الي ينذاع غلط انا معاج فيه من كليبات وغيره بس وين العقل خالتي ؟؟
انا مو بنت هالجيل؟؟ وانا ترى عاايشه سني بالطول والعرض يعني مو من النوع الي يعني
ما ادري بالدينا ، اشوف كليبات واشوف افلام واروح واطلع واسوي الي ابي وعندي حريه
بس عندي عقل العيب مو في الكليبات والافلام العيب فينا احنا الواحد الي هو اساسا ضعيف بتاثر
فيه هالاشيا اما بالنسبه اذا كنتي تقصدين الشباب لما يشوفون هالبنات الي بالكليبات وهالايحائات بالتالي
لما يطلع يشوف بنت بالشارع لا ارديا يشوفها بنفس النظرة هذا انا موضوع ما اقدر اتكلم فيه بحكم
اني بنت بس عموما معروفه الشباب تفكيرهم دايم في موضوع واحد وبس وانتو عارفينه ويمكن هالكليبات تزيد
هالغريزه الي عنده بس ارجع واقول في عقل يعني ممكن احمل الاعلام هذا اذا بحمله بحمله 20% بس
80% احنا عقلنا تفكيرنا عاداتنا تقاليدنا يعني الحين اهله قعدو يربون فيه 18 سنه على العادت والدين
والتقاليد وغيره واييي كليب مايتعدى ال 6 دقايق يهدم ال 18 سنه تربيه وتقولين لي الكليب هو
السبب انا بقول لج لا هو الي فيه مشكله هو الي ضعيف حتى لو كان عددهم كثير المشكله فيهم
مو في الكليبات والافلام والمشاهد الجنسيه وغيره ...
انا بالنسبه لي مافي اسباب انا عندي كل واحد مسؤول عن تصرفاته انا ما احمل احد اللوم انا احمل
صاحب الغلط اللوم الي انحرف هو يبي ينحرف ما احط اللوم على اي احد ثاني طبعا باستثناء
الحلات الشاذه الي يعني ماعنده اهل ولا تربي ولا عنده تاسيس صح هذا ضحيه خليه على صوب
اانا اتكلم عن الناس الي اهلهم ربوهم وماقصرو عليهم هو يتحمل المسؤوليه هو عقله براسه وهو اختار
الطريج .....
