التجمع الثاني للاربعينياااات طوَل الله بعمرنا مع<<فوفو22 حياكم

[مباركيه]

مباركيه انا ما اسهر الا قليل شخبار السهر

هذه قعدتي من صلاه الفير

انتي شنو اتسوين الحين انا بطلع مع صديقتي نروح نتريق بعدين بنشتري حق اعيالنا ملابس حرام الجو بارد انا امفتحه الدريشه والهواء بارد

بس حلو

يا حليلج أنتي مثلي هذي قعدتي من الفير:eh_s(6): أودي ولدي المدرسة وأرجع البيت 00لوما بنتي نفسه جان أنا وين تلقيني الحين :dddds:

ياريوق مع صديقاتي والا بنات عماتي والا بالمهلب أتمشى :ada:

 

[بشوره الكويت]

استودعكم الله الذي لا تضيع ودائعه

 

[مباركيه]

الله يحفظج

 

[مباركيه]

من غير شر يا ربع الديوانية00وينكم عسى المانع خير

ان شاء الله يكون الجو الحلو ماخذكم من الديوانية

عليكم بالعافية000

 

[omawrad]

يصبحج بالخير مباركية اشلونج حبوبة واخبارج والله شغلت الجهاز وانشغلت اشوي حبوبه اشلون امورج واحفادج ان شاء الله تمام وحبوبتج بنيتج ان شاء الله احسن الحين ، هممت وينج شخبارج ومشكورة على الدعوة بعد صلاة الفجر اوصلت ان شاء الله حياتي والله قعدت على المسج وقلبي منشرح من دعوتج لي يارب ولج الاكثر
شهودة وينج اليوم مالج حس
كنوفه صباح الخير
بشورة الكويت شخبارج
مهرة يصبحج بالخيرات
غلاتي حبوبه شدي حيلك اشوي الامتحانات والله يوفقج ويبلغ اهلج فيج يارب
نونا شلونج وبنت المنصور شخبارج
عيون دبي اذا تكونون صايمة اليوم الله يتقبل منج صالح الاعمال ياررب
والباجين كلهم ندور وفوفو وملوحة والنجوم من زمان عنكم ولهت عليكم وايد وناسة ما ودي انسى احد من معزتي لكم كلكم فردا فردا

 

[مباركيه]

هلا بهاصباح شلونج والله قعدت أحاتيج00أقول عسى عوار الراس ما رد عليها

شخبارج00تعودت أول ما أدخل الديوانية أشوفج أنتي وشهودة واليوم مالقيت الا بشورة

 

[omawrad]

هلا وغلا حياتي اتعرفين يبون ينزلون رواتبا مبجر واحنا قطاع خاص مو حكومة فمسوين ربكة اشوي عندنا على الرواتب اللي مو في الادارة وقاعدين انخلص الموضوع وخلصته امس بس اليوم نسيت واحد فاظطريت اني اعطي من عندي لين اهو اييب اللي عليه والمحاسبة ما شاء الله عندنا شغلها وايد فتو يلا خلصت اشولن لجون ولولو ان شاء الله طيبين والاهم انتي شلونج شنو عديتيها علينا مكالمة يعني بس مرة وحدة وما رديتي اتصلتي انا اخجل اخاف تكونين مشغولة اني ادق عليج

 

[الشهد كله]

صباحووووووووووووووووووووو​

:nbvppw::nbvppw::nbvppw::nbvppw::nbvppw:

 

[omawrad]

وكوكو ولي مشاعر و بقلاوة وبقايا جسد سامحوني ما بي انسى احد وان شالله ما نسيت احد يصبحكم بالخيراات والجو الحلو عجوز نجد نسيت النك نام اليديد قصيدة عمري ...؟؟؟؟ نسيته يصبحج بالخيرات

 

[omawrad]

هلا شهودة اشلونج وتقاريرج ان شالله خلصتيهم

 

[الشهد كله]

هلا شهودة اشلونج وتقاريرج ان شالله خلصتيهم

هلا فيج يا الغلا


تصدقين ذكرتيني فيهم :dddds::dddds::dddds: بقعد أشتغل عليهم :0bee2e8d89:​

 

[مباركيه]

لجونة واللولو بخير الله يسلمج 00وبالنسبة للمكالمة والله أنا هالايام لاهية ولا أقدر أمسك التليفون 00سامحيني والا والله ماني ناسيتج ولا ناسية أحد فيكم 00وتشوفيني الوقت اللي أفضي فيه أدخل على طول عندكم أسلم وأسولف شوية وأطلع

يمكن ساعات تشوفوني صافطة تحت بس ماني موجودة أنا أخلي الجهاز مفتوح وأروح أسوي شغلي وأرجع لكم000

 

[مباركيه]

[b ] صباح الفل يا شهودة عسى ماشر تأخرتي اليوم[ /b]


اي والله أشتغلي عليهم ولا ندورة والنجوم طولوا بغيبتهم00عسى المانع خير

 

[omawrad]

يلا شهودة الله يقويج واحنا بالخدمة اذا تبين مساعدة
مباركية مسموحة حبوبه والله وكل له مشاغله

 

[الشهد كله]

للأمانة ندورة تسلم عليكم واحدة واحدة ، وهي مريضة أمس كلتني .........


واليوم من الصبح كان عندي استدعاء حق مدرسة ولدي الكبير ، صارت هوشة بينه وبين صبيان بالمدرسة


والمديرة مستدعية كل أولياء الأمور اليوم الصبح !!!!!!!!!


اشدعوا خرعتونا كلها أقلام وغازينها بعين ولدي اشصاير عفستونا :dddds::dddds::dddds::dddds:​

 

[omawrad]

لا من صجج شهودة معورين ولدج .. ؟؟

 

[مباركيه]

ماتشوف شر ندورة 00ألف لاباس عليها :eh_s(7):

وخطاه السو وليدج عساه ماتعور 000حسبي الله على ابليسج غازين عين ولدج اسم الله عليه باقلام وتضحكين:eh_s(10):

 

[omawrad]

ما يشوف شر شهووودة حياتي ان شاء الله عواره مو جايد الله يحميهم هالشباب

 

[omawrad]

ندوووووووووووووووووووووووووووور سلامات يالغــــــــــــــــــلا

 

[الشهد كله]

الله يسلمكم


أهو كانت عينه وارمة أمس العصر بس لما نام وقعد اليوم الصبح فشت ...........


ترى حتى أهو مو مقصر كاسر صبع واحد منهم :krkrkr::krkrkr::krkrkr::krkrkr::krkrkr:


يعني آنا أذبح ولدي عشان مشاغب بالمدرسة


آنا كنت مثله بالضبط مشاغبة بس من الأوائل :dddds::dddds::dddds:​