العروس ترقص !؟

[برنسيسة زمااني]

رد: رد : رد: رد : رد: العروس ترقص !؟

مااحب العروس ترقص

اول شي احس حووووووسه و بيخترب نفنوفها و مكياجها

شي ثاني

الهيون اعوذ بالله بتاكلها

بيقعدون يخزنها و يحسدونها و اذا المعرس موجود بيطالعونه

ها عاجبته؟؟ ميت عليها؟؟ يابختها يان عليها؟؟؟

و عقب ما يطلهون تسمعين بلاااااوي عنهم

اللي طقها واللي طلقها واللي يكرهها

صراحه مو حلو تفتح الانظار عليها

حرام والله

 

[blue diamond]

رد: رد : رد: رد : رد: العروس ترقص !؟

بالعكس حركه حلوة والناس اذواق والعادات والتقاليد تختلف
في ناس عندهم عيب وهالشي كيفهم حرين فيه
وفيه ناس عندهم بالعكس عادي .. حلو عندهم ان العروس ترقص رقصه دلع
وبعدين هالشي اختياري مو اجباري في بنات ما يعرفون يرقصون وما يحبون بتفشلون بعرسهم

وبعدين سالفه ان العروس لازم تكو نثقيله ورزه انا مو معاها حلات لعروس تكون على طبيعتها وسجيتها
والعرس مو اهوا اللي يخلي العروس ثقيله ورزه اطباعها وتربيتها اهيا اللي تخليها جذي وأغلب المعزومين من اهلها وقرايبها عارفين طبيعتها عدل فإذا كانت العروس تضحك او رقله والكل يعرف هالشي وبيوم عرسها رزييييييييييينه وثقل ويا ارض انشقي ما عليكي أدي >> اهني تصير اهيا نكته لانها قاعده تمثل لوووول

 

[»همسْ ـآلخجل✿]

رد : رد: رد : رد: رد : رد: العروس ترقص !؟

بصرآحه مآتعجبني هالحركه . . !


آحس يعني مممممممم رآح تطيح من عين زوجهآ آو آهله !


حلآة آلبنت بـ حيآهآ وخجلهآ

والحيآء شُعبه من آلآيمآن .,

مو ترقص وجنهآ مو مصدقه !!


سوري بس وجهة نظر


.
.

 

[ســتارز]

رد: رد : رد: رد : رد: العروس ترقص !؟

ياحليلها طربانة مو مصدقة

خل ترقص عروس وهذا يومها مو لازم تخش فرحها الله يهنيها

 

[* ليــــدي *]

لا فشششششله

 

[وآحشنــي زمآنـك]

رد : العروس ترقص !؟



حــده فشلألأه ,,


حــلاات العــرووسه تكوون رزه ,,

 

[noo7a]

رد: رد : رد: رد : رد: العروس ترقص !؟

عادي وايد يرقصون
بس عن نفسي انا استحي و يوم بغيت اطلع مع ريلي و احنا بنص القاعه ماشين ماشوف الا الي تالتني (و مبين بشريط العرس قاعده تمشي بخطاوت سريعه بتلحقنا لووول) رقصي حق ولدييييييييييييييييييييييييييييي
يا خراشيييييييييييييييييي خالتي تقولي ارقص حق ريلي يما يالفشله
طبعا وقفت جني هبله و قعدت اهي تحرك ايدي لوووول

 

[بنت رجال طيب]

رد: رد : رد: رد : رد: العروس ترقص !؟

الرسول صلى الله عليه وسلم لما وصف حياء أحد الصحابة قال أشد حياء من العذراء في خدرها فهذا الأصل أن العروس تكون مستحية وخجولة وعينها بلأرض بس يمكن مثل ماقالوا الخوات من تملج البنت تكلمه بالتلفون وبعض العوايل تطلع معاه عادي عشان جذيه تلقين البنت متجرأة عليه عادي بس حنا عندنا عييب no way يمكن لو وحده من بناتنا ترقص بيقعدون خمس سنين جدام يسولفون ويتحشون فيها يعني ماتسوى عليها كلش

 

[نــوور عيــنكـ]

رد : العروس ترقص !؟

ههههههههههههههههههههههههههه ما تخيل نفسي ارقص >> اقرب شي لجدتي بتصقعني فيه خخخ

 

[Miss McDonald]

لوووووووووول ,
.
احبهآ تكون رآكده وهآدية :d

 

[ஓҚф๑фҚǻஓ]

رد : العروس ترقص !؟


ولا مره شفت عروس ترقص هههههههههه

 

[lovely jojo]

رد: رد : رد: رد : رد: العروس ترقص !؟

امبي شي يفشل وعيب اصلا....

 

[مملوحة_الوصايف]

رد : العروس ترقص !؟

ما اعتقد اسويها بعرسي ان شاء الله لوووول <<<< جنه عرسي باجر
انا اختي رقصت بالملجه بس وبالبيت او يدوب راحت او ردت والمكان صغير وبدلع او مستحى او نفنوفها كان على جسمها يعني يساعد مو مال عرووس بس بالعرس قضبت ارضها اشوه لان امبي الصاله شطولها عسى العروس بتقعد تترقص رايحه وراده :RoadRunner: وخامه الصاله معاها بنفنوفها الي شكبره.!!!!!!!!!! بس والله اخر جم عرس رحتله لازم العروس تقووم ترقص صار شي عادي الحين نادر الي ما يرقصووون او يقعدون تكانه :eh_s(22):

 

[Q8ianet]

اللي تقول كل عايلة وتفكيرها
واللي تقول اللي يبي بكيفه واللي ما يبي هم بكيفه
واللي تقول اذا ما رقصت بعرسها متى بترقص
يا بنــــــــــــــــــــــــــــــــــــــــــات شفيكم :eh_s(4):

عروس ترقص بعرسها !! متى صارت هذي بالله متى !!؟؟!!
هبوا فيها هبة يمكن اغلب البنات هني كانوا صغار
هبوا فيها بأواخر الثمانينات
والله وصارت طنازة ومعاير وتعيب :eh_s(3):

واغلب اللي رقصوا بعروسهم هذول مخلصين شغلهم مع الزوج من قبل العرس يعني كلللللللللللللللش مافيها مستحى
والله ترا عيب

احنا محنا بفرح مصري والا لبناني مع احترامي لكل العرب
من هالفضائيات اللي يننتكم ما تدرون شتسوون بعمركم :eh_s(13):

اللي ترقص واللي تبي تسوي عرسها بالنهار جنها بكنسية واللي تبي ريلها يلبس بدلة واللي تبي ترقص سلو علشان تحر البنات وهي لامته

وشنو سالفة رقص الدلع هذا بالله :080402ask_prv:

الدلع اتدلعه على ريلي حبيبي بيني وبينه مو جدام عشرمية وحدة فاجه حلجها :eh_s(12)::eh_s(12)::eh_s(12):

ترا في بنات وايد ما تزوجوا واللي ما تهنوا بحياتهم واللي تطلقوا :0bee2e8d89:

يعني خافوا من العين شوية وخلي وناستج مع ريلج بغرفتج اذا كلش كلش ميته بترقصين

وليش لازم يشوفون ابتسامته والا صفقته والا اشاراته :dddds::ggdw::eh_s(15):

يعني السالفه تحدي وبس !!

وبعدين اللي تقول الرقله والمطيورة معروفة وبعرسها تسوي روحها تكانه هذي اللي بتصير مطنزة

يعني تبين البنت تضحك بصوت عالي وتقط تعليقات وتوقف مع البنات وترقص وتصفق مع الناس عاااادي جنها معزومة علشان لحد يعيب عليها لانها مسوية روحها تكانة لانها بالاصل رقله !!

يعني حرام عليها تعيش دور العروس الناعمة الذربة الحياوية لو يوم واحد ؟؟ :wqedqw:

ترا محد عاجب احد والكل ينقد على الكل:rgewrg:

بس الزين زين

ترا اغلبنا طلعنا مع رياييلنا بالملجة وسوالف ومطاعم وسينما

بس مو معناة هذا اني ما استحي منه وطايحة الميانة وبيوم عرسي اهززززز ولا اركد والسبة اني اعرفه من الملجه فليش المستحى !!

سؤال

اذا رقصتي جدام زوجج بالعرس .. بالغرفة شنو بتسوين ؟؟ :gr4uu:
بتفتعلين المستحى افتعال وتنزلين راسج ؟؟

مو توج قاعدة تردحين جدام الله وخلقه والحين يايه تمثلين الحياء جدام شخص واحد !! اللي المفروض ان الميانة طايحة على قولتكم !!

ترا الرياييل ما يحبون الخفيفة حتى لو يعرفها ومطيح ابو الميانة وياها
ولا تقولين الرياييل انواع
مهمها اختلفت انواعهم
بس بليلة العرس يموت الريال على حياوية زوجته والخوف والرهبة والمستحى
هذا الملح والسنع يا ماما

مو تقولين لي ترقص بعرسها !!

وادري في بنات ممكن يردون ويقولون السنع باشياء وايد مو بس بالعرس والرقص
انا معاكم السنع والزين راح يبين مع العشرة باشياء وايد
بس اشياء وايد ممكن ينساها الشخص
لكن ليلة العرس طول العمر بتنحفر بالذاكرة مستحيل ننساها

في مثل يقول لي ضاق خلقك تذكَّر أيام عرسك :bbbiu:

فخلوا الذكرى يا بنات حلوة علشان لا تصير ضيقة الخلق من كل صوب !
​

 

[دلع العتبان]

رد: رد : رد: رد : رد: العروس ترقص !؟

جارج الله ياعوينتي وين قاعدين

جان صارت علووم خخخخ

 

[Miss Cherry]

ماحب الحركة وصج تطيح هيبة العروس


حنا بدو وعندنا عيب محد سو هالحركة من اهلنا بس اتوقع فيه عوايل عادي

 

[هدولى]

فشله صراحه .

 

[*Toota*]

ـ لااااا اصلا حلاتها العروس قااعده ابمكانها و مستحية !! حتا لو كان رقص دلع انا اعارضه و بشده ..مادري احس تطيح من عيني !

 

[الحــــياة]

عروس ترقص؟؟!!!!:23_asmilies-com:

لا نو وي وين قاعدين

وين الحيآآ وين المستحا ماله شغل بالعادات والتقاليد وين قاعدين ترقص؟؟!!!

احنا الام لادشت مع بنتها الصاله عيب تقط البرقع وترقص هالكوم البنت ترقص

عشان ليما تموت ويموتون عيالهااا ويجون جيلن بعد جيل وماينسون السالفه الا يمكن تنسمآآ عايلتهم بمعيارة بنتهم الي رقصت

((الخفيفه ..الهبله ...المارج ...الخ))

وعيال عيالهم يومه ليش نسمة عايلتنا جذي عشان هكآآ السنه من سنه المدري كم رقصت وحده من بناتنا بعرسهآآ؟؟!!


احنا اذا دشت الصاله وزعت ابتسامات ننقد شلون ترقص هي وكليلهآآآ:23_asmilies-com:

ههههههههههههههههههههههه مدري والله احس قويه

الا قوية القويآآت:eh_s(13):

سوري قرقت واجد:ssssso:

 

[lulwa-q8]

هذا راااي كل وحده فيكم واحترمهــ...

وحيآآكم =)