الله يوفقكم رايكم يهمني

[شيخة العوب2]

السلام عليكم شلونكم بنات حواء والملتقي الجنه ان شاءالله في الفردوس الاعلي
بنات بالبدايه انا انسانه احب اخذ في حياتي اكثر من راي ونصيحه ماحب اخذ راي نفسي وبس فحبيتكم تساعدوني في اختياري لسيارة عمري ههههههههههههه
انا ربة بيت وعندي 4 الله يحفظهم ويخليهم لي وداشه قطيه استلمهاا ان شااءالله عن قريب ومجمعه من مصروفي يعني عندي 6 الاف ونص ابي اشتري سياره اودي عيالي مدارسهم والروضه والحضانه
ف الله يوفقكم ويسعدكم شورو علي اي سياره اشتري انا بقولكم راي الشخصي بكذا سياره وانتوا عطوني رايكم بكل وضوووح
كنت بشتري جيب تيوتا برادو مستعمل 2007 ب 6الاااف ونص
وكنت بشتري نيسان مورانو مستعمل 2009 ب6 الاااف ونص
اما الوكاله الي كنت بشتريهاااا بحكم ميزانيتي وانها موديل السنه جيب نيسان قشقاي ب6 الاااااف الااشوي
او جيب هونداي سوناتا
اووووو واخيرااا جيب كيا سورينتو اوووو شبوزتاج
ناس قالولي شفروليه كافيتا ناسيه اسمهاا اسفه اذا كتبته غلط
شراااااااااااايكم تكفوووووووون والله والله رايكم يهمني شورو علي شنوووو احسن نوعيه واعادي اشتري سياره مستعمله
مادري والله محتااااااااره واثقه فيكم انه ررايكم بيعجبني وبتوكل علي الله مع رايكم بنتظاركم
واشكر مجهووووودكم معاااااااي عساها في ميزان حسناتكم

 

[ام نواااف]

هلا اختي

شكلج مشتهية جييييييب .. بس جنة الاسعار غالية اللي حاطتها
حبيبتي حتى لو اشتريتي مستعمل عادي راح يبين بالفحص اذا فيها خرابات او مدعومه لاتحاتين

دام عندج 6 حرام اشتري كامري وكاله واخر موديل كد ومد وكل الحريم يستعملونها وحلوه
انا كنت ابي جيب بس الكل نصحني ع ..

 

[خبيرة اعشاب]

اممم رايي الشخصي انتي تبين السيارة لتنقلات خفيفة

اخذي برادو موديل 2005 ما تغيرت القصه عن ال 2007
بيكون سعره بال 4 و نص شوفي لج شي نظيف
ووفري باقي فلوسج

 

[bnt_kwt]

كان ودي افيدج
بس للاسف ماعندي فكره
بالسيايير واسعارهم

 

[الأميرة جوري]

اهم شي ابتعدي عن نيسان فاااااااااااااااااشله

 

[سوسو حبيبتى]

ولا يعلي ع الشيفروليه

بس نصيحه لو فلوسك تقدري تشتري بيها وكاله اشتري

لان السياره المستعمله عذااااب

والله يكفيكي شرها ويوفقك ان شاءالله

 

[شيخة العوب2]

فديتكم مااااقصرتوا الله يوفقكم ويسعدكم ايه يالغاليه ام نواف اموووووووت عالجيوب علي قولة الوالد الله يطول بعمره ويخليه لنا يارب الجيب مركب العز له هيبه وماقصرتوا علي ردوووودكم عساني منحرم منكم واتمني الكل يتفاعل معاااي
والمبلغ الي معاااي حلوو ٦ الاااف ونص اقدر اخذ باذن الرحمن الرحيم سياره من الوكاله جييييييييييييييب
وامشاويري خفيفه بس دواامات عيالي فديتهم الصبح واردهم من مدارسهم الظهر يعني مشاوير ماتعدا منطقتنااا او حوليهاااا ومشكوووووورين

 

[جذابه بنت ذيابه]

شوفي شنو يناسبج واستخيري وانا انصحج بالكامري تكد وبراد حلووو حيل بعد كل شي يبين بالفحص

 

[كليه البنات]

حبيبتي شوفي اذا تبين سياره مستعمله لازم تجيكين علا 3 شغلات
1- الموديل 2 - جم ماشيه 3- الدعمات 4- قطع الغيار

1- الموديل : غالبا السيارات اللي بتنباع تكون موديلها بيتغير قريب , كل وكاله تغير موديلاتها كل 4-7 سنين تقريبا
2- جم ماشيه : خرابات السياره تطلع بعد ال 80 الف غالبا .. فاذا حصلتي سياره ماشيه 30 - 40 بيكون وااايد زين
3- الدعمات : لازم لازم تفحصين السياره بالكمبيوتر .. خل احد يوديها لج قراجات شويخ يفحصون ماني متاكده بس مو اكثر من 30 دينار للفحص .. اذا السياره مدعومه بالشاصي الهيكل مال السياره ديري بالج خليها تولي .. وهمن اذا مدعومه بالتواير لو شنوو مصلحينها ماترد طبيعيه
4- قطع الغيار : مو معناتها السياره رخيصه قطع غيارها رخيص .. رفيجتي خذت انفنتي ب 4 الاف :eh_s(4): وسوت دعمه بسيييييييييييطه طلع تصليحها 2000 دينار !!! نصحتها ماتاخذها بس ماسمعت كلامي:bbbiu:

عموما التيوتا وااايد زينه والنيسان وقطع غيارهم رخيص ومتوفر علا طول
وفي موقع متخصص يبيع سيارات مستعمله كويتي
تدورين بالسعر الي يناسبج والموديل واللون والسنه وكل شي اسمه كويت كار
اخذيلج فره فيه .. تحصلين شغلات زينه وايد

اي استفسار تامرين امر :ggdw: انا خبره بالسيارات :krkrkr:مطيحه بالقراجات ياوخيتي

ودعواتج يالغاليه

 

[om.googi]

نصيحة لوجه الله ,, وخري عن الكيا + هونداي = قطع الغيار صلاااااااخ على أتفه كحة ..

وأي سيارة تبين تشترينها مستعمل اخذيها من التمويل ( لأنهم ما يشترون من أي أحد الا النظيف + مو مدعوم )

وأنصحج بأصفار يعني يديدة على هالسعر اخذيلج برادو من التمويل أصفار أو مستعمل

انا حماتي خذته منهم موديل 2007 ابـ5.200 صدمتيني بالسعر اللي قالولج عليه أصلا وااايد عليه بما انه 4 سلندر !

وموفقة ,, وهم المورانو حلو بس هم اخذيه وكالة وأصفار ..

ديري بالج من المستعمل ( شرط الفحص ) واذا بتفحصين روحي عند النجم الثلاثي بحولي مجابل معهد التجاري بنات ,,
أو الرمال الذهبية بشويخ بظهر الافنيووز ,,​

 

[james546613]

البنات ماقصروا -وانتي وضحتي من اول ان السيارة الي تبينها لداخل منطقتك في الوقت الحالي وفكري بعد جم سنة وطلبات العيال الله يخليهم راح يطلعونك الى ابعد من منطقتك من طلبات مدارس وخلافة ...ابتعدي عن السيارات الكوريات وغيرها -واسالي عن الوكالات الي قطع غيراهم رخيصة مثل الغانم وافضل لمن في حالتك ان تكون جديدة لانك اولا سيدة وثانيا وتوصيل يومي ....ولاتنسين ان عيالك اليوم صغار بعد 2او 4 سنوات كم عمرهم والسيارة تكفي او لا والله يوفقك والمسلمين ...وتاخذين خيرها ويكفيك شرها مقدما

 

[شيخة العوب2]

اقسم بالله بدعتواااا بردودكم كفيتو ووفيتو جزاكم الله كل خير والله فتحتوا عيني علي شغلات ماكنت اعرفهاا حتي زوجي موذاك الزود بالسيارات مايعرف فيهااا واجد الله يوفقكم ويسعدكم والله ايسر امورناا اجمعين واللهم صل وسلم وبارك علي نبينا وعلي اله وصحبه اجمعين

 

[ام الدرر]

حبوبة ابتعدي عن المستعمل
المثل يقول لو فيه خير ما قطه الطير
6500 ماشالله تييب لج يديد من الوكاله
شوفي تويوتا
عنده جيبات صغار اصغر من البرادو

وعسى الله يعطيج خيرها ويكفيج شرها ان شالله​