العبايه اللي تسحب بالارض

[حكستار]

الطويله ساتره.....واذا على النجاسات الواحد يتحرس واهو يمشي...والغفار ربج..

 

[ReeM ^ Style]

رد : العبايه اللي تسحب بالارض

الله يهدي الجميع

ومن رايي العبايه سواء قصرتيها او طولتيها لازم تخم الارض لان تدرون العبايه لونها اسود واي شي يبين عليها

شنو الحل ؟!! في مناديل حق تنظيف العبايه دايما بجنطتي عشان اذا توسخت على طول انظفها هذا افضل حل

ودايما احرصوا على نظافتها لان اذا بتصلين لازم تكون العباة نظيفه واكيد لمظهرج ارتب وانظف

وبنات الموضوع واضح ليش اثارة الفتن ( لعن الله الفتنه وموقضها )

ومشكوره حبيبتي

 

[miss_jamsheer]

انا وحده علي حسب المزاج البس عبايه جمعيه فرع بيت اختي مالي خلق فالبس بس وييع مااحب العبايه مقصمله يعني احبها تغطي حتي تكرمون الجوتي بس مولي درجه تسحب

 

[مارياq8]

رد : رد: العبايه اللي تسحب بالارض

العبايه لازم تكون طويله لانها تستر الجسم كله

بس الطول العقوول مو انها عاد تسحب وتجمع الوصخ

 

[روحـ الكويتـ]

انا احس انة موضووووووووع فاشل ولا يناقش فية لانة حرية شخصية مو حسن من اللحم الخايس اللى يطلع كل واحد يشووووووووووووف ماناقشتم الا العباية الساترة والحتشام صرااااحة العباءة تاج على كل واحد مووراضى احسن من اللحم اللى كل واحد يشوووفة

 

[ام خالدوعبود]

حرية شخصية

كيفها .. يمكن هي تخاف تطلع رجولها ؟

وبيني وبينج ما عمري شفت وحده عباتها طويلة حيل وتخم الشارع !!

بس أسمع من البنات هالسالفه

بس عندي سؤال لج وللبنات اللي يردون من بعدي : ليش أم العباية اللي تسحب تُنتقد هالأيام وأم اللبس المحزء والملزء أصبح أنتقادها متلاشي



صح كلامها ميه بالميه



بنات دعواااااااااااااااااااااااا الخلق للخالق ياناس انشغلوا بعيوبكم واتركوا عيوب الناس والله ماكو احد كامل الاوصاف والاخلاق لابد من العيوب بس حرام تتبع عيوب الناس


المشكله الحين كلن يشوف نفسه سلطان وكامل والناس كلهم عيوب استغفر الله


لاحول ولاقوة الا بالله يعني طرف عباية يستحق النقاش يبا البنت مستوره .


وبالاخير اذكركم بحديث للرسول الكريم صلى الله عليه وسلم اللي وصانا فيه ان نلتمس فيه لاخينا المسلم سبعين عذر

 

[يتيمة العقـد]

بسم الله والصلاة والسلام على رسول الله

يالحبيبة يا صاحبة الموضوع يمكن تجهلين في بعض امور دينا فأحب أبلغج بهالحديث اللي اتوقع اول مرة تقرينه بحياتج واتوقع بهالحديث اكفي واوفي بالرد على موضوعج اللي ماله محل من الاعراب !!!

عن ابن عمر رضي الله عنهما قال: قال رسول الله صلى الله عليه وسلم: (من جر ثوبه خيلاء لم ينظر الله إليه يوم القيامة، فقالت أم سلمة رضي الله عنها: فكيف يصنع النساء بذيولهن؟ قال: يرخين شبراً) أما بالنسبة للرجل فإن هناك حد واجب يحرم تجاوزه، وحد مستحب، فالمستحب: أن يكون الثوب إلى نصف الساق، أما المباح فهو إلى حد الكعبين، وما زاد عن الكعبين يحرم أن يغطى بالثياب، كما في الحديث: (لا حق للإزار في الكعبين) أما ما فوق الكعبين فهو جائز.

(فقالت: إذاً تنكشف أقدامهن) أي: تنكشف أقدامهن إذا لزمن هذا الحد،(قال: فيرخينه ذراعاً) أي: ابتداء من الكعبين تقيس المرأة ذراعاً فترخيه، وهذا هو الجائز لهن (لا تزيد عليه).

 

[روحـ الكويتـ]

كلام موزوووووووووووووووووون يا ام خالد وعبود

 

[::كيك وعسل::]

كيفهم شنو مضايقج فيها اذا حاشها الوصخ الحمدالله موجود بالبيت ماي وصابون واكتشاف اسمه غساله
واذا حارج هالشي اذا شفتي وحده جذيه عبايتها روحي وناقشيها بهالشي وقوليلنا شنو ردت عليج

 

[! تئبر تسبدي !]

رد : العبايه اللي تسحب بالارض

يتيمة العقد

جزاج الله خير

..~

 

[العبيدان tenuta]

رد : العبايه اللي تسحب بالارض

يسعدلي مساكم حبايبي وانت ياصاحبة الموضوع ماعلية وسعي صدرك علينا وموضوعك ووايد حلو انت ماطرحتية الا من حبك وغيرتك حق بنات ديرتك بس اشاريكم اللي يلبسون اعبي حق العزا اشكال وارناق ترتر وزري وريش ترهش من بعيد هذولا اشرايكم فيهم
:rgewrg:

 

[عيون منوعه]

انا من وجهة نظري " حريه شخصيه "

كل واحد و ستايله : ) .. و هم انا ما اخالفج ,,
لكن مستحييل و مو من حقي اني اجبر الاوادم على لبس معين

و هذا رايي في الموضوع .. :\

 

[عيون منوعه]

رد: رد : العبايه اللي تسحب بالارض

يسعدلي مساكم حبايبي وانت ياصاحبة الموضوع ماعلية وسعي صدرك علينا وموضوعك ووايد حلو انت ماطرحتية الا من حبك وغيرتك حق بنات ديرتك بس اشاريكم اللي يلبسون اعبي حق العزا اشكال وارناق ترتر وزري وريش ترهش من بعيد هذولا اشرايكم فيهم
:rgewrg:

حبووبه .. الصراحه آنا معاج في هالنقطه !!

أحس شكلهم غلط داخلين عزا و عبي برتقالي و اخضر و أحمر :nocommint:

ساعات اتنرفزززززززز بس اقول :-
انا مالي شغل فيهم و مايصير اجبرهم على لبس معين ,,

بس أول و تالي شكلهم غلط و أرفض هذي الظااااهره :\

 

[monmon12]

عيييب رايحه عزاااا نااس بمصيبة وحزن تكشخين حق منوو

انا اذا رحت عزاااا لازم عباية عالراس بعد

معني ترى انا مالابس عبي

 

[جوزائيه مغروره]

ما يعجبني

ويتعمدون

ومرات ما اقدر امشي وراها اخاف ادوس على عبايتها واطيحها واطيح معاها

 

[العبيدان tenuta]

رد : العبايه اللي تسحب بالارض

يعني من المواقف اللي تصير في العزا طولة العمر لنا ولكم انشاللة ادخلت علينا وحدة ولابسة عباة فيها ريش اسود لدرجة يوم اطلعت ريشها تنثر علي كبر الصالة رحت قلت حق اختي كانت تصلي داخل لحقي اصدقين وحدة لابسة عباة بريش جان تقول لي وىوىوى لحقي عسا ماباضت لا يفرخ علينا :s142:

 

[ام خالدوعبود]

كلام موزوووووووووووووووووون يا ام خالد وعبود

:wqedqw:ياعمري ماعليج زود :hearting:

 

[ana cute]

العباة لماا تكون واسعه طبيعي من ورا تكون شوي اطويله
وحسب البنت شنو لابسه اذا كعب اطويل او عادي او فلات

وبالمقاااااابل اللي عباتها قصيره شكلهااااااا يكون اكس

 

[أم عبوودي11]

اللي يقولون العباة للستر كلنا نعرفها وتربينا عليها
1 ماتكون ضيجهه محزءه وملزءه على قولة وده ويانا وفاضحه اكثر من ماهي كاشفه
2 غير ملفته للنظر يعني لاتفنتق فيها ولاخرابيط ولاترتر ولازري زلاخام يلمع بالشمس وملفت
هذي العباة لكن اللي اشوفه الحين موعباة اشوف دراعه ضيييييييييييييييييييييييييييييييييييييييييييييييييييييييقه ومحصرة والوان واشكال بس اسم عباة بس شكلها لا

الله يستر عليهم ويهديهم هذا قصدنا مواللي محتشمه ومحترمه نفسها وعباتها عن اللي لامحترمه نفسها ولامحترمه العباة

اللي صاروا اغراء اكثر من السفور على الاقل هذيج اسمها سفور ماقالت انا محتشمه والله يهديها مو متغطيه ومحاوله المستحيل اتطلع اللي تحت شسالفه يصير اغراء وفضول اكثر وشوفوا انا اللي تبي يلحقونها شباب خل تنقب وترسم العين وعطرها وررررررررراها ةعباة متر وراها وكعب عشرين متر كل اللي بالمجمع وراهم والتربيه الاساسيه والشاميه تشهد والمجمعات صاروا ملفتين
اي نقاب اي بطيخ هذا من الحكره

 

[miss mama]

حريه شخصيه والستر زين .. والعباية هذي مردها تنغسل ..لكن الي ما ينغسل عاد من اثم او سيئه هني المشكله

وعندي انه تخم تفال تخم تراب تخم الي تخمه ! المهم ما تخم سيئات وراهاا واهي مترصصه ومطلعه لحمها تخم فيه القاصي والداني !

( لهم الحشيمه والكرامة من لفظ تخم وغيره )