الحوامل اللي دشوا التاسع حياكم نسولف

[Roty]

انا دشيت التاسع واخر موعد 10/3 بس قالت لي دكتورتي بنطر عليج الى 17/3
وحدي خايفه لاني بجر وما ادري شسالفه
انااراجع عند ناهدة العلي وراح اولد برويال حياة واهيا راح تولدني ان شاء الله
وكل ما اروح لهاااا ابجي خايفة تقولي بفحصج هههههههههه بس اشوا لحد الحين مافحصتني

منورة الوايليه
الله يسهل عليج يااارب
مابقا شي طمنينا عنج
عا د ماحب الفحص

 

[Roty]

رد: رد : الحوامل اللي دشوا التاسع حياكم نسولف

انا اخر موعد معطيني 5-3 ...والطلق شغال من الثامن والله يسهلها انا بجريه جني خبله موعارفه شسوي والي يزيد الضيقه وتحسين انج صارلج سنه حامل الكل يسال ماولدت ..الله كريم

عذوره الله يسهل عليج يارب
طمنيني عنج اذا ولدتي
اي صح جنه سنه لان 9 شهور من عمرنا والله

 

[Roty]

بنات تصدقون دكتوري مو راضي يقيس جم سانتي
شسويييييييي؟؟؟ أبي أعرف و اهو مو ريضي يقول ما أقيس الا اذا طفتي شهرج و ما ولدتي !!!

حبيبتي منو دكتورج
والله مادري انا فبجري قيصري ماعرف وايد بهالسوالف
سالي دكتورة ثانيه لان جنه لازم يفحص

 

[Roty]

حاطيلي موعد 13/3 والله يسهل انشالله

وليلحين ما زهبت جنطتي مع اني بجرية بس مو عارفة شحط بالجنطة

وانا بولد بـ رويال حياة دكتورتي نداء بو خضور

الله يسهل على الجميع

حاطيلي موعد 13/3 والله يسهل انشالله

وليلحين ما زهبت جنطتي مع اني بجرية بس مو عارفة شحط بالجنطة

وانا بولد بـ رويال حياة دكتورتي نداء بو خضور

الله يسهل على الجميع

الله يسهل عليج يارب
شوفي بحط لج الاغراض بس عاد زهبي جنطتج علا طول

جنطتج:
ستيان رضاعه
اندروير
ملابس داخليه طوال
بجامه فيها زراير
قميص استقبال اذا احد يالج
كحل وكريم مرطب وحمره او جلوس يعنس لاتكثرين ميك اب
قطن بيجون او افنت حق الستيان
مشط
فوطه

جنطت البيبي:
3 اطقم ملابس ( لبس داخلي وخارجي وصدريه ودسوس ومهاد وكبوس)
لفه ثقيله



ادعيلي بالولاده الطبيعيه

 

[Roty]

رد: رد : الحوامل اللي دشوا التاسع حياكم نسولف

​

السلام ياحلوات ،،،

انا هذا اول حمل لي ، وما حملت الا بعد ما كملت سنه وجم شعر من زواجي
ودي اشوف النونو بين ايدي بالسلامه ، انا دشيت شهري صارلي 8 ايام
المفروض ولادتي 21 /3 بس اتجدمت لي 13 /3 لان فيني " سكر حمل "

منو مثلي فيها سكر حمل عسى الله يعافينا منه ويعافي كل المسلمين آمين ؟

وان شاء الله ناويه اولد عند د. رضى اللي بدار الشفاء ادعولي وعسى الله يقومنا بالسلامه ،،،

بصراحه الحامل لازم لها دعم نفسي وعندها من يساندها اذا تضايقت ، لان بعض الامها مو من الحمال وتكون
بس من الضيجه والخوف والتوتر والوساوس اللي تيلها ، تقعد اول باول تشيل هم ، فبعض الالام اللي يحس فيها الواحد يكون مصدرها
نفسي ،،،
بصراحه انا كثر ما احب اراجع عند احسن الدكاتره اتمنى من يطيب خاطري من فتره لفتره عشان ترتاح نفسيتي ، لان بعض زياراتي لدكتورتي
ناتجه عن توتر مني وبعض الافكار والوساوس اللي اعيشها من خوفي على للبيبي وعلى نفسي ، ومن اطمن تقلوني ارتاح ولاكان فيني شي ،،،

والحمد الله على كل حال ،،،،

الله يسهل عليج يارب
بسالج قلتي مجدمين ولادتج شنو يعني بولدونج قيصري ؟؟؟
ان شالله تقومين بالسلامه لاتحاتين حتا انا اخاف وافكر وصح لازم احد يساندنا بهالوقت وترا بالحمال النفسيه صفر بس بعدين نرتاح ونفرح بشوفة عيالنا

 

[Roty]

انا اخر موعد 28 .. 2 يعني صارلي يومين بالعاشر وزهقت وكرهت نفسي مو عارفه شسوي

ناويه اولد عند محسن طلبه بمستشفى الامومه ان شاء الله

وزهبت كل شغلي ولله الحمد بس انطر الفرج من الله

والله كريم

الله يسهل عليج حياتي
طمنيني عنج اذا ولدتي

 

[Roty]

مشكورين حبايبي كل اللي مروا ماقصروا ومشكورين عالدعاء

 

[Roty]

دريمي الله يسهل عليج يااارب

 

[dreamy girl8]

دريمي الله يسهل عليج يااارب

هلا فيك خيتوووو انتي بااي اسبوع ؟
انا بنات محتاااااره مره وتعبت حيل قبلو اسبوع وكنت بااول التاسع جاني طلق خفيف الظهر وعلى طول ع المستشفى وفحصوني قالو خفيف مره والرحم مفتوح 2سم رقدووني عندهم اسبوع لين دخلت ال37 اسبوع وكم يوم بعدين طلعتني الدكتوره تقول امشي وانا مرررره تعبت ابي اولد تعرفون شي يفتح الرحم ويقوي الطلق مره محتااااااره وطفشت :eh_s(2):ابي اولد وافتك

 

[dreamy girl8]

أول شي راح نتكلم عن الشراشف ,,,والملاحف لاتنسينها للبيبي ولازم تكون قطن 100% خذي معاك ملحفة للمستشفى عشان تلفي البيبي.​

​

ثاني شي لاتنسي الملابس الداخليه للطفل والبيجامات المريحه قطن 100%​

​

ولا تنسي السرير​

​

ثالت شي البامبرز جهزيه؟؟ ولاتنسي لوازم الحمام من بانيو وفوطه وإسفنجه ......​

​

وهاي إسفنجه كبيره عشان تحطي البيبي عليها في البانيو​

 

[dreamy girl8]

وهاي إسفنجه كبيره عشان تحطي البيبي عليها في البانيو​

​

طبعا اهم شي بالحمام الشامبو والصابون ​

​

وطبعا الزيت والكريم والباودر بس تذكري الباودر لاتحطين مباشره من العلبه على جسم طفلك ,,,لأ حطيه بإيدك بعدين على جسمه عشان ريحته ما تعكر البيبي ولاسمح الله تسببله ربو,,,,,,,​

طبعا عشان تسهيل المهمه وللترتيب اشتري صندوق وحطي فيه كل لوازم البيبي فيه أحسن​

​

فيه بانيو شكل ثاني,,تقدري تحممي البيبي وإنتي واقفه وأغراضك تحت​

​

نعيماً خلصنا من الحمام ,,ا
الحين البيبي يبي حليب , ,,,,,,,,,,طبعا مع الرضاعه الطبيعيه يمكن تدخلي صناعي​

((إن شاء الله ماتحتاجين)) ​

فلازم تكوني مجهزه الرضاعات والمعقم أهم شي لاتنسي كل يوم عقمي الرضاعات ,,,,,,​

​

إذا كانت ولادتك بالشتاء لاتنسي الheater ((لتسخين الحليب))​

 

[dreamy girl8]

دعواتكم لي تتسهل ولادتي بااقرب وقت

 

[ام عزيزان3]

بنات تصدقون دكتوري مو راضي يقيس جم سانتي
شسويييييييي؟؟؟ أبي أعرف و اهو مو ريضي يقول ما أقيس الا اذا طفتي شهرج و ما ولدتي !!!

صح المفروض جذيه لان الفحص يشيش الطلق وتييج ولاده وانتي توج
انا اقول لاتعاندين وسمعي كلام الدكتور لان فاهم شغله
وفي بعض الدكاتره يستعيلون وحتي بالثامن يفحصون
انا ماخلي الدكتور يفحص الا اذا معاي عوار طلق ولاده صجيه
وبنات الي طاف موعدهم عليكم بالتمر بعبودي ولدي معطيني موعد ب24 -2
وقعدت اسبوع زياده ماولدت كليت صحن تمر كامل بالليل الفجر ولا الطلوق حاميه حدها

 

[أم عبود 2011]

رد : الحوامل اللي دشوا التاسع حياكم نسولف

الله يهون عليكم ياااااااااااااااااااااااااااااارب

 

[الــــغاليـــه]

رد : الحوامل اللي دشوا التاسع حياكم نسولف

اي والله ادعولنا انا مو باقيلي شي ,الله يهون علينا ان شالله وامس بليل حسيت بعوار جنه طلق ويووووووووه يالاحلام يالله الله كريم.

 

[" ام حمود "]

الله يسهل عليـــــــكم ، انا بالثامن وميته خوف . الله يتمم عليكممم

 

[msmshasnsn]

انا بالتاسع وحدي تعبانه ومتفخه صايره امشي واتقلب جني بطريق ههههه
من التعب كل مااحد قالي كلمه بجيت صايره ام دميعه
وطبعا للحين مازهبت الجنطه مع انه موعد ولادتي9-3
وامي كل يوم تزفني على هالسالفه بس مالي خلق شي الله (يكون بالعون)
وان شاءالله بولد بالمواساه عند د.حيان
الله يسهل علي وعليكم

 

[Roty]

دريمي مشكوورة ماقصرتي خوش صور ومعلومات

مس زهبي جنطتج عشان تفتكين

والله يسهل علي وعليكم يارب

 

[Roty]

بنات انا اليوم كان موعدي مع ليلى قالتلي اشرب كل يوم قلاص دارسين واكل تمر وامشي نص ساعه وجماع
مافحصتني
بس قالت اذا نزل عليج ماي او دم او طلوق علا طول روحي مستشفا ودقي علي

بس بعرف حق شنو دارسين ؟؟؟؟؟؟

 

[الاميرة مسك]

رد : الحوامل اللي دشوا التاسع حياكم نسولف

مرحبا يا بطوطات انا اليوم دشيت التاسع وهذا حملي الرابع وانا دايم اولد اول اسبوع من التاسع بس هالمره اتوقع اطول طبعا الجنطه وسويناها والكاكاو وجبناه بس يبقي يشرف سمو الامير ادعولي