الحل مع زوجي المتسبب

[كياني المجروح]

السلام عليكم بنات أنا بدخل في مشكلتي علطول أنا زوجي مسافر دراسة للندن سنتين وطبعا أنا وبنته ما ركنا معاه كله يتعذر انه طول الوقت مع ربعه ودراسه المهم وعدنا يعوضها عن هالفتره لين رجع وانه ما راح يقصر معانا على فكره طول فتره الدراسة أنا اصرف على بنتي وعلى نفسي وهم راتب الخدمات أنا ادفعه أنا اشتغل وراتبا زين الحمد الله المهم مؤ هاي مشكلتي المشكلة من رجع واهو ما تم فالبلاد من دبي لبحرين يرجع يقعد يومين ويرد يسافر مع ربعه وكل مره يتعذر الا سيارتي الا رفيجي يبقيني معاه وانا سأكته واحرق فقلبي واللحن وعدني انه يسفر نئ لفرنسا من سنه واعدني بس هالمره قالي خلاص أخذي إجازة وبنسافر وخذت بس ملاحظة عليه شي غريب كله متنرفز وما يطيق مني كلمه وعلى اقل شي يصرخ على والفترة الاخيرة يرقد فغرفة ثانية حاولت افهم يا لموضوع ما يعطيني فرصة ويعصب علي والطامه الكبرى سمعت هله اليوم يقولون انه بعد بكره مسافر فرنسا مع ربعه:rgewrg: شفتو القهر وللعلم اهو متهاوش معاي من يومين بدون سبب وما يكلمني احترت معاه حارق قلبي ما يفكر فيني ولا في بنته عايش حياة عزوبي انصحووووني اشلون أتصرف لأني قاعدة افكر انطلق وللعلم انه هو عليه حركات خيانه اكثر من مره صدته وينكر الله يأخذ حقي منه

 

[ماتغير شي]

الله يعينج عليه والله قهر


اهو طمع عليج انتي شلتي عنه المسئوليه من البدايه وفوق هذا ساكته ع حقوقج


مادري شنو الحل معاه ياما توقفين وقفه جاده تخلينه يصرف عليج ويتحمل المسئوليه او انج تغيرين فيه شوي شوي لما يتغير كله بس يبيله صبر


الله يسخره لج

 

[شادن33]

لاتستعيلين
قبل لايسافر قوليله بقعد معاك اشوي موطالبه منك الا جم ساعه

كلميه بهدوء وقولي ياولد الناس انا صبرت علي بعدك وصنت نفسي وربيت بنتي وصرفت على بيتي

انتظر ريلي يرجع بشوق ولهفه لي ولبنتي وماتوقعت منك تكون جذي توقعت تعوضني هالسنين !!!!!

ياولد الناس اذا جذي بتكمل معاي حياتك انا ما ارضى علي نفسي ( سفر واهمال وخيانه) لا والله مارضى

شوف لك حل يريحك وريحني وانابنت اصل ولي عزوه وباقيه علي العشره اذا شفت اللي يسرني

وسلااامتك

 

[فراشة الرغد]

تهاوش معاج عشان يسافر عنج ..
تتوقعين ليش يروح دبي والبحرين..
الي اعرفه البح ينيين يروحون دبي للعبة..
وبالبحرين ماشاء الله كل شي مسموح
حتا اليهال يلعبون
حبيبتي وقفيه عند حده مصخها
فوق شينه قوات عينه..
بس بطريقة صح
اتمنى حد يفيدح بالطريقة الصحيحة
والله يعينج على مابلاج

 

[M!SS.LOBY]

الله يهدية ويسخره لج وللبنتج

حاولي احد مسؤول عنج من اهلج يكلمه ويفهمه ان الزواج مسؤولية مو لعب


ويهتم في زوجته وفي بنته .

 

[ام تركي 1]

الموضوع واضح خيانه استغفر الله ما أحط بذمتي بس نومته بروحه غلط أقول هذا شايفه راضيه وساكته يا تكلمينة بطيب ويقتنع يا تأمين اغراضج يمه وقولي لا شبعت من .................. ولعبك الوصخ لنا كلام وربك موجود بشوف شلون تتوفق بحياتك لو ربعك عزابيه انت متزوج شقاصرني ماعجبك شي علمني شي يزيد هالسفرات ومو كل من قلب مسافر دوره تصدقونه الا بأوراق ادعي الله يحنن قلبه عليج ولبنتج ومن اليوم وقفي صرف الا لو لزم للبنتج وهو مسول عنها وخلي كل شي وراج يا يتعدل بطيب أو غصب لوشاريج وفكري بالأمراض اللي بيجيبها لج

 

[Patcholli]

الله يعينج هاذي ضريبة الي يدرس بروحه ويتعود عالغربه بدون مرته ..
حبيبتي لازم تحطين حد للموضوع
باي طريقه
تكلمينه بالتفاهم بالهواش اتدخلين اهلج او اهله اي شي بس لايمصخها ماقعد بالديره ولا جابل بنته ومقزرها سفرات جنه عزوبي ؟

 

[بودي حبيبي]

لازم توقفين وقفه جاده معاهشلتي كل المسؤوليه عنه وصرفتي من معاشج ولايهتم فيكم ليش متزوج؟؟ او بالاصح ليش اسمه زوج؟؟؟
واجهيه وتكلمي معاه بهدووء
وابتعدي عن العصبيه ،، رتبي افكارج وتكلمي معاه قوليله كل شي بخاطرج..
تحملتي سنين دراسته وابتعاده عنكم ،،، وجاء وقته هو يتحمل المسؤوليه
وبالتوفيق

 

[*مطبخ الذواقة*]

واضح انه عجبته حياة العزوبي وما يبي يتحمل مسؤوليه ..عشان جذي قاعد يتصرف معاج بهالطريقه ..يمكن والعلم عند الله يبيج تزعلين عشان ماتسافرين معاه ..


قعدي معاه ..واساليه ليش متغير ..صدقيني حتى لو عصب وتنرفز وصرخ ..ﻻزم يعطيج جواب ...لأن كل الرياييل ممكن تكون العصبيه عندهم والصراخ وسيله الهروب من الاسئله اللي ما يعرفون شلون يجاوبون عليها ..



والله يهديه ان شالله لج ولبنيته .....


ويسخره لكم .....





اللهم اميين

 

[al-musk]

هذا مو مستوعب ان مسؤول عن عايلة ويبيله مجابل وشايف ان انتي قايمه بكل شي فمريح راسه لامسؤوليه ولا شي وفوق شينه قوات عينه منفصل عنج بغرفه .. يبيله حل جذري وقعده وواضحه بس قبلها حددي بتتناقشون بشنو وشنو ممكن توصلون له

الله يعينج مو سهله بس انتي بعد مرة ومحتاجه ريال مو ظل حيطه

 

[دروب البنفسج]

لا حول ولا قوة الا بالله الله يهديه ويسخره لج ويبعد عنكم ربع السوء

 

[في قلب البحرين]

الله يهديه ويسخره لج يارب
عليج بالاستغفار الدائم الصدقه بنيه الهدايه والتوكل على الله وحده
وتكونين متكده ومتيقنه ان الله القادر على هل شي
والله يهديه ان شاءالله
​

 

[marwa2005]

الله يهدي لج ريلح اختي

 

[زوجة عزيز]

يسافر كل هالمده ويتركج انتي وبنتج ولا ماشبع بعد يوم رد تم يسافر من ديره لي ديره ليش تسكتين عنه خلاص دام خلص دراسته ماله اي حق يسافر كل مره وربعه اهو مو مسؤول عنهم انتو اللي بذمته ومسؤولين منه لازم اتوقفينه عند حده علمي عليه اهله او اذا اهم راضيين عن تصرفاته وماردوه عن طريج الغلط علمي احد من اهلج ووقفي له وقفه لا اتسمحين له يلعب عليج هاللعبه ويهدج كل هالمده

 

[امـ خــزامـى]

مع شادن وام تركي

ومايهونون باقي البنات

وضعك ماينسكت عليه ابد

 

[توتة UAE]

قلبي يعوووورني ع هالحالات قههههرررر يا ربي شو هذا !!!
حبيبتي البنات عطوج حلول شوفي الأنسب وسويه بس شي
مــهــــم لازم تعرفينه . . مسؤولية ريلج لا تاخذينها حتى لو
راتبج يكفي بس هذا دور زوجج انه يصرف عليكم مب انتي
هذا من الأسباب ليش اهملكم لانه ماعنده شي يسويه . .
طبعا أنا ماعرف كيف بديتي تصرفين يمكن ريلج شال إيده
ما أقولج غلطانة بس لازم ترمسينه عن هالموضوع ولااازم
هو اللي يصرف عليكم، شوي شوي ان شا الله بيحس بالمسؤولية
ويهتم فيكم من كل النواحي

الله يهدي ويصلح لج زوجج ويبعده عن المعاصي آمين
فديتج تقربي من الله وارضيه عقب ان شا الله كل أمورج
تتصلح

 

[قلب الزعابي]

صدقيني هاييلا ما يفيد معاهم الكلام
ولو تكلمتي وزدتي بيزييييييييد زيادة
والله ماعرف شو اقول
الله يهديه

 

[C U T E]

ووي عورتي قلبــــي , لازم تقعدين معاه وتكلمينه الوضع اللي انتي فيه ماينسكت عليه

انتي زوجتــه ولج حقوق

الله يهدي الامورررر ويهديه

 

[Tom ♥ Jerry]

.


تصرفاته غريبه :/
الله يهديج لج يارب و يستر عليكم

 

[ام الحلوااات]

اللــــه يـــعـــيــنــج ويــهــديــه يــااارب