{ ...الدكتورة رشا الصفي تجيب على استفسارتكم ..} استضافة اسبوعية

[أم إلياس]

السلام عليكم

شلونج دكتورة؟

الله يعطيج العافية ان شاء الله

ولدي عمره سنة وشهر وهو داون سيندروم وزنه سبعة كيلو .. يشرب حليب 150 مل اربع مرات في اليوم

مشكلتي معاه انه ما ياكل .. اكله جدا جدا قليل

وعنده امساك شديد ما تتخيلين لاي درجة دكتورة والله هو يبجي وانا ابجي معاه

وغير جذي ما ينام زين

انومه 10 يقعد لي 2 وبعدين انومه ويصحى لي على الاربع ونص او خمس وبعدين انومه مرة ثانية ويصحى تسع

وبالنهار يرقد الساعة اربع تقريبا ينام نص ساعة واذا طول ساعة

ابي حل يا دكتورة شاسوي معاه؟

وهل لفتحات القلب علاقة بهذي الاشياء؟؟

ونسيت اخبرج انه عنده حساسية بالصدر والانف

ومشكوورة

 

[آلكآيدهـْ]

السلام عليكم ورحمه الله وبركاته / دكتوره لو سمحتي حابه اسالك عن بنتي عمرها سنه وثلاث شهور للحين مامشت واذا جيت اعلمها على المشي تمشي على اطراف اصابعها كنها خايفه وتبكي وتقعد مادري شنو السبب للمعلوميه ترى ماحبت الا متاخر يعني بعمر تسع او عشر شهور واستخدم حليب نيدو 1 هل هو صحي ومفيد بالنسبه لعمرها واسفه على الايطاله ولك جزيل الشكر تحياتي لك

 

[عذاري80]

مرحبا دكتورة


ولدي عمرة 9شهور داش بالعاشر أبي أعرف جم وجبه باليوم اعطي مع جم رضعة وبعدة مامشى بس يوقف عادي وسنن عندة ضرسين :dddds:

 

[SweeTa_4ever]

مرحبااا دكتوووره

دكتوره ولدي توه كمل 8 شهور وديته الطبيب لانه في نشله ومن شافه الطبيب قال ولدج في لحميه لانه مبطل حلجه وسويتله اشعه وطلع لحميه واهو من ينام يشووخر شسوي كاسر خاطري مايقدر ينام عدل متى اقدر اسويله عمليه اللحميه؟؟

وسؤال ثاني ولدي ليلحين ماسنن بس لثته مو رمه ويبجيييي يوم سويت الاشعه وله بين اسناانه كلهم طاالعين حتى الانياااب بس ليلحين مابينوو متى يبرزون اسناانه واهوو ليللحين ماحبى شسوي دكتوره بس اسم الله علي قام يفز يعني يبي يوقف من يمسك شي يحاول يوووقف هل هذا معنه انه يبي يمشي؟؟؟

ولج الف شكر

 

[أوطان]

السلام عليكم ..شلونج دكتورة ؟
عندي اسفسار بسيط بنتي كملت سنة وحابة اعرف احسن نوع حليب تنصيحيني فيه لان حاليااستخدم سميلاك 3 وسمعت يقولون ضار وفي غيره احسن ..اذا بغير تنصحين ببروجرس ولابدياشور ؟
وجزاك الله خيرا

 

[بين نارين]

السلام عليكم دكتوره ابي استفسر عن بنتي عمرها سنتين ونص بس اسم الله عليها ذكيه وأحس أنها سابقه عمرها بس واااايد عنيده وأطق اليهال وانا قاطعه عنها الحفاضه بس صار لها مده تبول على نفسها مادري تعاندني والا شنو واذا عصبت عليها تصارخ بويهي وهل هي تحس بفقد أبوهالأني عند أهليمن سبع شهور وما شافت ابوها الا ثلاث مرات ودقايق هل فقد أبوها بالعمر هذا يأثر أو لا لأنها كانت /تعلقه فيه وايد

 

[مرت بوعلي]

السلام عليكم ورحمة الله ..

شلونج د . رشــا

بغيت أستفسر عن .. تعرق الطفل .. !

ولدي عمره 11 شهر .. ومن يوم عمره 4 شهور وهو حيل حيل يعرق .. وحتى لو هو نايم ..

مع أنه التكييف شغال ..

ألحين وبالشتا لازم أشغل الدفايه والمروحه .. لأنه يعرق حيل وملابسه وجبهته كلها مااااي ( عرق )

وحتى لو طفيت الدفايه .. أمسكه يكون باااارد .. بس يكون عليه عرق


:
:

ولدي أسم الله حيل حيل حركي .. ما يقعد راحه ..

وألاحظ بس مجرد لما يصرخ .. يبدى يتعرق !!



دكتوره رشـا .. أنا بإنتظــار ردج الشافي

أم علي

 

[د. رشــا الصفــي]

باك


الحمدلله انتهت فترة المؤتمرات

و رجعت للإجابة على اسئلتك

و اعتذر عن اي تأخير صار بالفترة لي فاتت

بسبب ظروف العمل


تحياتي​

 

[د. رشــا الصفــي]

الله يعطيج العافيه ،،، بغيت استفسر عن التسنين

بنتي بتكمل 9 شهور هاليومين وليلحين ما سننت !!! مادري انا اشوف لثتها اشوي وارمه شنه فيهم ضروس ،،، بس مو طالعين وبعرف شنو اعراض التسنين ؟

بالنسبه لكل بنتي ،،، انا قمت اضيفلها ملحاشويه ومرات اسويلها مرق مثلا بدون بهارات واحط مكعب ماجي ،،، عادي لعمرهم ؟؟؟؟ اهيا كلش ما تتقبل الكل الماصخ ؟

ومشكوووووووورة

التسنين اعراضه تختلف من ياهل لي الثاني

و تكون عبارة عن حرارة و صياح و عدم الرغبة بالأكل
و زيادة اللعاب
و احيانا اسهال و ترجيع
او كحة و نزلات برد

و بالنسبة للأكل الملح ممكن تحطين نتفة بس مكعب الماجي لالا تو الناس

 

[د. رشــا الصفــي]

الله يوفقك دكتورة و مشكورة كتير على الرد

بس دكتورة هي وزنها لما كان عمرها شهرين و نصف 5.600
وزنها الحالي ( عمرها 4 شهور ) 5 كجم فقط هل عادي؟:080402ask_prv:

لا حبيبتي مو عادي
وزنها قليل و تحتاج تراجعين فيها الطبيب

 

[د. رشــا الصفــي]

السلام عليكم

يعطيك العافيه دكتوره وابي منك استفسار

هل اعطاء الطفل الحليب من الشهر السادس في الليل يؤدي الي تسوس الاسنان ؟
بديل الحليب نعطيه ماء هل هذا صحيح الكلام الله يخليك دكتوره .

اذا عنده اسنان ممكن و اذا ما عنده اسنان لأ
و الماي تعطينه بعد الرضعة يشرب شوية و بس
مو رضعة ماي كاملة

وفي هذه الفتره ولدي بدايه تسنين يعني اسهال علي طول ورحت الي الدكتوره وغيرت الحليب حق الاسهال وعطيته محلول هل بعد مايكمل الحليب ارجع نفس الحليب الاول او اغيره لان الي الان الاسهال زي ماهو وكلما اكل شي عزك الله يتبزر من بعد الاكل يعني باليوم 6 مرات

حليب الاسهال المفروض تستمرين عليه من 3 - 6 اسابيع علشان ترجع الاامعاء لطبيعتها و بعدين تردين حليبه القديم بالتدريج

والله خايفه دكتوره هل بامكاني اعطيه شي غير لان اول طفل لي لااعرف ماذا اعمل .

ما فهمت شنو قصدج تعطينه شي غير ؟

والموضوع الثاني علشان انه لايرفع راسه كثيرا ولايحبي ولايقعد ذهب الي الدكتور فقال لي اصبري لان لسه صغير قلت له تاخر قال لا لسه صغير كيف تشوفين اعرضه علي دكتور ثاني او زي ماقال الدكتور .

صبري عليه شويه
فعلا كلام الدكتور صح الحين بعض التطورات ما تبين
يبيلها وقت
لما يكمل 9 شهور تقريبا او 10 يبين عدل

المهم طولت عليك وعفوا اذا كان كلام كثير فهذا من حرصي الشديد علي ولدي ولانه احتمال اول طفل لااعرف ماذا اعمل


وتسلمي دكتوره ويعطيك العافيه

منتظر ردك وشكرا امـــــــــ عـــــــــلاء

حياج الله

 

[د. رشــا الصفــي]

مرحبا دكتوره.. فديتج بنتي فيها زجام وكحه.. هي عمرها 6 شهور ونص وكحتها مثل فيها بلاعيم..

الدكتور قال مابعطيج شي لأنها صغيرة.. شو تنصحيني دكتوره اسوي؟؟

انا دهنت قاع ريولها بشوي فكس ولبستها دلاغ؟؟ شو رايج؟؟

والله شقول لج

الكحة ممكن تكون من البلاعيم ولا من الصدر

الدكتور اهو لشخص الوحيد اللي يعرف لما يفحص البلاعيم و يسمع الصدر

انا بهالحالة ما اقدر افيدج

عذريني

 

[د. رشــا الصفــي]

دكتوره انا بنتي من غيرت لها الحليب للمرحله الثانيه اللي هو بروميل جولد وهي ماتشرب الا قليل مع العلم انها كانت اتسنن وصار معها امساك على طول لازم تحاميل بس اليوم خرجت طبيعي الله يكرمكم بس لونه اخضر وبعدين دكتوره احسها ضعفت هي وزنها عند الولاده2.600او900 مومتاكده ولما صارت اربع شهور6.500 وخمس شهور7.200 واليوم كملت ست شهور وطعمتها وزنها7.400 احسها حيل ضعيفه وصارت ماتحب الاكل تاكل ملعقه وثنتين بعدين تسكر فها ماتبي تاكل تهقين دكتوره الحليب ماناسبها ابي الحل الله يخليج تعبت معاها

عزيزتي باب الريان

بنتج وزنها طبيعي جدا جدا

لا تتعبين نفسج معاها

قاعدة تاخذ اللي يكفيها و بس بدليل ان وزنها طبيعي

لا تحاتين

 

[د. رشــا الصفــي]

هااااااااااااااي دكتوره شلونج انا عندي عياااالي التوام عمرهم سنه ونص اوزاااانهم مااااتزيد مع ان كل شي استعمل لهم علماااا بانهم خدج مولودين 33 اسبوع واوزانهم الاول 1.600 والحين 7.5 والثااااني شوي تعبااااان واحس النمو متوقف الا ول يمشي بس الثاااااني صاااارت له ظروف بالاولاده ومااا يمشي ولا شي بس وزنه للحين ثااااابت 5.600 علمااااا عند الولاده1.200 شنو تنصحين في انا كل الانواع الاكل جربتهااااا واتعمل فيتااااامين وحديد يومياااااا واستعمل حتى السوستاااااجين والبديااااشور ماااااخليت شي اكلهم زين بس شهيتهم ضعيفه انا اعطيهم كل شي مااااادري شنو اسوي حيل محتااااااره فيهم او دليني على دكتور تغذيه يتااااابعهم لا تقوليلي دكتور اطفااااال لان الحكومه قااااالوا اهم مو خدج الحين لازم عيااااادة الاطفاااال العاااااديه انااااا ابي حليب يزيد الوزن لا احيل بنيتهم ضعيفه وحليبهم بروجرس3

حبيبتي عيادة الأطفال بالمستشفيات الحكومية تستقبل الأطفال الي مثل حالة عيالج

و تتابعهم و تحولهم على عيادات التغذية

انتي اخذيلهم تحويل و خلال اسبوع تقريبا يحطون لهم موعد و تابعي فيهم

ما انصحج تجربين اشياء بروحج

لازم تحت اشراف طبيب

خصوصا بالنسبة للثاني اللي تعبان اكثر

 

[د. رشــا الصفــي]

دكتوره لو سكحتى بغيت استشيرك بنتى بتكمل سنه وافكر اعطيها حليب التموين وابى نصيحتك

اذا ما عندها نقص حديد ولا كالسيوم ووزنها طبيعي

ما في مانع

 

[د. رشــا الصفــي]

السلام عليكم دكتورة الغاليه انا ولدي عمره 3اشهر وعودته ع الحليب الصناعي لان الحليب عندي خفيف جدا عطيته حليب اس 26جولد لكن لاحظت انه سبب له امسااااااااااك فظيع وغاااازات بعد لما رحت للدكتوره كتبت لي حليب نوفلاك للامساك عطيته بس اسبوع ولاحظت نفس الحاله امسااااااااك وساعات لما يتبرز مثل الماي قولي اسهال ورحت هم للدكتورة وقالت لي خلاص ردي للحليب الاولي اللي هواس 26 لاتغيرينه والحين موعارفه شواسوي شو افضل نوع حليب مايسبب غازات او امساااك؟​

ماكو حليب صناعي ما يسبب غازات و لا امساك

طلبج صعب

بس في انواع تناسب ياهل اكثر من الثاني

في انواع وايد خاصة للامساك و الغازات

تقدرين تختارين اللي يناسب ولدج و ماكو احد يعرف اللي يناسب الولد احسن منج

و التجربة خير برهان

جربي بالتدريج الحليب اليديد و شوفي شيصير معاج يرتاح عليه ولا لأ

 

[د. رشــا الصفــي]

مرحبا دكتورة رشا..........

انا ولدي عمرة سنتين وشهرين الان انا ساكنه في مدينه بعيدين فيها عن اهلنا لذالك

ولدي ماخالط الناس والاولاد واجد والصيفية الماضيه نزلنا عند اهلنا وطبعا لقا اولاد مشاغبين شوي وكنت احاول قد

ماقدر ابعدة عنهم حتى مايخذ سلوكياتهم لكن عشقة لتفليد اكتسب منهم كل الي انا ماابغاه وصار عنيد والطفل الي كل عمري احلم فية صار عدو

لي والحين انا عند اهلي بعيدة عن زوجي بسبب الدراسة وحتى الان ماتغير وحتى الان يعاندني رغم ان كل الموجودين في البيت راشدين

انــــــــــــــــــــــــــــــــــا راح انجن منه صاير لايطاق حتى ابوة صاير مايتحملة والكل صاير يقول عنه متغير

ابي حل لمشكلتي معاه يعني هذي افتره من العمر يتغيرون ؟؟ طيب كيف اتعامل معاه حتى يسمع كلامي ؟؟؟

ومعقوله انتقالنا الى البيت هذا اثر على نفسيتة!!!!! لكن هوا متغير من قبل لا انتقل هني


بليز وجهيني

عزيزتي هالموضوع تفيدج فيه اكثر اختنا ماما مستشارة

انا ما عندي خبرة كبيرة بالأمور النفسية

بس طبيعي انه اي تغيير في ظروف العايلة تسبب تغيرات في سلوك الطفل بهالعمر

اهم شي لا تخلينه يحس انه مسيطر على تفكيركم و اهتمامكم بهالتصرفات بعدين يزيد علشان يلفت انتباهكم

هذا اللي عندي و الله يهداه و يبلغج فيه معرس

 

[د. رشــا الصفــي]

السلام عليكم دكتورة شلونج شخبارج و يعطيج ألف عافية على هالمجهود الطيب
حبيت أسألج شنو أفضل طريقة أعطي فيها بنتي الدوا ، للعلم بنتي عمرها سنة و نص و لمى أعطيها الدوا يا تخلية في حلجها ما تبلعه و بعد دقايق تطلعة برة و إلا و إنتي بكرامه ترجع صارلها ألحين فوق3 أسابيع حرارة و إحتقان في بلاعيمها مو راضية تستفيد من المضاد
و مشكورة حيل و ما قصرتي

لما تروحين الطبيب اخذي من السستر الابرة البيضة مالت الدوا

و سحبيي الكمية المحددة

و نقطي الدوا شوي شوي على لسانها من داخل

كأنج تصبين او ترشين الدوا على لسانها بطبقات رقيقة

ما راح تقدر تتقله و لا يكون بكميات كبيرة فجأة و ترجعه

جربي هالطريقة

وايد نفعت امهات عندي

 

[د. رشــا الصفــي]

يعطيج العافيه دكتوره انا بنتي بنهايه الشهر الرابع وتشرب سميلاك لكنها وايد ترجع وغالبا ماتكمل رضعتها؟ هالشيء طبيعي؟

جم وزن الولادة ؟
و الحين جم وزنها ؟​

وهل ابتدي اعطيها غير الحليب وشنو تقترحين؟

ابدي ذوقيها نتقة عيش مصري مسلوق و عقب بطاط و خضار

بس كميات بسيطة جدا يعني كبر الملعقة الصغيرة فقط
و زيدي الكميات لما تكمل 6 شهور راح تاكل الوجبات كاملة


ومتى اقدر احط لها بسكوت فارليز مع الحليب؟

لا تحطين هذي ممارسات خاطئة كل الدنيا تسويها مادري ليش

طبعا غلط لأن البسكوتة تحتوي على قمح اولا و هو مضر للأطفال تحت 6 شهور

ثاني شي حليب الأطفال مسوين حسب معدلات مدروسة و قياسات دقيقة و وضع البسكوتة تخربط كل هالقياسات
وملحوظه بنتي كثيره البكاء ودايما تنام متاخر هل في طريقه اعودها تنام بكير؟

طبيعي بهالعمر البكاء و النوم المتأخر

المطلوب انج ما تنومينها بعد الساعة 7 مساء و تلعبينها و بعد الساعة 10 ترضعينها و تنام​

ودمتي بصحه

اشكرج حبيبتي

 

[@الياسمين@]

السلام عليكم ورحمة الله ..

شلونج د . رشــا

بغيت أستفسر عن .. تعرق الطفل .. !

ولدي عمره 11 شهر .. ومن يوم عمره 4 شهور وهو حيل حيل يعرق .. وحتى لو هو نايم ..

مع أنه التكييف شغال ..

ألحين وبالشتا لازم أشغل الدفايه والمروحه .. لأنه يعرق حيل وملابسه وجبهته كلها مااااي ( عرق )

وحتى لو طفيت الدفايه .. أمسكه يكون باااارد .. بس يكون عليه عرق


:
:

ولدي أسم الله حيل حيل حركي .. ما يقعد راحه ..

وألاحظ بس مجرد لما يصرخ .. يبدى يتعرق !!



دكتوره رشـا .. أنا بإنتظــار ردج الشافي

أم علي

انا بعد بنتي جذي اهي داشه الرابع بس دايما احس ريولها من تحت (القدم )معرق ,, وبعد احس جسمها وراسها حار
بس ماتكون فيها حراره ؟؟ليش جذي ؟؟هل يعني طبيعة جسمها حار ولا شنو ؟؟؟