الــحـسـد

[الغلا مشاري]

السلام عليكم...
بدش بالموووضوع ع طول ...

انا احس اني صرت حسوده احسد حتى لو ما اتكلم بس بنضره مايمدين اذكر الله ع شي تافه شي عادي وافز اكثر شي بعيالي واذكر الله بس ليش انا الحمدلله مو ناقصني شي بس ليش صار فيني جذي مدري ... احيانن اقول مو عيني مثاااال اقول مو من قلبي سالفه اضحك فيها السمك للحين عايش عندج وصابرين ع ضيم الجهال دقت علي ثاني يوم تقول السمك مات فجأه من عينج.....بس مو قصدي ولاهاماني وذكرت الله عليه ....خالتي تخبز وانا معاها وامل مرا اشوف التنورحق الخبز يخوف .. قعد تخبز خالتي وتحط شي طبيعي اخر الخبزات مالزقو بالتنور قلت هذي عيني وذكرت الله :eh_s(16):​

انا فيني فزا ع عيالي وزوجي مثل افرح فيهم زيااااده وحد نفسي عليهم ربي يخليهم لي ... مادري انا اقول صرت جذي عشان ما اواضب ع صلاتي والقران والدعاء و الشحاذات السوريات يجون البيتنا يشحذون اطردهم واصايح عليهم مو حاسدتهم ع اني اعطيهم او احدي يعطيهم لا لا انا اخاف منهم حيييييل واكرهم اخاف يسولي *** ولا يتعودون ع البيت يدشون ويطلعون لان صارت وايد السلفه هذي اما المساكين الي برا مثل عمال المضافه ما ابخل عليهم انا اجي واعطيهم مقسوم الله ....​

ابي اعرف انا ليش صرت حسوده واكره بعض الناس مع اني ماكنت اكره وع نياتي بس الحين تغيرت حالي






وابي حل وعلاج حق النفس الحسوده .....

 

[الـكـايـدة]

حبيبتي هذا مو اسمه حسد ..
بس بقولج شي وانتي فهميهاا
انتي بنفسج قلتي ماتواظبين على الصلاة وذكر الله .. انزين هذا شيسمونه.
قلب الانسان مثل الزرعه اذا سقيتيها تنبت واذا اهملتيها تموت
واذا اهملتي صلاتج و عبادتج وذكر ربج انتي عارفه النتيجة




*

 

[Om_SalmaN]

انتي نفسي والله نفسيتي تعبت ومو عارفه شسوي قمت اعلم القراب مني باللي يصير لي لأني مستغربه من الوضع أنا مو جذي عمري ماكنت جذي طول عمري يسموني الطيبه واللي بقلبي على لساني فجأه عسى ماقلت شي اخترب يريتني ماقلت لاحد الحين الكل يكرهني وخذا فكرة عني ما الومهم بس شسوي قصبه عني لو اني متعمده جان ماضريت نفسي وعيالي وزوجي مادري شالحل فجأه صرت جذي والله على ولا شي لو اقول اي كلمه نفس اللحظه تقلب صرت كلا اسكت وأحاول ماطالع شي او افكر بشي ودي استشير شيخ دين مو عارفه شسوي صارلي سنه على هالحال ونفسج في ناس صرت اكرههم وصرت اشيل بقلبي مو نفس قبل قلبي ابيض أنا اصلي بس مو بوقته قمت افكر أخاف فيني مس او شي لانه اللي يصير معاي مو صج الحمدالله عايشه بنعمه ومو قاصرني شي كلللللللش فشكو احسد وليش هل هذا حسد او فزه نفس او شنو بالضبط كل مره بنزل موضوع واستحي فمن قريت موضوعج ماصدقت أحد نفسي لو اقولج المواقف تنصدمين .. بكل لحظه ادعي ربي يسامحني ويغفرلي ويعيني على هالابتلاء صرت اتمنى الموت ولا اني أأذي مخلوق والله ان كان الموت راحه لي فأخذني يارب واغفرلي واستر علي دنيا واخرة وسامحني حرام والله حسناتي تروح على ولا شي يارب طهر قلبي من الحقد والحسد وابطل اثر عيني عن كل شخص ضريته وعن نفسي وعيالي وزوجي ساعات افكر بالانتحار والله ولا هالعيشه صرت أتحاشى الناس حتى عيالي أخاف اشوفهم والله اني اذكر الله وأخاف الله بس مادري شاللي قاعد يصير *

 

[الغلا مشاري]

ياعمري انتي والله حاسه فيج ،،، وحتى انا ودي استشير شيخ ،،، بحثت ب قوقل عن الشغله هذي والحل ذكر الله ع طول والصلاة ع النبي و قراءة القران والمعوذات (( هذا يبيله جهاد ع النفس والحسد غريزه شيطانيه فا لقيت الرد هذا ،،،،

جارية النبي ومجاورته - مدينة النبي (صلوات)

أختي!..
أرجو منك المداومة على قراءة الآية التالية: {وان يكاد الذين كفروا ليزلقونك بابصارهم لما سمعوا الذكر ويقولون انه لمجنون.. الآية 51 من سورة القلم، حتى لا تحسدي أحد، ولا يحسدك أي أحد بعد الصلاة على محمد وآل محمد.
​

وبي احاول ع واطقط نفسي ويارب اتعالج من الحسد ..
انا اقعد بين نفسي واراج ليش وليش يمكن من جذي صارة هالشغله وبي اصحح اخطائي
ويارب يغفرلي ذنوبي يااااارب

 

[الغلا مشاري]

الكايده .... جزاج الله خير وصح الي قلتي ضعف ايمان
وحس صج قعد يتمكن مني الشيطان اعوذ بالله منه

 

[الـكـايـدة]

آمييين يا الغالية و إياك يا رب يجزيك بالمثل
واسأل الله العظيم رب العرش العظيم ان يثبتك على طاعته يجعلك من اهل عليين

 

[M!SS.LOBY]

استغفري

 

[سلاسل ذهبيه]

تعوذي من الشيطان

 

[حصة2010]

عليكى بالصلاة ولا ذكار ودائما اذا شفتى شىء حلوة عليكى بكثرة ما شاء الله لا قوة إ لا بالله وكثرى بذكر الله دائما وقول الله أاكبررررررررررررررررررر وربك كريك

 

[rose of kw]

عليكى بالصلاة ولا ذكار ودائما اذا شفتى شىء حلوة عليكى بكثرة ما شاء الله لا قوة إ لا بالله وكثرى بذكر الله دائما وقول الله أاكبررررررررررررررررررر وربك كريك

اختي غلطة مطبعية عندج... كريم كتبتيها كريك
جزاج الله خير
اختي السائلة قبل لا تبدين اعجابج بشي اذكري الله وقولي ماشاء الله تبارك الله اللهم اني اسألك البركة
ترى العين ما في شي اسرع منها الا القدر... لا اله الا الله
حافظي على صلاتج وقراءة القرآن... والعين حق وانا اختج:eh_s(7):

 

[م.الحمد]

بالعكس لاتفكرين جذي
قولي بنفسج انا مو حسوده والي صار صدفه بَـكأŠـس اذا تميتي تفكرين جذي بتصيرين حسوده صج
هـƠ̴̴̴͡ـ̮ـذا الي تعلمته من قانون الجاذبيه
تحياتي لج ��

 

[أحلى البشر]

ادعي في سجودج ان ربي ينقي قلبج من الحسد والغل والحقد وتحل البركه في أي مكان تدخلينه ادعي وجاهدي نفسج خلي كلمة ماشاء الله دايما على لسانج وقولي ماشاء الله بصوت عالي حتى الناس يعرفون انج ذاكرة لله ومايتهمونج بالحسد والله يعيين

 

[ملامح بريئة]

تعوذي من الشيطان لاتمرضين نفسيا بشي مالك ذنب فيه الانسان يحسد نفسه والدليل قول ((ولولا اذ دخلت جنتك قلت ماشاءالله لاحول ولاقوة الا بالله)) حبيبتي لو تلاحظين الناس تغيرت قامت تخاف تسأل عشان لايصير شي باللي يسالونه ويقولون عين خل اعطيك مثال

 

[ملامح بريئة]

الحين وحدة مسافرة حطت صورها بالانستجرام ماشوف ولا وحدة ترد عليها تسال وين قلييل يسالون وبعد اذا صار استقبال عرس وعزمتي الضيوف يشوفون شقة المعاريس يحلفون مايصعدون ولا يشوفونها يخافون من العين فتبين ترتاحين لا تسالين ولا تعلقين الدنيا تغيرت ممكن وحدة قاعدة معاك تضحك واسولف وتلقين طيارتها مفس اليوم وماتتكلم

 

[ملامح بريئة]

وممكن تسالك وحدة على النيه عن بشرتك وذكرت ربها وتعبتي بالليل اكيد بتقولين من عينها لا والله العالم اننا المفوس تغيرت ووسوست الناس من كثر النعم فتعوذي من ابليس واذكري الله بقلبك دايم

 

[ملامح بريئة]

وسوري عالاطاله

 

[أحلى البشر]

الحين وحدة مسافرة حطت صورها بالانستجرام ماشوف ولا وحدة ترد عليها تسال وين قلييل يسالون وبعد اذا صار استقبال عرس وعزمتي الضيوف يشوفون شقة المعاريس يحلفون مايصعدون ولا يشوفونها يخافون من العين فتبين ترتاحين لا تسالين ولا تعلقين الدنيا تغيرت ممكن وحدة قاعدة معاك تضحك واسولف وتلقين طيارتها مفس اليوم وماتتكلم

لما قريت ردج تذكرت سالفة صارت لي بالدوام بنت توها راده من ماليزيا وتوريني جنطتها وكانت الجنطه حيل عاديه مو ذوقي وماعجبتني بس الناس اذواق وقلت لها حلوه عليج بالعافيه مجاملة طبعا ومن باجر يتني المكتب تسولف وتقول شفتي جنطتي اللي وريتج إياها امس قلت لها ايه شفيها قالت انقطع اللوقوو قعدت اطالع البنت وأقول بقلبي الحمد لله والشكر أصلا مو عاجبتني مجامله قلت حلوه غصب تبي تخليني حاسدتها :eh_s(14):

 

[Kocheko]

يا حبيبتي أنتي مو حسودة ... ولا تعبين نفسيتج .. بس حاولى تذكرين الله كثير وبترتاحين ..

 

[ام رنا1]

سبحانه الله العظيم

 

[غالي الذهب]

البعد عن الذنوب والدوام على ذكر الله في كل وقت يبعد هالشي عنج ويكسبج الاجر الكبير باذنه سبحانه