الدراسه والزواج ، محتاره ساعدوني

[ملامِح]

غريبه محتاره ؟ مفروض ماتحتارين كلش وتحمدين ربج وسيده تزوجين بما ان حالج بالبيت مو عاجبج النفسيه بتلعب دووور ودام هذا مقدر ظروفج ويبيج وشاريج نصيحه اخذيه وحتى لآ طولين بفترة الملجه بالعكس راح يكون لج بيت مستقل وراح تدرسين عدل وراح تشجعييين اكثرررر واذا ماتبين تزوجين الا لتخلصتي دراسه حبيت اقولج ان الشباب ماينطرون عند الباب وحتى لو خلصتي دراسه ولقيتي رجال وخذتيه توقعين بيطلع مثل هذاا ؟؟؟؟ من صجج صراحه لو مكانج وبظروفج ومتقدملي واحد بهالصفات سيده اوافق ولا اعتقد عندي اسباب كافيه اني ااجل او ارفض خصوصا انع مقدر كل شي ومعاه شهادته والتقكير شبهه مترابط



وبنهايه القرار قرارج

حبيبتي ما صار نصيب ، صج مواصفاته حلوه وضايقني ان ماصار نصيب بس اهم ردو بكلامهم ويقولون ننطر سنتين وايد مع ان اهو اللي مقترح عشان دراستي ، وانا مستحيل افرط بدراستي عشان ريال ، والطب بأول 3 سنين اذا مادرستي كل يوم 8 ساعات تسقطين
وانا كنت شايله من بالي فكرة الزواج حاليا لان توني 18 بس قلت الريال زين والوحده مو كل يوم اييها ريال جذي
وبصراحه مابي ارتبط مع واحد كلمة امه اهي الماشيه خصوصا اني كنت بعيش معاهم بالبيت
واهو صج زين بس مو منزل من السما والله اللي يابه بييب لي اللي احسن منه ان شاء الله ، انا توني صغيره ومارديته لاني ارفس النعمه او مايعجبني شي بس انا استخرت و وكلت امري لله وانحسدت على هلريال واخرتها راح وبقيت انا اعابل بعمري بالاحلام اللي تخرع والنفسيه التعبانه وندور من شيخ لي شيخ
يعني سبحان الله احيانا لما يتقدم لج ريال سنع وكل شي فيه زين الناس يحسدونج عليه وينقلب حالج وحاله

عموما الحمدلله عساه خيره لي وله

 

[ملامِح]

حبيبتي

بإذن الله خيره

و بهالشهر الفضيل الله يرزقج ويرزقني و كل بنات المسلمين باللي أحسن مننه يا رب

اللهم آمييين حبيبتي ، وان شاء الله خيره

 

[لآلئ وردية]

حبيبتـي

كلامج ترى عجبنـي و عيـن العقـل

تـدرين

مرتيـن انخطب و يتفركشش الموضـوع بدون أسباب تذكر

و بوقت الخطبه احلم و لما افسر يقوللي انتي محسودة

و حسد شديد

و للاسف ما ناس قريبه حيل حيل حيل

و اعرفهم و ما باليد حيله

كان الموضـوع مضايقني حيـل

حاليَـاً بالعكـس

متـأكده إن شاءالله ربي خاش لي شيء أحسـن و مفـوضه امـري كلله له سبحانـه

نصيحه

لا تـدورين بين الشيـوخ

ترى شفـاج بين يدج حبوبه

ذكر الله و التوكل علييه

اقري على روحـج و اسمـي الرقى

و بإذن الله الـواحد الأحـد بهالشهـر الفضيل المبـارك يشافينني و يشافييـج و تبشريني و ابشـرج بأحسـن الرجال يـا رب

 

[Freakya]

أول شي حبيبتي إنتي تدرسين طب بشري، وأغلب الناس ما يدرون شنو اهيا دراسة الطب البشري! الدراسة راح تاخذ يومج كله وماراح تفضين لزوجج ولا حتى لنفسج! الا اذا تبين تجازفين هذا شي ثاني، هل تعتقدين إن زوجج راح يتقبل هالشي ويصبر عليه لمدة 6 سنوات؟ أنا اقول لج لا تدوخين عمرج، اختصري الموضوع واستخيري ربج موفقة ان شاء الله ..

 

[الله يجازيك]

الله يوفقج يارب
وعادي لا تحاتين حاولي تنظمين وقتج اذا بتتزوجين بين الدراسه والزواج
انتي ع الاقل يالكليه وراح تتزوجين
انا للحين ماتخرج وراح اتزوج وصبح وعوار راس وتعب ..بس لللي يبي الشهاده
يحاول يشد حيله حتئ لو باقي له 10سنين دراسه
الله يوفقنا يارب ويسهل علينا

دعواتكم حبوبات

 

[الله يجازيك]

سوري بدليات عشاني شابكه بالايفون

 

[ملامِح]

أنا مثل حالتج بس أنا مملجة و خايفة وااااااايد
خايفة ما أوفق بين الدراسة والزواج ، خايفة من ريلي يكون مشجعني والا لا ؟
ابي نصايحكم و تجاربكم و دعائكم في هالشهر الفضيل

اللهم اشرح لي صدري و يسر لي امري و أحلل العقدة من لساني تفقهه قولي

بالعكس حبيبتي ليش خايفه ، انا كنت محتاره عشاني ادرس طب والطب يبيله مجابل والكتاب ما ينهد لازم الا عشان انام وسنوات الدراسه طويله انا باقي لي 6 سنين ، ويمكن خيره لي اللي الله ما تمم لنا
بس التخصصات الباقيه اغلبها 4 سنين ، واغلب البنات يتزوجون واهم يدرسون وتشوفينها اهي اللي ماتدرس وريلها اللي يحن عليها
لا تخافين حبيبتي ان شاء الله بتتيسر ولاتضيعين هالايام الحلوه بالمحاتاة والخوف

عسى ربي يوفقج ويتمم عليج ويسعدج ويسخركم حق بعض*

 

[Japanese]

الله يوفقج ان شاء الله :*​

 

[انونا]

الله يوفقج ويكتبلج الي فيه الخير

خلو سنه خطبه علشان تتفاهمون واهو يفهمج
وملجه وزواج بينهم جم شهر ديريبالج لا اطولون بالملجه

ثانيا عادي كا اعرف بنات تزوجوا وعيلوا واهم يدرسون طب وصيدله وطب مساعد بس المشكله الي عندي بنتظيم الوقت نظمي وقتج وبتلاقين فراغ قعدي معاه بالشوفه الشرعيه وتكلموا شوفي يمكن ترتاحيله
والله يوفقكم يارب

 

[انونا]

ووي تو دريت

تبين الصج لا تلومينها الولد كان وقتها مو حاسبها يمكن عدل والام ترا جد كلامها منطقي

ماراح اتعرفين هالشي الا الي مجرب خاصة اذا كنتي من الحضر لان البدو عندهم عادي مايشوفها ولا تشوفه
بس الحضر بتطلع وتروح معاه وتيي معاه بيشوف حلاله وما يقدر يسوي شي ما تدرين شنو يمكن يصير ترا بجذي تكثر المشاكل والنفور ويحسج خلاص مثل اخته لان تعود ماراح تفهمين هالشي ولا تحسينه الا اذا كنتي بالموقف

عالعموم هذا خيره من الله ثانيا هالموضوع خذوا اموركم بالكتمان لين يصير قسمه ونصيب والحمدالله علئ كل حال

 

[ملامِح]

حبيبتـي

كلامج ترى عجبنـي و عيـن العقـل

تـدرين

مرتيـن انخطب و يتفركشش الموضـوع بدون أسباب تذكر

و بوقت الخطبه احلم و لما افسر يقوللي انتي محسودة

و حسد شديد

و للاسف ما ناس قريبه حيل حيل حيل

و اعرفهم و ما باليد حيله

كان الموضـوع مضايقني حيـل

حاليَـاً بالعكـس

متـأكده إن شاءالله ربي خاش لي شيء أحسـن و مفـوضه امـري كلله له سبحانـه

نصيحه

لا تـدورين بين الشيـوخ

ترى شفـاج بين يدج حبوبه

ذكر الله و التوكل علييه

اقري على روحـج و اسمـي الرقى

و بإذن الله الـواحد الأحـد بهالشهـر الفضيل المبـارك يشافينني و يشافييـج و تبشريني و ابشـرج بأحسـن الرجال يـا رب

وهذا اللي يحر اكثر اني مثلج وحده جريبة مني حيل وكنت استانس لها لما تقولي احد تقدم لها ورفيجتي 13 سنة وانا بحسن نية كنت كل ما نسأل احد عنه ويمدحه على طول اقولها سيقول عنه ، ويوم اللي قلت لها ماصار نصيب حسيت فيها مستانسه لان الريال كان مثل المواصفات اللي تبيها بالضبط
استغفر الله اطلع جذابه لو اقول اني مسامحتها مو عشان ان الامور ما تمت عشان الحال اللي وصلت له واني صرت اخاف انام
والحمدلله الرقى انا اسمعها بس احس محتاجه شيخ لان استغفرالله تقلب جبدي لما اسمع بعض الايات

وهذا درس لي ولج عشان مره ثانيه مايطلع الموضوع لاحد لان اذا انتي نيتج طيبه غيرج مو جذي

الله يعوضج حبيبتي وتيين تبشريني
ومشكوووره وايد على الرساله
شاكرة لج وقفتج وياي عسى ربي يسخر لج خيرة خلقه

 

[ملامِح]

أول شي حبيبتي إنتي تدرسين طب بشري، وأغلب الناس ما يدرون شنو اهيا دراسة الطب البشري! الدراسة راح تاخذ يومج كله وماراح تفضين لزوجج ولا حتى لنفسج! الا اذا تبين تجازفين هذا شي ثاني، هل تعتقدين إن زوجج راح يتقبل هالشي ويصبر عليه لمدة 6 سنوات؟ أنا اقول لج لا تدوخين عمرج، اختصري الموضوع واستخيري ربج موفقة ان شاء الله ..

انا هذا تفكيري بالضبط ويمكن ما تم الموضوع لان الله داري ان الوضع بيكون صعب
فعلا انا ما القى وقت لنفسي وخلني صريحة وياج احنا حتى اكلنا غدانا وعشانا ناكله بالغرف مانطلع لاهلنا
وحتى لو اهو كان بيرضى ويصبر انا ما كنت حابه اني اظلم الريال جذي

ويوفقج حبيبتي

 

[ملامِح]

الله يوفقج يارب
وعادي لا تحاتين حاولي تنظمين وقتج اذا بتتزوجين بين الدراسه والزواج
انتي ع الاقل يالكليه وراح تتزوجين
انا للحين ماتخرج وراح اتزوج وصبح وعوار راس وتعب ..بس لللي يبي الشهاده
يحاول يشد حيله حتئ لو باقي له 10سنين دراسه
الله يوفقنا يارب ويسهل علينا

دعواتكم حبوبات

حبيبتي الله يوفقج وييسر لج ويسهل عليج ويتمم امورج على خير

 

[ملامِح]

ووي تو دريت

تبين الصج لا تلومينها الولد كان وقتها مو حاسبها يمكن عدل والام ترا جد كلامها منطقي

ماراح اتعرفين هالشي الا الي مجرب خاصة اذا كنتي من الحضر لان البدو عندهم عادي مايشوفها ولا تشوفه
بس الحضر بتطلع وتروح معاه وتيي معاه بيشوف حلاله وما يقدر يسوي شي ما تدرين شنو يمكن يصير ترا بجذي تكثر المشاكل والنفور ويحسج خلاص مثل اخته لان تعود ماراح تفهمين هالشي ولا تحسينه الا اذا كنتي بالموقف

عالعموم هذا خيره من الله ثانيا هالموضوع خذوا اموركم بالكتمان لين يصير قسمه ونصيب والحمدالله علئ كل حال

حتى لو كان مو حاسبها الام تدري وقبل اخر مره كلمتنا كانت امي قايلة لها وكانت تدري بكل شي اهي شكلها ماتبيني وطلعت له عذر ومثل ما قلت الولد اهو اللي قايل انه يبي ينطر ولا اخوي اصلا قايل له اختي ماتفكر بالزواج توها صغيره واهو اللي قعد يقنع اخويانه بيتحمل وبيصبر وراضي لانه يبي طبيبه ملتزمة
يعني عيب اصلا بعد كل هذا تيي امه وتقول مانبي ملجه سنتين يعني جنه ماله كلمه

انا معاج ان الفترة الطويله لها سلبيات وايد بس لان ماقدر اتزوج قبل هالفترة وما كنت ابي اقول رافضه لانه كان راضي بأي شي وبكل شي وريال ملتزم فما كان عندي سبب مقنع عشان ارده

ومثل ما قلتي هذا خيره من ربي وصج لازم كل شي يتم بالكتمان بس لان اول مره توصل السالفه للنظرة الشرعية وكنت متردده وايد وكنت محتاجه ناس استشيرهم لاني اكبر بنت وامي ما كانت تسمعني

شكرا لتواجدج

 

[ملامِح]

الله يوفقج ان شاء الله :*​

ويوفقج يا رب