الزواج من شخص مطلق

[الوزيرة q8]

ساعدوني حبايبي تقدم شخص مطلق لبنتي بشروط ان تكون هناك جلسات قبل اتمام عقد الزواج للتعارف وحتى لا يقعون في مشاكل مستقبلا ويؤدي الى طلاق ثاني .
المشكلة أني لاحظت من خلال جلساته معها أنه المسيطر على دفة الأمور فهذا سبب لي الخوف من أنها في أغلب الأحيان تجيب على أسئلته فقط ومستمعه له
هل أنهي الموضوع ولكني لاحظت انها ترغب بالانهاء وأحيانا بالاستمرار , محتارة ومو عارفه شنو اسوي ؟؟؟

 

[لمى الهاجري]

خلها تصلي استخارة واسالوا عنه ولازم تعرفون سبب طلاقه من الاولية

 

[فوفو22]

شي طبيعي بالبدايه هو اللي يتكلم ويناقش ويستعرض معلوماته
وشي طبيعي اكثر هي مستمعه ومتأمله لتصرفاته

الراي لها بعد الاستخاره

والطلاق ليس سبب مباشر لرفضه

فوفو

 

[احلا المزايين]

ولله انا عندي المطلق افضل لانه صاحب تجربةبس اذا عمرها صغير
ومو مرتاحين للرجال
لا اتزوجينها واتوهق
والاستخارة تحسم الامور
واذا من نصيبها بتاخذه مهما صار

 

[بخـــارى]

خل تستخير
والله يكتب الي فيه الخير

 

[ناتشوو]

اتوقع في بداية العلاقة الرجل بيتكلم اكثر
واحيانا تكون في نسبة خجل منها
تخليها تميل للصمت
وبعدين حتى لو كانت شخصيته مسيطرة
اذا بنتج من النوع الهادي اللي تحب تنقاد
وماتحب تتحمل المسؤولية دايما بيكون هالشخص انسب
عالعموم الاستخارة
ودراسة ظروفه شهادته بيئته اخلاقه
هي اللي تحدد الرفض او القبول

 

[هيبة ملك]

اذا. الولد. زين. الطلاق. مو. عيب. وهذي. شخصيته يحب. يكون. المسيطر. احتمال. يتغير. مع. العشر. خل. تستخير. وعسى. ربي. يكتب لها الصالح

 

[al-musk]

طبيعي الي مار بتجربة وماحصلها النجاح يكون حذر اكثر وفعلا جلسات التعارف مهمه حيل عشان يتجنب ويشوف هل راح يطيحون بنفس المشاكل ب المستقبل ولا لا ..

ومافيها شي لو الولد شخصيته طغت اول شي .. اهم شي يحترمها ويكون عارف الي له والي عليه وبنتج عليها بالاستخارة وانتو اهلها ساعدوها بالتحليل والتصور

والله يوفقكم لكل خير

 

[كويتية توتة]

استخيري وخليها تستخير
اللي يستخير ربه مايضيع
والله يوفقها

 

[ضيوانه]

خاليه تستخير اول أحسن الله يوفقها يارب

 

[انثى عاشقة]

لازم تسألون عنه زين
وتعرفون سبب طلاقه
ادرسو الموضوع بتأني
وانتي انتبهي لنوعية اسئلته
ان كانت مثلا مبناها الشك او البخل او اي صفات
ممكن منها ببساطة تاخذين فكرة مبدئية عن شخصية الشخص الي قدامك ..

​

 

[انثى عاشقة]

وطبعا لازم استخارة​

 

[ديانا سبنسر]

اول شي لازم تعرفون اسباب طلاقه الاول ومنو كان السبب بالطلاق ولازم تسالون عنه بمكان عمله واهله واصدقائه اذا اسبابه مقنعة والبنت مرتاحة له مومشكلة يتم. الزواج موفقة

 

[^روح غاليها^]

الله يوقفها بصالح من خلقه

 

[أنفاسي دخون]

تستخير والله يكتبلها اللي فيه الصالح

 

[popa]

سالو عنه اكثر والبنت خل تنستخير وعلميها من البدايه تفرظ شخصيتها ياما بنات راحو ومالهم راي ولا كلمه
وانا اشوف ان الي طلق مره هذا ينخاف منه ممكن يطلق مره ثانيه بصراحه
لان الزواج شي مو سهل وقرار الطلاق صعب واهو استسهل الصعب وطلق وفرط بزوجته وبيته
هل تتوقعون طلق عشان مشكله بسيطه ولا جايده

 

[moon2q8]

نصيحتي لج وعن تجربة ...
اسالوو عنه عدل مدل وحاولو تسمعون اكثر من طرف عن اسباب طلاقه لان كل طرف من حقة يبرر الاسباب ....والله يكتب الي فيه الخير

 

[mmloo7a]

ريال مايعيبه شي عادي بس اهم شي سألوا عنه
موشرط كل مطلق موزين
ياما رياييل متزوجين يخونون حريمهم وموزينيين

موشرط كل متزوج زين
موشرط كل مطلق موزين

الريال مايوقف نصيبه مهما كان
سألوا عنه وذا ارتحتيله توكلي على الله
مافي احسن منه على الاقل عنده تجربه وبيتمسك فيج

 

[منال $]

اول شي لازم تسالة عنة وليش تطلق من الاولانية وبعدين تستخير
والله يكتبلها الخير

 

[mmloo7a]

اول شي لازم تسالة عنة وليش تطلق من الاولانية وبعدين تستخير
والله يكتبلها الخير

اذا كان الغلط منها معناتها ماله ذنب

بالنهايه الريال مايعيبه الا جيبه

لونقول مثلا اهو غلط غلطه عمر او غلط بجم شغله

خلاص يقعد طول عمره مايتزوج ؟ لا حبيبتي الريال يتزوج يعني يتزوج

حتى لوسمعته كانت شنو

بس العيب بالمطلقه

بالنهايه خل تشوف واهلها يسألون عنه وتقعد معاه بالخطبه وتسأله
ولله يكتب اللي فيه الخير