( الفتاة الهاربة ) قصة واقعيه عن بنت كويتية هربت من الدنيا الى الشارع

[ReRez]

بناااااااااااااااااااااااااات اول شي مشكووووورين لكل المتابعين ^_^ منهم حبيباتي اللي من اول شي معاااي
ومنهم اللي توهم يبدون يشاركونه بالقصه وبالتعليقات الحلوه واتمنى ان ماتقطعوووون
واللي يتابعني بصمت .. حياكم الله شاركوني بردووودكم

والحيييييييييين بنزل البارت القصير اللي كتبته وانا داااايخه ومسكيينه << جنها تتمنن عليهم لوووول :dddds:
لا حشى لوول اتغشمر معاكم .. المهم الحين بحط البارت بعدين طيرااااان اصلي عشاااااااان اناااااااااااااام
:eh_s(9):

 

[ReRez]

** البارت الخامس عشر **
منار : علي امانه دير بالك على نفسك والله لو صارلك بعد شي بسبتي صدقني راح..
علي : خلااص منار ماراح يصير شي يللا نزلي
منار : اوكي
( نزلها علي ورد البيت )
---------
علي راح البيت وقعد يم امه واهي تصلي ونطرها لين خلصت الصلاة
ام علي : ها يمه اشفيك تعبان ؟؟
علي : لا يمه الحمدلله مافيني شي بس ودي تدعيلي
ام علي : شنو تبي ادعيلك ؟
علي : ان الله يسهل علي موضوع باجر
ام علي : ( ترفع ايدها وتدعي ) يالله يارب يا كريم يا حليم يا منان يا رحيم أسألك اللهم بأسمائك الحسنى التي علمتها والتي لا اعلم ان تسهل درب ابني علي وتوفقه وتيسر له اموره كما يحب وترضاه اللهم امين
ام علي : ( تطالع علي ) الله يوفقك يمه ويحفظك
علي : ( باس راس امه ) الله لايحرمني منج
ام علي : ليش احس انك متكدر وايد هالأيام .. يمه قولي اللي يقلبك خل اساعدك
علي : يمه ابيج بس توقفين معاي حتى لو الكل كان واقف ضدي عفيه يمه
ام علي : زين اول شالسالفه؟؟
علي : راح تعرفينها قريب انا الحين صاعد انام
ام علي : الله معاك ونوم العوافي ربي يوفقك بكل خطوه ان شاءالله
( علي دش غرفته تسبح وطلع انسدح ويفكر اشلون راح يكلم ابوها باجر توه بدى يغفي جان يرن تلفونه )
علي : ( صوته تعباان ) الو؟
منار : علي نايم؟
علي : هلا منار فيج شي؟
منار : لا .. بس ماقدر انام
علي : ( يغمض عينه وده ينام ) لاتفكرين بشي وراح تنامين
منار : علي لاتروح لهم الله يخليك
علي : منار خلاص هالسالفه منتهين منها وباجر الصبح انا رايح
منار : علي الله يخليك اترجاك لاتروح
علي : منور نامي وباجر بيعدي على خير لاتخافين
منار : بس انت ماتعرفهم كثري صدقني و
علي : ( للحين مغمض عينه وحاط التلفون على اذنه ) أحبج
منار : ( اسكتت ماعرفت شتقول من الفشله )
علي : منور.. والله احبج
منار : انت شكلك نايم وماتدري شنو قاعده اقولك .. تصبح على خير باي
علي : ( يظحك ) عرفت اسكتج ها؟ يللا انتي بعد نامي نوم العوافي
(ابتسم و سكر التلفون وبسرعه نام من التعب )
اليوم الثاني الصبح علي قام مبجر عالساعه 6 صلى ولبس دشداشه وغتره وطلع قبل لايقومون اهله ..
وصل عند بيتهم وتم واقف شوي بعيد و ناطر بسيارته مل من النطره جان ياخذ الجريده اللي امس منار غطت نفسها فيها
علي : ( ابتسم تذكر شكلها واهي متغطيه بالجريده ) يارب سهل الموضوع
( بعد ساعه تقريبا طلع من البيت شاب وركب سيارته نوع بي ام )
علي : ( نطره لين راح ) اتوقع هذا فهد مبين ان مو الكبير
( بعد نص ساعه طلع ريال كبير لابس دشداشه وشكله رايح الشغل .. علي شغل سيارته ولحقه لين وصل عند شركة خاصه ونطره ينزل ونزل وراه لين عرف أي مكتب دش )
علي : ( يسأل موظف من الموظفين ) الاستاذ سلطان اللي توه دش اهو المدير؟
الموظف : اي نعم السيد سلطان اهو مدير الشركه
علي : اوكي مشكور.. ( راح لي المكتب طق الباب ودش ) بسم الله
لقى السكرتيره قاعده بالمكتب الداخلي الصغير
السكرتيره : هلا اخوي آمر ؟
علي : مايامر عليج عدو .. بس بغيت اكلم الاستاذ سلطان ضروري
السكرتيره : بس عفوا لازم يكون عندك موعد مسبق
علي : ادري بس انا ماقدر انطر .. لو سمحتي تكلمينه وتقولين في واحد بيكلمك بموضوع يهمك شخصيا
السكرتيره : بس يا اخ مايصير اهني في نظام لازم ..
علي : انتي قوليله اشراح تخسرين
السكرتيره : اوكي ( تكلمه بالجهاز اللي عندها ) استاذ لو سمحت في شخص يطلب يقابلك بموضوع يهمك شخصيا
ابو ناصر : اذا ماعنده موعد مشيه
علي : ( خاف شوي لأن مهما كان هذا ابوها وكانت نبرته عصبيه ) قوليله يخصك ومايتأجل
السكرتيره : استاذ بو ناصر .. يقول الموضوع يخصك ومايتأجل
ابو ناصر : خليه يدش
السكرتيره : تفضل ( خذته لي الباب وخلته وردت مكتبها )
علي : ( بقلبه ) بسم الله الرحمن الرحيم اللهم لا سهل الا ماجعلته سهلا
( دش علي المكتب ووقف بويه بو ناصر )
( بو ناصر كانت ملامحه مبينه ان ريال عصبي وماتمر على خشمه ذبانه – يعني نفسيه - )
بو ناصر : استريح
علي : ( قعد ) انا يايك بموضوع شخصي وماله شغل بالشركه
ابو ناصر : موضوع شنو؟؟
علي : موضوع بنتك منار
ابو ناصر : ( انصدم وبطل عينه وعقد حواجبه قعد يخز علي )
علي : قبل لا تقول أي شي خلني اقولك موضوعي
ابو ناصر : انت الحقير اللي انحاشت معاه ؟؟
علي : لا وماتشرف اكون ذاك الحقير
ابو ناصر : عيل انت منو؟؟
علي : انا لقيت منار بالشارع بروحها وماعندها أي احد وكانت حالتها صعبه .. ( يبلع ريجه حس ان نشف من خزات ابو منار )
علي : ماقدرت اخليها بروحها قلت لازم اساعدها وخذيتها حطيتها عندنا في بيت اهلي .. يعني قعدتها عند امي و اختي
ابو ناصر : ( ويهه مبين فيه كل ملامح العصبيه ) ليش مايبتها لي؟
علي : انا يايك بطلب .. انت ماتبيها واهي مثل ما انت عارف ماتبي تقعد عندكم .. واهلي ارتاحو لها وايد .. فقررت اخذها على سنة الله ورسوله
ابو ناصر : لا .. بس ردها لنا او انا ايي الحين معاك واخذها من بيتكم .. وتنتهي خدماتك ومشكور
علي : استاذ بو ناصر .. فكر شوي بالموضوع تره هذا الحل الانسب لكم ومنها تسكتون كلام الناس وبس اتصير مره متزوجه ولا احد له شغل فيها وتطلع من ذمتكم لي ذمتي
ابو ناصر : ( يسكت شوي ) .. انت من ولده؟
علي : انا ولد العلي .. اسمي علي جاسم العلي .. وعندنا خير الحمدلله شركتين اهني ووحده بلبنان وجم ارض.. يعني انا ما ابي منكم أي شي غير توقيع يريحك من منار ومن مشاكلها
ابو ناصر : ( ساكت يفكر ) لازم اول استشير اخوانها بالموضوع
علي : ليش؟ انت ابوها وانت صاحب الراي الأول والأخير .. والمهر اللي تامر فيه انا حاضر
ابو ناصر : ممممم ( سكت فتره ) انا مبدئيا موافق عطني 9 الآف واخذها .. بس رجعها الحين وانطر يومين لين يرجع اخوها من السفر ابيه يكون موجود وعقب تعال اخطب
علي : ( يقرب يم المكتب اكثر ) 12 الف وانخلص كل شي اليوم اشرايك؟
ابو ناصر : ( يحك حنجه واهو يفكر )
( علي بهالوقت يحس ان حييل مرتبك وخايف من ردة فعل بو ناصر بس كان مسوي روحه ان مو هامه )
ابو ناصر : موافق
علي : ( طبعا ماصدق اللي سمعه كان وده يظحك من الصدمه بس مسك اعصابه وتكلم بهدوء ) خلاص انا رايح اييب الملاج اهني عندك بالمكتب وراح تكون الفلوس معاي بس ناقص بطاقتها وجنسيتها ييبوها من البيت
ابو ناصر : ماشي توكل على الله
علي : ( قام ) مع السلامه

 

[كيكة حبيبي]

واااااااااااااااااااي موصج تكفى في ابو جذي لا موصج واي فديت على وتضحياته

 

[ryoonah]

واى مو قادرة انطر نبى الباجى

 

[ReRez]

اسمحوووولي عاااد الحيين مو تقوولووون طيبه وراح تكتب لاااا لااااا لاااااا والف لااااااا
سهرانه من امس لي اليوم وتووني خلصت صلاة وماوراي شي فالسلاااااااااام ختاااااااااااام
الى النووووم _03BA:

c ya all 2morrow
:ggdw:

 

[XxSaruxX]

اوكي بس ماراح يكون طويل بسويه حيل قصير لأن والله حالتي يرثى لها نعسااااااااانه وماني قادره اكتب عدل

loool mashkouuraa b3d glbee wallah 7assa feech w waaid waid waid waaaaid mashkouraaa ;;** ert7t al7ein shweyaa !!

 

[sindrella]

هياااااااااااااااااااااااااااااااا



ونااااااااااااساااااااااااااااااا


أمبيه برقص من الوناسه عاشوو عااشوووو


فديييته علاااوي فديييييييييييييييته

 

[lojel]

وووووووووووووووايد حلوه القصه تسلمين يالغلا
بس بليز بليز التكمله ماتتكمل القصه الا بتكملتها

 

[sindrella]

نسيت أقوولج نوووم العوااافي حبيبتي


و أحلاااام سعيده ما قصرتي

 

[كيكة حبيبي]

يعطيييج العافيه ونوم العوافي
ولا اطولين علينا باجر بلبارت

 

[zooz92]

الصراااحة علي خووووش ريااال عجبني وااااايد
الباااااااااااارت واايد حلوو ناطرينج

 

[katko0o0ta99]

صج صج مووووووووووو طبيعييييييييييييييييييية قصتج

سجلينى من المتابعات الدائمات لج

واااااااااااااااااااااااااااااااااااااااااااو صج اسلوووبج ابداااااااااااااااااااااااع

 

[ReRez]

رتبت سريري وغسلت ويهي وفرشت اسناااني وسكرت الليت وييت انسدحت بس ماااسكرت اللاب توب اللقااااافه ذابحتني
وعاد كنت بشوف شوي من ردودكم وافصل بس استغربت ان وايد منكم عباله هذي النهايه :×
تره تو الناس يابناااات وايد مستعيلين شكلكم ..

لووول تبون النهاية اهني؟؟؟

 

[ReRez]

مشكوووووريييييييين كللللللللكم عالمتابعه والله يعااافيج واحلام سعيده لج بعد يا سندريلووووله وسارو وكيكة وزووز ^_^
وكل البنات فردا فردا
ومشكوره كتكووته حياج الله معانا ومتابعه دائمه باذن الله ..

والحلويين اللي يقرون وماعلقو .. عفيه كتبو تعليقاتكم بقوووم وابي اقرااااهم .. يللا هالمره صج بسكر كل شي وانام
تصبحون على خير

 

[MEMO GirL]

هيآآآآآآآآآآآآآآآآآآآآآآآآآآآآآآآ
وااااااااي وناااااسه رضاااا ابووها
مصيبه مامشا الا بالفلوس !! ^.~
فدييييتج والله.. كملي والي يعاافيج قاعده على قلبي احاتي منار خخخ
وسوري تعبناج وايد ويانا لووول

 

[P!NKia]

نوووم العافيه
بس جد تعرفين تقطعين على الواحد اذا اندمج لووووول
بس جد فى شباب مثل على ؟
والقصه روووعه واسلووبج احلى

 

[حلوه ودلوعه]

السلام عليكم
ههههه انا من الي يتابعون وماايعلقوون
بس هالمره عشاانج بعلق بصرااحه اسلوبج حلووووو ورواااايتج احلي يسلمووو
ونوم العوااافي

 

[HYoOoN:*]

وااي وناسه تزوجها لووول ناطرينج

 

[over love]

روعه حبيبتى القصه كل مالها وتحلو

طبعا أنا مومتوقعه تمشى الأمور بسهاله حاسه بسوى الأبو مصيبه لى يا على مع الملاج يابييب عياله أو الشرطه المهم بصير شي

 

[Zoz.Q8]

أيوااااااا ياااااا أيواااااااااااا عاش عاش عليييييي فديته خوش رياااااال والله

تسمليييييين قلبووووووو على كل البارتاااااات يعطيج ألف عااافيه

وتسلم إيييديينج