الحسد والحقد

[ليلو جبريت]

موضوع للنقاش عن الحسد


بعض البشر كالنار يشتعلون من الحقد والحسد وتطال ألسنتهم وشرورهم من حولهم وبلا رحمه ولكن مالا يدركونه أن النار في النهاية تأكل نفسها بنفسها حتى تنطفئ وتخمد وتموت وليس لنا ان نقول ألا موت ياحسود بنارك


اكيد كل وحده منا صادفها شخص حسود وحقود في حياتها فشنو التصرف الامثل لهذا الشخص ، كيف تتصرفين وتتعاملين معاه


هل الحل هو التجاهل ونخليه يموت بناره ولكن قبل مايموت بناره اكيد بطولنا شروره وخصوصا اذا كان شخص قريب منج


فيدوني يابنات :gr4uu:

 

[الكادي 1981]

والله اذا سفهتيه يتمااادااا ويشيييخ عليييج ..... وقفيييه عند حــده

 

[ياليل مااطولك]

مفروض الانسان ليماشي اي مخدل او متشائم او حاقد او حاسد لان هولاء البعد عنهم غنيمة ولايرضيهم الا اذا ذهبت النعمة منك فتجنبهم افضل

 

[الفنانة لؤلؤة]

شوفي حبوبة

ما تقدرين تسوين شي للحاسد أو الحقود >>> تقدرين بس تحصنين روحج وما تختلطين فيه بقدر الإمكان

البشر صاروا اللهم يا كافي،، كلن مبطل حلجه وعينه على غيره

 

[ORKDI]

الحمد الله وشكرا الناس مو الناس الحريم

والاغلب اقصد مو كل بس الاغلب من هالحريم فيهم الشي هذا


مثل يعطيها المسؤال اليوم اف اذا عندها ضروف

بعد فتره تصير ضروف عند زميلتها ... المصيبه تقول ليش معطيج اوف ليش يعني احنا شنو

مو انتي اختي من قبل ليش الحقد والحسد

مثل الصوغه وحده تجيب لج صوغه سنعه وحلو

مشتريه حق نفسه

انتي تجيب لها اخيس شي ما تستاهل مو من زين اللي تجيب

لا والله حلفي


والله اللي تبي تحقد تحقد وتقعد ... تحلطم بروحها تاكل بعمرها

 

[اللهم الجنة]

فى حديث للرسول صلى الله علية وسلم بما معناه
ماخلا جسد من حسد لكن الكريم يخفيه واللئيم يبديه

 

[قطــرات مطــر]

رد : الحسد والحقد

للحسد اقرا المعوذات واذكر ربي واتوكل على الله

الحقد طااااف لانه التعب عليه ياكل روحه مسجين !

 

[monmon12]

آيت قرآنية كثيره تحدثت عن هذه المشكلة

وهي موجوده في أصحاب القلوب المريضة والأرواح الهالكة

الامام علي عليه السلام يقول

عند تظاهر النعم يكثر الحساد


شدة الحقد من شدة الحسد


الحسد داء عيان لا يزول إلا بهلك الحاسد أو موت المحسود

من زرع الإحن (الحقد ) حصد المحن


فلذلك اذا صادفتي انسان حاقد او حاسد الأفضل انج تتحاشين التعامل معاه لأنه ماراح يرتاحله بال وراح يسعي ويبذل كل كل مالديه من جهد وقوه وخطط لزوال هذه النعم منج وفي النهاية الحاسد والحقود سوف يحترق بنار حسده وحقده وغيظه في الدنيا لنه الله حافظج منه وفي الآخره لسوء أعماله

 

[ليلو جبريت]

رد : الحسد والحقد

بنات اشكركم على كلامكم

لكن لو كان هالشخص الحقود شخص ماتقدرين تتحاشنه
ومثل مايقولون يحسد الفقير على موتت الجمعه

ومايخفي كره وحقده لج ومهما حاولتي توقفينه عند حده مافي فايده
وتلاقينه يزيد بحقده وحسده

 

[monmon12]

رد: رد : الحسد والحقد

بنات اشكركم على كلامكم

لكن لو كان هالشخص الحقود شخص ماتقدرين تتحاشنه
ومثل مايقولون يحسد الفقير على موتت الجمعه

ومايخفي كره وحقده لج ومهما حاولتي توقفينه عند حده مافي فايده
وتلاقينه يزيد بحقده وحسده

ماكو الا رب العالمين ايهو الوحيد القادر على الناس

والصبر حبوبة الصبر كله بعين الله

 

[Flower20]

رد : الحسد والحقد

الحسد والحقد موجود استغفر الله حتى بالمنتديات
وحدة ما تعرفج ولا تعرفينها وتحقد عليج لنقص في نفسها
والطامة الاكبر لما قرايبج اللي من لحمج ودمج يحسدونج

لكن ما اقول الا الصراخ على قدر الالم
والتطنيش احسن شي لهالناس يزيد نارهم وتلاقينهم يتحلطمون بروحهم ومحد محاجيهم
بإختصار طنشي واصبري عليهم
اصبر على كيد الحسود *** فإنّ صبرك قاتله كالنّار تأكل بعضها *** إن لم تجد ما تأكله

 

[FeShinGoOo]

رد : الحسد والحقد

اتصدقين في ناس من كثر ماعينهم حاره اتجنب الجمعه وياهم حتى لو كانت مناسبه مهمه بس ادري انهم بيحظرون اكنسل الروحه واقعد بالبيت
العين حقد وفي حديث مو حافظته بس معناه ان لو اطلعنا على اهل القبور لشفنا ان اغلبهم ماتو من الحسد والعين . وهالامراض المنتشره السرطان وغيره وايد شيوخ حذروا ان بعض الامراض سببها العين خصوصا مرض السرطان الواحد صار يخاف يكشخ او يبين نعمه للناس او حتى لو يبين انه عايش مرتاح على قده يحسدونه ..
احسن شي اتجنبي الروحه اذا هالشخص موجود واذا لابد انج تروحين اقري على عمرج وحصني روحج بالاذكار واذا اجتمعتي وياه حاولي تشربين او تاكلين من وراه لانه يبطل العين

 

[جوك احلى جو]

التجااااااااااااااااااااااااااااااااااااااااااااااااهل

الا في حالة ان يغلط عليج علني هنيه توقفينه عند حده وممكن توصلين رايج فيه عن طريق سرد سالفه عن شخص وتعقبين ع السالفه من منظورج وبجذي توصل الرساله مع طراق لوووووووووول

 

[ليلو جبريت]

رد : الحسد والحقد

فديت روحكم بنات والله كلامكم مثل العسل على قلبي
انا استخدم اسلوب التجاهل دائما الا ساعات انفجر في الويه
وتتعب اعصابي لكن اطنش وصح في النهاية الاقي الحسود ميت من القهر وياكل في عمره وانا مطنشه
الحمدالله على كل حال

جوك احلى جو
حلوه اوصل السالفه مع طراق
حبيتها

 

[كيكه توفي]

أحصن نفسي وأعطيهم طاف

 

[KOKO_284I]

رد : الحسد والحقد

للاسف عايشين حولنا وحوالينا بس بالمعوذات الله حافضنا

 

[الحبوبه الطيوبه]

لو الله يفكنا من الحقد والحسد جان إحنا بخير والحل مع الأشكال هذولا اسحب عليهم وصل لهم خبر ان إحنا مانبيهم ولانبي عشرتهم وشبعنا منهم حسبي الله عليهم

 

[*امووونه*]

رد : الحسد والحقد

الحسد والحقد موجود استغفر الله حتى بالمنتديات
وحدة ما تعرفج ولا تعرفينها وتحقد عليج لنقص في نفسها
والطامة الاكبر لما قرايبج اللي من لحمج ودمج يحسدونج

لكن ما اقول الا الصراخ على قدر الالم
والتطنيش احسن شي لهالناس يزيد نارهم وتلاقينهم يتحلطمون بروحهم ومحد محاجيهم
بإختصار طنشي واصبري عليهم
اصبر على كيد الحسود *** فإنّ صبرك قاتله كالنّار تأكل بعضها *** إن لم تجد ما تأكله

معاها بكل كلمة قالتلها حتي بالمنتدي في حقد وحسدعليج وانتي بالاساس ما تعرفينها ولا كلمتيها :eh_s(14):

حتي القريب اللي من لحمج ودمج حاقد وحاسدج :eh_s(14):

 

[ليلو جبريت]

رد : الحسد والحقد

:0bee2e8d89:

صح معليش الحسد نقدر نقراء المعوذات
لكن الحقد وخصوصا لما تشوفينه في عيون حد من الناس مع ان مافيج شيء وااو او يميزج
لكن تحسينه من نظرته ومن نبرة صوته
ومو معاج بس معا الكل وتشوفينه يطالع الي في يد غيره وينسى الي عنده
ماتقدرين تقولين الا الله يهديه

 

[المتفائله25]

الحل وباختصار ولا كان ربى خلقه


طااف اللهم الا السلام وصله الرحم والحدود والرسميه والسفه واكيدفى ناس حاقدين وعلى فكره ياكثرهم امراض النفوس زادت مع قلة الايمان والابتعاد عن الطاعه