الدراسه والزواج ، محتاره ساعدوني

[R'3wa-P!nKya]

استخيري استخيري استخيري الله عاارف شنو مستقبلج وياه وعاادي ترا الدراسه مالها شغل بالزواج ياما ناس عندهم عيال ومن المتفوقين وتخصصهم صعب بعد مو هين ... ودام قلتي انه ظروفج مو شي يمكن هذي فرصه من ربج عشان تنعشين حياتج من يديد ودام اخوج مدح الريال خلاص استخيري وتوكلي على الله وما خاب من استخار الله ...

ملاحظه :الطموح وخايف على مستقبله و دراسته مايعيقه شي ودام الريال بيكمل الماستر معناته طموح مثلج وبيساعدج
والله يوفقج ويكتب الخير لج

 

[nour el denya]

صلي استخاره و إن شاءلله الله يكتبلج الخير و إذا على الدراسه الريال شكلة متفهم
و عادي وايد بنات يتزوجون و يكملون دراستهم إذا كان الريال يساعدج

 

[أحلى البشر]

وافقي حبيبتي بهالزمن صعب تلقين ريال زين والفرصه تيي مره بالعمر استغليها لاتتندمين بعدين
ودام بيتكم فيه اضطرابات اتزوجي ماتدرين جود ترتاحين معاه وتستقلين والحياة تصير اسهل

تفائلي وتوقعي الخير دايما شيلي الافكار السلبيه وشوفي قصص البنات اللي نجحوا في حياتهم ودراستهم وكانوا متزوجات وامهات بعد
ودام انتي شاطره بدراستج اكيد شاطره بحياتج وبتكونين قدها
ومبرووووك مقدما

 

[hend6363]

حبيبي و ليش تبيين تحبليين في الثلاث السنوات الاولي زواج اضن عادي عيشي حياتك و لاحقين علي الاطفال خرجي و دخلي و ادرسي و تخرجي بعدين يالله راح تكون عندك 24 تقدرين تحمليين ليش مستعجلة اشوف مو موجودة المشكلة
و الولد واااااااااااااايد زين ماشاء الله لو ضيعتييه اضمن لك ما راح تلقين مثله الفرصة تجي مرة وحده

 

[мίѕѕ 5оОо5α]

مثل ماقالووو البناااات

استخيرررري

وانا برايي اذا بَعَــ♡ـدْ 3 سنين عااادي يمديج تخلصين نص المشوار والبااقي كمليه عند زوجج

وحااااولي قد ماتقدرين انج تنظمين وقتج بعدين

وقت لزوجج ووقت لدرااستج ووقت للبيبي اذاا اللھ جابه

يعني مووو معقوله وقتج كله درااااسه ..!!
ودام انج مثل ماتقولين متفهم اطلبي منه يقدر وضعج وان شاااء اللھ بيعذرج بسنين درااستج

وبالتوووووووفييييق ^^

 

[المكسيكيه]

ان لج نصيب بتاخذينه
الله يوفقج
ولا تنسين تعزمينا على عرسج
برقص هههههههههههه اضحك معاج اختي

 

[shak!shoka]

والله موضوع يحير صج
تخصصج يبيله مجابل و تفرغ


و الزواج مسؤوووليه صعبه ومع وجود ياهل صععععععب صعب
خاصتا و انه علاقتج بامج مو ذاك الزود
يعني نفرض لو تزوجتي و يبتي بيبي ماراح تقطينه ع امج تهتم فيه



استخيري حبيبتي

وع كلامج الريال زين و متفهم
ميخالف

ملجه سنتين
و سنه زواج حاولي تتفاهمبن معاه تأجلون سالفة الحمل ع الاقل عقب سنه من الزواج
و عقب اذا يبتي بيبي تحطين خدامه تساعدج


وانشالله يطلع ولد حلال يعينج ع دراستج و يكون الوسيله الي توصلين فيها حق حلمج




اهم شي تتفاهمين معاه و تكلمينه و تشوفين مايته




الله يفوقج بدراستج و اذا كان نصيب زين انشالله تاخذينه



*

 

[بولندية]

طريقتكم حلوة على الخطبة سنة و المجلة سنتين توج صغيرة تقدرين تلحقين على عمرج حتى لو يبتي بعد 6 سنين يعني عمرج 24 حلو و حتى ريلج عمره توه يعني مو كبيييير حيل يعني بعد 6 سنين ان شاءالله عمره 30 مناسب حق البيبي


توكلي على الله و صلي الاستخارة و الله يوفقكم يارب

وانا مع اللي قبلي حتى لو تبين له بيبي واحد و عقبها يبي الباجي عقب التخرج

 

[ملامِح]

مشكورين بنات كلكم والله انكم اكثر من خوات ما قصرتو
صليت استخاره 3 مرات وقلت بقابله وبشوف اذا ارتحت او لا

والمكسيكيه / افااا عليج انتي اول وحده اعزمج

الأخت اللي دزت لي عالخاص سامحيني ما يصير ارد لان مشاركاتي قليله ، عسى ربي يوفقج وييسر لج ويرزقج باللي تتمنينه

 

[نستيلا]

السلام عليكم ورحمه الله وبركاته

استخيري حبيبتي
وإذا ارتحتي لا تردينه
أعرف بنت كانت كسلانه ثانويه عامه وعلمي بعد وكل سنه صاقطه
كان هدفها تتخرج وتقعد بالبيت
وخطبها واحد وكانت ميته عليه وتبي تتزوج لووووووول
قالولها اخلها بس ملجه الزواج ما يصير إلا بعد ما تتخرجين
وريلها كان بالثنويه بس يشجعها ويكلمها علشان تدرس
وإهي ما شاء الله شدت عليها وتخرجت بنسبة حلوه تدخلها طب
وريلها قالها دخلي طب قالت ما اقدر شنو طب ويني و وين الطب

تصدقين الحين اهي طبيبيه وكانت يايبه ياهل بدراستها الطب
الكل مستغرب البنت الكسلانة إلي كله تسقط صايره طبيبه ومتفوقه بدراستها وعندها ياهل بعد
شلوووووون ؟؟

قالت والله بصراحه لولا ريلي جان ما صرت جذي ، أهو يساعدني يشجعني يمسك الياهل وهمن مقدر ظروفي

بصراحه كل شي يعتمد ع الريل إن يشجع او لا
وما شاء الله الريال شكله ما يتطوف

ربي يوفقج إن شاء الله وين ما كنتي

 

[زينه الفضلي]

حبيبتي انتي وافقي ولا تترددين لان هذي فرصه و يت لج لا تطوفينها الزواج ستر للبنت و منها تفتكين من الجو اللي انتي فيه

تعاطفت معاج وايد لأني مثل وضعج بالضبط << الله يوفقج ويسعدج ياا رب ..لا ملجتي بشرينا

 

[مس قطريه]

حبيبتي مؤ الكل يلاقي ريال ما شاء الله زين جي ويصبر وشاريج بغالي


انا وحده طموووحي اكبر من طموحج بس إذ جاني حد جي تراه بيساعدج ما بياخرج



توكلي ع ربج



وحسني علاقتج بامج

 

[شوشو الشقيه]

والله ما احساسي انه رجل صالح
انه لن يمنعج عن دراستج لانه اذا الرجل طموح و فيه رغبة لتكمله ماجستير
يعني هو اكيد عنده رغبة انه زوجته تطور من نفسها
ما فيها شيء توكلي على الله اخذيه
تزوجي ودرسي ما فيها شيء
واايد بنات متزوجات ويدرسون
من نظرتي لهذا الرجل الي يدفع المراة لتطوير نفسها
يعني لو خذيته بالعكس هو بشجعج للدراسه بتشوفين
هو طموح واايد
بتشوفينه هو يساعدج بعد

 

[جوك احلى جو]

اذا تاكدتي من اخلاقه واطباعه ومتفاهمين مافي شي يمنع زواجكم بالعكس من كلامج فهمت ان خوش ريال استخيري وتوكلي علي الله

ونصيحه ترا الام جنتج ونارج لاتعتقدين انج بتوفقين بشي اذا مو باره بامج لان رضا الله سبحانه من رضا الوالدين تقولين مابينكم حديث مشترك تقدرين تفتحين مواضيع تهمها وسولفي معاها وقربي المسافه صيري انتي الاذكي وكسبيها ييبي لها هديه من غير مناسبه او عزميها علي عشا حبي راسها حاوطيها باهتمامج صدقيني بتتغير مره وحده

وربي يوفقج يارب

 

[weza zizi]

السلام عليكم ورحمة الله وبركاته
اذيك ياقمر انا حبيت اقولك عن تجربتى اولا انا مصرية
انا تقريبا نفس وضعك اتقدم لى انسان ملتزم وانا فى الجامعه وانا فسنه تانية وطبعا ارتبطت بيه وتمت الخطبه وانا فسنه تانيه واتفقنا على الزواج بعد سنه تانيه وفعلا تم الزواج الحمد لله واجلت الزواج اول سنه وحملت وانا فسنه رابعه وخلفت ابنى الكبير يوسف
الموضوع فالاول والاخر يرجع ليكى وصديقنى حرام لو شاب ملتزم وعارف ربنا وبيحبك كمان تضيعيه عشان الدراسه انتى ليه مترتبطيش بيه وهو لو بيحبك بجد هيساعدك فدراستك وهيتمل وانتى صدقينى هتتعبى ممكن شويه فالاول بس بتوفيق ربنا والله المستعان وتنظيم وقتك ومساعدت زوجك ان شاء الله تكملى دراستك على خير ان شاء الله وربنا يكملك على خير يارب ويسعدك دنيا واخرة يارب وانا بحبك فى الله

 

[Bloom]

ماشاء الله لا اله الا الله اسلوبج مو اسلوب وحده عمرها 18 !!
خصوصا جيل هالوقت مايعرفون يركبون جمله على بعض
احسج ناضجه وماشاء الله عليج تنفعين تكونين خوش زوجه
وتوازنين بين الحياه والدراسه انا هذا رايي والاستخاره ثم الاستخاره

 

[ملامِح]

السلام عليكم ورحمه الله وبركاته

استخيري حبيبتي
وإذا ارتحتي لا تردينه
أعرف بنت كانت كسلانه ثانويه عامه وعلمي بعد وكل سنه صاقطه
كان هدفها تتخرج وتقعد بالبيت
وخطبها واحد وكانت ميته عليه وتبي تتزوج لووووووول
قالولها اخلها بس ملجه الزواج ما يصير إلا بعد ما تتخرجين
وريلها كان بالثنويه بس يشجعها ويكلمها علشان تدرس
وإهي ما شاء الله شدت عليها وتخرجت بنسبة حلوه تدخلها طب
وريلها قالها دخلي طب قالت ما اقدر شنو طب ويني و وين الطب

تصدقين الحين اهي طبيبيه وكانت يايبه ياهل بدراستها الطب
الكل مستغرب البنت الكسلانة إلي كله تسقط صايره طبيبه ومتفوقه بدراستها وعندها ياهل بعد
شلوووووون ؟؟

قالت والله بصراحه لولا ريلي جان ما صرت جذي ، أهو يساعدني يشجعني يمسك الياهل وهمن مقدر ظروفي

بصراحه كل شي يعتمد ع الريل إن يشجع او لا
وما شاء الله الريال شكله ما يتطوف

ربي يوفقج إن شاء الله وين ما كنتي

كلامج ريّحني وايد , عسى ربي ما يردج خايبه متى ما رفعتي ايدج للسما

 

[ملامِح]

حبيبتي انتي وافقي ولا تترددين لان هذي فرصه و يت لج لا تطوفينها الزواج ستر للبنت و منها تفتكين من الجو اللي انتي فيه

تعاطفت معاج وايد لأني مثل وضعج بالضبط << الله يوفقج ويسعدج ياا رب ..لا ملجتي بشرينا

عسى الله يفرجها عني وعنج , ويرزقج بالزوج الصالح حبيبتي
افا عليج اكيد ابشركم ان شاء الله انتو ما قصرتو وياي

 

[ملامِح]

حبيبتي مؤ الكل يلاقي ريال ما شاء الله زين جي ويصبر وشاريج بغالي


انا وحده طموووحي اكبر من طموحج بس إذ جاني حد جي تراه بيساعدج ما بياخرج



توكلي ع ربج



وحسني علاقتج بامج

الله يوفقج حبيبتي وييسر لج
الله يقدرني

 

[ملامِح]

والله ما احساسي انه رجل صالح
انه لن يمنعج عن دراستج لانه اذا الرجل طموح و فيه رغبة لتكمله ماجستير
يعني هو اكيد عنده رغبة انه زوجته تطور من نفسها
ما فيها شيء توكلي على الله اخذيه
تزوجي ودرسي ما فيها شيء
واايد بنات متزوجات ويدرسون
من نظرتي لهذا الرجل الي يدفع المراة لتطوير نفسها
يعني لو خذيته بالعكس هو بشجعج للدراسه بتشوفين
هو طموح واايد
بتشوفينه هو يساعدج بعد

عدل كلامج , واتمنى الله يسخرلي اياه ويكون مثل ما قلتي