الحواي (الحواج) فيه بلاوي شاركينا المناقشه

[أحب الخير]

بصراحه لما ادخل الحواي اشوف اشياء غريبه و اسماء اغرب
ودي للمعرفه اعرف اشهر الموجود بالحواي و شنو فوايده لازم الواحد يتعلم حق هالدنيا
اللي تعرف شي و تعرف فوايده تفيدنا و آنه أبدا بشغلات بسيطه اعرفها

1- الرشاد = لتنظيف الرحم من الدم وقت الدورة و بالنفاس
2- الملح الفارسي = لتنشيف الافرازات بعد الدوره

-----> اذا معلوماتي غلط صلحولي و ابي مشاركتكم ابي الاعشاب اللي تصلح للمعده و الغازات و غيرة لما نكمل كل اغراض الحواي الموجوده عنده



يالله بدينا .........

 

[رفرف]

مشاركة: الحواي (الحواج) فيه بلاوي شاركينا المناقشه

انا اشتري البابونج حق شعر بنتي اهوه اشقر اصلا .. ومع البابونج لونه يصير أحلى لأن البابونج يفتح لون الشعر افوحه واخليه ناقع بالماي الحار لما يبرد بعدين اشخله واحطه بغرشة فيها بخاخ وارشرش على شعر بنتي خاصة بالصيف مع الشمر يصير لون الشعر ايهبل ...

والمره معروفة مثل الأنتيبيوتك حق اللي مسوين عمليات او والدين قيصري يبلعون قطعة صغيرة ويطيب الجرح بسرعة ..
وحتى اللي والدة طبيعي اتغسل المنطقة بماي ومرة زين حق الجرح ....
وحق البلاعيم والكحة ايحطونها تحت اللسان لين اتذوب وايد زينة

 

[bnt q8 in usa]

مشاركة: الحواي (الحواج) فيه بلاوي شاركينا المناقشه

رفرف خوش طريقه البابونج انا بناتي شعرهم اشقر بس البابونج احطه ويا الحنه يصير حلو بعد بس هالطريقه مالتج بجربها

 

[الملكيييية]

مشاركة: الحواي (الحواج) فيه بلاوي شاركينا المناقشه

انا اعرف المره.............>حق كل شي حلوة

المرمية...................>حق الكرش ونفخة البطن

الشمر....................>يشد الجسم

البابونج...................>كمادات حق العين والشاي للمغص

واشياء كثيرة بمشاركة ثانية ان شاءالله

 

[om hasoooooooooon]

مشاركة: الحواي (الحواج) فيه بلاوي شاركينا المناقشه

البابونج للصدر والبلغم
المرمية لعوار البطن والكرشه
المرة طبعا مثل ماقالو البنات حق كل شي تعتبر بمثابة المضاد
الزعتر لعوار البطن والغازات والنفخة
الحلبه وايد زينة للعظام والظهر (مرة قريت انها تزيد الهرمونات الانثوية)
ماء الهندباء للغازات وتفاخ البطن

بصراحة الحواي عجييييييييييييييييييب كل شي فيه بس ماذكر الحين بس اذكر اقولكم انشالله

 

[الفرحه]

مشاركة: الحواي (الحواج) فيه بلاوي شاركينا المناقشه

انا الحين قاعده اجرب شغله من الحواي


جيس شفاف وداخله اعشاب ومحطوطه علي لزقه مكتوب عليها اعشاب الرجيم
ابصراحه صارلي اسبوع استعملهاووايد زينه

مال الحواي يقول مع الاكل وبدون رجيم اتزلج 8 كيلو بالشهر ... اشرب منها الصبح اول ما اقعد من النوم وبليل قبل لا انام


والحين صارلي اسبوع

---------------------------------------

وعلى فكره قبل لا استعملها اختي راحت افحصتها بالمختبر وزارة الصحه اتقول كلا اعشاب طبيعيه ( مرميه وبابونج ... وجم شغله ثانيه ما اذكرهم)

بس يعني كلا اعشاب طبيعيه

 

[شاهة]

مشاركة: الحواي (الحواج) فيه بلاوي شاركينا المناقشه

الله يعطيكم العافية كملوا لا يوقف موضوع مفيد , الناس الحين كلها تدور علي بديل للادوية والكيماويات مشكورين علي الموضوع .

 

[ام رغودة]

مشاركة: الحواي (الحواج) فيه بلاوي شاركينا المناقشه

لموضوع وايد حلو بس وين الحواى اللى شغلة نظيف وتحسون انة فاهم كل شى وكل شى عندة
انا سمعت عن الحواى اليمنى مبارك اللى بالجهرا اشرايكم فية؟؟؟؟؟؟

 

[شهد_الكويت]

مشاركة: الحواي (الحواج) فيه بلاوي شاركينا المناقشه

يعطيكم العافيه ياليت بنات كل وحده اتقولنا اذا يتها الدوره شنوو تشرب او تلهم لان سمعت رفيجتي تلهم لهووم اتقول زييين ابي شي ينزل الدم وينظف الرحم

وصراحه فيني غازات مو طبيعيه وكله من جدام امي تقولي داخلج هوا ورفيجتي اتقول استحملي تحامييل انتو شنو تستخدمون للغازات لان ساعات انحرج من ريلي

 

[jolie_q8]

مشاركة: الحواي (الحواج) فيه بلاوي شاركينا المناقشه

تم النقل

 

[ملاك2006]

مشاركة: الحواي (الحواج) فيه بلاوي شاركينا المناقشه

قوووه يابنات انا عضوه جديده وياكم وحيل عجبني موضوعكم وحبيت افيدكم وهم استفيد منكم بس اول شي بقول حق الاخت شهد لازم ماتصبيرين حق روحج لانه الهواء الي يدش المره مو زين حقها اول شي اتسوينه لازم اتبخيرين من تحت في فلفل الهواء من الحواج ويا قشر بصل ويا كسره صغيره من المره ويا اشوية خوا جوا هم من الحواج لونها احمر واي سؤال انا حاضره

 

[النوالنو]

مشاركة: الحواي (الحواج) فيه بلاوي شاركينا المناقشه

اذا جيتج الدورة سوي تمرة معة رشاد وفلفل اسود شوي حبة البركة مع سمن وعجينهم مع بعض اذا قاعدتي من النوم سخينة علي النار لين تذوب يعني حارة شوية واكلية بالعافية واذا سويت بعد قبل النوم يعني مرتين شوفوا نفسج بعدة الدورة حطي نقوعة في ماي شوية عنزوت محلب ومرة واشربيهم وقت الدورة التمرة اذا تحطين خبز معة بعد احلي يعني خبز الريوق علي الصاج مثل خذي شوية تمرة وشوية خبز واكليهم بالعافية

ابي الاجر من اللة عزوجل
ادعيلي

 

[شهد_الكويت]

مشاركة: الحواي (الحواج) فيه بلاوي شاركينا المناقشه

مشكوووره ملاك 2006 يعني اروح الحواج واطلب منه فلفل الهواء ومره وخوا وجوا اول مره اسمع فيهم هذولي بس زييينين يعني مجربتهم انتي لان رفيجتي قالت لي حطي تحامييل وحطيت ما نفعتني ومشكووره بس جم مره تتبخرين

مناير الله يوفقج يارب ويعطيج علي قد نيتج انشالله

يالله بنات كملووووووو لا يوقف

 

[عمري الكويت]

مشاركة: الحواي (الحواج) فيه بلاوي شاركينا المناقشه

مشكورين يا بنات والله خوش موضوع

 

[ملاك2006]

مشاركة: الحواي (الحواج) فيه بلاوي شاركينا المناقشه

اسفه حبيبتي شهد تاخرت عليج والله هالشغلات الي قلت لج عنهم عن تجربه شخصيه وتجربه اهلي ورفيجاتي بس انتي عقب ما اتبخرين لازم اتغطين عدل وادفيني روحج وترى اذا رحتي حق الحواج وقلتي له ابي القو اهو يعطيج البخوراذا ماعرف بس قولي ابي فلفل الهواء وحطي ويا خوا جوا وقشرة بصل وكسرة مره الله يعينج على الريحه بس النتيجه انشاء الله تعجبج انتي تبخري 3 ايام واحسن بالليل عشان ترتاحين عقبه واسفه طولت عليج

 

[@ دهن العود @]

مشاركة: الحواي (الحواج) فيه بلاوي شاركينا المناقشه

صاجه ملاك انا ما تبخر الا بالاشياء اللى ذكرتيها ويا حلو النومه ذاك اليوم تحسين برااااااااااحه غير طبيعيه

 

[شهد_الكويت]

مشاركة: الحواي (الحواج) فيه بلاوي شاركينا المناقشه

مشكوره ملاك

 

[أحب الخير]

مشاركة: الحواي (الحواج) فيه بلاوي شاركينا المناقشه

مشكورين وايد حبيباتي على تفاعلكم مع موضوعي و بسأل عن الخوا جوا حق شنو و العنزوت محلب و البركة ابي فوائدهم اذا تعرفون فيدونا

 

[ذكريات]

مشاركة: الحواي (الحواج) فيه بلاوي شاركينا المناقشه

انا الحين قاعده اجرب شغله من الحواي


جيس شفاف وداخله اعشاب ومحطوطه علي لزقه مكتوب عليها اعشاب الرجيم
ابصراحه صارلي اسبوع استعملهاووايد زينه

مال الحواي يقول مع الاكل وبدون رجيم اتزلج 8 كيلو بالشهر ... اشرب منها الصبح اول ما اقعد من النوم وبليل قبل لا انام


والحين صارلي اسبوع

---------------------------------------

وعلى فكره قبل لا استعملها اختي راحت افحصتها بالمختبر وزارة الصحه اتقول كلا اعشاب طبيعيه ( مرميه وبابونج ... وجم شغله ثانيه ما اذكرهم)

بس يعني كلا اعشاب طبيعيه

الفرحة انا بعد استخدمته جم يوم بعدين وقفت ... انتي يعني حسيتي انه زين و قاعد يسوي شغل؟؟

 

[alryan]

أنا بعد أبي مشاركتكم معاي أبي تساعدوني ؟؟؟؟؟ غازات البطن ومن الرحم