الحكيمه تدخل عسى الله يجزاها الجنه :(

[مدى.]

مرحبا يمكن اول مره افضفض بمنتدي بس وربي تعبت بنات احس بفراغ موطبيعي مدري شلون ابدأ انا كان عندي رفيجتين انا كنت حيل وياهم وحده سافرت تدرس وبعدها تكلمني من فتره لفتره وثانيه تزوجت صارلها سنتين تغيرت صارت عندي ظروف واحتجتها حبيت بس اشكيلها لما ادق اشكيلها تقطع كلامي وتصكر ولادق تسال ولادقت بس تسولف عن ريلها وصارت تقط علي حجي يجرح مدري هي تقصد ولالا فصرت اتجنبها والله والله مرات اقعد ابجي لين اقول بس احن ادق عليها واشكيلها بس ماكو فايده من بعدهم صرت احس بفراغ حياتي بس دراسه ونوم امل وازهق ماكو اي تغير روتين نفسه لاتقولين اطلعي وروحي انا مو كل ماقدرت اطلع طلعت ادري كلامي مخربط في حجي وايد بقلبي منقهره من روتين حياتي ومن رفيجتي من كل شي
ومن كثر الفراغ صرت اوسوس احس اني انهبلت
انصحوني وعسى ربي يحقق لها للي تبي للي تتصحني من كل قلبها

 

[مدى.]

50 مشاهده ولاوحده كلفت نفسها ترد
علي العموم جزاكم الله خير

 

[مدى.]

50 مشاهده ولاوحده كلفت نفسها ترد
علي العموم جزاكم الله خير

 

[ملهمتة]

شوفي اخر الموضزع لى واحمدى ربك على فراغ ووحده بدون هم ولا ظلم


وبعدين تطورى عن طريق نت تعلمى انجلش فرنسي


اشترى كتب سجلى ب نادي


واهم من كل هدا حافزي على صلاه في وقتها

 

[الـكـايـدة]

شوفي ياروحي انا بقولج شي خليه في بالج ..
اولا الدنيا ماتوقف عليها تغيرت ولا ما تغيرت حق نفسها وماتشوف شر
اللي تسوينه بنفسج غلط و اكبر غلط وشنو يعني اللي خلقها خلق غيرها
بالاخيره اهي اللي بحاجتج واهي اللي اخسرتج مو انتي ..
لاتغثين نفسج و تنقهرين ..
شوفي الدنيا بنظرة حلوة تعرفي على بنات كوني علاقات مع ناس جددة
شخانت الصاحب اذا ماوقف مع صاحبه بعز ضيقه ولا فرحه كفو يكون صديق ؟!!!
ومنو قال ماعندج احد احنا اهني كلنا حواليج نسمعج
عسى الله يشرح صدرج


​

 

[جوك احلى جو]

بعد فترة من الزمن راح تعرفين ان الدنيا ماتوقف علي احد

ودوام الحال من المحال حبيبتي الروتين والفراغ يمر فيه الاغلبيه يعني مو انتي بس بروحج وهذا شي جدا عادي قولي الحمدلله غيرج مريض وغيرج مظلوم وغيرج مهموم بمشاكل الله العالم فيها


استغلي فراغج بالاستغفار والقران يوميا ذكري الله يذكرج خلي مثل الروتين اليومي تخصصين لج ورد ادعيه واستغفار وقراء ة قران وتصدقي يوميا لو بككاو ولا بسكوت حتي المهم مايمر يوم مومتصدقه فيه وشوفي السعادة تييج لي مكانج باذن الله

 

[مدى.]

جزاكم الله الف خير
ملهمته .. الحمدالله .. والله يفرج همج
الكايده .. ربي يشرح صدرج ويرزقج من حيث لاتحتسبين
جوك احلى جو .. مشكوره حبيبتي وربي يجزاج خير

 

[مزيونة الخبر]

مابي اقول قصة حياتي انا متاخرة بزواج ماعندي بنات عم ولاخال ولاصديقات ولازوارات ولاشي حياتي مملة لكن الحمد اللة على كل حال

 

[Pinky -cat]

اي والله من شاف بلاوي غيره هانت عليه بلوته ، حاسه فيج بس ادعي ربج الحياة صعبة مو سهلة وماكو شي سهل باهالدنيا

 

[Attractive]

بقولك شي انا مثلك تماما

لكن الان صرت انتبه لنفسي احاول انبسط اطور من شخصيتي اعمل رياضه صدقيني الريااااااااضه حييل تزيل الاكتئاب وتجلب السعاده خليها صديقتك

قوي علاقتك بربك خلي صلتك معه دايمه هو الصاحب الي مو مثله صاحب

نمي هواياتك واذا ماعندك هوايات خلقي لك هوايات

اقري قران احفظي قران واجتمعي مع الاهل عندهم اطفال العبي معهم واعملبي رياضه معهم واقري لهم قصص واي شي خذي من برائتهم والله اذا صادقتيهم تحسي بالبرائه وقلوبهم اصغيره علميهم الاخلاق الحميده وحفظيهم ادعيه وسور قران كله عائد لك الاجر علميهم صفاء القلوب

وانتي خلي قلبك صاااااااااافي لاتحملي قلبك ابد ع احد

اذا تقدري ادخلي لك دورات او نادي رياضي او تحفيظ منها تستفيدي وتتعرفي

شوفي عيوبك وسلبياتك وحاولي تصححيها وشوفي ايجابياتك وحاولي تنميها
اذا مو واثقه من نفسك قوي ثقتك بنفسك اذا تخافي من شي حاولي تتغلبي من ع هالشي وتثقي بالله أي شي تبي من الله ادعيه

شوفي برامج تثقيفيه من جميع المجالات والله تستفيدي

اهتمي بصحتك واكلي اكلات صحيه
اهتمي بمظهرك واخلاقك من ظفر ردلك الى شعر راسك كله اهتمي فيه ولاتهملي شي فيه
خلي يومك كله مزدحم بحيث ابد ماتفكري في شييييي سيء

أي شخص يقلل من شانك ويضايقك بكل بساطه شيليه من قائمة حياتك لاتماشي الا الاشخاص المتفائلين الخيرين والي يحبوا الخير لك

واحب اقولك صااااادقي نفسك واعرفي كل شي من نفسك بكل تفاصيلها قبل أي شخص

والله رح تحبي نفسك وتعتبريها صديقتك المخلصه الي ابد مارح تخونك اذا وصلتي درجه حب نفسك وقوة علاقتك بها صدقيني حتى لو تركك الناس مارح تتحسري عليهم لانه نفسك اغلى وصدقيني الناس مايحبوا الا ااشخاص الواثقين من نفسهم

لو انك واثقه من نفسك مره صدقيني الناس هي الي رح تلاحقكك وتبي تتعرف عليك

كوني لك هدف ياحلوة ودعواتك ليييييي ياقلبي


وادعي لجميع الناس وادعي لاهلك والي الاساتذه الي درسناك من الحضانه الى لما كبرتي ادعي لاي شخصيه قابلتيها بحياتك ادعي لجميع اعدائك

ادعي لجميع الناس كلهم قبل نفسك ...لان اذا دعيتي لناس الملائكه تقول ولك بالمثل وهم هذا الشي يزيد طيبه قلبك

 

[Lovemealways]

ربي يحفظك يا اختي و اخليك لهلك اصعب شي على الانسان الفراغ و عدم ودود صحبه او اهل يزيد من الفراغ ورسولنا قال بما معناه يحب على الانسان ان يغتنم فراغه
و الحمد لله بهل المنتدى الاكثر من رائع وجدتي صحبه نصائحهم لا تقدر الا بالذهب الله ايوفق كل و حده فيهم

اما انا فاعاني نفس مشكلتك فصديقاتي التهو بالزواج و الدراسه و أهلي بعيدين عني

لهذا انصحك كما نصحك الاخرين بملء فراغك و تقسيم جدولك و اوقاتك بالرياضه الدراسه العمل تعلم شيء جديد و لا تبحثي لمن يملء فراغك انتي املئيه
حطي لك شغلات تبين تحققينها كل سنه و انشاء الله تحققينها

 

[ياهم لدي رب]

صلي قيام الليل وادعي الله يرزقج صحبه صالحه وراح يرزقج ان شاءالله
وعزيزتي باذن الله لما تتزوجين راح تنقدين ع نفسج الصداقه صج شي حلو بس مو اساسي بالحياة مو محور الحياة
الحياة قدامج طويييييييله بتتخرجين وتتوضفين وتتعرفين علا ناس جديده وتنتقلين وتتركينهم وتتعرفين علا غيرهم وتتزوجين ويصيرلج جيران وتغيرون بيتكم.....الخ الحياة ماوقفت علا هالرفيجتين

شوفيلج دورات مفيده حياكة كورشيه او دوكباج او لغه انجليزيه وراح تتعرفين علا ناس ثانين وبالتوفيييييق

 

[دلوله 111]

داومي على الاذكار والقيام وصلاة الضحى
والله يفرج همج يارب

 

[بـ سـ كـ وتـ ة]

حبيبتي لا تزعلين مني

بس يمكن قامت تبتعد عنج لأنج ما ادقين إلا عشان اتشكين واتحلطمين؟

كلامي من واقع تجربة في فترة بحياتي كنت أمر بظروف صعبة ووحدة من رفيجاتي كانت وااااااايد سلبية ومتشائمة

آنا كان اللي فيني مكفيني وهذي الله يهداها بس ادق عشان اتحلطم وتقولي مشاكلها

توصلين مرحلة ما اتحملين خلاص

بصراحة البنت أحبها وايد وأعزها وابتعادي عنها خسارة بس وقتها كان هذا الحل الأنسب

لأن إذا بتسكت لج واهي عندها مشاكل راح يصير واحد من شيين:

يا إما تاخذ وتعطي معاج انتي تشكين واهي تشكي ومشاكلكم تكبر لأن كل وحدة تحشي راس الثانية

يا إما تجاملج وتسمعج وتسكت وتخلي همها في قلبها لأنها ما تحب تشكي

وهذا كان حالي وقتها وبدون مبالغة ... كنت على آخر المكالمة يضيق صدري ونبضاتي تصير سريعة وأحس بضيق نفس

وأقعد أدعي اللهم اكفنيها بما شئت

وأقعد عقبها متنكدة باجي اليوم وأفكر بكلامها لين خلاص خذيت قرار إني أقطع علاقتي فيها فجأة

حاولي تراعين إنها الحين مرة متزوجة وعندها مسئولية وزوجها ما راح يتحملها إذا تنكدت ورا التلفون

ويمكن اهو يقولها اشلج بعوار الراس لا تردين عليها

ولا يمكن اهي تكون بتسوي شي وناطرتج تسكرين التلفون عشان تقوم تخلص شغلها

حاولي تكونين إيجابية وادقين تسئلين وتخلين مكالمتج خفيفة وقصيرة وشوفي ردة فعلها

إذا تمت مثل ما اهي خلاص كرامتج أبدا ما عليج

أما إذا تغيرت وردت نفس قبل عرفي إنها تعزج وايد ومو قادرة تصارحج إنها كانت متضايقة من طبيعة المكالمات

 

[مدى.]

حبيبتي انا مو كل كلامي شكوى هي مره بس للي شكيت لها بس مره شفتها صكت التلفون وماسمعتني بعدها كلش ماقمت اجيب طاري نفسي بالعكس هي للي تتكلم وانا الاسمع كلامها لادقت كله عن نفسها طلع كل للي ف خاطرها زوجي قالي خالتي قالت انا سويت وبعدها لاجيت بسولف عن اشياء عاديه مثل عن دراستي تصكر التلفون انا شكلي جذي بقطع علاقتي لانه صج تعبت منها ومن حركاتها

 

[tolay]

انا كنت نفسج بضبط وللحين عندي هموم وايد

عرفت مشكلتج عدل

انتي عندج فراغ كبير

بس قبل اي شي انتي ليش مضايقه لان رفيجتج تسولف عن زوجها ؟؟؟ سمعيلها !؟ شنو سبب ضيقه بضبط منها ؟

يعني صديقات قله اهل قله او مومحتكه ؟!؟ اهلج مايرضون تطلعين وايد ؟!؟

انا كنت اختنق من هالشي لاني بنت بين شباب كنت احاول استغل وقتي

كنت كله بكويتيات المنتدى وكنت استغل وقتي بالذكر

استغلي وقتج بالذكر صلي قيام ليل حطيلج جدول للذكر وقت لاذكار المساء وصباح وقت لقراءة القرآن وقت لقيام ليل ووقت لزيارات الاهل

تابعي مسلسل

روحي دروس دينيه تعرفي على ناس

اذا كلامي فادج ادعيلي الله يفرج همي ويحقق اللي بالي

 

[tolay]

اذا تبين شي مايردج الا الخاص

 

[tolay]

حبيبتي انا مو كل كلامي شكوى هي مره بس للي شكيت لها بس مره شفتها صكت التلفون وماسمعتني بعدها كلش ماقمت اجيب طاري نفسي بالعكس هي للي تتكلم وانا الاسمع كلامها لادقت كله عن نفسها طلع كل للي ف خاطرها زوجي قالي خالتي قالت انا سويت وبعدها لاجيت بسولف عن اشياء عاديه مثل عن دراستي تصكر التلفون انا شكلي جذي بقطع علاقتي لانه صج تعبت منها ومن حركاتها

حرام تقطعين علاقتج بصديقتج عشان تسولف عن زوجها ولا ماتسمعلج

شوفي يمكن مو قصدها يمكن موحاسه بهالشي او مومستوعبه قوليلها صارحيها

 

[شندوخه]

الدنيا ماتوقف عند احد

بدال الصديقه تعرفي علي عشر

حبيبتي حاولي تدخلين دورات بناء الشخصيه وتطويرها
املي وقت فراغج

دروس دينيه .. دورات .. نادي صحي

 

[مسكته بحلاها~]

شوفي حبيبتي انتي
ادري تحسين بفراغ وملل وزهقه والوقت تحسينه طويل
انا كنت نفسج كنت ابي رفيجه تسمعني واشكي لها واضحك واسولف معها
كانت عندي رفيجه ايام المدرسه كنا حيل مع بعض وكنت اخبها واعتبرها مثل اختي انتقلت
لمدرسه ثانيه ولا قالت لي بتنتقل واقطعت عني ولا حتى تدق ولاشي وصرت بروحي بصف ثامن يعني سنه كامله بالمدرسه
ماعندي رفيجات وكانت ثقتي بنفسي معدومه وانكسرت حيل منها بس على صف تاسع تعرفت ع وحده وصارت كل حياتي وروحي وامي والحمد لله اللع عوضني فيها غيرتني 360 درجه
خلتني احب نفسي علمتني الصح من الغلط وضحكتني ودخلت السعاده لقلبي ولحد يومج هذا احنا اكثر من خوات لو افديها بروحي شويه انا الحين عمري 19 ومتزوجه واهيا بعد
الحمد لله يارب انه رزقني فيها والحين صار هذا الكلام من يومين دشت علي واتساب الي قلت لج عنها الي اتركتني واقطعت علاقتها فيني
دازه لي مشتاقتلج ومدري ايش شعقب ماما وبعد هالسنين توج تتذكرين تسألين .
شوفي حياتي هالزمن مافي ناس صاجه وتحبج من قلب قليل ونادر تلقين
مثل مايقول المثل قلل ناسك يرتاح راسك والي ماعرف قدرج خليه مرده بيعرف
ورفيجتج لو تحبج صج ماتسولف بس عن روحها المفروض تسأل عن اخبارج تواسيج توقف يمج
هاذي ماتعتبر رفيجه وانتي ياقلبي لا تهتمين لاي احد ولا تتضايقين على أشياء تافهه باجر راح تعرفين معنى كلامي هالفتره الي تحسين فيها بملل ماراح تطول
اشغلي نفسج باي هوايه تحبينها صلي وحافظي على الصلاه وربي بيسعدج ولا يخيب ظنج
ااذا عندج خوات قعدي معاهم مافي احلى من الخوات
ادخلي معهد انجليزي
ومابقى شي وتعطلون دشي معهد او تقويه او قران اشغلي وقتح بهالعطله بشي تحسين انج انجزتيه وجاي رمضان
عسى الله يبلغنا اياه انج تختمين القران دووم فكري شتسوين لاخرتج ترا انتي الربحانه وتكسبين رضى الله والله بيرزقج ويسعدج

واسفه طولت عليج بس حبيت اقولج وانصحج
وابي منج دعوه وتقبلي مروري