الخدم .... الفليبينيات بالتحديد

[miss_lymoona]

عاملي الخدامه مثل اختج ومثل اي فرد بالبيت وراح تصير زينه معاج انشالله

 

[نــعــوومــه]

والله انا خدامتي سيلانيه تاكل من الأكل اللي ناكله.......وإذا طلبت من المطعم اطلب لها معاي..

.وحتى وقت العيد اشتريلها لبس العيد حالها من حالنا.. مع إنها مومسلمه..بس حرام تشوف الناس لابسه وكاشخه واهي لأ...

..وطبعاا غير اغراض الجمعيه الشامبو ومعجون الأسنان وفرشاة وديودرنت كله انا اشتريه

لها.....ومعاشها تدزها لأهلها اول بأول.ماتصرف منه شي....

 

[foshiiya]

عمري ما اهتميت حق هالموضوع ،، اللي يبونه انيبه لهم ،، عشان يخافون ربهم و يحطون بالهم علينا .. و مهما كان هذوله بشر و انا اعتبرهم مثل خواتي لانه الحمدلله كل اللي ايون لنا خووش ناس و يخافون ربهم .

 

[GoLdeN~$~LaDy]

الخدم ياكلون اللي احنا ناكله عادي


وحتى اغراض الشخصيه نشتري حقهم من فلوسنا

اما معاشها هذا حقها يا تطرشه لديرتها او تخشه حق سفرها


اهي يايه تشتغل هني عشان توفر وتيمع حق روحها مو عشان تروح تصرفهم على اكل وشامبو

احنا بعد جذي من عمر هذي طريقتنا مع كل الخدم

يعني بعد حرام شلون تصرف الفلوس اهي يايه تشتغل ولا تصرف؟؟؟

 

[عصفورة حزينة]

المعزب ملزوم يصرف عليها بالاكل واحتياجات الشخصيه
بس عاد اذا تتشرط وايد لأ خل تروح تشتري حق نفسها

انا خدمي اخذ لهم شامبو كبير وصابون وكوتكس واشيا ثانيه
والاكل بالتمويل اخذ قلاصات الجبن اعطيهم 3 حقهم والباجي حقنا والخبر خمس جياس حقهم والباجي حقنا

وباجي الاكل معانا

 

[بدوره 22]

انا بعد عندي فلبينيتين

ومعاشاتهم على 60

والله الاكل متى ما يبون وشنو ما يبون ياكلون

واذا بروح الجمعيه اقولهم كتبوا شنو تبون

يا بنت الحلال عديها دفعة بلا عنج وعن ريلج وعيالج

 

[sweet heart]

شوفي قلبي خدااامتي يبتها 570 من العلى و معاشها 65 علشاااااان جامعيه قلت تعلم ولدي من صغره احسن
بس ترا اغراض الجمعيه عليها انا متفقه معاها على جذي.. اوديها كل شهر الجمعيه او ادزها مع السايق تاخذ اللي تبيه
و طبعا الاكل لالالالا علينا عادي تاكل اللي تبيه.. وهم اذا طلعنا احنا انتكفل فيها حراااام عااااد و ملابسها
من A to Z علينا اكييييييد..

 

[سيدة الذوق]

مادري شحببكم بالخدم الفلبن هذولي,,,
بس عشان بيضه قدام ناس شفيهم الهندو السيلانيين من عمر ونعرفهم

 

[farawla_q80ia]

اذا اهيا كفو ومخلصة بعملها اصرف عليها واعطيها واذا اهيا لعينة ومهملة خل تولي والجزاء من جنس العمل وغلط تقولون عشان عيالنا نتحمل لان اهيا مو ام بديله اهيا مساعده في البيت مو اللايد اليمين ولازم تعرف حدودها

 

[أم الكتاكيت]

أنا عندي اندونيسية
معاشها 50

واكلها نفس اكلنا وازيد

تحب تاكل الي عندي
ومامنعها من ولا شي ( الأكل ) الي بالثالاجة والاكل الي بالبيت كلة حلال عليها
واذا طلبنا من مطعم لازم نحسبها معانا
واذا طلعت ساعات ايب لها وجبات من ماكدونالدز تحبة
يعني حرام تشتهي مسكينة

وملابسها وادواتها وكريماتها طبعا كلة علينا اهي بس تدز فلوسها ديرتها

أنا مثلج بس خدامتي كان معاشها 45 زدتها و سويته 50 واي شي تب انا ايبة اللهم كرت التلفون انا ايبلها مرة بالشهر بــ 5 واذا تبي غيرة بعدين اهيا تدفع فصارت ماتسولف وايد بالتلفون يعني على اللي انا ايبه لها بس


والله يكافينا شرهم و يثبتهم عندنا يااااااااارب

 

[فرحه عمر]

واي تعليقات ا لبنات مو صج
الهنديه بطينيه بشكل مو طبيعي تعلف مثل البقر استغفر الله وحنه وتشكى وقثيثه وتشرط مو اي شي تشترين لها وراسها يابس يعني يبيلها وحده باااااااااارده ومكبره المخده
السيلانيه عوووووووبه وعياره ومهايطيه بس تخلص شغلج بسرعه والنوعين موزود نظافه
الاندونيسيه والفلبينيه باااااااااردين وعلى الراحه بس الشغل يطلع يلق لق ومرتب يعني تكسر عينج بالترتيب والنظافه وماله شغل معاملتج وياهم لانهم مثلنا بشر وكل وحده وشخصيتها يعني في نوعيه ما تمشي الا بالزف والعين الحمره ولا ماراح يمشي حالها وفي ناس بالمسايس وفي ناس ماينفع معاها شي واحسن شي لها المكتب
وبعدين اللي تقول الفلبينيه والاندونيسيه خطافين رياييل ترى حتى السيلانيه والهنديه مو بعيده عنهم واذا ماقدرت عليه اتييب عياله
وبعدين اللي حاله مايل من الرياييل اهو خلقه اللي بيتحرش فيها

نرد حق سؤالج حبوبه
انا اول ماتوصل واشتريلها اليونيفورم والداخلي واعلمها شغل البيت اقولها هذي الثلاجه عندج والمطبخ مفتوح اللي تبينه اخذيه القهوه انا اييب نوعين نسكافيه لهم وقهوه خاصه لي واعلمها انه هذي لها وهذي لي بس واذا شريت ككاوات من الجمعيه اعزلها منهم فتعرف ان هذا حقها منهم بس اللي عندي موذاك الزود بالككاو (( هههههههههه بعد القرقيعان شوفي جياس الحلاو اللي عندهم يكفي سنتين جدام ))
واييب لهم اندومي بس انا الاحظ بعضهم يموت على العيش حتى الريوق وبعدهم لا مثلنا برجر وهالسوالف

 

[الدلال]

ما احب شي اسمه فلبينيه ولا اندونيسيه,شغل باارد ودلع وياويلج اذا انتقدتيها ولا كلمتيهااا

انا عندي هنديه ومسكينه اغصبها على الاكل مع ان صار لها كذا سنه عندي

الموجود تاكله وعمرها ما تشرطت بس مرات اذا اشتهت شغله اتيي تقولي وانا على طول اروح اشتري لها مع ان احنا ما ناكل هالشغله

ودايما اقولها الماجله والثلاجه جدامج لا تنطريني سوي لج بروحج

لان مرات اللي ناكله ما تحبه ,يحبون الحمسات الحاره والاكل الهندي ,عاد انا مو مشكله عندي خل ترز جدرها بروحها

يشتغلون ويكرفون طول اليوم ,خل ياكلون ويشبعون

وبالنسبه لاغراضها الشخصيه تكتبهم لي مع اغراض البيت لما اروح الجمعيه وما تتشرط شنو نوع الشامبو ولا الصابون

 

[بنت حمايل]

والله الصراحة في مثل يقول ( بعد الزف تلقون الصلاح ) وانا جذي قيتهم شوي شوي متسنيعن

بس ياويلج اذا قلتيلها ردي نظفي مرة ثانية تنظيفج مو شي

بالاول اسكت الحين صايرة لا والله اعلق واقولها ردي مسحيه مرة ومرتين

يحليلهم لما كانت معاشاتهم شوي يمشون سيدة ووالحين رازتهم السفارة مالتهم - مالت عليهم والله ياخذهم -فقايمين علينا مصيبة تصيبهم



ياليت يقطعون الخدم من الديرة عشان يعطونا اجازة نجابل عيالنا



ياحلو عيشة قبل