الله يستر،،بنات الحقوني صحي كثرة حركة البيبي تدل انه الحبل السري ملتف عالبيبي اومخنوق

[كويتيه بنت قناص]

@@

يمااااااااي والله خفت انا مثلج بالثامن واحس

بهالشي بس لحظه اذا الحبل السري ملتف يبين بالسونار

عاد انا موسوسه بهالشي خاصه ان هالفتره ظهري وايد يعورني فصايره

انام على ظهري وطلع النومه عالظهر تخلي الحبل يلتف

 

[آلجفوول ~]

اسم الله عليه

لا ان شاء الله مافيكم الا العافيه

بس بعد روحي الطبيب يطمنج

وانا مثلج حيل يرفس احس بيشق بطني

والدكتوره تقول طبيعي

 

[ام نواااف]

كثرة حركة البيبي تدل على صحته
وثانياااا
يدل ع انه قاعد يحس ع االاصوات الخارجيه ويتحرك فجأه مره قريت لدكتوره بنت النيل بالمنتدى كاتبه جذي
ماله علاقه الحبل السري
وصدقيني دايما اذا حاتينا شغله وفكرنا فيهااااا
يطلع العكس وكله وساويس

انا اخر وساويسي
حركة الجنيين حركتة ريوله كله تحت طقه من تحت
وخايفه يأثر ع الربط
وناطره مراجعتي هالاسبوع


وانحاشي من الصباح
يماااااا تلقين ادين الدكتور شكبره ويفحصج
وكل شوي دكتور داش ويفحصج
تعب تعب تعب
ديربالج
روحيلهم بوقت الولاده بس
خليج ع العرف روحي لدكتور مدحت فاهمم وشاطر سوي سونار عنده

 

[أبكاني ذنبي]

ان شاء الله ماكو الا العافيه


انا البيبي جذي يسوي فيني مرات يتحرك حركات عنيفه وورى بعض اخاااف منها

بس الحمدلله ماكو الا الخير ان شاء الله لا توسوسين

 

[ام اغلى الناس]

تسلمون بنات
ماقصرتوا
الحمدلله رحت الضامر سويت سونار
قالت كل شي طبيعي والبيبي مافيه شي
تطمنت
خفت اروح الصباح يفحصوني ولا ينوموني
موعدي معاهم الاسبوع الجاي باذن الله

 

[روح الأحزان]

حبيبتي نفس الحاله وييني عوار طلق خفيف وايد احاتي بس ان شتء الله ماكو شي
مجرد غشمره خفيفه

 

[روح الأحزان]

الحمد لله حبيبتي تطمنتي وطمنتينا
الله يقومج بالسلامه يااارب

 

[ام اغلى الناس]

الله يسلمج يالغاليه
مشكوره
اذا متاكده انه اللي فيج طلق روحي سوي تخطيط
لا تسكتين
الله يقومنا كلنا بالسلامه

 

[kookiz]

ماعتقد له شغل قبل اسبوعين رحت حق دكتورتي وقتلها البيبي حركنة امس كانت قوية وورا بعض اخاف فيه شي ضحكت وقالتلي عادي وعلى ضحك قالتلي خليه يلعب مع امه شوي

 

[Q 8 Y A t]

واااي خرعتيني

والصباح لاتروحين له

روحي حق اي عيادة قولي ابي سونار

 

[ام اغلى الناس]

تسلمون بنات
ماقصرتوا

 

[روح الأحزان]

حبيبتي اليوم خليت امي تسأل دكتورتي قالت نومة الظهر تأذي الياهل لان تضغط على الأوعية الدموية وماتخلي الدم يوصل عدل حق البيبي ومني تقل حركتة
واذا كنتي نايمة على الجانب وقلبتي الجانب الثاني اهني يلتف الحبل السري على البيبي فلازم اذا تبين تقلبين الجانب الثاني تقومين تقعدين وبعدها تلفين الجانب الثاني اما حركته زايدة دليل انه بصحة وعافية
وسامحيني على الاطالة

 

[ام اغلى الناس]

روح
مشكوووووووره ياقلبي ماقصرتي
اي انا دايم اتقلب وانا نايمه
بس الحمدلله بالسونار طبيعي

 

[بيت التوت]

ام اغلي الناس

ياتج حالتي صرتي اتحاتين وتخافين مثلي
انا الحبل السري لاف ع البيبي ربي يحفظه لي واشوفه بخير وصحه وسلامه ياااااارب

والدكتوره اكتبت لي ورقه اسوي تخطيط وقت ما ابي عشان اتطمن اذا خفت

وحركة بيبيي عاديه ومرات تقل اذا قلت رحت سويت تخطيط

روحي انتي واطلبي تخطيط ولاتوافقين علي الفحص الداخلي ماراح يغصبونج

والله يطمن قلبج وقلبي

 

[ام اغلى الناس]

بيت التوت
الله يقومج بالسلامه وتشوفين البيبي بصحه زينه بحضنج
انا بعد عطوني ورقه اذا فيه اي شي اروح لهم
بس مابي اروح
يمسكون فيني ينوموني
بانطر عالاقل لين ادش التاسع
والله يعينا

 

[بيت التوت]

اجمعين يااااااااااااارب

شوفي سوي اللي اتحسين نفسج مقتنعه فيه
وبنهايه مايقدرون يجبرونج علي شي
كلش كلش قالوا وقعي علي مسؤليتج
انترس ملفي تواقيع هههههههههههههههههههههههه

 

[ام اغلى الناس]

هههههههه
الله يعينج ويقومج بالسلامه
وتطمنينا عليكم انتي والبيبي

 

[لمسات شمووخ]

ان شااءالله ماكو الا العافيه

انا بالسادس والبيبي رفس مرافس ابطني اتقولين عزيمه عنده لا اله الا الله
لويه وحوسه


الله يسهل

 

[ام اغلى الناس]

الله يسلمج ويقومج بالسلامه

 

[[[ عيون جابر ]]]

بالعكس اذا يتحرك ارتاح نفسيا