--- اللي بشقه وعندها خدامتين ؟ ---

[sunshine22]

مرحبا


بنات انا بطلب خدامه ثانيه وشقتي

غرفه معيشه
غرفه لعيالي كبيره وخدامتي تنام يوميا معاهم
غرفه نومي
صاله صغير تعتبر استقبال
مطبخ
حمامين
غرفه للأوتي + نشر الملابس فيها مجال تنام فيها خدامه وحده بس





برايكم في مجال لحجم شقتي اطلب خدامه ثانيه

علما انه عندي 3 اطفـــــــــــــال بس بالابتدائي
وشغل الشقه ينتهي الساعه 9 ونص
انا منظمه حيل وخدامتي عندها وقت بس قليل للفراغ يعني اذا بيبي صغير معانا بيزيد الشغل


وناويه احمل الحين انشالله



شرايكم

شلون اقسم الشغل علي الخدامتين
انا وحده متعوده ع الهدوء
ودم ظروسي قرقت الخدمممممممممممممم:eh_s(14):

محتاره للحين اطلب او لااااا

 

[بخـــارى]

انا عندي خدامتين
والسبب زوجي مسافر وولدت واهوا موموجود وعندي بنت صغيره وتدريس
وماشاءالله عندي طبخ ومشاويرالبيت والدوام وصج خدامتين وواللخ مو ملحقه
تقدرين اتييبين اول ماتحملين ويكون احسنلج
واتييبين الحين بعد تعلمينها على شغل البيت لانج بعدها نساة فراح يصير تعب عليج
والله يسهل امورج

 

[أم نواف غير]

الله يوفقج حبيبتي

 

[بسانت]

بدال الخدامه الثانيه جيبيلج غساله صحون وغساله الملابس الاتماتك وماله داعي خدامه ثانيه ترا كثرتهم وصخ انا عندي خدامتين بس قاعدين مجابليني ماكو شغل بس انا جبت الثانيه عشان عيالي توائم وبس يصيرلهم سنتين خلاص وحده كافي *

 

[أم نوافي]

والله مالهً داعي اصراف ومغثه

دامج منظمه ومرتبه وخدامتج عندها فراغ ماله داعي كلش خدامه ثانيه

 

[STAR FAR]

خدامتين بشقة صغيرة علة علي القلب جربتهم مرة ويننوني. يايتخانقون مع بعض يايتصافون عليج كلش ماقدرت اتحملهم في عندك اكثر من طريقة ياانج تيبين الات كوي علي البخار وغسالة كهربا للصحون ويصير عندها وقت اكثر او انج تيبين ممرضة للبيبي بارت تايم او اذا عندك ياهل صغير بالبيت تدوينه الحضانة وتتفرغ الشغالة للبيبي

 

[attoosh]

والله اذا انتي نوعج حرجه بالبيت وتحبين تسوين شغل يعني يوم تنظفين دا عيالج يوم صالتج يوم مطبخج يعني مو اتكاليه 100% لا تيبين نسقي امورج معاها وبتقدرين لانه انا عند توام واشتغل وساكنه بشقه وكان عندي خدامتين لوعو جبدي وكنت متحملتهم لاني كنت ما اتصور وضعي بوحده ذاك اليوم تهاوشو مشيت وحده فيهم والحين صارلي شهرين عند ي بس وحده مع العلم اني حامل بشهري 8 بس الحمدلله قدرت انسق اموري معاها اساعدها بالتوام واساعدها بشغل البيت وصرت اقوم شويه ابجر والحمدلله صج صار تعب علي شوي بس من الناحيه النفسيه اريح من قبل بووووووووايد بس بصراحه انا ما اطبخ

 

[sunshine22]

مشكورين


والله انا احس نفسيتي ماراح ترتاح مع ثنتين
!!!!!!!!!!!!!!!!




وخدامتي عندها فراغ صباحي ومسائي
وشغل البيت مرات يخلص الساعه 7 ونص

لاني اخذ عيالي واطلعهم العصر ما نرجع الا بالليل
يتعشون ويبدلون وينامون ع ال8 عشان المدارس




اتوقع وضعي احسن مع وحده

 

[sunshine22]

بخصوص الغساله والشغلات المساعده
تارسه الشقه منها كل سبل الراحه اوتوماتيك واوتي بخار وغيره انا اساسا منظمه لابعد الحدود ودقيقه حيل

وداري ما تنظفها تنظيف قوي من مسح وغسل للحمام الا مره بالاسبوع فقط (( الجمعه )) حمامي كبير ونظيف لان ما يستخدمه غيري وزوجي

باجي الاسبوع انا ارتب الكفر واغير اكياس الزباله بس اهي ما تدخل داري كلش
=============================================

 

[ام سالم العنزي]

خدامه اريح من اثنين لان يتصافون عليج واذا انتي مو ظفه ممكن تطلع وحده والثانيه تغطي عليها او ما يتفقون مع بعض ويسببون لج صداع ومشاكل مادام منظمه الوقت والعيال عندج خلاص. وانا مفكره اذا حملت اجيب بارت تايم لغايه ما اقوم بالسلامه وصدقيني جذي اريح لج وبعدين وحده تقدرين تحاسبينها بس ثنتين لو يضيع شي او يخترب راح كل وحده تحط اللوم على الثانيه
والله المستعان نستغفره ونتوب اليه*

 

[!الجادل الصعب!]

وحده آحسن لج .. ومع البيبي الجديد اذا حسيتي الوضع متازم اخذي امومه ولا دوخه الراس .. يايقرقون يايتهاوشون وانتي بشقه يعني مكآنج محصور ؟؟ خدامه وحده وتضيع الخصوصيه شلون ثنتين ..!

 

[دانة بعين بحاري]

والله انا بعد بجيب وحده ثانيه والله يستر مايندرى الوضع شلون
الخدم شر لابد منه

 

[sunshine22]

الحمدالله استخرت

وقررت خلاص ماجيب


نفسيتي ارتاحت من قراري

وعيالي انا شبه مسيطره عليهم ومسويتلهم برامج
وبيتي هادي ومريح ولي مزاج خاص بالشقه فاذا صارو اثنين ابنهبلللللللل



اذا ولدت بجيب سستر امري لله
اساسا برجع دوامي بعد الوضع والبيت مافيه الا البيبي الباجي مدارس كلهم
واجيبها مره ثانيه وثالثه لحد ماقدر على البيبي واضبط وضعي والله كريم

 

[PuPa^^SWeeT]

اذا ولدتي ياقلبي


اخذي اموومة


وخلي همج فيه


وخلي عيالج يساعدونج برعاية المولود



و ربي يطرح فيج و بعيالج و ببيتج البركة

 

[تفاصيل الغرابه]

مااااينفع ب شقه وتكفي خدامه وحده

 

[<<لمار>>]

اذاالله كتبلج وحملتي طلبيلج وحده مالت البيبي ماتقدر تشتغل وتمسكه ماراح تلحق وانتي بعد سهر وتعب يبيلج وحده تكون معاج وتعاونج يعني تحتج علي طول

 

[beauty rose]

انا عندي ثنتين و شقتي غرفتين و حمامين و صالة و مطبخ
عندي خدامتين لان عندي توم اسم الله عليهم 4 شهور و مالحق بروحي معاهم و حتى خدامة وحده ما تقدر
مرات انا بطلع ماقدر اخليهم عندها بروحها و مو سهله اتنقل فيهم و آخذهم معاي
عشان اطلع يبيلي 3 ساعات اشيل قشي
و بنفس الوقت خلصت امومتي و مضطرة اداوم لازم 2

انا معاج ان صار ضيق و احس صاكين علي صكة بس انا حاطتلهم قوانين
بعد الساعه 11 ماشوف وحده برة غرفة البيبيات يقعدون فيها الا اذا يبون حمام يطلعون و يردون بس
و مانعتهم من السباحة اذا زوجي بالبيت ، ينطرونه يطلع بعدين اللي تبي تتسبح تتسبح
بالنسبة للتنظيف سهل حيل ما عندي شي شقتني نظيفة كل 3 ايام تمسح و خم ما عندي حوسة
بس لازم عندي وحده تطبخ عالاقل نص طبخه وانا ارد من دوامي اكمل الاكل خاصة العيش احب اسويه على قياس الماي عدل
و غسيل الملابس عندنا وايد و الكوي

انا اقول تحتاجين خدامة لان لازم وحده تجابل عيالج تسويلهم اكلهم و اغراضهم ملابسهم
و اذا حملتي ان شاء الله بتساعدج الثانية مع البيبي لازم تعرف ترضع و تشيل و تحفظ و تساعدج بسباحة البيبي

انا كان عندي خدامة وحده من كثر ما مسكينة مو ملحقة تاكل و اهيه واقفة تكسر خاطري
و كنت احط بنتي عندها بالليل و ولدي عندي عشان لمة يبجي واحد ما يقعد الثاني
اهيه مسؤولة عنها بالليل وانا مسؤولة عن ولدي
و كل شوي اروح اطل عليها و ارد انام و على هالحال ليما يت الثانية وديت ولدي عندهم عشان ريلي يبي يرتاح بالنوم بعد
و صرت بالليل اسهر لي 4 و 5 الفير و اطل عليهم
و اذا صار شي موصيتهم يقعدوني

الخدم يغثون بس غصبن عليج بس الله يرزقج بخدامة تبرد الجبد يارب