الحمدلله عالسلامه و مبرووك النيو لوك تتهنين فيه انشالله
شوقتيني على شفط الليزر بس بسألج انتي زنودج قبل كانو كبار حيل و لا حجمهم طبيعي ؟؟ لأن انا زنودي حيل كبار معنه جسمي لو تشوفينه تقولين ماله داعي كل هالزنود حدهم موراكبين حتى سترج مارك طلع فيهم الحمدلله على كل حال
يعني يسوى اسويهم لأن وايد بنات مسوين زنودهم بالمنتدى ولا وحده مدحة النتيجه كله يقولون تغير بسيط جدا و مايسوا الجرح الي يخليم ما يقدرون يحركون ايدهم براحه
و شلون طريقة جرحه هل بس فتحات صوب الأباط ولا شق طولي ؟؟
و هل ظهرج وبطنج ترهلوا بعد الشفط العادي ؟؟ وهل بطنج كان كبير جنه حامل بالرابه و لا السادس ولا عنونو ؟ و تعب العمليه الثانيه أخف من الأولى و لا نفس الشي ؟
انا ودي أسوي زنودي و الظهر والبطن و الخواصر بس تنصحين بعد الولاده الثانيه ولا بعد انطر ؟ لأن الحين بس عندي بنتي الله يحفظها انشالله و ناوين انشالله في بيبي ثاني فقلت بعد الولاده الثانيه اجابل روحي صح انشالله اذا الله احيانا و اسوي هالأشياء بس عادي عقب أحمل ؟ ؟ و تتوقعين هالأشياء جم تكلفني ؟ زنود و ظهر و خواصر و بطن ؟؟ سألي اذا تقدرين
شفط الليزر بدامه يشد
و عفيه اهم شي الزنوود لأني حدي متحطمه من شكلهم و كلما أسأل احد عن عملية الزنود أتحبط زياده من نتايجهم و انشالله انتي تكسرين القاعده و تشجعيني عليها
دوختج بأسألتي
الله يعينج عليي و راح اكون من متابعينج و انشالله تشوفين النتيجه الي تسرج ياااااااااارب
هلا هلا حبيبتي
لا افا عليج اشدوختيني فيه
انا اصلا ماحطيت تجربتي الا عشان افيدج وافيد باجي البنات ان شاءالله
شوفي حبيبتي
بالنسبه للزند انا ماسويت شد بس شفط بالليزر وزنودي من الاساس مو كبار وايد بس كان فيهم شوية دهون وشفطهم لي بفتحه صغييييره حدها مو مبينه كلش ووصيته انها تكون مخشوشه وصج الله يعافيه سوالي اللي ابيه
وطبعا النتيجه لا تسئلوني عن النتايج الحين لان جسمي الحين كله مورم انا اصلا ماشفت شي
شي واحد الي شفته وونسني وايد الحمدلله لما رحتله اول امس وقطيت الكورسيه عشان ينظف الجروح ويعقمها شفت الترهل كلللله راح ربي لك الحمد ويلدي كله لازق على جسمي صج صج استانست حتى سألته دكتور هذا بيتم جذي ولا لان الحين جسمي وارم قال لي لا طبعا راح يتم ان شاءالله عيل شنو فايدة الليزر الي سويناه
قلت الف الحمدلله
انيي حق بطني
انا بطني اول كان كبير ومترهل بشكل يلوع الجبد كنت لاقعدت تكرمين بالحمام ماشوف شسونه وكان طايح على فخوذي
بطني طبعا شلته بالعمليه الاولى الي سويتها العام وكان جرح طويل من الخاصره لي الخاصره بس الخياط نظييييف ماشالله ويادوب يبين عقب مامر عليه سنه والله حده حده خفيف ولو شوية فاونديشن بعد انا ماجربت بس يتروالي يروح مره وحده
طبعا الشكل والله اخاف اتكلم بالتفصيل احسد مفسي
والله العظيم حياتي كلها تغيرت عقب العمليه
لبسي 100% صار غير شكلي صار كله انوثه البطن لازق بالظهر والظهر بعد شفطته مع عملية البطن وخصري صار اينن بالبس ماشالله وبدون لبس بعد مايحتاي
وبالنسبه للترهلات عقب العمليه الاولى الظهر شويييه شي بسيط كان فيه ترهل يبين لا قعدت صوب حز الستيان شوي
بس الحين عقب ماشفطت جسمي كله بالليزر اقول لج والله تفاجأت تبارك الرحمن يوم شفته يلدي كله ماشالله متماسك وشاد الحمدلله
حبيبتي انا انصحج تسوين العمليه عقب ماتخلصين من الحمل والولاده
حرام هالتعب يخترب عقب سنه ولا سنتين
بالذات البطن يعني تمتعي فيه احسنلج
بالنسبه للتكاليف طبعا من يدخل المشرط السعر يتدبل لان الجراحه وايد غاليه مو مثل لاصار شفط بروحه
انا عمليني الاولى شلت فيها بطني وشفطت ظهري وخواصري وشي بسيط من اردافي كلفتني 3000 غير اسعار الكورسيهات والادويه وغيره
وعمليتي اللي الحين شفط الجسم كامل تقريبا (زنود ظهر-ارداف فخوذ من برا و داخل-والجبد) كل هذا ب 1740 مع الكورسيهات وكل شي
توكلي على الله حبيبتي و تشجعي وتمتعي في عمرج تونا صغار خنستانس باللبس وباعمارنا ونتهنى باجسام حلوه مايصير نقزر عمرنا بس نطالع ونتحسر
والله يوفقج يارب
