الترديد

[عيون ملكيه]

والله اغراء هههههههه تدليك و مساج و دجاجه محشيه ما يصير اجيبها الحين ! ترا والله صج اسأل ٱ‏​نـِْ♡̨̐ـِْا اجهضت مره وحده قبل ٤ شهور يصير اجيبها عقب الدوره بيوم ؟؟؟

دقي عليها و سأليها
واذا عليج الدوره ساليها متى تقدر اتييج

على الاقل ترتاحين

انا اول مره تعورت و حصل لي اجهاض
ما سويت ترديد
اغلب البنات بالمنتدى قالو ما تحتاجين و ليش و شحقه

انتي سأليها يمكن تفيدج و على قولتج دلع :rerrerek:

 

[Aloe Vera]

الترديد للوالدة مو مهم و لا ظروري

وايد ناس ما سوو و مافيهم الا العافية

و ديري بالج لا تتكشفين جدام مرا غريبة

بس اذا حابة تسوين ترديد ليش لا

 

[om sa3d]

اب
اب
اب

وينكم بنات خل نستفيييد من بعض

 

[لياحه بنت لواح]

اب
اب
اب
نبي تجااارب

 

[om sa3d]

بنات انا اعرف رداده صينية وانا مجربتها وبعدين نصحت مرت حماي ورفيجتي والحمدلله ثنتينهم قالولي اللي كنت متوقعته عجيبه اتهبل لاقصى الحدود واذا فيج هوا اتطلعا بثلاث ايام والجلسه الوحده اب 13 دك واذا اتحسين ابعوار في ظهرج عندها لزقه وهم عندها تحاميل اتنظف وحده ابوحده تستخدم بعد الجماع طبعا مو حق الحوامل وعادي تستخدم بعد كل دوره والله يابنات اني ما ابالغ لمن اقول ان ايدها سحريه مشاء الله عليها موهوبه ابمعنى الكلمه اللي نبي رقمها ترسلي عالخاص

لو ماعليج امر ممكن تحطين الرقم لنا نستفيد كلنا لان انا مايصير اطرش خاص واللي تقدر اطرش خاص خل اطرش لمحتاره بدنيتي وتعطينا الرقم هنيه لان على وشك ولاده وعجبتني فكرة الرداده الصينيه

 

[حبيبة عز]

أنا جربت الترديد

عند ام اسد بولادتي الاولى

وللاسف الحين ولدت ودقيت عليها وقالتلي بطلت تردد

بالنسبة لتجربتي مع ام اسد

انصح كل والدة تسوي ترديد

واللي تقول ان الترديد خرابيط

ماعندها سالفه

اللي استفدته من الترديد

جسمي كان كله ماي وهوا ومنتفخ وبعد الترديد فش جسمي وضعفت

وعظامي كانت مفججه وتعورني وراح كل العوار

الاعشاب اللي بخرتني فيها خلتني طول اليوم احس شي ينزل

ولما قعدت الصبح لقيته ماي نازل

وبالنسبة للديايه والعصيده ما اكلتهم لاني ماحب الاعشاب

بس هي مجرد اكل فيه اعشاب يرد صحة الوالدة مو اكثر

والحين خذت موعد من ام علي وبس اجربها اقولكم عن تجربتي