العبايه اللي تسحب بالارض

[أنفاسي دخون]

حريه شخصيه

 

[! تئبر تسبدي !]

رد : العبايه اللي تسحب بالارض

حبيبتي انا بقوول وجهة نظري لانج حاطه الموضوع بالنقاش

العبايه شلوون تبينها ؟ نص الساق ؟

انا البس عباية طويلة و عااادي العباية لابد انها تتوسخ سواء طويلة ولا مو طويلة

بس مو لدرجة الذيل لاني انا اشوف بنااات جذي و هم كيفهم

و بعين هذي حرية شخصية كيفهااا البنت

تقبلي وجهة نظري و تقبلي مروري

..~

 

[}{نرجسيهـ}{]

اي شفت بنات مسوين ذيل للعبايه خخخخخخخخخخخخخخخخخخخخ

 

[~{GooShTa}~]

رد : العبايه اللي تسحب بالارض

ذكرتيني مره كنت داشه السينما مع رفيجاتي و جدامي وحده ويا ريلها .. و عباااااتها ماشالله متر وراها
المهم يعني المكان بروحه ظلمة و انا يالله أمشي ولا بالغلط دست على عباتها جان اقولها سوري
و لا ما سمع الا اللي تقوووولي اووو ما تشوفين عميه ! و الله انا لا تشوفين ويهي صدمتني صدمة حياتي لوول
بس سكت و ما رديت عليها ..
و تعليقي عالموضوع انه صج شكل العبايه جذي يصير بشع و فوق كل هذا ماتدرين يمكن حاشتها نجاسه او شي

 

[zain.q8]

حبيبتي صاحبة الموضوووووع موضووووووعج عجيييييييب ويطلع اللي بقلبييي والبنات اللي مو عاجبهم ويبون موضوع ثاني اقولهم ترى ابلاااااش تنزلين موضوع كتبي اللي تبين موو يايه اداحرين:rgewrg:

شوفي قلبي انا ادري موووووو قصدج اللي تلبس هالعبايه على ديانه والله اشووووف بنات مشالله الله يثبتهم ويهدينا عباية راااس وموطويلة حييييل زينه ودلاق اسود
ااماا النووووع الثاني اللي يبط الجبد طبعا الكبه 3 شبااصات كبااااار وفل ميك اب وذييييل العبااايه متر وراها ابي امشي بالكليه مو قادره اخاف ادوووووس عليها واذا دست بالغلط تخز زييين انا شكو قصري عبايتج :rgewrg:
والله اتأخر على المحاضرات بسبتهم يمشون شوي شويييييييييييييييييي وذيل طويييييل والممر ضيج شسوي انتحر
لااا والوصخ خامه الكليه خم وضحكتني وحده تقول وييييه عبايتي توصخت لا حطيلها توااااير عشااان ماتتوصخ:weight_lift:

الله يهديهم

 

[الجوهرة777]

ما عليه اسمحولي بلوع جبودكم شوي :


انا لما أروح سوق الفحيحيل عيني عالأرض وأشوف تفافيل الهنود الله يلوع جبودهم أشكال وألوان عالأرض تشوفيني بس


ماشيه وأبتون ... يمين.....يسار ........يمين .......... يسار


ونبهت خواتي للموضوع ويقولون الله يسامحج خليتينا نفسج


وبس اوصل البيت على طول أقط كل ملابسي وأتسبح


ولما أشوف اللي عبايتها تسحب وراها تلوع جبدي >>>> تلم الوصخ كله


وكنت أفكر بالموضوع هذا نفس تفكيرج


ولا تقولون التزام بالدين >>>> الحمد لله ما نروح السوق الا لابسين دلاغ أسود ومتين لو شنو ما تبين رجولنا


وبالعكس بعض اللي لابسين العباية هذي مكياج وصوت الكعب يطقطق << البعض <<< البعض << البعض



احنا نبهم لأن في ناس ما يطري على بالهم هالشي

فعالى الأقل حق السوق لا يخلون العباية تسحب لأسباب صحيه


وكلن بكيفه​

 

[monmon12]

بناات ترى احنا ما نقول عباية طويله تغطي ريلج


تخيلي وحده لابسة أسود من فوووق لي تحت

وعبايتها قسما باللله أطى من الطرحاااات والذيل مال العروس وتمشي بالكعب انا ماني فهمه هل شكلها يعني حلو ؟؟


وعلى فكره شكلها ملفت أكثر


مو باااقي الا تييب بنات صغار يمها ويعدلون العباية مثل العرس


بذمتكم هذا موو استعرااااض

 

[$حبيبة عبودي$]

انا عبايتي طويله كافي انها ساترتني ..
احسسسن من حيا الله واحد من الشارع يشوفني انا مايشوفني الا واااااااحد حلاااالي فديته ..
لاتخافين علينا لافيها وصخ ولاشي ..

 

[العبيدان tenuta]

رد : العبايه اللي تسحب بالارض

مشكورة وايد على موضوع لانه جريء و في حرية شخصية لانه صراحه حلو ايكون شكل الوحده سواء كانت ام او بنت او مزوجه سفور و لا متحجبه يعني الكل حلو انه يكون انظيف و مرتب عشان و احلا و اجمل مثال لما نشوف الشيخه موزه اميرة قطر لابسه العبايه بكل اناقه و نساكه و نظافه و بنفس الوكت العبايه طويله

 

[$حبيبة عبودي$]

على فكره انا ضد الذيل اللي تقولييين عنه جنه ذيل عروس..لاني ماشفت مااراح احكم

 

[chanel N22]

يعني شنو تسوي تلبس عبايه ميد

 

[$حبيبة عبودي$]

خلوها اتنظف الشارع واتخمههههههههه مساكين البنقاليه اتعبوا واهما ينظفووون ويخمون الشوارع خخخخخخخخخخخخخخخخخ
بصراحه حتى انا احتقر هالاشكااااال!!!!!!! ويييييييييييييع:/ عباتها وصخخخخخخخخخخخخه من تحت اتلوع جبدي لما اشوف هالمنظر:/ أررررف!
صح كلامج جنه نفنوف عرررس! ههههههههههه حتى العبايه قاموا يتفنتقون فيها @@!
مررره الفرراشه ومره تسحب وراهاااا نفنوف عرررس مره امخصررره! اشكال مختلفه مالت عليكم لبسواااا عدل!!!! والا لاتشوهون منظررر العباااااة!!!!

شوي شوي لا يطقلج عرج شفيييج محتره عاااااااتي لبسي عبايه وبردي جبدج ياماما بس ها موعبايه جتف لا على الراس
عشان تغطين جسمج ولونج الحلو ..

 

[انصاريه قمره]

اي والله وانتي الصاجه شالوصاااخه تمشين وعبايتج تسح من وراج شنو ما اتنجسين بفهم انا بصراحه شي مقزز انا قبل لا اتزوج كانوا عبيي طواااااال بصراحه الحين قمت انقد على نفسي انا شلون كنت البس جذي ما كنت اتنجس يا ترا ولا كنت وصخه وعادي عندي اخمخم بهالشوارع والمجمعات الحين عبي كلهم على حد الجوتي تكرمووون لا ارتفعت عبايتي ولا طارت ولا هم يحزنون وتحت العبايه داايما البس اللقنزات القطن السود مادري شلون تطلعون بدون شي طويل تحت العبايه

 

[أم عبوودي11]

مفروض تطلع فخذوها عشان تصير مرتبه وتهبل
صح صح معاج حق بعد عيني انتي

واشدعوة امهات العبي المخصرة موطالعه فخوذهم اقول ياتلبسون العباة اللي صح والا لاتلبسون عباة مخصرة واغراء اكثر من السفور احنا ننتقدها ليش هذي اسمها سفور ماقالت انا متحجبه ولكن؟؟؟؟ لابسه عباة ولكن متنقبه ولكن؟؟؟؟

نقاب موعلى ديانه هذي عادات وتقاليد لبستوه بدال البرقع والا نقاب والكحل شاق الوي ورموش وعدسات اي ديانه احنا نتكلم عن هالنوعيه اللي تفشل

مادري وين اهلهم العباة مخصرة المصيبه بالهادي تشوفون يمها اللي اسمه ريال وهذي يمه الكم ضيق والعباة تسحب والريحه تعطعط والكعب 3 متر والعباة عشره متر علشام تصير طويله اللي تخاف تطلع ريولها تخاف يطلع صوت الكعب فرجاء لاتححلون بكيفكم

انا انقهر من الليتجي بنتي تحجبت ولاشرفت البنت والا بنطلون ضيق والرقبه بالسكه والتراجي يبه لو سفور اشرف لها

وهذا رايي واستفزيتوا بردكم ياتردون عدل عالبنت والا لاتردون واللي على راسه بطحه يحسس عليها ال ستر عبايه ال حتي سراويل مبينه

 

[اجمل نساء 2011]

رد : العبايه اللي تسحب بالارض

ما احب المنظر هذا بالباث روووم تكرمون

 

[o-2ansa candy-o]

انا جم مره بالغلط ادووس على عباية وحده تسحب<< بدون قصد طبعا

خخخ

بس والله مادري ليش واايد طويله :/

 

[ضحكت حبيبي]

رد : العبايه اللي تسحب بالارض

انا مرة شفت بلندن ايام المطر
وحده لابسه عبات فيها ذيل طويل يعني اذا انتي وراها ماتقدرين تلصقين فيها
لازم انتي بعيده عنها خطوتين
العبايه غرقانه بالمطر وشكلها حده وصخ من تحت
انا بنطروني حايشه مااي وحدي متظايقه ودي ارفعه اسويه 3 كوارتر بس حرااام
وهاذي خمت الشارع لوتعصر عباتها تترس تب كامل

وبالنسبه للتقول ماتبي تطلع ريولها تلبس عبات طولها مناسب مع دلاق اسود وتكرمون جوتي مسكر وخلاص

 

[هتـــان]

رد : العبايه اللي تسحب بالارض

امبييييييييييه بنات شفيكم الدعوى صارت بس ابي اكتب موضوع وخلاص
احس ماله داعي سووري حبووبه بس ماله داعي حاطه موضوع بس علشان
اللي يطولون عبيهم هع شئ غريب والله :d

حياتي لاتزعلين من كلامي

 

[FANTAST!K]

صباح النور

حرية شخصية

كيفها .. يمكن هي تخاف تطلع رجولها ؟

وبيني وبينج ما عمري شفت وحده عباتها طويلة حيل وتخم الشارع !!

بس أسمع من البنات هالسالفه

بس عندي سؤال لج وللبنات اللي يردون من بعدي : ليش أم العباية اللي تسحب تُنتقد هالأيام وأم اللبس المحزء والملزء أصبح أنتقادها متلاشي ؟

:rerrerek:

 

[اسـألوهـا]

رد : العبايه اللي تسحب بالارض

بصراحه خوش موضوع ويستاهل النقاش

وفعلاً مثل ماقلتوا منظرهم مغزز جداً

بس سؤال الحين لمن تبي تبدل طبعا العبايه

مسكره من فوق؟؟ يعني لازم تاخذها من تحت لفوق

يعني تخيلوا ان كل الخم الي خمته بحوش راسها

وشعرها و ويها بصراحه نجاسه واصلا والله تسبب

احراج لان جم مره اشوفهم يتعرجبون او احد يكون وراها ويدوس

على عباتها موقف محرج بصراحه يعني طوليها بس بالمعقول مو تصيرين


تمختري ياعروسه ؟؟؟

وبالنهايه مثل ماقالوا البنات حرية شخصيه

واتمنى تقبلون مروري