الـــــــــــــــــــــــــعــــــــــــــــــــــ ـــــــدانـ

[g1del]

حبيبتي أنا خبرة فيه وولاداتي ماعدا الأخيرة فيه وأنا حالة خاصة والله إنهم ماخلوني كلش والسستر عندي والدكتور واقف على راسي بس للأمانه أولد طبيعي بدوووووون كمام كلش درجة إن ولادتي قبل الأخيرة كان مافيني ضغط بس جاني الضغط مع الطلق تخيلي وحالتي كانت حيل صعبة وما خلاني الدكتور أحمد ولا الدكتورة باكستانية مايحضرني أسمها وتخيلي مع الطلق وضغط البيبي نزفت من خشمي وعلى طول طلعوا البيبي وركض فيني لغرفة العناية لمدة16 ساعة لما استقرت حالتي صعدوني للجناح وجاني الدكتور بالجناح يتطمن علي وقال لي ربنا بيحبك أصلا إنتي كنا حنعمل بيكي عملية وأحمدي ربنا إنك نزفتي من خشمك ولا إنفجر عندك الدماغ علما كان مافيني ضغط جا بوق الولادة ولا قدروا يسيطرون عليه لأني جايتهم واصل ,,,,,والله إن العدان يهبل والحين بعد حيل متغير ويقولون للأحسن وللأمانه المستشفيات الخاصة إن توهقوا حولوا على طول العدان بس مشكلته إن البيبي يكون عندج بعد الولادة ,,,,,
وأتمنى ‘ني أون أفدتج’’’’’’’’’والله يهون عليج

 

[.،:"$الـعـوبــــة$":،.]

شوفي ! السهالات من الله !
انا في ولدي بالهادي ! والله العظيم اني حسيت بكل شي ! كل شي !!!!!!
مانفعني الخاص ؟؟ بس حنا نروح خاص ليش ؟؟
عشان المعاملة والنظافة والخياط طبعا !!
بسسسسسسسسسسسسسسسسسسس !
اللي تقول ابي الغرفة الفلانية والفلانية والله انا مايهمني !
انا كرهت العدان من معاملتهم حزة الولادة ! يعني المرة تشوف الموت مع كل طلقه تطلقها غير لما يطلع الراس !
وهم نفوس خايسة وقلة أدب ووحدة تحلف ان السستر صافقتها كف عشانها تصايح من الألم !!
وين قاعدين !! وربي اقوم اذبحها لو نص الجاهل طالع !!
وغير النظافة اخذ وخل !! يجيبون لك الجاهل ريحته زفرة سمك يع ! ويعني منظفينه تلقين شعره يابس وفيه شغلات لازقة ! يع يع يع !
والخياط من عقب الثالث اذا ماني غلطانة مايخيطون !!
شوفي ياقلبي ! دار الشفا غالي ! بس عند الراشد ولندن اسعارهم معقولة ! لو نص منك ونص من زوجك ! او تدشين جمعية ! بس يختي تشترين راحتك !
وهذا رايي وانتي كيفك عسى الله يهون عليك يارب ،​

 

[اشتياق]

لاني ولدت بنتي بالجهرا اقول رضاة الله على العدان اللي ولدت فيه ولدي..

والله انا ماشفت منهم الا الخير

وسوالف ويضحكون ويتغشمرون معاج وعنايه ونظافه ماشفتها بالجهرا اللي تكرمون المرحاض متروس دم وتقولج قعدي..!

طبعا دم اللي قبلج ..! وييييييييع

اما العدان مباشرتج ووراج واللي تبينه ..

وسستراتهم حنونات ويلعبون بشعري لووووووووووووووول

وولدي ماشفته كله يلبسونه ويرضعونه ولي نمت خذوه يعني راحه مابعدها راحه

وكنت ناويه اولد بنتي فيه بس زوجي مارضا يطق طريج الفير ويتوهق فيني اولد عليه بالسياره لوووووووووول


وعلى قولتكم التساهيل من رب العالمين

وترى الحكومه من بعد الثالث ماتخيط..

يعني اولدي 3 بالعدان والباجي بخاص لزوم الخياط والذي منووو

 

[غلاي امي وزوجي]

اشتياث من صجج الحكومه من بعد الثالث ما تخيط يمه

والعوبه دار الشفا سعره زين 450 اذا دكتورتي من داخل المستشفى صح والا انا غلطانه

 

[فله]

وااااي لا تكفين العدان تعذيب وقذارة وشي من دكتاتورية صدام
انا حملت خارج الرحم مرتين واخر مرة انفجر الانبوب وانا بالمستشفى وحاشني نزيف داخلي واصرخ وانادي بموت ويقولون الدكاترة اي الدلع دا دي بتدلع ؟ واخرتها طحت بغيبوبة وشالوا مني لتر ونصف دم داخلي يعني بغيت اموت وبعد العملية ماشفت رقعة وجه دكتور منهم ابي اعرف وش وضعي ماكو ؟؟؟
اما السسترات حليوات مو ذاك الشين تسنعوا
يوم اجهاضي الثالث سويت تنظيفات ومارضوا يعطوني اجازة الا اسبوع واحد بس وسوولي 3 سونارات داخلية كل ماجا دكتور مايدري عن الثاني وانا اقول تو مسوية والله جنهم صمخان هذا غير المتدربين اللي يجمعونهم عليج ويدربونهم وانت من الصبح قاعدة تنطرين الدكتور بتقولين له وش فيج هو يشرح للطلبة ويروح ويخليج اخ ودي افجر روسهم وانحاش .. المشكلة محد يرد عليج يجون يكتبون ويروحون ياعالم ياهوو محد يرد عليج وقلوبهم ميته مايحسون فيج نهائيا
الا اختاري راحتج عنهم وافتكي
الولادة بروحها حاله نفسية بعد هم يلعبون بالنفسية نسبة 99 بالمية
شوفي اللي يروح العدان الحالات الخاصة اسم الله عليج اما غير جذيه نووووووووووووووو
الله لايعيدهامن ايام بؤس والله والله مرة وديت خدامة امي مكسورة رجلها طوارئ العدان جان اشوف دكاترة الولادة متجمعين واقعد ابكي بكي ياعالم نفسيتي شلون كانت

 

[غلاي امي وزوجي]

فله الله يرزقج بالحمل السليم الثابت يا رب

 

[فله]

حبيبتي والله ابشرج انا حامل بالشهر الثالث الحمدلله ربي يثبته لي واسمع كلمة ماما
بس مو بالعدان خخخخ متعقدة

 

[.،:"$الـعـوبــــة$":،.]

هلا غلاي !
والله اني مدري عن اسعار مستشفى دار الشفا ،
بس أسمع الحريم دايم يقولون الراشد ولندن أرخص !
وعسى الله يهون عليك يارب !​

 

[ديانا سبنسر]

الصراحة اللي تولد طبيعي مانصحها بمستشفيات الحكومة الاالصباح زينين

 

[Miss Golden]

Up لعيونج

 

[Miss Golden]

Up لعيونج

 

[جـــواهر]

ابيه من صجج ؟؟

شحادج تولدين بالعدان ؟؟

9شهور تعبانه من الحمل واخرتها والده بحكومه ؟؟

ماتبين راحتج وراحة بيبيج ؟؟

والله انا مستحييييييل اروح حكومه والله لو اشحذ بالشارع ولا اروح حكومه

نصيحه خلي الحكومه اللي تقولج شفيه الحكومه حتى بنات الصباح يولدون بالحكومه شي طبيعي يعني
هذيل بنات الصباح لو يولدون بمستشفى هنود بيحصلون احسن رعايه ..

روحي خاص عندج السلام والمواساة ودار الشفا والراشد كلهم ممتازين ... وتوكلي ع الله

 

[بحر الذكريات]

رفيجتي توها هالاسبوع والده بدار الشفا خذوا منها 620 دينار

تقول زايدين اسعارهم حيل

يختج الحلو بالحكومه بسسسسسسسسسسسسسسسسسسسسسس انهم يتحملون المسؤوليه ويقولون لج الصج والا غيره لا

اتذكر لما ولدت بنتي ولاده مبكره يمه تولدني واصيح وقدامي دكتوره كويتيه جديده توها متدربه تتفرج علي وتعفس وجهها اتفاعل معاي لووووووووووووووووووووووول

الله لا يعيدها

 

[hneen2]

اي دار الشفا بس جذي حاطين باللسته 450 جذابين توا بنات خالاتي والدين وحده بالغرفه العاديه وحده بالميني رويال الغرفه العاديه خذو منها 650 والميني 700 وشوي

 

[Om-7soOoN]

شوفي انا ولدت بجري بالعدان ... يمكن الظروف ساعدتني لأن بالغلط دخلوني غرفة العمليات عبالهم بولد
بس انا مافيني شي فقدت على راحتي لما ولدت .... بس معاملتهم زفت و السسترات نفسية و ترقع بالادراج و ما يهمها
بس الحمدالله الولادة زينة ولدتني السستر و الدكتوره اتروح و اتيي علي و الخياط دكتوره كويتية صغيره بس ماشالله عليها شاطره
مشكلتهم المعامله و النظافة و تتوهقين بالحمام ... طبعا حماماتهم الله لا يوريج
اي و بعد ما عندهم مكان .. انا ولدت العصر ودوني الجناح نص الليل و طبعا ما خلوو اهلي و لا زوجي يشوفوني كل هالفتره .. يعني كنت ساعتها جني مسجونه ... و لما ولدت ماكو احد يمي يقولي مبروك و الحمدالله عالسلامة جنه ماصار شي عرفتي

شوفي انا الحين حامل و ما بقا شي و اولد و على قوولتج على حسب الميزانية يا اني راح اولد بمستشفى لندن سعرهم 185 + 15 تحاليل يعني 200 دك تقريبا ... يا اني اولد بالصباح و الله يسهل عليج و علينا ان شاء الله