اللي ارتبطت عن ******حـــــب ****تدخل وبسسسس

[فديت سالم]

انا خذيت عن حب بس اهو من العايله بس ماكلمته بس نظرات وكان يقول لو كنتي تكلميني ماخذيتج
لاتعيشين احلام ورديه الرياجيل ينخااف منهم وخمس سنين مو فتره طويييله لوكان يبي كان من الاول
وسامحيني والله من خوفي عليج
والله يكتب لج اللي فيه الخير اللهم اميييين

 

[حبيبه بدر]

انا متزوجه عن حب بس يقرب لي

 

[شطانه طفله]

انا طموشه بس مادري زواج الحب يحير والزواج التقليدي هم يحير

والله يكتب اللي فيه الخير والنصيب اذا لج راح اييج

 

[ذابحتهم]

حبيته واخذته بس خسرت اخواني

 

[ليان]

انا اخذت زوجي عن حب ولله الحمد مستمرين مع بعض

بعض الرجال تفكيرهم لحد الحين مثل اول

ان البنت اذا كلمتها مستحيل تكون زوجتي

عرفتي

وفي عيال الحلال اللي يحبون بصدق

بس نصيحتي

احنا في زمن يخوف

انتبهي على نفسج وخليج ثقيله ولا تتسرعين ولا تغلطين

وأهم شئ أهم شئ

كثري من الاستغفار

وعسااا ربي يوفقج

 

[q8sweeta]

في حل واحد تعرفين فيه مشاعر اللي تحبينه ومدى حبه لج
اولا اذا ظروفه تسمح انه يخطبج مثلا سنه مناسب ويشتغل وعنده معاش
قوليله انا مااقدر اتم اكلمك اكثر من جذيه تبيني تعال بيت اهلي وانا حاسه بالذنب واحس غلط اللي اسويه وابي الستر
اذا يالج معناه يبيج
واذا تركج وقعد يتحجج اانه يبي شوية وقت وتمي كلميني
قوليله عندك كل الوقت انا بيت اهلي تبيني حياك بس مارح اكلمك
واليوم اللي تبي تخطبني فيه دزلي مسج
وبس واهني بتعرفين نية هالانسان
والرياييل انواع ماتقدرين تحكمين انه بيذلج او يعزج الا من العشرة والزواج
والزواج الناجح ماله شغل بزواج حب او تقليدي او اهل او معرفة او حتي مايعرفون بعض
والله سبحانه وتعالى يقول
وان ارادوا اصلاحا
يعني كل واحد يبني عشه مثل مايبي ولا يقط اللوم على طريقة الزواج
والله يوفقج حبيبتي

 

[المرتاحة]

حبيبتي انا اشوف 5 سنين وايد و كفايه

يعني هو ما فاتحج بموضوع الزواج؟!

بعدين حرام تضيعين عمرج على أوهام يمكن اهو يكلمج مو قصده زواج

انتي عرفي شنو نيته وقولي له مثل ما قالت العضوه اللي قبلي اذا انت تبيني بيتنا مفتوح و انا ما اقدر استمر بالغلط اهني عاد يبيين اذا هو صج شاريج ولا بس قاعد يتسلى

والله يوفقج يا رب

 

[انا لحبيبي .]

انا ماخده زوجي عن حب بس بقربلي من بعيد

ومش كل الرجال نفس بعض حبيبتي ، في رجال بكلمو بنات بكونو بحبهم من قلب ورب ولما ياخدوهم بعيشوهم اميرات على حسب البنت لما كانت تكلمه في ادبها معه كيف عودتو عليها بااي اسلوب بااي كلام ، وين الحد يلي يوقف عندو

وفي رجال كلمو بنات ، ماكان في حدود بينهم بالحب واتزوجها وبس اتزوجو ودخلو البيت بتصير بينهم مشاكل لانه من اول مافي احترام مافي حد مافي نقطه معينه

وبالتالي بتصير مشاكل ممكن تأدي لانفصال فالمعلومه يلي ماخديتها براسك غلط

الله يتمملك على خير حبيبتي

 

[حامل يديدة]

سؤال. متى يخطبك.??

 

[زوجي كويتي:)]

سؤال. متى يخطبك.??

لسسسسسسسسسسسسسسسه لانه من زمان متقاطعين:eh_s(2)::eh_s(2):

 

[زوجي كويتي:)]

احبببببببببببببببببببببببببببببكم يااهل الكويت ولكل من شاركني الموضوع

الله يبارك فيكم ويجزاكم كل خير

 

[cat-girlq8]

لا خلي عنج هالسوالف اذا كان في قناعه ومقتنع فيج مستحيل

انا حب وبعدين خطبه وعمره ماشك فيني لابد من وجود الثقه ولاحترام
خلي عنج الشك والوسواس

 

[زوجي كويتي:)]

لا خلي عنج هالسوالف اذا كان في قناعه ومقتنع فيج مستحيل

انا حب وبعدين خطبه وعمره ماشك فيني لابد من وجود الثقه ولاحترام
خلي عنج الشك والوسواس

الله يسعدك ياقمر وهذي بوووووسه كبيره ((اموااااااااااااه))

 

[*مرت الغالي*]

انا متزوجة عن حب بس واحد يقربلي .. فما اقدر افيدج وايد ..
الله يوفقج و يسعدج و يتمم عليكم ..

 

[Black&White121]

احلى شي بالدنيا الحب
وهم احلى شي بالدنيا انج تتزوجين عن حب
راح اتكونون متفاهمين وكل واحد يعرف الثاني وان شاءالله مامن مشاكل
اكثري من قراءة سوره البقره وادعي ربج وكثري من الاستغفار وان شاءالله الله بوفقج ويجمعج معاه
​

 

[يكفيني جروح22]

تدرين عااااااااااااد احس انك تشكين معاناتي وربي
لاني الشي هذا كتمته عن الكل وخبيته ماقدرت اقوله لاحد قلت افضفض هنا:eh_s(2)::eh_s(2):
احب لي واحد صارلي سنه وياه عن طريق جوال وقبل كم يوم حاولت اساله اذا بكون من نصيبه بيوم والا لا وسالته بالله يصارحني حتى لو جوابه راح يضايقني وقالي بصرااااحه لو بيدي انا اتمنااك بس انتي تعرفين من نااحيه امي اختي ابوي وووووالخ ورجع سالني نفس السؤال الي سالته وجاوبته
المشكله انه مو من اصلي وقالي عند جماعتي عيب الي يطلع منهم:eh_s(2)::eh_s(2): وربي كل كلمه يقولها احس بخنجر يطعني طنعه ورا طعنه هو الشخص الوحيد الي بنيت احلامي معاه وحطيت املي فيه بعد الله هو الشخص الوحيد الي فاهمني وفاهمته هو الشخص الوحيد الي حسيت انه رااح يعوضني عن كل شي انحرمت منه لانه نفس حالتي رغم انه قال للحين مادري بس انا حاولت اقيس النبض عند اهلي وحسيت انه مستحييييييل
بالاخيييييير ضاقت بي الدنيا واخيرا قررت افضفض لوحده من صديقاتي البارح وانصدمت فيني لاني قلت لها صارلي اعرفه سنه<<<<اهلي متشددين حيييييييييييييييل
قبل كان يقولي اذا احد من اهلك عنده محل او اي شي اجيكم لنفس المنطقه اروح لمحله يمكن اتعرف عليه قلت لاااااااا ماعندهم للاسف فوق هذا بدايه علاقتي معاه خلاني اكلم اخته متزوجه
وصرت بين فتره وفتره اكلمها بس علاقتي مو قووويه معها
انا ادري ان اخته هي الي تقدر تحقق حلمي معاه بس استحي اكلمها او اقولها مثل كذا لاني عندي احساااس مو راضيه انه ياخذني مجرررد احساس فقط ((رغم انه كان يقولي اختي تقول احسكم فاهمين بعض حيييل الله يوفقكم )) ووالايام هذي ماري يمكن تغيرت نضرتها لي

طلبتــــــــــــــــــــــــــــكم الله يحقق كل امنيه وحده تسااعدني وتحقق امنيتي وربي احسها قدمتلي هديه بعمري مستحييييييييييييييييييل انساها

اشياء كثيره بداخلي اخاف اكتبها وافتح جرووح يالله قدرت انساها:eh_s(2)::eh_s(2)::eh_s(2)::eh_s(2):

 

[classicyah]

الله يوفقج و يجمعج فيه بالحلآل . .

جيكي ع الخآص ،

 

[مجنونة حبه]

كل الي ياخذون عن حبيبتي ترا الاغلبيه انفصلووو مجرد حب اول سنه بعدهااا يفلعج بلي يمه الي نجحو بالحب بس 10%
الي يعااايرونهم يقولها انتي ما خذج من شارع مردها بيردها من الشااارع الي خانت اهلها من وراهم مردها بتخون ريلها يا حبيبتي
انا ما اايد الزواج عن العلاقه

حبيبتي
بالعكس مااوافقج لا بالراي ولا بالنسبه الي حاطتها
واذا ماخذها من الشارع مو مجبور ان يتزوجها يلعب عليها ويقطها

 

[مجنونة حبه]

حبيبتي من المواقف الي تمر بينكم يبين اذا يبيج
يفكر بمستقبله معاج يعني وين تسكنون وجم ياهل وشنو يسوي بعد الزواج
مايقدر على زعلج
ويبني احلامه معاج
واشياء وايد يبين ان يبيج

وبس اهم شي قبل كل شي
شوفي نبض اهلج اذا عادي عندهم زواجج وغربتج
وثاني شي لا تلحين عليه بالزواج منه
................
الحمدالله زواجي كان على حب وعمره ماعايرني بالعكس يحسسني اني انا اختياره الصحيح
واهم شي ان سال عني وعرف اخلاقي وكان يشوفني ويراقبني قبل ما كلمني وبين ان معجب
وكل قسمه ونصيب
كافي اذا زعلنا الحب وذكرياته ترجعنا
والله يوفقج

 

[زوجي كويتي:)]

حبيبتي من المواقف الي تمر بينكم يبين اذا يبيج
يفكر بمستقبله معاج يعني وين تسكنون وجم ياهل وشنو يسوي بعد الزواج
مايقدر على زعلج
ويبني احلامه معاج
واشياء وايد يبين ان يبيج

وبس اهم شي قبل كل شي
شوفي نبض اهلج اذا عادي عندهم زواجج وغربتج
وثاني شي لا تلحين عليه بالزواج منه
................
الحمدالله زواجي كان على حب وعمره ماعايرني بالعكس يحسسني اني انا اختياره الصحيح
واهم شي ان سال عني وعرف اخلاقي وكان يشوفني ويراقبني قبل ما كلمني وبين ان معجب
وكل قسمه ونصيب
كافي اذا زعلنا الحب وذكرياته ترجعنا
والله يوفقج

مقارنه بكلامك ماتوقع انه يحبني او يبغاني...انا اللي قاعده اوهم نفسي فيه:eh_s(2)::eh_s(2)::eh_s(2):
لاني حماره وغبيه موقادر عقلي او قلبي يستوعب انه مو من نصيبي
مررررررررررررره متضايقه ومخنوقه
بجد الله يهنيكي ويسعدك ويبعد عنك كل شر وحسد ماشالله