القصيييييييره (اقصد الناعمه) تدخل و تشاركنا بهمومها

[Stay alive]

انا بعد 153 عااااااااادي الوضع صج قبل ايام المدرسه كله اسمع اني اقصر وحده بالصف وكنت شوي اتضايق بس حاليا لا والله عااااااادي حيل بعد وما البس كعب ولا شي ومرات جوتي رياضه وانتوا بكرامه ونااسه

وبالعكس حتى ايام المدرسه لي امتيازات اللي اهي كله يقعدوني الاولى ونااااااااسه ههههههههه

 

[Om eL-3a9aGeeL]

انا قصييرة وبنفس الوقت عصلة

بكمل 17 ولما اروح بشتري هدوم مدرسة يعطوني هدوم متوسطة

لما كنت بالمتوسط من كثر ما البنات يتطنزون علي كنت ابجججييي بجيييي عالمخدة
قزمة وقزمة ويضحكون علي !!!

بس الحمدلله كبرت جم سنة وعقلي كبر معاي

عادي ما يهمني ان قالولي قزمة ولا عصلة ولا غيره !!

الحمدلله هذي خلقة ربي وانا في وايد اقصر مني
على فكرة طولي الحين 151

والبنت القصيرة تلبس كعب المشكلة الصبي القصير شيسوي خخخخخخ << ماشية على هالمبدأ

:

بس صج صج وايد تصيرلي مواقف وطنازة الناس وخرابيطهم
بس ما قام يهمني اهم شي الثقة بالنفس !

 

[عنزية والهيبه وايليه]

يقولون طول ميريام فارس 169

صج عاااد


شكلهاا قصيره مو ذاك الطول ؟؟؟

 

[" أضـــــوى "]

مستحييييييييييييييييييل طول مريم فارس 169

لا ماتتعدى الخمسينات

 

[p_ian_o]

انا طولي 157 مو مأثر فيني

بس احب اني اكون اطول بشوي بس


ودااااااايما والحمدلله الكل يعطيني اصغر من عمري بوايد ( هالشي الصراحة مساعد )

 

[&رعبوووبه&]

واي ياحلات النعومه تهبل اي لبس حلو عليها مهما تكبر تبين اصغر بالعمر

انا طولي 157 ووايد عاجبني الله يخلي الكعب

عند ريلي احس اني بنوووته صغيره

والحين السوق كله للنواعم اليثله ما تلقى شي يناسبها انا يوم حملت

ما القى شي يناسبني كلش

 

[shai5at al3arab]

انا طويلة بس استانس على القصيرة صج احسها نعومة ولما توقف يمي احس اني عملاقة :0bee2e8d89:

مع انه المشكلة منها مو مني :dddds:

المهم بس هم الطول نعمة

لأن اذا انتي قصيرة ومتنتي تصيرين مدحدحة

لكن الطول شوي يغطي التجمعات والتكدسات ويخفي العيوب :dddds::dddds:


والله الحمد لله على العافية والله اهي اهم شي .

 

[*البدرة*]

هههههههههههههههههههههههههاي
الطوول شيء حلو انا ما اجامل ترا...
تحسها هيبه ...؟؟ والدليل عارضات الازياء وااااااااااو
الله يرزقني جسمهم ههههههههههه
ومو كل وحده قصيره ناعمه
والله اعرف وحده جنها رجال ما تعرف النعومه
والثانيه جنها عيوزه...)
بالعكس حلات الوحده بطولها مو قصاصه هاذا راييي
ادي بتزعلون بس انا
متفقه معاكم على الصراحه........
ثاكيوووو

 

[ميس ديور]

وااااااااي ودي اصير طويله
طولي 153
وامنيتي البس فلااااااااات
تعبت من الكعب
الحمدلله على كل حااااااال :eh_s(1):
الطواااااال دايما ما يحترمون مشاعر القصاااار ويلبسون زياده على طولهم كعوبه عااااليه
:bbbiu:

 

[مـعـجـبـة]

يــــــــــه .. قصيرااات ونعووووماااات

آنا أطالب عيل بفتح موضوع حق الطويلات النحيلات فوق 170
>> اهئ اهئ من حاااالتي ..

انا كنت متعقدة حيل من طولي ، صكيت 173 وانا بالمتوسطة تخيلوااا ما بتصدقون
وخلاص من بعدها ما طولت >> لو طولت جان الحين صرت 180 آآآآآآآآه ما صارت

وكنت ما أمشي سيدة دايما أحندب عشان ما يبين طولي ودايما أقول لي كبرت بقص ريلي عشان أقصر.. (( غباااااااء ))
واستحي لين أطلع ، وخصوصا لين شفت ريال ومرته وعيالهم وأنا اطول منهم كلهم
لاااااااااااء حرااااااام لييييييييييه بيحصل معاااايه كـــــده .. اطول من الريايييل اهئ اهئ

شعور بالإحراج لا يوصف ..
يمكن صادني هالشعور لأني طولت بسررررعة ، يعني عمري 12 - 13 - 14 خلاااااااص صكيت الـlimit الطبيعي
واللي معاي توهم في عنفوان الطول للحين ما اكتمل نمووهم ههههههههه > اللي على متر ونص وشوية ..

أما الحين لو بتسألووني ..







لا بالعكس
أموت على طولي

وساعات أقول
جان زين طولت اكثر ههههههههههههههههههههههههههه




بس القصيرات النعومات فيهم شي حلووو
ما يبين فيهم العمر >> مو آنا كله يكبرووني
رفيجتي طولها 149 سم

اذا تروح الصالون ويا أمها كله يسالونها جم عمرج ياااا حلوة >> بدلع يهال
الا تقول لهم 21 ... واهاهاهاهاااا تسبب لهم (( صدمة )) هههههههههههههههههههههههههههههه

 

[ظلال القرآن]

ونااااااااااااااااسه النواعم ربعي

طولي 152
اشوا فيه اشياء تميزني ولا جنان رحت ملح
بيضه وحلوه ويهي على قولتهم مرتتتتتتتتتتب الحمد لله
انا كنت واثقه من نفسي لاني كنت ضعيفه وزني كان ما يتعدى 55
بس من بديت اطيش صرت تحفه لما وصل وزني 86
الحمد لله نزلت طبعا مع معاناه والحين مستمره بالنزول
الكعب صديقي الصدوق بس اتوهق بالسفر لان ريلي ما يرضى البس كعب يقول بعدين تتعبين ما تقدرين تمشين البسي ساس يا ربي شقوله هذا يعني معقوله مو حاس فيني
عاد مشكله لازم البس كعب لان ريلي طويل ومو حلو شكلنا واحنا نمشي اذا ما لبست كعب
الحين عندنا عرس وخواتي كلهم طوال ومتوعدتهم ياويلها الي تلبس كعب طويل علشان انا بلبس وبصير طولهم خخخخخخخخ
يقولون مو بكيفج وشرو 15 سانتي يا ربي ما اقدر البس اكثر من 15 بعددين اطيح واصير فرجه بالعرس

 

[أم كشة]

حمدووو ربكم انا طولي 170 وعمري ما لبست كعب ودي البس

واذا لبست قالو هبلة
<< داشة عرض اسلم شتبون لحد يخززز

 

[MaZyOoOoNa]

انا 152 وعاجبني لووووووووووول ارقع ترا ولله بخاطري 160 بس خلاص طافت علي وعادي مقتنعه بطووولي بالعكس حلاته قزومه وعاد التعليقات حدث ولا حرج لي الراس بس عادي ما ازعل انا لانها خلقت ربي و موشي غلط يعني عادي

 

[ظلال القرآن]

على فكره لااااااااااااااازم يطلع قانون يمنع الطويله من شراء الكعب

منعا لاباتا باتا باتا >>> بس لا تطلع روحج

خخخخخخخخخخخخ
فيه مواقف نسيت اقولها واحلى موقف
عيالي مو مصدقين اني اكبر من اخواني ودايما يقولون لا ماما انتي اصغر وحده بخوالي ودايما يناقشون هالموضوع جدام ابوهم ودي اقطعهم خخخخخخخخخخخ
اتصدقون بعد لما حسيت ان واحد من عيالي قصير طرررررررررررررررت فيه حق د. عبدالناصر العثمان والحمد لله عالجه بكورسين ابر وحبوب وايد فرق علي الحين اسم الله عليه اطول مني >>>اكيد بيصير اطول منج
وبنكمل مع الدكتور ان شاء الله
فبنات ترا طبيعي تشوفون بعض عيالكم قصار بس لا تخلونهم ترا فيه علاج علشان ما تكرر لمأساه هههههههههوابدو عالجوهم مبجر من سن 12 او 13 لان يسون لهم اشعه على العضم اذا العظم صك ماله علاج يصير مثل حالاتنا :0bee2e8d89:
بس اذا ما صك العظم فيه مجال للعلاج

 

[" أضـــــوى "]

هالموضووووووووووع يوووووووووونس

 

[يمة يادلبي]

اخ دستي عالجرح انا طولي اقل من 150 مابي اقولكم جم بالضبط عشان لا تنصدمون
وقصري معقدني حييييييييييييييييييييييل حيييييييييييييييل

بس شنسوي ما باليد حيلة

ومن المواقف ذاك اليوم كالعادة اتحلطم على طولي ( اللهم لا اعتراض ) وان شلون مامرت علي وحدة اقصر مني
جان يقولي واحد لا في أقصر منج
تبين تشوفينهم
روحي
الـ




















































الروضة :krkrkr:​

 

[يمة يادلبي]

اي ونسيت اقول بعد
انا مو ضعيفة :s يعني وزني 53 وكله يقولونلي يالمفقوصة معني ماشوف اني دبة وااايد بس شنسوي بلي يحبطون ، وإن ـشالله من السبت ببدي بصراع مع الرجيم ادعولي اضعف مابي اصير مدربحة على قولتكم

وانا لا طلعت ما ألبس الا كعب بو 10 و15 سنتي :$ لان كلش مااااااااااااااااااااااااااااكو طول وهم البس هالكعب الي طول ويهي واصير قزمة

 

[a7la sho sho]

الله شلون طلعتو هالموضوع من 2007

انتو شنو تنبشوون

وانا بعد طولي عالمزاج

مره 153

ومره 151

ومره 154


عادي الحياه سعييييده


وتخيلو ماحب الكعب كله فلااااات ما البسه الا بالمناسبات طبعا خواتي يقولون حدج ثقه

طبعا الثقه نص الجمال

وانا اكبر واحده واللى يشوفني مع اخواني يقولون انا الصغنونه ويحاجون خواتي الصغار على انهم الكبار

طبعا خواتي يتفشلون لانهم معطينهم اكبر من عمرهم

ولمه اقول عمري ينصدموووون 23 شلوووووووووووون

شكلج 17 18 واااااااااااااي

صج نعمه بس لاكبرنا بنستانس فيها مو الحين

مثل امي عمري 40 ويعطونها 27 تخيلووو


اووووووف متى اكبر بعد خخخخخخخخخخخ

ويقولوكم استفتاء سوته مجله امريكيه اكتتشفو انه اللى طولههم اكثر من 150 بشوي

رمز للجاذبيه وقدرتهم عالاخصاب اكثر لووووووووووووووووول

وناسه مدحووونااا

وانه الريايل تعجبهم المره اللى بالطول هذا

احم احم

 

[شوشو الشقيه]

يسلمو
بالعكس القصر احلى شيء
البنت القصيره وناعمه روعه
شوفي البنات القصيرات شوفي يدهم روعه ناعمه
وصغيره
بالعكس حلو واايد حلو
اصلا البنت قصيره ما تكبر في العمر
مهما كبر عمرهاااااااااااا لو هي ضعيفه صدقيني ما تكبر في العمر
وجهها يبين انها صغيره
اما الطويله اختي ضخمه
هذه فايده القصر ان الكبر ما يبين في وجه بسرعه اذا كنتي ضعيفه

القصيره تقدر تلبس كعب حلو
تمشي تمختر وتمايل ويا حلو تمايل الكعب على شارع
يعطيج انوثه ظاغيه

ولا عليج بالعكس الكعب ما يقصر
والحين ظاهره موضه كعب
اليوم يومج يا عسل
اقول اختي
لبسي الكعب وتمشي ولا عليكي من احد
من اختج شوشو الشقيه

 

[- MaRsHmaLLoW -]

انا عبالي بس انا الي بهالطول بالكويت
اثاري في وايييد نفسي لوول :x

اولا انا طولي تقريبا 152 او 153 يعني ما اتعدى جذي وبالعكس انا احب طولي لان احس يميزني
وصج احس هالطول انثوي ويخلي البنيه نعومه
اهوا يعتمد عالجسم اذا متروسه راح يصير شكلها شوي مدحدح بس اذا ضعيفه بالعكس وايد حلو
واحس كل شي باللبس يطلع حلو واذا على الكعب انا دايما البس كعب بس هالفتره هابه بالفلات لان تعبت شوي وعادي مو فارقه معاي