القاعدة الحلبية" تم دمج المواضيع المتشابهه"

[دمعة يراع]

رد: سجلت عيالى بالقاعده الحلبيه - شوفوا شنو شفت

انا بالنسبه لي اشوف القاعده النورانيه احسن بوووايد والمكان راقي ... وسبق وقلت بنت اختي فيها صج اتهبل

الدراسه كل يوم لمدة ساعه .. والمدرسات نفوسهم حلوه .. وصدرهم وسيع .. والدراسه قويه حيييييل

يطلع الطالب صج فااااااهم وحافظ الحروف عدل

ارتحتلهم حيل ... ومكانهم بالروضه اللي تبي العنوان تبلغني .. عسى الله يوفق الجميع

 

[أم حمني المزيون]

رد: سجلت عيالى بالقاعده الحلبيه - شوفوا شنو شفت

وهج أبي رقم القاعدة النورانية وعنوانهم وبجم ؟؟وبسألج في عندهم فرع بالخالدية لأني شفت على مبنى جمعية الإصلاح مكتوب القاعدة النورانية تعريفن عنهم شي؟

 

[sun_light]

رد: سجلت عيالى بالقاعده الحلبيه - شوفوا شنو شفت

ليش ما تجربون أستاذ حمزة الخياط ترى وايد وايد زين

 

[قلبي ابيض]

رد: سجلت عيالى بالقاعده الحلبيه - شوفوا شنو شفت

اي حبيبتي هذي الطريقة الحلبية تعليم قراءة وكتابة يعني عاااااااااادي يحطونهم بصف واحد << يربطون بين الحروف والصور ونسخ الكتابة

 

[قطورة ومطورة]

رد: سجلت عيالى بالقاعده الحلبيه - شوفوا شنو شفت

حبايبي بلييييييييييييييييييييز أبي رقم القاعدة الحلبية الي بجنوب السرة + رقم وعنوان القاعدة النورانية الي بروضة ضرووري

 

[السنعة2]

رد: سجلت عيالى بالقاعده الحلبيه - شوفوا شنو شفت

ايه الله يعافييكم نبي القاعدة النورانية الي بالروضة

 

[بلبل حياتي]

رد: سجلت عيالى بالقاعده الحلبيه - شوفوا شنو شفت

واالله كنت متردده إني أسجل بنتي بالقاعدة الحلبية أو النورانية ... بس الحين تشجعت من كلامكم وتجاربكم وإن شاء الله بروح أستفسر وأسجلها بعبدالله المبارك حق الكورس الأول أو الثاني بس مادري يقبلونها وإلا لا ؟! لأنها بثانيه روضه وما تعرف تقرا وتكتب >>> لأني حاولت أعلمها بالبيت وهي ودها تتعلم بس ما تعرف وتعصب وتقط القلم وتبجي ... يا ليت اللي بنتها أو ولدها ما يعرفون يكتبون أو يقرون وبالروضه وعقب ما سجلوا بالقاعده الحلبية أو النورانيه إستفادوا تقول لي إشصار وفيه أمل وإلا لا ؟!

 

[قطورة ومطورة]

رد: سجلت عيالى بالقاعده الحلبيه - شوفوا شنو شفت

حبايبي أنا ناطرة ماكو وقت بسجلها يوم السبت انشاء الله بس وحده منكم اترد علي وتعطيني رقم القاعدة النورانية بالروضة + رقم الي بجنوب السرة الله يخليكم ضروري أنا ناطرة

 

[قطورة ومطورة]

رد: سجلت عيالى بالقاعده الحلبيه - شوفوا شنو شفت

بنات قدرت اييبلكم رقم وعنوان القاعدة الحلبية الي في جنوب السرة
العنوان : جنوب السرة - السلام - ش 212 - م 18
ت: 252139210
أو: 99220807 (4-8)
بس أنا اأبي الي بالروضة لو سمحتو الي تعرفة ترد علينا على ما أضن يسمونها القاعدة النورانية

 

[شيــوخه]

رد: سجلت عيالى بالقاعده الحلبيه - شوفوا شنو شفت

والله انا اعرف وحده من القرين بتها من اولى ابتدائي واهيا عندهم ومشاء الله تحفض وتكتب وكل شي حتى الوجب تكتبه ابروحها مشاء الله تبارك الرحمان

بس وايد تمدحها لي بس انا ماجربتها مادري

 

[السنعة2]

رد: سجلت عيالى بالقاعده الحلبيه - شوفوا شنو شفت

الي بالروضة القاعدة النورانية
في حضانة السلام
رقمهم
22524048
22524041

 

[شهد_77]

رد: سجلت عيالى بالقاعده الحلبيه - شوفوا شنو شفت

حبايبي اذا في احد مسجل عياله بالاندلس يقولي عنها شلونها عفيه تكفون

 

[الماس80]

رد: سجلت عيالى بالقاعده الحلبيه - شوفوا شنو شفت

اي والله الي مسجله عيالها بالاندلس شلون مستواها
اخاف مكدسين الطلبه بصف واحد والوقت كله ساعه شلون المدرس راح يقسم الوقت يعني يمكن يقسم كل واحد يقعد معاه ويدرسه لمدة عشر دقايق لانهم مجمعين كل الاعمار بصف وكل واحد مستوى غير عن الثاني ومدرس واحد بالصف يلحق على منو ولا منو

 

[srabeel]

رد: سجلت عيالى بالقاعده الحلبيه - شوفوا شنو شفت

حبيبتي كملي معاهم أصلاً محد يعرف للغة العربية إلا السوريين معروفين وبعدين لو شايفه عيالنا قبل بداية الحلقة الحلبية ( عيالي أول دفعه بالكويت في الدورة الحلبية باليرموك ) المهم ودوهم بعدين الخالديه اول مكان بسجد إلي قبال الجمعيه وتالي ودوهم تدرين وين ودوهم شفتي دوانية الرييايل مالت الخالديه إلي قبال محطة البانزين قطوهم البنات هناك وآخر شي قطوهم وين ودوهم مكان الله يزيد النعمه بيت عتييييييييييييييييييييييييييج إلي قبال جمعية الخالديه مال الزكاة تحت مالت بيت الزكاة وفوق حق الحلبية وإستمروا لين الحمد لله تخرجوا بس الحمد لله الفضلمن الله إنهم إستفادوا وعندي أحسن من النورانيه بوااااااااااايد

 

[srabeel]

رد: سجلت عيالى بالقاعده الحلبيه - شوفوا شنو شفت

قطوره أختي قصدج إلي بمنطقة الروضة ؟؟
إذا إي هذا رقمهم ليش كنت مسجلة بنتي عندهم 2570565 إن شاء الله مو مغيرينه وردون عليج ليش يا الجهاز مغلق يا مشغول دايماً جذيه
أهو يم الفرع ويم قيصر

 

[الفجر البعيد9]

رد: سجلت عيالى بالقاعده الحلبيه - شوفوا شنو شفت

السيلام عليكم .والله ان بنتي مااستفادت شيء وخساره الفلوس والروحه كل يوم ويا سلام على مدرسة الانجليزى ما تدرى وين رايحه

 

[enter]

رد: سجلت عيالى بالقاعده الحلبيه - شوفوا شنو شفت

ماعليج من المكان....ترى مستوى التدريس ممتاز ..
وان شاءالله يستفيدون عيالج...

 

[أحلام ورديه 2]

رد: سجلت عيالى بالقاعده الحلبيه - شوفوا شنو شفت

حبيتي التدريس اهم شي مو المكان والسوريين معروفين باللغة العربية ..........
وعن تجربة خاصة القاعدة الحلبية روعه وتأسيس ........ بس شوفي ام شي انج تستمرين معاهم
يعني مو تداومون شهر وتقولون ماتسوى .......

وبالتوفيق ان شاءالله

 

[ام _خلودي]

رد: سجلت عيالى بالقاعده الحلبيه - شوفوا شنو شفت

يزاكم الله الف خير

 

[كويتيةوأفتخر]

رد: سجلت عيالى بالقاعده الحلبيه - شوفوا شنو شفت

ليش ما تجربون أستاذ حمزة الخياط ترى وايد وايد زين

شسالفة هالاستااااااااااااااااذ

اسمع عنه وما أدري شنو قصته !!!!