التجمع الثاني .. مسافرات امريكا 2009 ... حياكم

[اغلى من الغلا]

الله كريم يالجوري,

 

[اغلى من الغلا]

ساسم الحمدلله على سلامة وان شاء الله يصير نظرج 6\6


بناااات
يقولون المرض زاد صج ولا لا ؟؟
ابوي شووي بدا يخاف وخايفه لا يكنسل السفره
وانا اقنعه بكلام مشمشه كل ما كتبت شي رحت قتله شووف كاهي هناك وما عليهم شي الحمدلله
لووول

اغلى من الغلا
ضيقتي خلقي جني انا المكنسله لوول
جان اجلتيها بس تكنسلينها مره وحده حراام

والله مرت ريلها شلون ااجلها والمرض قاعد يزيد شلون؟؟؟؟

 

[semaasem]

والله حده ضايق خلقي كنت حاطة ابالي وايد اشياء كلها تكنسلت انا الحين كنسلت السفرة مرة وحدة واذا هدت الاوضاع من ناحية المرض ان شالله نسافر بس على الاقل نكون مطمنين يقولون المرض راح يقضي على نص سكان العالم يعني شي خطر وانا اخوي بامريكا خايف يرد الكويت من الطيارة يمكن يكون فيها حالات والله يستر.وانا سفرتي عقب باجر واليوم جريدة الوطن خرعتني ولازم اقرر اليوم اذا راح اسافر ولا اكنسل؟؟؟؟؟وانا قررت اكنسل والله كريم.:eh_s(1): استسلمت

وييييييييييي شدعوه مالج شغل بكلام الاعلام والجرايد همه دايما جذي يهولون الموضوع

شوفي اذا انتي مو مرتاحة من السفرة زين تسوين ماتسوى عليج ولا انج تروحين هناك توسوسين وحالتج حاله ماراح تستانسين

بس شدعوه راح يقضي على نص سكان العالم اسم الله علينا ترى حاله حال الانفلونزا العادية وله علاج وروحي بحثي ودوري

بس مو تاخذين الاخبار من الجرايد اخذيها من مصادر موثوقه ان اللي ماتوا مو من المرض نفسه لا كان فيهم امراض ثانية..

عالعموم نصيحتي الاخيرة لج انج تستخيرين وشوفي اللي ترتاحين له وتوكلي على الله بس شكلج معزمه على التكنسل

يالله الله يعوضج انشالله بالسفرة اللي تتمنينها وتفائلي

 

[المستبــده]

اغلى من الغلا
الاخبار تقوول انه يزيد بس شووفي الي هناك مثل مشمشه تقول ماكوو شي الخوف بس من الطياره
والله يحمينا ان شاء الله
واللي الله كاتبه لنا بصيررر حتى لو بديرتناا

 

[semaasem]

مرت ريلها

مشكورة والله يسمع منج يارب

الجوري

مشكورة بس أبي اشوف كل شي كل شي مابي شي يطوفني لوووول

 

[alze38]

اشلونكم بنات

"قل لن يصيبنا الا ما كتب الله لنا"

شفيكم خايفين لا تسمعون الاشاعات

وزيرالصحة نفسه ومنظمة الصحة تقول المرض مو خطير

ولا بعد الانفلونزا العادية اخطر

مرت ريلها انتي معانا على القطرية شنو خط سير رحلتكم؟

 

[alze38]

ايه بعد نسيت

الحمدالله على السلامة سماسم وان شاء العملية ناجحة 100%

 

[اغلى من الغلا]

والله لما كنسلت احس اني ارتحت جنه هم وانزاح بس ضايق خلقي شوية وان شالله نروح اذا استقرت الامور المشكلة مازاد المرض الا قبل سفرتي بيومين.

 

[المستبــده]

alze38
احنا ان شاء الله نطير بتاريخ 7\7 كويت قطر نيويورك اورلاندو نقعد فيهاا 15 يووم ان شاء الله وبعدها بنروح كاليفونيا 15 يووم بذن اللــه
وتالي نرجع نيويوورك عشان نرجع الكويت ان شاء الله
انتي شلون رحلتج

 

[اغلى من الغلا]

اغلى من الغلا
الاخبار تقوول انه يزيد بس شووفي الي هناك مثل مشمشه تقول ماكوو شي الخوف بس من الطياره
والله يحمينا ان شاء الله
واللي الله كاتبه لنا بصيررر حتى لو بديرتناا

الخوف بس من الطيارة لان اذا واحد معاكم بنفس الطيارة فيه المرض ممكن ان كل اللي بالطيارة يعاديهم.

 

[المستبــده]

ان شاء الله تكوون خيره لكم يالغلا

 

[المستبــده]

نفس كلام ابوي يقول لو واحد بس فيه المرض يصير بكل اللي بالطيااره
بس انا حاطه ببالي انه ممكن يصير فينا واحنا هني بديرتنا واللي الله كاتبه لنا بصيرر
المهم نروح ونستانس

يالله عن اذنكم انا راح اطلع ولي رجعه الفير ان شاء الله

 

[cat_q8]

أغلا من الغلا شلون كنسلتي ؟؟؟؟؟؟؟؟؟؟؟؟
انتي على اي طيران؟؟؟؟؟
ردولج فلوسج ولا لأ؟؟؟؟؟؟؟؟؟؟؟؟؟

 

[اغلى من الغلا]

أغلا من الغلا شلون كنسلتي ؟؟؟؟؟؟؟؟؟؟؟؟
انتي على اي طيران؟؟؟؟؟
ردولج فلوسج ولا لأ؟؟؟؟؟؟؟؟؟؟؟؟؟

انا حاجزة من الانترنت على دلتا وكلمنه مكتب دلتا اللي بالكويت وقالولنا نرد فلوسكم بعد 3اسابيع .

 

[منورة الكويتية]

هاي بنات شخباركم ماكو غيركم راح يساعدني بليز ابي الحل سمعوا انا امس ييت من مصر كنت رايحة مصر شهر دراسة وعيالي بالكويت وسفرتي حق امريكا عقب باجر وراح اخذ ولدي عمره 5سنين بس المشكلة بنتي عمرها سنة ونص موشايفتها شهر كامل والحين شلون راح افارقها سفرتي حق امريكا شهر ريلي يقول خل نكسل السفرة لحقوني شسوي المشكلة مومسويتلها فيزا مافي وقت عقب باجر سفرتي وبنتي مشتاقتلها شلون اخليها شهر ثاني اكنسل سفرتي ولاشلون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سفرتي عقب باجر واعلن رسميا اني كنسلت السفرة.

زين تسوووين بصراحة صعبه مفارقه بنتج كل هالفترة وبعد تهدينها شهر قويية!!
كان المفروض يا تأخرين السفرة يا تاخذين بنتج معاج بس قدر الله وماشاء فعل
وان شاءالله خيرة

مســــــــــــــــــــــــــــــاء الخيـــــــــــــــــــــــــــــــر


شلونكم بنات شخباركم


انا سويت عملية بعيني اليسار بعيد عنكم كلكم انشالله وعلشان جذي غطيت


والحين انا قاعدة اشوف بعين وحدة علشان جذي عذروني اذا في اي بدلية المفروض اني ما اجابل اللاب توب بس ياربي ماقدر بس مليت

وبالنسبة للعملية ادعولي بنات انها تكون ناجحه ويرد لي نظري سليم الله لا يحرمكم من نعمة العين انا قلت اسويها الحين علشان اذا رحت هناك

اقدر اتمتع بالمناظر اللي طول عمري احلم فيها...باجر مراجعتي وانشالله خير


والله يا بنات ولهت عليكم كلكم ونظرا لظروفي الصحية تم توقيف البحث والتنقيب بأمور السفرة...انتوا شلونكم وشنو آخر تطوراتكم؟؟


وشنو اهم الامور اللي طافتني؟؟

بعد قلبي سماسم ماتشوووفين شررر
طمنينا عليج
شلونج الحين
ولاتاذين عيونج بالاب توب ريحي
الزم ماعلى الواحد صحته
اجر وعافية

اشلونكم بنات

"قل ما يصيبنا الا ما كتب الله لنا"

شفيكم خايفين لا تسمعون الاشاعات

وزيرالصحة نفسه ومنظمة الصحة تقول المرض مو خطير

ولا بعد الانفلونزا العادية اخطر

مرت ريلها انتي معانا على القطرية شنو خط سير رحلتكم؟

حبووبه صلحي الايه ترى غلط
"قل لن يصيبنا الا ماكتب الله لنا"

وكلامج صحيح

 

[cat_q8]

في احد ناوي ينكسل بعد؟؟

 

[اغلى من الغلا]

اي والله يامنورة حدها قوية وعلى فكرة اسم بنتي منورة هههههههههههه.

 

[اغلى من الغلا]

في احد ناوي ينكسل بعد؟؟

موالحين يكنسلون صدقيني قبل السفرة بجم يوم وزادت الحالات راح يكنسلون نفس حالتي كنت متحمسة وموخايفة عادي الوضع عندي بس قبل السفرة ب48 ساعة كل شي تغير ههههههههههههههههه.

 

[alze38]

منورة يعطيج العافية صلحت الآيه :tek:

مرت ريلها احنا رحلتنا ان شاء الله

كويت قطر هيوستن نقعد اسبوعين بعدين كالفورنيا بعدين نرد هيوستن قطر كويت

 

[اغلى من الغلا]

بنات شوفوا الاخبار س 12 يقولون ارتفعت الحالات اللي بالكويت اللي يايين من امريكا