الحواامل اللي محافظين أو اللي حافظو على وزنهم بالحمل

[كتكوته حبيبي]

السلام عليكم
كروشات شلونكم شخباركم
بنات انا قررت اسوي هالتجمع عشان نفيد ونستفيد
كلنا نعرف انا فبدايه الحمل في ناس تكون شهيتهم مفتوحه ويزيدون وفي الي بالاشهر الوسطيه خنسميها الي اهيا من الشهر الرابع لي السادس او السابع لما ترتفع النساه
نبي خبرتكم شلون تحافظون على وزنكم وماتخلونا يزيد طبعا ادري انا وزن البيبي والمشيمه وغيره يزيد الوزن بس انا قصدي الزياده بالدهون من الاكل
يالله همتكم قولولنا شنو سويتو وشنو التمارين الي كنتو تسونها واذا في رجيمات للحوامل صحيه ياريت تحطونها ونكون شاكرين لكم
انا والله هذا اول حمل لي وعليميه ماعرف شي واحس وزني قاعد يزين انا وزني قبل الحمل 70 وطولي 160 يعني شوفو الفرق لما كنت مقرره اسوي رجيم وامشي عليه الي اهوا رجيم طالب السشمري مع حبوب ازيلاكس حملت :eh_s(11)::eh_s(11):
الحمدالله على كل حال طبعا ريلي عادي عنده اهم شي يبي بيبي:rgewrg: وانا الي باكلها بعد الولاده :eh_s(11)::eh_s(11):
انا عن نفسي بحاول فبدايه الثالث اسوي رجيم تخفيف على رياضه خفيفه وانتو ياشطاااار شبتسوون او شنو متعودين تسووون:ggdw::ggdw:
​

 

[ضي الدنيا]

رد: تجمع الي محافظين او الي حافظو على وزنهم بالحمل

اب لعيووووونچ ياااا غناااااتي ..

 

[Miss independent]

رد: تجمع الي محافظين او الي حافظو على وزنهم بالحمل

مادري احس كل جسم وطبيعته
في ناس تنفتح شهيتهم وفي حريم تنسد شهيتهم
وتقدرين تعرفين هالشي من بدايه حملج من النساة اذا حيل ينزل وزنج وتعوفين الاكل يعني مارح تمتنين وايد
والعكس صحيح

 

[هيللو كيتي]

رد: تجمع الي محافظين او الي حافظو على وزنهم بالحمل

هاي حبيبتي..
مبروك التجمع..

حبيبتي هذا علي حسب بنية الجسم انا بحمالاتي خلال ٩ الشهور كلها ازيد ٩ او ١٠ كيلو..

وحمدالله ياارب والله لايغيرر علي..

وهذي زيادة طبيعيه جدا..

بس انتي عليج بالاكل الصحي وابتعدي عن الخرابيط الوجبات السريعه و الكاكاوات عشان السكر والكوليسترول بعد..

ومانصح بالريجيم لان البيبي يتغذا منج لكن وازني باكلج

وعليج بالعاافيه والله يتمم عليج كل خير ان شالله..

 

[كتكوته حبيبي]

رد: تجمع الي محافظين او الي حافظو على وزنهم بالحمل

مشكووووووووووووووووووورين حبايبي ع الردود

 

[مسك وطيب]

رد: تجمع الي محافظين او الي حافظو على وزنهم بالحمل

ركزي عالمشوي والسلطات والفواكه
وخففي نشويات

والله يقومج بالسلامه

 

[صاحبه التميز]

رد: تجمع الي محافظين او الي حافظو على وزنهم بالحمل

ترى ما يمتن غير الوجبات السريعه اكلي من البيت واكل صحي وخفيف يفيدج ويفيد البيبي ..

 

[كتكوته حبيبي]

رد: تجمع الي محافظين او الي حافظو على وزنهم بالحمل

اي والله هالوجبات السريعه بس الحين بدت معاي النساه لوووعه بس لوعه اشوه اهون من الترجيع والدوخه
المشكله ابي اكل ماني قادره احس يوعانه بس ماقدر اكل ببجييي

 

[auoma]

رد: تجمع الي محافظين او الي حافظو على وزنهم بالحمل

حبيبتي على حسب طبيعة الجسم في ناس تمتن ٢٠ و ٣٠ كيلو
وفي ناس تزيد ٦ او ٧ كيلو
اهم شي انج تأكلين اكل مفيد سلطات وشوربات ومشاوي وكل شي لايت
انا عكس البنات الي قالوا ابتعدي عن الوجبات السريعه لانه مو معقوله ٩ شهور ماراح تطلعين ولاراح تأكلين مطعم
هذا حجي مايدخل المخ خلينا نتكلم بالمعقول
ناكل وجبات سريعه مره بالأسبوع ماراح تضرج
بالنسبه حق الحلويات نقدر ناكل حصه وحده باليوم يعني كل شي بالمعقول
المقصد ما نهجم على الاكل جنه راح يخلص ولا ناكل حق اثنين لانه هالمعلومه خطأ
بالنسبه للرياضه مومعقول بتسوين رياضه وانتي حامل ديري بالج لاتتعبين نفسج موزين

 

[نحوله عسوله]

رد: تجمع الي محافظين او الي حافظو على وزنهم بالحمل

حبيبتي على حسب طبيعة الجسم في ناس تمتن 20 و 30 كيلو
وفي ناس تزيد 6 او 7 كيلو
اهم شي انج تأكلين اكل مفيد سلطات وشوربات ومشاوي وكل شي لايت
انا عكس البنات الي قالوا ابتعدي عن الوجبات السريعه لانه مو معقوله 9 شهور ماراح تطلعين ولاراح تأكلين مطعم
هذا حجي مايدخل المخ خلينا نتكلم بالمعقول
ناكل وجبات سريعه مره بالأسبوع ماراح تضرج
بالنسبه حق الحلويات نقدر ناكل حصه وحده باليوم يعني كل شي بالمعقول
المقصد ما نهجم على الاكل جنه راح يخلص ولا ناكل حق اثنين لانه هالمعلومه خطأ
بالنسبه للرياضه مومعقول بتسوين رياضه وانتي حامل ديري بالج لاتتعبين نفسج موزين

كلامهااااا عين العقل 

 

[Meeesh]

رد: تجمع الي محافظين او الي حافظو على وزنهم بالحمل

اخ من زيادة الوزن أنا بحملي الاول زدت ١٨ كيلو وخايفه هالمره أصير نفس الشي

 

[You FOR Me Only]

رد: تجمع الي محافظين او الي حافظو على وزنهم بالحمل

انا ان شاء الله يزيد وزني ابي امتن خخخخخخخ

 

[Winter Q8]

رد: تجمع الي محافظين او الي حافظو على وزنهم بالحمل

أنا كان وزني 64 لما حملت و لما ولدت كان 74 و بالنفاس قطيتهم كلهم .. و الحمدلله ماكنت اخربط وآكل على حسب حاجتي ووزن ولدي كان طبيعي يوم ولدت ..
المشكلة بعد النفاس ( صارلي 6 شهور ) وزني موراضي يتزحزح مع اني ما آكل و اكلي قليل ..

 

[اسبــانيــة]

رد: تجمع الي محافظين او الي حافظو على وزنهم بالحمل

انا اعاني من نفس المشكلة

وخاطري برجيم بعد الشهر الثالث عقب ما يثبت الحمل

 

[امواج الكويت]

رد: تجمع الي محافظين او الي حافظو على وزنهم بالحمل

انا عاد اكلي نفسه ما تغير والحين بالشهر السادس وما زدت الا ٣ كيلو والدكتوره زفتني تقول هذا كله مال البيبي مو معقوله انتي وقالت لازم الموعد الياي عالاقل زايده كيلوين

 

[فـراوله]

رد: تجمع الي محافظين او الي حافظو على وزنهم بالحمل

أنا حملي الاول واااااايد متنت وحملت على ولدي بعد 8 شهووور ​

ما نزلت واايد كنت حابه أنزل وزني ورجيم وحالتي حاله لين ما حملت ​

الحمدالله على كل حال ​

بهالحمل قررت ما أكل واااايد وخصوصا المطاعم والسكرياااات وخرت عنهم ​

والحمدالله أنا ألحين بالسابع وزايده 4 كيلو الله يتمم علي ياااارب ولا يزيد وزني ​

وايد ​

وان شاءالله بعد الولاده رجيم ورياضه لين ما أنزل وزني بهالحمل والحمل الاول ​

 

[نور دنياه]

رد: تجمع الي محافظين او الي حافظو على وزنهم بالحمل

مرحبا بنات
هذي اول مشاركه لي وحبيت اعلق على الموضوع
انا ناوية ان شالله اسوي رياضه حوامل عشان تسهل لي الولاده باذن الله ببتدي فيها من السادس
ومو ناويه اكل كاكاو عشان لايحوشني سكر حمل وان شالله مايزيد وزني الا بالشي المعقول

عاد ام ريلي تحن علي تقول ان جيت ولقت بالثلاجه شي دايت قطيته !! :bbbiu: تقول لااشوف البان وروب دايت ولا خبز اسمر !! وقالت لزوجي ان وصتك تشتري لها شي دايت علمني

الله يقومنا بالسلامه

 

[شـيـوخـهـ]

رد: تجمع الي محافظين او الي حافظو على وزنهم بالحمل

كنت ولازلت اتمتى احافظ على وزني

بس بصراحه فشلت ماقدرت اسوي رجيم حوامل لسبب يحوشني هبوط لو اكلت اكل خفيف

بس هذا ما يمنع اني على قد ما اقدر اخفف الريوق قاعده اكل بسكوت وشاي حليب بالدوام واخذ لي سناك بكميه صغيره

بس مشكلتي الغدا حيييل قاعده اكل وبكميه بعد وبعد الغدا اكلي ككاو بس بالاغلب ما اتعشى يقعد على معدتي لي وقت العشا

مرات اتعشا بس بالاغلب لا انا الحين باخر الخامس تقريبا وزيادتي 5 كيلو تقول الدكتوره طبيعي بس مخوفيني الاشهر اليايه

 

[كتكوته حبيبي]

رد: تجمع الي محافظين او الي حافظو على وزنهم بالحمل

اممممممممم
مشكورين بنات ع الردود
انا لي حين ماتغير وزني بس اخاف ازيد انا وزنت من 5 ايام تقريبا بس اكلي قل يعني وجبتين باليوم غدى والغدى يقعد على جبدي بس اتغصب عشان اللوعه ماكثر عيش خمس قفاش او ست بس والعشا ما اقدر اكل شي ثقيل في دهن اكل اشياء خفيفه بس للامانه من اول ماحملت كنت اشتهي واايد اكل المطاعم وكنت اطلب وما اكل اكل نص الصمونه وبس والحين خلاص بوقف مطاعم ماوراهم الا التسمم
والله كرييييم

 

[عذبة الروح..]

رد: تجمع الي محافظين او الي حافظو على وزنهم بالحمل

انا بالثامن الحين وزايده. ٩كيلو عن قبل لا احمل خايفه ازيداكثر من جذي
انا اكلي طبيعي بس مشكلتي اموووت بالكاكو والحلويات ، مافي يوم يعدي من غير ما اكل عالاقل ٣ قطع كاكو عالاقل
بس الحمدالله للحين الزياده بحدود الوضع الطبيعي