الله يعطيج الصحه والعافيه يارب
معلومات جدا قيمه واستاااانست عليها والله.....
انا حابه انقص 10 كيلو
وزني 60 وطولي 158 وابيه يصير 50 لانه كان جذي من قبل وكنت رشيقه شحلاتني...
الحين انا ابي اتبع معاج لاني بحاجه للتشجيع...واحس عندي اراده بس مو عارفه شنو اللي يناسبني؟
اعطيج فكره عامه عن اكلي
انا اكلي شيبس وكاكاو فقط...يعني من سنين ما اكلت الدياي ولا اللحم ولا العيش ومعدتي ما تتحملهم
امشي نص ساعه باليوم الى 40 دقيقه صباحا
خايفه انه ما يناسبني هالنظام وما انقص عليه....خاصه اني ما احب افكر شنو اكل احب الاكل الجاهز لووووووووول
هلا عمري توكلي على الله ماتندمين بتشوفين صحتج اشلون تتحسن وتصير اجمل واحلى
وبعدين نظامج كلش سيء امبي حرام جذي اكلج كله ككاو وشيبسي والله حرام
انا اقولج حل خلي الككاو والشبس وجبات خفيفه باليوم مثل ماقلت لج
عندج وجبه الساعه 11 تكون خفيفه
وثانيه العصر الساعه 5
وثالثه تكون مكافأه بعد العشا بساعه
اكلي اي شي حلو بخاطرج
بس الوجبات الاساسيه اكلي شي منه فايده عالاقل خلي الريوق صحي عشان صحتج
غيري بعض العادات ومع المشي بتكونين روعه بكل شي
