوالف قطاوة وجلاب يكرم القارئ

وصخ ولوعه وامراض

الله يهديكم

<<< ادري يتنطون بوجهي وتعصبون عاااااااااااااااااادي طنش تعش

صراحة اسلوبج اللي ويع!
شهالاسلوب؟!!

رجاء دام الشي ما يعجبج عيل من الاساس ليش داشة القسم وقارية الموضوع؟؟
شنو هالتناقض!​

 

[ديمة الحلوة]

أظن أنك أخطئت يا كويتية برونزية المون فيس يكون وجهه حزين وهذي القطوة أحلى بكثييييييييييييير من المون فيس

 

[دلــــــع شمر]

ياي يحليلها تجنن

نوعها شيرازي مون فيس