الثلج والحامل

[زينانه]

بنات انا منهبله على الثلج وقالولي مو زين على البيبي

صج ؟ الله يخليكم اللي عندها معلومه تقولي

واي نفسي بالضبط
بس انشالله مايضر
ياحلو الثلج.....................والعصير المثلج

 

[glow 'n' show]

لثلج عادي .. انا و انا حامل 24 ساعه اكل ثلج و الحمدلله البيبي مافيه شي

 

[^fajoOra]

عذوره انا امي كانت تاكل الثلج مثل الحلاو طوووووووول اليوم و بالعكس اخوي الي كلت ثلج و اهي حامل فيه جننه البخت احلى واحد فينا ماشاء الله وولدته طبيعي و من احسن مايكووووووووووووون لاتحاتين هم انا صايره اموت عالاشياء المثلجه بس ما اكل قوالب ثلج لا بس اشياء بارده ايس كريم عصاير جذي اتوقع من الحمال لانج كلا تحسين انج حرانه

 

[^-^قطــــــوه^-^]

والله حبوبه انا كان دكتوري يقولي اكلي برد وثلج على كيف كيفج
وكثري منه قد ماتقدرين وانت اسألي دكتورج

 

[توت عنكبوت]

انا كل وحامي كان الثلج آكله بالهبل والحمد لله ولدت وطبيعي وهذي كلها سوالف حريم

بس يقولون يطلع المولود ابيض بس ولدي طلع مو حيل ابيض

 

[صاحبة السمو]

انا بكل عيالي لازم اكل ثلج ولا يصير فيني شي حتى بالبرد واحب ريحة الطين وكلش مايضر بس يقولون كثرته يسوي فقر دم

 

[كويتيه سمبتيك]

انا نفسج حبيبتي احب اشرب ماي متروس ثلج فيه وعادي
كل مره بالحمل احب الثلج بس عادي

 

[بيضاء الثلج]

حياتي ماأعتقد إنه الثلج يضر هالأيام كلشي صار عند الناس موزين حجيهم وايد

 

[dnyay_mll]

شدعوه ترا مايأثر
انا اكل ثلج عادي

 

[عــاشــقــة الــذووق]

عاد الناس مابقى شي مامنعوه على الحامل اكلي ولايهمج بس كل شي لازم تاكلينه بحذر يعني لاتكثرين غلاي

 

[فنر 2009]

تأثير على شعر البيبي يطلع شعره خفيف حيل أو أصلع.

عن تجربة بعيالي كلهم .