الغيره من اخت الزوج << نقاش صريح

[مناير ...!]

رد : الغيره من اخت الزوج << نقاش صريح

احسن شي الريال اللي يتحمل بخواته ويحبهم ويراعيهم بس مايكون على حساب نفسه او انهم يجرحونه ويجرحون زوجته او ساكت انا عن زوجي يحترم خواته لابعد حدود والله ثم والله في ليلة عرسنا اول ليله دخلت بيتهم تونا للحين ماتعشينا ولا ارتحنا كان في رمضان الا يطقون الباب بالقوه جنه بيكسرونه الا اخته اتقول ان بنتها مريضه بنتها عمرها 30 مو متزوجه ورحنا وديناها مستشفى الا يقولون مافيها شي واتقول لا ودوني مستشفى غير ووديناها الا نفس الشي مافيها شي وتمينا لي الصبح بره البيت وكان حزتها رمضان وسوالف وايد وتطلقنا مرتين على سبة خواته وللحين اهو متحمل وساكت وانا ماعمري رديت عليهم يعني الواحد يحترم خواته بس مايسكت على اهاناتهم المفروض ومهما يكون هاذي خواته

الله يكون بعونج ويسخر لج ريلج :33_1185028183:

 

[مناير ...!]

رد : الغيره من اخت الزوج << نقاش صريح

اي مرت علي مواضيع جذي يتشكون من خوات رياييلهم ليش يلبسون و يتمكيجون
بعد اخوها مو واحد غريب من الشارع عادي خله تلبس و تتمكيج جدامه .. و اللي تفكر هالتفكير الصراحه العله فيها مو بحماتها !

معاج حق
الحمدلله والشكر :cxxxp:

 

[مناير ...!]

رد : رد: الغيره من اخت الزوج << نقاش صريح

حلو ان الوحده تكبر عقلها وتحترم اهله لأن احترامهم من احترامه :rerrerek:.وما تغار منهم طبعا لأنهم محارمه ليش الغيره؟؟
بس اختي انتي ماتدرين البيوت اسرار.. وفي بعض الحموات لااا يطاقون ..مثل وحده قبل جم يوم منزله موضوع كسرت خاطري لاززم تترجى حماتها وتحب راسها عشان توافق تسافر!! وين قاعدين ترا هم الجناين بنات ناس وبعض العوايل ما يخافون الله ببنات الناس ..عشان جذي ما في قاعده عامه بس الأحترام مطلووب بكل موقف مو معناها ان الوحده ما تتضايج من بعض التصرفات اللي يسوونها الحموات وبعضهم متسلطات تخصص مغثة :gr4uu:يقعدون حق الجنه قعده..
:denya:

اي ادري بس مااقصد هالنوعيه
اقصد الي يزعلون ليه يعطيها ليه يهديها ليه يسفرها
ليه تلبس والزوجه الي تغار على زوجه من خواتها
اما هذول الحمدلله والشكر الله يعينهم على انفسهم

 

[FeShinGoOo]

رد : الغيره من اخت الزوج << نقاش صريح

امبيه كنت ناويه انزل هالموضوع بس سبقتيني الصراحه قلت حيا ومرض نفسي شنو اتغار من اخت زوجها وتبي تخرب علاقتهم ليش منو انتي ؟؟
ترى هذيك اخته دايمتله ومن قبل لاتصيرين مرته عيب عليج اتين واتصيرين نزغه قبل فتره قريت موضوع رفع ضغطي
جان زين حماتها تلبس ولاتتمكيخ ولا تسافر معاهم ..!!
هذيج شتقول
تقول مابيه يدق عليها وايد

واااااااااااااااااااااااااااااااااااااااااااااااااااي بغيت ابلع 19 حبة ظغط من كثر ماتنرفزت قطيعه ناس مريضه كيفه الريال وخواته انتي ماتستحين داشه عرض بينهم وبعدين قلة ادب اللي تغار من حماتها بسبة لبس ومكياج شالتفكير الوصخ يعني معقوله ريال بيحط عينه على اخته ؟؟
امبيه عصبت لوول

 

[مناير ...!]

رد : الغيره من اخت الزوج << نقاش صريح

امبيه كنت ناويه انزل هالموضوع بس سبقتيني الصراحه قلت حيا ومرض نفسي شنو اتغار من اخت زوجها وتبي تخرب علاقتهم ليش منو انتي ؟؟
ترى هذيك اخته دايمتله ومن قبل لاتصيرين مرته عيب عليج اتين واتصيرين نزغه قبل فتره قريت موضوع رفع ضغطي
جان زين حماتها تلبس ولاتتمكيخ ولا تسافر معاهم ..!!
هذيج شتقول
تقول مابيه يدق عليها وايد

واااااااااااااااااااااااااااااااااااااااااااااااااااي بغيت ابلع 19 حبة ظغط من كثر ماتنرفزت قطيعه ناس مريضه كيفه الريال وخواته انتي ماتستحين داشه عرض بينهم وبعدين قلة ادب اللي تغار من حماتها بسبة لبس ومكياج شالتفكير الوصخ يعني معقوله ريال بيحط عينه على اخته ؟؟
امبيه عصبت لوول

هههههههههههههههههه نفسي
من الحره نزلت الموضوع وانا والله ماعندي مرت اخو
بس احتريت شكو تتدخلين بينه وبين اخته
شكو تحسين نفسج ملكتيه

ردج ونسني :nbvppw:

 

[مــارووكوو]

رد : الغيره من اخت الزوج << نقاش صريح

انا معك في كل كلمة قلتيها

 

[مناير ...!]

رد : الغيره من اخت الزوج << نقاش صريح

انا معك في كل كلمة قلتيها

حياج الله :nbvppw:

 

[om deaj]

والي مافيه خير لااهله مافيه خير للناس

صاجة

انا ريلي وايد يساعد اهله في شغلات ساعات تكون تافهة وهو يتضايق منها ساعات بس اقوله اهلك وملزوم فيهم ولو انه فيه غيره شباب متزوجين وغير متزوجين

 

[دلوعة أبوهآ]

الغيره دايم تكون موجوده ..
بس الواحد لازم يضبط غيرته ونفسه ويحط حد لكل شي ..


واللي لهم خبره أدرى بهالشي

مشكوره حبيبتي ع الموضوع

 

[فيفي محمد]

يشرفني تكون اول وحدة وبصراحة مافيها شي اذا حب اودلل اواشتري حق اختة دامة مومقصر علي ولاعلي عيالي وبالمقابل انا اسوي لاخواني اللي ابي اهو مايتحجة

وانا :ggdw:معاج

 

[miss_jamsheer]

الغيره لازم موجوده يمكن اللي تطرح هالمواضيع انه ريلها اييب حق اخته ويسفر اخته
يمكن مايسوي حقها بس حق اخته مايسفرها بس يسفر اخته مايصير نحكم عليهم من المواضيع
يعني اكيد بتنبط جبده اتلاقينه مايرفض لاخته طلب ويسفرها ومرته مقصر عليها ومايسفرها هم هذي بنت ناس اخته عندها امها ابوها زوج يصرف عليها بس بنت الناس منو يصرف عليها غيره صح ولا لا لاتحكمون عالناس وانتوا ماتدرون شنو ظروفهم

 

[اشتياق]

اي الله يخليله اخته بس تحبله السعاده مثل مايحب لها السعاده ويخاف عليها
والغيره عند الحريم من كل شي بالله هالايام منتشره يعني عادي

 

[aseel~]

رد : الغيره من اخت الزوج << نقاش صريح

والله كلامج عين العقل

 

[ليه خليتني أحبك]

رد : الغيره من اخت الزوج << نقاش صريح

كلامج علي عيني وراسي
بس طيب الشي اذا زاد عن حده ينقلب ضد صح؟؟
شتقولين عن الاخت اللي لازقه باخوها بكل سفره وحتى شهر عسل ؟؟ ماستحت من اخوها؟؟ شلون بكلم مرته بدلعها؟؟ وين قاعدين

وحتى تتحكم اي ديره يروحون لها ليش؟؟؟ انا ولاشي طيب دام تبين اخوج ليش زوجتيه

وحتى باسماء عيالي هي اللي تختارهم ؟؟؟ انا الحين اتعب 9 شهور واربي واختار الاسم وهي تجي بارده ومبرده تختار اسم ثاني ويمشي كلامها ؟؟؟؟؟؟؟

بالله شتقولين عنها؟؟؟؟


اخته على عيني وراسي بس خليها تتركني بروحي لاتدخل بخصوصيتي تراني انسانه حالي حالها؟؟؟ لي حقوقي

وبععدين اخوها مو مقصر معاهاااا ليشش تتدخل وتبي تسيطر حتى علي؟؟؟؟؟؟؟؟
اوووووفه هذي مو اخت حشى طلع زواج من عيني
ماتسوى علي

 

[غزلاان]

حبيبة بدري

شكلج انتي من نوعية أخت الزوج خخخخخخخخخخخخخخخخخخخخخ

محد قال لاتحب أختك .. وولاّ لاتحبين أخوج

بس لااا تاخذين حق مو من حقج .. ومن حق زوجته

لا تثقلين على اخوج .. وتخلينه يقصر على مرته عشانج

لأنه مرته أولى بالنفقه حبيبتي .. وبالحب

و الزوجه لها حق وهي أولى( شرعاااااااااااااااااااااااااااااااااااااااااا) من الأخت

لج كلام بعد الشرع؟؟؟؟؟؟؟؟؟؟

 

[نسنس00]

كلامج كله غلط لان حتى خوات الزوج لهم حموات وبيتزوجون وكل وحده لها بيتها وهذي سنة الحياة واذا انا اتبدل على قولتج حتى خوات ريلي يتبدلون

 

[! بــدويه وآآيــد !]

،


اول شي فيه خوات ينحطون ع الجرح يبرى انا مرت اخوي اموت عليها واذا راحت السوق واشترت توريني وتشتري لي معاها قمصان وعطورات وتذكرني دايما بشغلات حلوه واعتبرها اختي واكثر

بس خوات زوجي ابي اعطيج نبذه صغيره عنهم ( اذا قعدتي معاهم نغزات وكلام وصخ !! حقاره ولعانه ماتخيلينها !! يترسون راس زوجج عليج وينتقدونج جدامه !! كل خمس دقايق يدقون عليه يشوفون طالع والا بيطلع والا بالبيت !! اذا طلعنا تروح تصفط سياراتها وتدق عليه تقول انا قريبه منك مرني سيارتي خربانه !! اذا طلعنا تدق تقول مرني بطلع معاكم !! تقول له لاتعطيها فلوس وتصرف عليها توها عروس وتجهيزها يكفيها !! لما طلبت منه حق عرس قريب مني تقول له عطها 50 دينار تأجر فيه نفنوف عرس لاتعطيها فلوس واجد اقل شي يتمنون زوجي يطلقني اليوم قبل باجر وخميس وجمعه مخصصينه لهم يبونه يطلعهم ويمشيهم وانا يقطني في بيت اهلي ويقولون له خلها عند اهلها خميس جمعه دايما يمدحني ويقول عني مزيونه وجسمي عاجبه حيل وهم تشتغل فيهم الغيره يقولون عاديه وضعيفه شوي وتنكسر


هذيل الخوات شنو فايدتهم ؟؟ مايتبدلون اوكي بس يبون يخربون بيته لو يتبدلون حيل احسن انا اتبدل بس انا لي فايده صاينته وحاطته على راسي واجيب له عيال واربيهم خواته شنو فايدتهم غير السان الوصخ والرباده قطيعه


وانا صراحه سكت اول شهر من عرسي لما عرفت شخصية زوجي شوي شوي قاعده اكسبه لان زوجي شخصيته مو قويه كلش وكل مادقت اخته روح جيب اختك من الصالون وما ادري شنو اسويها سالفه اقول له انت مو سايق وما اخليه يروح يجيبها وما ابيهم يطلعون معاي واذا دقوا اسكره بوجيهم ولما دقت عليه اخته قالت عطني ساره بسلم عليها قلت بصوت عالي ما ابيها ولا بسلم عليها فشلتها لانها حقيره ومو مال حشيمه وعطيت خواته طاف وزوجي الحمد الله صار بصفي واحسن مافيه يسمع الكلام لانه يشوف بعينه لما سكت لهم كلوني بقشوري عمى بعينهم وعلمته ان ماله داعي يعرفون وين نروح ووين نطلع وعلمته اي شي بينا يظل بينا وصار كتوم جدامهم وان شاءالله اربيه على ايدي من اول وجديد واطق خواته باكبر طوووفه لان لواعتبروني اخت اعتبرتهم اكثر من خوات بس اهم الطيب يدوسونه ولان زوجي شخصيته طيبه حيل يلعبون فيه لعب بس الحمد الله حيل متعلق فيني ومن ازعل منه شوي يسوي الي ابيه والله يكفيني شرهم وشر غيرهم يارب ويهدي زوجي ويسخره لي

 

[حكايه فرح]

فيه حريم اخوان يفاااااااااااارون من اخوات ازواجهم وفبه العكس مو الكل على حسب الشخصيه
بس فيه وحده كانت كاتبه موضوع بالمنتدى انهم كل سفره لازم ياخذ اخته
لا والف لا بالسفر كيف ياخذون راحتهم حلاة السفره بالرومانسيه
اما لا تلبس عند زوجي قصير او مو ساتر ولا تزيين عنده هذولا مريضين
اهم شي يجيب لي نفسهم وما يفضلهم علي

 

[Ga6waah83]

رد : الغيره من اخت الزوج << نقاش صريح

امممممممممممممم

في خوات يداحرون مرت اخوهم
وهذيل اللي يبطون الجبد وينرفزون ....

وفي خوات يسون مرت اخوهم يا دهينه لا تنكتين ...

يعني في مجموعتين بس الاساس منو هالمجموعتين المرا نفسها اشلون تتصرف
فالمرا اذا غارت من خوات زوجها اعتقد ما عندها سالفه لانهم خواته مهما كان ... تحاول تتفهم انهم خواته مثل ما يهتم حق خواته راح يهتم لها
لان اللي مافيه خير بأهله مافي خير حق مرته وعياله

وشكرا

 

[مناير ...!]

رد : رد: الغيره من اخت الزوج << نقاش صريح

صاجة

انا ريلي وايد يساعد اهله في شغلات ساعات تكون تافهة وهو يتضايق منها ساعات بس اقوله اهلك وملزوم فيهم ولو انه فيه غيره شباب متزوجين وغير متزوجين

بارك الله فيج :hearting: